سؤال الى محترفى الماكس

[AMR ALI]

السلام عليكم ورحمة الله وبركاته :

سؤال صغير يا جماعة الى محترفى الثرى دى ماكس

انا دلوقتى هحدث جهازى هغيره يعنى ممكن نصيحة حد يقولى ايه هى الامكانيات اللى تكون فى الجهاز علشان اخرج عليه اعمال الماكس بسهولة صور وفيديو

يعنى نوع البورده اجيبه ايه

ومساحة الهارد

والرامات كام

والبروسيسور المعالج كام

وكارت الشاشة



وجزاكم الله خيرا




انا مبتدئ فى الماكس وناوى الاحتراف ان شاء الله

[hamaney]

والله يااخي سؤال تعتمد اجابته علي المبلغ المتوفر

فاذكر كم المبلغ او تقريبا واقولك علي اقرب مواصفات للسعر امتاعك

[AMR ALI]

والله يااخي سؤال تعتمد اجابته علي المبلغ المتوفر

فاذكر كم المبلغ او تقريبا واقولك علي اقرب مواصفات للسعر امتاعك

الحمد لله المبلغ المتوفر كبير والحمد لله المهم المواصفات المثاليه يعنى معاك لحد 3000 جنيه طبعا دا بالنسبه للحاجات اللى انا ذكرتها اللى هى الهارد والرمات والبوردة و ............

المهم حد يقولى المواصفات المطلوبه علشان الماكس يخرج اعمال ممتازة ( صور و فيديو ) و فى وقت مناسب وشكرا اخى hamaney

[hogobingo]

بص يا عمرو انا عايز اقولك شويه حاجات مهمه
3000 جنيه مش نهايه احهزه الجرافيك دى بدايه اجهزه الجرافيك يعنى لو معاك 20000 ممكن تجيب بيهم جهاز كويس برضوا ده بيختلف من جهاز لجهاز ومن متطلبات لأخرى

لكن 3000 دول يجيبوا جهاز كويس جدا للتعلم عليه ... اما عن مكوناته فانا بقالى فتره مش مهتم بالموضوع وقدرش افيدك قوى لأدبسك لأن الموضوع ده محتاج واحد فى السوق دائما وده لأن الموضوع بالنسبه لمصر مش مجرد انواع كويسه ولا لأ ولكن فيه انواع كويسه بس يا اما مضروبه او صينى وهكذا انت محتاج واحد ايده فى السوق بإستمرار

بس انا حابب ابصرك اكتر بالموضوع علشان متقعش وقعه تخليك بدلا من ان تشغل نفسك بالتقدم هتشغل بالك بالجهاز ومشاكله ... طبعا كده كده الأجهزه كلها مع برامج الجرافيك بتيقى زفت فمهياش ناقصه تتزفت اكتر

وربنا يوفقك بالجهاز المناسب يا رب