موضوع: قصه حياه ميزو-شاب عاوز يتجوز-

ردود: 11 | زيارات: 1593
  1. #1
    م.احمد منسي
    صور رمزية mansy1985
    تاريخ التسجيل
    Mar 2006
    المنطقة
    مصر-بورسعيد-الامارات العربيه المتحده-ابو ظبي
    العمر
    32
    ردود
    2,260

    قصه حياه ميزو-شاب عاوز يتجوز-

    ميزو تتجوزيني ؟

    سمسمه ـ أفندم ؟

    ميزو ـ بقولك تتجوزيني ؟

    سمسمه ـ !!!!!

    ميزو ـ تتجوزيني ؟

    سمسمه ـ لا !

    ميزو ـ ليه ؟

    سمسمه ـ بصراحة كدة شكلك مش عاجبني ..

    ميزو ـ إزاي يعني ؟

    سمسمه ـ يعني .. أصل أنا ليا مواصفات معينة لفارس أحلامي .

    ميزو ـ مواصفات معينة ؟ .. هو انتي هتتجوزي عربية ؟

    سمسمه ـ لا ! .. بصراحة كدة .. إنت مش فارس أحلامي اللي باتمناه !





    *****



    ميزو ـ تتجوزيني ؟

    سمسمه ـ إيه ده ؟ شكلك اتغير !

    ميزو ـ إيه رأيك ؟

    سمسمه ـ واو .. شعرك بقة ناعم ! .. دي باروكة ؟

    ميزو ـ أيوة

    سمسمه ـ ودي عدسات خضراء ؟

    ميزو ـ أيوة

    سمسمه ـ واو ! .. بس بجد .. بقيت وسيم .. واو ! ده انت بقيت شبه نيكولاس كيج !

    ميزو ـ مين عباس كيج ده ؟

    سمسمه ـ عباس ؟!! ياي .. إيه عباس دي ؟ اسمه نيكولاس ..

    ميزو ـ مين نيكولاس ده ؟

    سمسمه ـ بقة مالكشي في السيما وجاي تكلمني ؟ .. ياي !





    *****



    ميزو ـ تتجوزيني ؟

    سمسمه ـ انت لسة ليك عين تكلمني ؟

    ميزو ـ أيوة .. أنا عرفت مين بنكرياس كيج ده

    سمسمه ـ أولاً : اسمه نيكولاس كيج ..

    ميزو ـ أيوة أيوة .. كنت هاقول اسمه صح .. بس اختصرته .. ده ممثل

    سمسمه ـ ممثل إيه ؟

    ميزو ـ ممثل أمريكاوي

    سمسمه ـ أمريكاوي ؟! .. إخّييي ! .. اسمه أميريكان يا بابا .. ما تبقاش

    دونكي

    ميزو ـ دونكي دي تبقى شتيمة ؟

    سمسمه ـ أوف كورس





    *****



    ميزو ـ تتجوزيني ؟

    سمسمه ـ عندك عربية موديل كام ؟

    ميزو ـ موديل دي تبقى شتيمة ؟





    *****



    ميزو ـ تتجوزيني ؟

    سمسمه ـ قوللي الأول .. حاطط أنهي نغمة في الموبايل بتاعك ؟

    ميزو ـ نغمة دي تبقى شتيمة ؟





    *****



    ميزو ـ تتجوزيني ؟

    سمسمه ـ ما قلتليش .. إنت بتشتغل إيه ؟

    ميزو ـ أنا -بلا فخر- عاطل

    سمسمه ـ عاطل ؟ .. ياي ! ..

    ميزو ـ مش أحسن من اللي ما بيشتغلش ؟

    سمسمه ـ لا

    ميزو ـ يعني مش هتتجوزيني ؟

    سمسمه ـ لا يا ميزو

    ميزو ـ كدة أنا أزعل

    سمسمه ـ ما تزعلش يا بابا .. خليك فريش

    ميزو ـ ماشي .. ماشي .. بس قوليلي ..

    سمسمه ـ إيه ؟

    ميزو ـ فريش دي تبقى شتيمة ؟





    *****



    ميزو ـ تتجوزيني ؟

    سمسمه ـ لقيت شغل ؟

    ميزو ـ أيوة طبعًا .. سنتين وأنا بادور .. أخيرًا لقيت ..

    سمسمه ـ وإيه هو ؟

    ميزو ـ سواق تاكسي .

    سمسمه ـ ياي ! .. مش مكسوف وانت بتقولها ؟

    ميزو ـ فيها إيه ؟ العمل شرف .. وكلها كام سنة وأجمع مبلغ كويس ..

    سمسمه ـ شرف ؟ جتك القرف !





    *****



    ميزو ـ تتجوزيني ؟

    سمسمه ـ جمعت مبلغ كويس ؟

    ميزو ـ طبعًا .. مبلغ كبير جدًا ..

    سمسمه ـ قد إيه يعني ؟

    ميزو ـ ألف جنيه

    سمسمه ـ نعم ؟!!! .. ألف جنيه دول تروح تسرح بيهم ببطاطا ..

    ميزو ـ يعني موافقة ؟

    سمسمه ـ روح اتنيل .





    *****



    ميزو ـ تتجوزيني ؟

    سمسمه ـ عندك شقة ؟

    ميزو ـ طبعًا .. أودة على السطوح ..

    سمسمه ـ نعم ؟!! ..

    ميزو ـ إيه المشكلة ؟! .. أحسن ما ننام في الشارع !

    سمسمه ـ في الشارع ؟! .. إيه الألفاظ السوقية دي ؟! ياي ! .. لازم يا بابا تجيب

    شقة .

    ميزو ـ طيب .. كلها كام سنة وأجيبلك أحسن شقة في الدنيا .

    سمسمه ـ وهتجيبها في جاردن سيتي ولا في الزمالك ؟

    ميزو ـ لا .. في الأهلي .. هيهع هيهع هيهع !





    *****



    ( بعد سنوات) :



    ميزو ـ تتجوزيني ؟

    سمسمه ـ جبت الشقة ؟

    ميزو ـ أيوة .. الحكومة بتبني شقق للشباب وأنا خدت شقة .. صحيح إنها اتأخرت

    لسبع سنوات .. لكن المهم إنها جات ..

    سمسمه ـ فانتاستيك

    ميزو ـ بس الشقة ناقصة حاجة .

    سمسمه ـ إيه هي ؟

    ميزو ـ مفيهاش حمام !

    سمسمه ـ امشي من قدامي ! .. مش طايقاك !





    *****



    ميزو ـ تتجوزيني ؟

    سمسمه ـ إنت تاني ؟

    ميزو ـ جبتلك حمّام إنما إيه

    سمسمه ـ خليه ينفعك

    ميزو ـ ليه بس ؟ .. ده ينفع لينا احنا الاتنين

    سمسمه ـ وأنا مالي ؟

    ميزو ـ مش عاجبك .. مش مشكلة .. أكتبه باسمك





    *****



    (بعد سنين) ..



    ميزو ـ هتتجوزيني ولا أولع فيكي ؟

    سمسمه ـ ومالك محروق كدة ؟

    ميزو ـ حكايتنا طولت قوي .. طولت أكتر من اللازم

    سمسمه ـ أوكي .. بس ممكن أعرف حاجة ؟

    ميزو ـ إيه ؟

    سمسمه ـ إنت ليه متمسك بيا أوي كدة يا مزمز ؟

    ميزو ـ أصل .. أصل ..

    سمسمه ـ أصل إيه ؟

    ميزو ـ أصل أنا بحُبك (بضم الحاء) !

    سمسمه ـ بحُبك ؟!! .. إيه بحُبك دي ؟! .. إسمها بحِبك (بكسر الحاء) ! ..

    وبعدين خليك روش وقول : I love you

    ميزو ـ ماشي .. بس قوليلي ..

    سمسمه ـ نعم ؟

    ميزو ـ روش دي تبقى شتيمة ؟





    *****



    ميزو ـ تتجوزيني ؟

    سمسمه ـ بصراحة .. في حاجة كنت عاوزة أقولهالك من زمااااااان يا ميزو .

    ميزو ـ إيه ؟

    سمسمه ـ أنا بصراحة .. مش شايفة إن في حد في العالم يستاهلني

    ميزو ـ يا سلام ! .. ليه ؟

    سمسمه ـ عشان أنا جميلة .. خفيفة الدم .. رشيقة .. رقيقة ..

    ميزو ـ رقيقة ؟! .. ده انت بدأتي تقشفي

    سمسمه ـ فشر !

    ميزو ـ فوقي لنفسك .. العمر بيجري ..

    سمسمه ـ أنا مصرة على رأيي

    ميزو ـ يعني إيه ؟

    سمسمه ـ يعني اقطع معايا

    ميزو ـ بعد كل السنين دي ؟! .. بعد كل الحب ده ؟!!

    سمسمه ـ بلاش تراجيديا من فضلك

    ميزو ـ ماشي .. بس قبل ما أمشي عاوز أسألك سؤال واحد بس ..

    سمسمه ـ إيه هو ؟

    ميزو ـ تراجيديا دي تبقى شتيمة ؟





    *****



    Junior Architect-Ahmed Abdel Aziz
    Mansy

    إن من يختلف معك فكريًا في العالم العربي هو على الأرجح ملحد أو عميل أو شاذ جنسيًا،





  2. #2
    م.احمد منسي
    صور رمزية mansy1985
    تاريخ التسجيل
    Mar 2006
    المنطقة
    مصر-بورسعيد-الامارات العربيه المتحده-ابو ظبي
    العمر
    32
    ردود
    2,260
    ( بعد سنوات ) ..



    ميزو ـ تتجوشيني ؟

    سمسمه ـ إيه ؟

    ميزو ـ تتجوشييينييييييي ؟

    سمسمه ـ إنت مين ؟

    ميزو ـ أنا حبيبك يا هبلة .. البشي النضارة عشان تشوفيني

    سمسمه ـ طيب شاعدني عشان ألاقي النضارة

    ميزو ـ آهي على الترابيزة قدامك

    سمسمه ـ فين ؟!!

    ميزو ـ لا دي نظارتي أنا

    سمسمه ـ أيوة لقيتها ..

    ميزو ـ البشيها بقة

    سمسمه ـ ططييبب

    ميزو ـ عينيكي فوق شوية يا سماسم .. ده بقك ..

    سمسمه ـ طيب لبشهالي إنت

    ميزو ـ عقبال ما البشك الدبلة

    سمسمه ـ ما تكشفنيش يا ميشو بقي .. كنت بتقول إيه بقى ؟

    ميزو ـ كنت بقول تتجوشششيييينيييييي ؟

    سمسمه ـ أكوشك ؟ .. إزاي ؟

    ميزو ـ يا ولية مش تكوشيني .. تـ .. تـ .. جـ .. و.. شـ .. يـ .. نـ .. ي ؟

    سمسمه دي شتيمة ؟

    ميزو لاااااء .. بقولك تتجوشيني ؟

    سمسمه ـ آه !! .. أجوشك

    ميزو ـ بالضااااابط .. هاه ؟

    سمسمه ـ شيبني أفكر

    ميزو ـ أشيبك تفكري ؟! .. ده انت هتموتي خلاش !

    سمسمه ـ لا .. شيبني أفكر بش

    ميزو ـ ربنا يوفقك

    سمسمه ـ إيه ؟

    ميزو ـ ربنا يوفقك

    سمسمه ـ بتقول إيه ؟

    ميزو ـ ربنا ياخدك





    *****



    (على فراش الموت) :



    ميزو ـ تـ … كوح .. كوح .. تتـ .. كوح كاح كيح .. تتكو .. كوح .. كوح ..

    تتكوشـ .. كوح كوح .. يني ؟

    سمسمه ـ مش شامعة

    ميزو ـ بـ .. قوللـ .. كوح .. كوح .. بقولك .. تـ .. تـ .. كوح .. كوح .. تتجوشيـ .. ؟ كوح .. كوح …….

    سمسمه ـ أجوش مين ؟!!!

    ميزو ـ هـ .. و.. ه .. كووح كوح كاح .. هوه إنتي .. كوح كوح .. معرفتيـ .. ش .. كوح كوح كيح .. ميـ .. كوح .. مين ؟!!

    سمسمه ـ إيه ؟ ..

    ميزو ـ لا .. كوح .. أبدًا .. كوح .. كنت … كح كح .. بأكح

    سمسمه ـ كنت بتكح ؟!!!! .. شلامتك .. ما قلتليش ليه ؟

    ميزو ـ هو .. كوح .. إنتي .. لشة .. عارفـ .. ـة .. كوح كوح

    سمسمه ـ بتقول إيه ؟

    ميزو ـ يا .. ولية .. كوح كوح .. ردي .. كوح كوح .. عليا .. تـ .. تـ .. جو.. شيـ .. كوح كوح كوح كوح .. نـي ؟

    سمسمه ـ أجوشك ؟!! .. طب بش خد الدوا الأول

    ميزو ـ يا وليـ .. ـة .. كوح .. كوح .. أنا .. كوح .. كوح .. هتتجوشيـ .. كوح

    كوح كوح .. ـني ؟

    سمسمه ـ أيوة يا حاج .. موافقة .. موافقة إنك تتكوشني ..

    ميزو ـ أخيـ….كوح كوح ..راااااً !! .. كوح كوح .. كدة أموت .. كوح ..

    كوح .. وأنا .. كوح .. مطمئن ومرتاح .. الودااا .. كوح ..ع ع ع ع

    سمسمه ـ يا حاج .. يا حاج ..

    لااااااااااااااااااااااااااااا !!؟
    Junior Architect-Ahmed Abdel Aziz
    Mansy

    إن من يختلف معك فكريًا في العالم العربي هو على الأرجح ملحد أو عميل أو شاذ جنسيًا،




  3. #3
    عضو قدير
    صور رمزية nazzal
    تاريخ التسجيل
    Oct 2005
    المنطقة
    المملكه الاسلاميه المتحده
    ردود
    2,939
    ههههههههههههههههههههههههه

    قل إن شاء الله وليس إنشاء

    محمد راغب ( نزال)
    .................................................
    اللهم ارحم احمد واجمعنا معه في جنه الخلد بلا سابقه عذاب

  4. #4
    عضو متميز
    صور رمزية AHMAD-MAX
    تاريخ التسجيل
    Nov 2007
    المنطقة
    الاردن
    ردود
    2,478
    كأنك بتسرد قصة حياتي
    هههههههههه
    ... ...
    الحرية هي التوحيد ..
    عكس الحرية الشرك بالله تعالى ..
    تحرر من عبادة الاشياء حتى عبادة النفس والهوى وصرفها لله وحده ..
    وتمرد على كل قانون غير قانون الله ..
    ان لم تعبد الله وحده ... سوف تكون عبدا لملايين الاشياء ..

  5. #5

    Talking

    هههههههههههههههههههههههههههههههههههههههههههههههههههههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههههههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههههههههههههههههههههههههههههههههههههههههههههههههههههه ههههههههههههههههههههههههههههههههههههههههههههههههههههههههههههههههههههههه

    يخرب بيتك خلتنى أضحك من قلبى قصه كوووول جدا .


    كول دى شتيمه ؟


    هههههههههه

  6. #6
    حلوه جدا يا منسى ومواضيعك كلها حلوه

  7. #7
    ميزو غير لون الكلام بس أوعى تخليه أسود هههههههههه

  8. #8
    ضياء الدين
    صور رمزية diaaking
    تاريخ التسجيل
    May 2004
    المنطقة
    مصر
    العمر
    30
    ردود
    3,679
    ههههههههههههههههههههههههههههههههههههههههههههههههه
    الحياة ألم يخفيه أمل
    أمل يحققه عمل
    وعمل ينهيه أجل
    ثم يجزى كل امرئ بما فعل

  9. #9
    mateldo
    صور رمزية قمة الذكاء
    تاريخ التسجيل
    Jul 2007
    المنطقة
    The Mars or on the continent of Atlantis
    ردود
    6,004
    كح كح كح هههههههههههههههههههه
    الحمد لله مامت من الضحك

    منسي من وين جبت القصه
    ههههههههههههه
    لاتاسفن على غدر الرجــــــــــال لطالما..رقصت على جثث الاسود كلابُ
    لا تحسبن برقصــــــــــها تعـلــــــو على ..اسيادها فالاسد اسدٌ والـكلابُ كلابُ

    الخلاف شئ طبيعي بين البشريه
    (((إذا نطق السفيه فلا تجبه *** فخير من إجابت به السكوت)))
    يصلب الشعراء من اجل راي..........فلماذا لا يصلب الاذكياء

  10. #10
    عضو نشيط
    تاريخ التسجيل
    Mar 2006
    المنطقة
    الصحراء المصرية
    العمر
    31
    ردود
    578
    ليه يابنى كدة بس
    قفلتها فى وشى
    بس جامدة

    انت نويت خلاص ولا ايه
    نحن قوم اعزنا الله بالاسلام فاذا ابتغينا العزة بغيرة اذلنا الله

  11. #11
    م.احمد منسي
    صور رمزية mansy1985
    تاريخ التسجيل
    Mar 2006
    المنطقة
    مصر-بورسعيد-الامارات العربيه المتحده-ابو ظبي
    العمر
    32
    ردود
    2,260
    هههههههههههههههههههه

    شكرا علي المرور و الرد يا جماعه و حمد الله علي السلامه يا عم احمد يا طلبه

    شكرا نزال و احمد و يوسر بوكس و ضياء و ماتلدو علي المرور

    اصل انا بقالي مده اخد اجازه من الشغل و قاعد فاضي و بخش علي منتديات شبابيه خفيفه الخ الخ

    فكل ما اعتر في حاجه جامده حنزلها هنا
    Junior Architect-Ahmed Abdel Aziz
    Mansy

    إن من يختلف معك فكريًا في العالم العربي هو على الأرجح ملحد أو عميل أو شاذ جنسيًا،




Bookmarks

قوانين الموضوعات

  • لا يمكنك اضافة موضوع جديد
  • لا يمكنك اضافة ردود
  • لا يمكنك اضافة مرفقات
  • لا يمكنك تعديل مشاركاتك
  •  
  • كود BB مفعّل
  • رموز الحالة مفعّل
  • كود [IMG] مفعّل
  • [VIDEO] code is مفعّل
  • كود HTML معطل