موضوع: آخر الكلام

ردود: 7 | زيارات: 588
  1. #1
    مشرف منبر 3D Studio MAX
    صور رمزية ابومعاذ
    تاريخ التسجيل
    Dec 2005
    المنطقة
    وطنى هنا او قل هنالك حيث يبعثها المنادى الله اكبر
    ردود
    5,117

    آخر الكلام

    السلام عليكم احبتى
    هذه كلمات للشيخ امين الديب شاعر عامى مصر ....
    اتمنى ان تستمتعوا بها ............اللى ما يعرف مصر يقوللى على كلمة وانا اترجمهاله
    ب

    أخر كلام

    بعد مابقلع هدومى

    قبل نومى

    لازم أقرا كام مقاله

    نرفزونى..سخنونى

    حفزونى..إنى أكتب

    عن ولاد الكلب

    والسفاح شارون

    قول سهرت

    نمت..بعد الفجر ما إدن

    والعيال بيقومونى

    صحصحونى

    قمت مفزوع من منامى

    هجت فيهم

    جت مراتى قالت لى..مالك

    إيه جرالك؟

    ليه بتشخط فى العيال
    قلت باحلم

    كنت باحلم إنى ميت وانفزعت

    انبسطى..؟

    كشرت وبسرعة قالت:

    إيه دا أصله. طب وماله

    يستحق الموت وأكثر

    اللى يهرب من عياله

    كنت فين م المغربية؟

    تيجى بعد الفجر مادن؟

    إنت فاكر إن دا ح يخيل على

    شعرإيه؟

    واللا إيه بتهببه.. وتقول قضيه

    هى فين هى القضيه؟

    هم يعنى كلمتينك.. اللى حى يحلوا

    القضية؟

    هيه ناقصة

    وإحنا مالنا

    ما انت شايف . كله خايف

    والمدافع همسه حايره..عالشفايف

    وانت عارف

    الصهاينة ناس قويه.. ومفتريه

    واللى أدهى من داكله

    لما يبقى الكل نايم.. وانت قال تكتب

    قصيده!!

    عن ولاد الكلب والسفاح شارون

    أبقى نايمه!!

    أسمعك بتقول شارون؟

    من غير سلام ولا يحزنون!

    انت فاهم إنه ح يهمه الكلام؟

    واللا دول عايزين سلام؟

    واللا ح يخاف من كلام؟

    هو همه من كلينتون. واللابوش

    واللاهمه من باراك.. واللاهمه من...!

    واللا عايز تبقى شاعر؟

    واللا من أبنود جنابك؟

    واللا عايز تقديريه؟

    قلت طبعاً
    أى شاعر يستحق التقديريه

    يستاهلها عن جداره

    مش خساره

    ليه يا خويا

    هو طلع إسرائيل؟

    واللا عمر فى الصحارا

    حاجه تانيه!!

    والقطاع العام بيخسر

    كان منع عنه الخساره؟

    واللاسكان المقابر

    كان بنالهم كام عماره؟

    واللاشغل ألف عامل

    أو منعهم من الدواره؟

    واللا وزع عالغلابة

    ألف طن من الدقيق

    واللاحتى كام شيكاره؟

    فوق لروحك

    هو خدها عن وهيبه

    والأغانى لعبد حليم

    مش عشان حل القضيه

    القضية هى.. هى

    واحنا فى الخيبه القويه!

    قلت جاهله.

    إنتى جاهله

    انتى فاكره الشعر ساهل؟

    دا اللى ينكر فضل شاعر

    يبقى جاهل

    قلبك ابيض

    مش حترجع الا لما يحبسوك

    عالكبر ويبهدلوك

    انت بتقول يا سادتنا يا قادتنا..

    ارفضوا تهديد أمريكا والتحيز لليهود؟

    طب ولو زعلت أمريكا

    طب منين حيأكلونا؟

    والحكومة نفسها بتمد إيدها

    ويقولوا لهم شحتونا!!

    انت عايز يحبسونا ؟

    لوعايزنا نقب اكتب

    حط همك فى الأغانى

    فطر الشعب بأغانى

    نيم الشعب باغانى

    والأغانى..

    بيبعوها بالدولار الأمريكانى

    واللا يعنى جت علينا

    واشتهينا الفقر.. تانى؟

    عيش وهيص

    شجع الأبطال ولادنا

    اللى رفعوا راس بلدنا

    مسخروا أولاد ناميبيا

    واللا ليبيا.

    عيش وهيص..

    انت يعنى كنت غاندى..؟

    واللا حافظ واللا شوقى؟

    واللا بيرم أو جاهين؟

    مانت طول عمرك بتكتب!

    حد سمعك؟

    قول لى مين؟

    والا كام واحد بيحضر

    فى النداوى ف أى حته

    حتلاقيهم..خمسه سته!

    أما لو تكتب أغانى

    تبقى نجم ولك سماك

    واللى جاى يطلب لقاك

    واللى يتصور معاك

    والصحافة والإذاعه

    والبرامج..

    كله ح يسجل معاك

    زى شعبان عبدالرحيم

    واللا شوف جمهور حكيم

    تبقى شاعر زى صاحبك

    كل واحد يرضى عنك

    الحكومه والصهاينه والخلايجه

    والتوانسه

    والاجانب والذوات

    بالخصوص صنف البنات

    هو دا آخر كلامى

    تمشى بيه.. أو تفارق من سكات

    ميت يمين ماتقول قصيده

    لاملا كل الدار صوات

    واللى يسأل تانى عنك

    راح اقول له غار ومات!


    الشيخ امين الديب


  2. #2
    م.احمد منسي
    صور رمزية mansy1985
    تاريخ التسجيل
    Mar 2006
    المنطقة
    مصر-بورسعيد-الامارات العربيه المتحده-ابو ظبي
    العمر
    32
    ردود
    2,260
    احب انا الحماس الي يخلي الواحد يكتب قصيده بالطول ده

    القصيده حلوه بس برضه كلام في كلام
    Junior Architect-Ahmed Abdel Aziz
    Mansy

    إن من يختلف معك فكريًا في العالم العربي هو على الأرجح ملحد أو عميل أو شاذ جنسيًا،




  3. #3
    مشرف منبر 3D Studio MAX
    صور رمزية ابومعاذ
    تاريخ التسجيل
    Dec 2005
    المنطقة
    وطنى هنا او قل هنالك حيث يبعثها المنادى الله اكبر
    ردود
    5,117
    اقتباس الموضوع الأصلي كتب بواسطة mansy1985 معاينة الرد
    احب انا الحماس الي يخلي الواحد يكتب قصيده بالطول ده

    القصيده حلوه بس برضه كلام في كلام
    انت احلى يامنساوى اخبارك ايه
    ايوة كلام بس الكلام احسن ....من عدمه ولا هو قهر وكتمة صوت
    أخر تعديل بواسطة ابومعاذ في 23 / 03 / 2008 الساعة 01:03 AM

  4. #4
    م.احمد منسي
    صور رمزية mansy1985
    تاريخ التسجيل
    Mar 2006
    المنطقة
    مصر-بورسعيد-الامارات العربيه المتحده-ابو ظبي
    العمر
    32
    ردود
    2,260
    حمد الله علي السلامه اولا

    اهه اتخرجت و اخدت صدمه مابعد التخرج و بحاول اتعافي الوقتي

    انت غايب فين يا معلم بقالك كتير اوي ما دخلتش علي المنابر
    Junior Architect-Ahmed Abdel Aziz
    Mansy

    إن من يختلف معك فكريًا في العالم العربي هو على الأرجح ملحد أو عميل أو شاذ جنسيًا،




  5. #5
    مشرف منبر 3D Studio MAX
    صور رمزية ابومعاذ
    تاريخ التسجيل
    Dec 2005
    المنطقة
    وطنى هنا او قل هنالك حيث يبعثها المنادى الله اكبر
    ردود
    5,117
    اقتباس الموضوع الأصلي كتب بواسطة mansy1985 معاينة الرد
    حمد الله علي السلامه اولا

    اهه اتخرجت و اخدت صدمه مابعد التخرج و بحاول اتعافي الوقتي

    انت غايب فين يا معلم بقالك كتير اوي ما دخلتش علي المنابر
    ربنا يكرمك حبيب قلبى .. موجود والله بس بتاعبع من بعيد لبعيد لان الشغل انت عارف ...لا تملك الا اربع او خمس
    سعا ت تجحلس مع الاهل وتلاعب الاولاد وتباشر النت ...وتذاكر لتحسين مستواك ....وترتب مصاريفك اليومية الحياتية وتاخذ فتات من المدعوا (النوم )
    فى تلك الخمس سعات المذكورة والله المستعان ..............وعلى كلا هناك ما يسرك فى القريب العاجل ..لكن دعواتك

  6. #6
    عضو متميز
    تاريخ التسجيل
    Sep 2003
    العمر
    28
    ردود
    4,029
    اخبار يلّي كتب الكلام دا ^.^؟
    هوّا للحين موجود ولا عمل زياره لمكان تاني ؟؟^.^

  7. #7
    م.احمد منسي
    صور رمزية mansy1985
    تاريخ التسجيل
    Mar 2006
    المنطقة
    مصر-بورسعيد-الامارات العربيه المتحده-ابو ظبي
    العمر
    32
    ردود
    2,260
    ربنا يكرمك يا باشا و يوسع رزقك ان شاء الله
    Junior Architect-Ahmed Abdel Aziz
    Mansy

    إن من يختلف معك فكريًا في العالم العربي هو على الأرجح ملحد أو عميل أو شاذ جنسيًا،




Bookmarks

قوانين الموضوعات

  • لا يمكنك اضافة موضوع جديد
  • لا يمكنك اضافة ردود
  • لا يمكنك اضافة مرفقات
  • لا يمكنك تعديل مشاركاتك
  •  
  • كود BB مفعّل
  • رموز الحالة مفعّل
  • كود [IMG] مفعّل
  • [VIDEO] code is مفعّل
  • كود HTML معطل