موضوع: حد عندوا اجابات للاسئله دى ؟

ردود: 8 | زيارات: 758
  1. #1
    عضو متميز
    صور رمزية INTERIOR
    تاريخ التسجيل
    Jun 2004
    المنطقة
    EGYPT
    العمر
    37
    ردود
    1,689

    Talking حد عندوا اجابات للاسئله دى ؟

    ليه في شارع مراد حاطين يافطه كبيرة مكتوب عليها "ابتسم انت في الجيزة"..، هل الجيزة حاجة تضحَّك؟!

    ليه لما تطلب ساندوتش من مطعم وتحب تضيف عليه اى إضافة بيزودوا سعر الساندوتش، طيب ليه لما بتحب تشيل حاجه من محتويات الساندوتش سعره مابيقلش؟

    ليه بيقولوا (الحب أعمى)، ومع ذلك كل أغاني الحب عن (العيون)، نور العين وسحر عينيك وعينيك واحشاني وعينيك كدابين وحبيبي وعينيه أصلاً؟!
    طيب لو كان الحب اعمى ..ليه واكلين دماغنا بالحب من اول نظرة؟

    لو إسمك (ماجد) وطلعت طيّار، هتفضل مستحمل قد ايه الناس وهيا بتندهلك (كابتن ماجد)؟

    الأخرس بيكلم نفسه إزاى؟

    ليه بيقولوا على الشخص اللى نايم بعمق إنه نايم زى البيبيهات؟، مع إن البيبيهات أصلا بيصحوا كل نص ساعة!

    ليه البنات بتفتح بقها وهيا بتحط (ماسكرا) ؟

    إزاي لما اسأل عن مقر النادي الأهلي فين، الاقي الإجابة.. النادى الأهلى في الزمالك؟!

    ليه لو واحد قال قدامي كلمة "الأقصر" بتيجي في دماغي على طول صورة "الآثار"؟! مع إنى لو قال قدامي كلمة "الآثار" مش شرط تيجي في دماغي صورة "الأقصر"؟!

    ليه الناس مابتقولش (الرياضة فايز ومهزوم) غير لمّا تتغلب؟

    ليه الشامبو بيبقى بالخوخ الطبيعى بينما عصير الخوخ بيبقى معمول بنكهة الخوخ؟

    ليه اللي سايق عربية ومشغل الكاسيت أو الراديو.. أول ما يدخل شارع ضلمة يروح موطى الصوت فوراً؟!

    ليه الناس بتقول لأي حد في الشارع "يا باشمهندس"، ما عدا المهندس فعلاً.. بيقولوا له "يا دكتور"؟!

    ليه بيقولوا في الأخبار، مصرع 9 في فلسطين، ومصرع 50 في بغداد، ومصرع 85 في زلزال، ومصرع 112 في سقوط طائرة؟! طيب ما يقولوا على طول مصرع 250 واحد في نشرة أخبار التاسعة! )))))))))))))

    ليه لمّا الواحد يكون واقف مستنى الأسانسير بعد ما داس على الزرار اللي بيستدعى الأسانسير وبقى منور وباين إنه منوّر، ييجي واحد تاني بعد ثواني يبص لك ويبص للزرار المنور ويروح دايس على الزرار تاني؟!

    لما تيجي تتصل بواحد.. ليه الأرقام اللي بترد غلط.. ما بتكونش مشغولة؟!

    ليه هيفاء وهبى بتقول "أنا بردانة أح"، مع إن "أح" تقال للحاجه السخنة، يعني المفروض تقول "أنا بردانه "بررررررر".

    إذا كان – زى ما بيقولوا – الدنيا مسرح كبير، طيب أنا بامثّل ولاّ باتفرج؟! وإذا كنت من المتفرجين، طيب هم المتفرجين بيقعدوا فين؟!

    ليه بيكلبشوا العربية اللي واقفة صف تاني وقافله الشارع.. مع إن الشارع بعد الكلبشة بيفضل مقفول برضه؟!

    هل حصل فعلا فى يوم من الايام أن فيه واحد (ضرب عصفورين بحجر)؟

    ليه لما باكون في البيت واتصل بالسوبر ماركت (اسمه سوبرماركت ريشه) وأقول (آلو.. سوبرماركت ريشه؟!) يرد على يقول لي (إن شاء الله)؟! يعني (إن شاء الله سوبرماركت ريشه؟!) ولاّ (إن شاء الله مش سوبرماركت ريشه؟!).

    ليه لما تسأل واحد على العنوان وتقول له "شارع كذا فين؟!" يرد عليك بسؤال "هما قالوالك فين؟!". طيب ما هما لو كانوا قالوا لي ماكنتش سألتك، ثم هما مين اللي قالوا لي؟!

    ليه الناس في الشارع بتستخدم أدوات نداء لتوقيف أي شخص، أدوات نداء مالهاش أصل في اللغة و ينفع تنادي بيها على أحد في المطلق زى. بسست، والنبى يا، ويا كابتن، وباقولك وخُد يا، وأيوه يا، وليه أدوات النداء دي بتوقف الشخص المقصود بالذات؟!

    بيقولوا (لكل قاعدة استثناء)..طيب ايه الأستثناء بتاع القاعدة دى؟

    ليه لما حد يحب يدي معلومة بيبدأ الجملة بكلمة (بيقولك)، (بيقولك العربيات رخصت)!

    ليه المذيعة دايما بتتمنى لنا وقت ممتع مع الفيلم العربي اللي بيتذاع للمرة الألفين.. وهى عارفة كده كويس؟!

    طيب ليه المذيعة بتقول أعزائي أفراد الأسرة.. وهى ما تعرفش حد فينا؟!

    ليه الشخص اللي يسألك "الساعة كام" لازم يرفع لك دراعه الشمال

    البر لا يبلى والدين لا يفنى والديان لا يموت
    يا أبن ادم أفعل ما شئت كما تدين تدان


  2. #2
    عضو متميز
    صور رمزية INTERIOR
    تاريخ التسجيل
    Jun 2004
    المنطقة
    EGYPT
    العمر
    37
    ردود
    1,689
    هو الموضوع رخم للدرجه دى

    البر لا يبلى والدين لا يفنى والديان لا يموت
    يا أبن ادم أفعل ما شئت كما تدين تدان

  3. #3
    الناس هنا لديهم حساسية من مثل هذه المواضيع خوفا من ان يوصفو بالتفاهة اذا علقو عليها لذا لا تغضب ان جاءت الردود جادة

  4. #4
    عضو متميز
    صور رمزية INTERIOR
    تاريخ التسجيل
    Jun 2004
    المنطقة
    EGYPT
    العمر
    37
    ردود
    1,689
    ما هو المكان ده معمول على شان الواحد يخرج شويه عن نطاق الجد والشغل
    ولا ايه ؟

    البر لا يبلى والدين لا يفنى والديان لا يموت
    يا أبن ادم أفعل ما شئت كما تدين تدان

  5. #5
    مشرف عام
    صور رمزية aktoom
    تاريخ التسجيل
    Dec 2005
    المنطقة
    بلاد العرب أوطاني
    العمر
    52
    ردود
    17,805
    على فكرة ( مين فكرة )

    بصراحة : الأسئلة هذه وغيرها الكثير يسألها أغلب الناس لأنفسهم ويمكن بشكل يومي ...

    الموضوع بعيدا عن المزاح مثار اهتمام ، وهناك قضايا نفسية تتحكم في الإنسان ....

    موضوع رائع وأمثلة واقعية جدا

    لكن لي اعتراض على أح بالفعل عندنا الشيء البارد يقال عنده أح

    طيب ليش بدل ما نقول الموضوع هذا كول ما نقول أح

    أحا أحا لا تتنحى
    سبحان الله وبحمده .. سبحان الله العظيم

    لاريب أنّ الألم هو سائق انفعالاتي الفظّ ، وأنّ الأمل هو وسيلتي الدائمة لترويضه . لكن .. هل أكون بهذا قد لخّصت لك عملية الإبداع ؟

    FACEBOOK

  6. #6
    عضو متميز
    صور رمزية y@sser
    تاريخ التسجيل
    May 2003
    المنطقة
    جوانتانامو مصر
    ردود
    10,884

    اغلب الاجابات عندي لانك في عام 2008
    التناقضات رهيبه جدا قمة الثراء = احياننا الجوع
    والعلم = التخلف
    ممكن تشيل مبيل وتلاقي مشكله في طابور العيش
    المهم انك في 2008 ابتسم
    .........
    اصعب سؤال هو انك تكون كابتن ماجد
    انا ما استحملش رغم ااصدقائي استلموني فتره لان فيه شخصيه اسمها ياسين ياسر وانا كان اسمي ياسر ياسين
    يعني كابتن ماجد سبب لي صداع ايامها
    بلاد الكوارث
    حيث جميع الشعب وجلاديه يبحثون عن العقل والقلب والشجاعه المفقودين
    لكن للاسف لاوجود للساحر اوز
    وتنتهي القصه بفقد الحذاء الاحمر
    وتبقي اليس في بلاد الكوارث للابد

    مدونتي

  7. #7
    عضو
    صور رمزية asaba90
    تاريخ التسجيل
    Sep 2007
    المنطقة
    عربي
    العمر
    27
    ردود
    90
    Interior:
    واضح إنك زدت في الشراب وإن البانجو ضاربة في دماغك،،
    طيب إذا كان المشي للأمام يؤدي إلى إلى النحافة،، فهل المشي إلى الخلف يؤدي إلى العكس؟؟
    إذا كان دوام بعض المحلات التجارية 24 ساعة في اليوم 7 أيام في الأسبوع 30 يوم في الشهر،، فما فائدة وجود الأبواب عليها؟؟؟
    لا إله إلا الله

    سجل
    أنا عربي
    ورقم بطاقتي خمسون ألف
    وأولادي ثمانية
    تاسعهم.. يأتي بعد صيف
    فهل تغضب

  8. #8
    مشرف منبر 3D Studio MAX
    صور رمزية ابومعاذ
    تاريخ التسجيل
    Dec 2005
    المنطقة
    وطنى هنا او قل هنالك حيث يبعثها المنادى الله اكبر
    ردود
    5,117
    اقتباس الموضوع الأصلي كتب بواسطة aktoom معاينة الرد
    على فكرة ( مين فكرة )

    بصراحة : الأسئلة هذه وغيرها الكثير يسألها أغلب الناس لأنفسهم ويمكن بشكل يومي ...

    الموضوع بعيدا عن المزاح مثار اهتمام ، وهناك قضايا نفسية تتحكم في الإنسان ....

    موضوع رائع وأمثلة واقعية جدا

    لكن لي اعتراض على أح بالفعل عندنا الشيء البارد يقال عنده أح

    طيب ليش بدل ما نقول الموضوع هذا كول ما نقول أح

    أحا أحا لا تتنحى
    ههههههههههههههههههههههههههههههههههههههههههه
    ههههههههههههههههههههههههههههههههههه
    اضحك الله سنك ههههههههههههههههه
    هههههههههههههههههههه

Bookmarks

قوانين الموضوعات

  • لا يمكنك اضافة موضوع جديد
  • لا يمكنك اضافة ردود
  • لا يمكنك اضافة مرفقات
  • لا يمكنك تعديل مشاركاتك
  •  
  • كود BB مفعّل
  • رموز الحالة مفعّل
  • كود [IMG] مفعّل
  • [VIDEO] code is مفعّل
  • كود HTML معطل