صفحة 1 من 2 12 أخيرأخير
النتائج المعروضة من 1 الى 20 من مجموع 36

موضوع: تعرف تعيش بـ 1000 جنيه في الشهر .. ؟ ( تهريج )

ردود: 36 | زيارات: 4950
  1. #1
    طالب / مدرسة الأنيميشن
    تاريخ التسجيل
    Jun 2006
    المنطقة
    مصر
    ردود
    7,061

    تعرف تعيش بـ 1000 جنيه في الشهر .. ؟ ( تهريج )

    السلام عليكم ورحمة الله وبركاته
    موضوع عجبنى حبيت أنقهلكم لو شاطر .. تعرف تعيش فى مصر بـ 1000 جنيه فى الشهر
    بيان المصروف اليومى والشهرى :

    - عيش بلدي : 1 جنيه يومياً = 30 جنيه شهرياً (بس لازم تلحق دورك فى طابور الفرن وتلحق شغلك فى نفس الوقت ربنا معاك )

    - حليب : 4 جنيه يومياً = 120 جنيه شهرياً ( عدد واحد لتر يومياً ويارب ميطلعش بودرة سيراميك ويكفى العيال )

    - فول : 8 جنيه إسبوعياً = 32 جنيه شهرياً ( كيلو فول اسبوعيا يعنى 125 جرام يوميا رضا والحمد لله )

    - جبنة بيضاء : 20 جنيه إسبوعياً= 80 جنيه شهرياً ( كيلو في الأسبوع 125 جرام يوميا انت عايش )

    - بيض : 5 جنيه إسبوعياً= 20 جنيه شهرياً ( عبارة عن 10 بيضات فى الاسبوع يعنى لو اربع افراد يبقى بيضه ونص يومياً للأربعة أفراد )

    - خضار : 10 جنيه إسبوعياً= 40 جنيه شهرياً ( عبارة عن صنف واحد بس + كيلو طماطم + ليمونه وحزمة جرجير أسبوعيا )

    - فاكهه : 5 جنيه إسبوعياً= 20 جنيه شهرياً ( عبارة عن كيلو برتقال أو قشر موز مرة أسبوعيا عشان العيال تفتكر إسمه )

    - شاى : 10 جنيه شهرياً ( لزوم الكيف اللى بيذل والضيوف الرزلين )

    - سكر : 4 جنيه إسبوعياً= 16 جنيه شهرياً ( عدد واحد كيلو أسبوعيا .. لزوم الكيف اللى بيذل والضيوف اللى معندهمش دم ) - أرز : 4 جنيه إسبوعياً= 16 جنيه شهرياً ( عدد واحد كيلو أسبوعيا للعائلة كلها .. يعنى 125جرام يوميا للأسرة ومتوسط الفرد 40 جرام )

    - زيت طعام : 10 جنيه إسبوعياً= 40 جنيه شهرياً ( لتر اسبوعيا علشان تشرب بق على الريق يزيت معدتك ويستعمل كبديل للخضروات )

    - مكرونة : 8 جنيه إسبوعياً= 32 جنيه شهرياً ( عبارة عن عدد 4 كيس 400 جرام أسبوعيا .. خلى العيال تنبسط )

    - دجاج : 20 جنيه إسبوعياً= 80 جنيه شهرياً ( عدد واحد دجاجة أسبوعيا للعائله .. أظن معقول )

    - لحم : 30 جنيه إسبوعياً= 120 جنيه شهرياً ( عدد واحد كيلو لحم أسبوعيا لزوم صنف الخضار والليمونه وحزمة الجرجير.. ألف هنا وشفا )
    - بقوليات : 10 جنيه شهرياً ( عبارة عن كيلو واحد بس شهريا ونقى اللى بتحبه براحتك .. عدس - لوبيا - فاصوليا )

    - توابل : 10 جنيه شهرياً ( عبارة عن دقيق + ملح + كمون + فلفل + كسبرة + وممكن تديها خل براحتك )

    - صابون : 15 جنيه شهرياً ( عبارة عن صابونه واحدة للحمام + صابون مواعين + مسحوق للملابس ( النظافة عموما )

    - مواصلات : 2 جنيه يومياً= 60 جنيه شهرياً ( بعد طابور الفرن تركب أتوبيس الهيئة ذهاب وعودة وبهدله لفرد واحد يوميا )

    - حلاق : 10 جنيه شهرياً ( عبارة عن حلاقة الشعر + ماكينات حلاقة الذقن ( طبعا متنساش انت جبت صابونه للحمام هى هى الصابونهاللى هتحلق بيها دقنك ( نعيما ياباشا ) - مصروفات مدرسية : 10 جنيه إسبوعياً= 40 جنيه شهرياً ( عبارة عن مصروفات المدرسة + مصروف العيال اليومى + كراسات وأقلام وجلاد ... إلخ )

    - دكتور : 30 جنيه شهرياً ( نمرض بالدور طبعا .. عدد أربعة أفراد × مرة واحدة للفرد كل 4 اشهر وربنا يستر )

    - أدوية : 50 جنيه شهرياً ( أكيد طبعا العلاج بالدور وربنا يستر واثنين ما يمرضوش فى وقت واحد .. تبقى كارثة )

    - فاتورة التليفون : 10 جنيه شهرياً ( اشتراك الهيئة فقط .. هنرد بس ومش هنتكلم .. ماعدش ينفع كلام )

    - فاتورة المياه : 10 جنيه شهرياً ( للأسف ده لو فلوسك على أدك ويبقى لازم تشرب مياه ملوثة بالمجارى )

    - فاتورة الغاز : 5 جنيه شهرياً ( الحمد لله .. غاز طبيعى .. الله يكون فى عون اللى عنده أنابيب (10 جنيه للأنبوبة) وممكن تطلع فاضية )

    - فاتورة الكهرباء : 20 جنيه شهرياً ( لمواكبة التطور .. غساله ملهاش مسحوق .. تلاجة فاضية .. بوتجازيستخدم مرة كل أسبوع )

    - قمامة : 10 جنيه شهرياً ( ودى إجبارى طبعا ومن الواضح إن العيشة دى ما فيهاش أكل أساساً .. يبقى القمامة هتيجى منين ؟ )

    - بواب : 15 جنيه شهرياً ( ماهو من حقه يعيش هو كمان .. لو عشرشقق يبقى 150 جنية شهريا .. خليه يهيص )

    - صيانة : 30 جنيه شهرياً ( لإصلاح الأجهزة بالدور .. غسالة - سخان - بوتوجاز - مروحة - ثلاجة - سباكة - لمبات إنارة .. الخ )

    - ملابس : 100 جنيه شهرياً ( عبارة عن الصيفى والشتوى داخلى وخارجى واحذية وشرابات وكلونات واتصرف بقى )

    ------------------------------------------
    الإجمـالى : 1081 جنيه شهرياً ----------------------------------------- أكيد اللى ها يخليك تعرف تعمل الكلام اللى فوق ده ها يخليك تتصرف وتضغط مصروفاتك شويه علشان تبقى الحسبة 1000 جنيه بس .. أقولك نصيحة ؟ : ما تمرضش وما تخدش أدوية وشيل 80 جنيه معلش ربنا يقويك وينصرك على من يعاديك ويكفيك شر المرض إيجار الشقة طبعا قانون جديد وللأسفمالهوش قانون .. كل واحد وبخته .. ومش ها نحسبها كل واحد يقعد عند أمه. وبالمناسبة .. عيد الام ربنا يخليها ويديها الصحة .. كل سنة وهى طيبة عيد الكحك .. مضر ومالهوش لازمة عيد اللحمة .. مضر ومالهوش لازمة حلاوة المولد .. السكر مضر ومالهوش برضه لازمة .. ولو على الحلويات رمضان كريم وخيره كتير أخ خ خ نسيت احسب زكاة الفطر بس مش عارف هادفعها ولا هاخدها ؟ عموما هاقولكم على قائمة الممنوعات والمحظورات .. متقربوش منها علشان تعرفوا تتنيلوا وتكملو الشهر ممنوع .. الحلاوة والمربى والعسل والزبدة وكافة أنواع الجبن عدا ما ذكر فى التعيين ( الجبنة البيضا ) ممنوع .. المعلبات .. تونه - بلوبيف - لانشون - سالمون فول - وطبعا البسطرمة والزيتون والمخللات


  2. #2
    طالب / مدرسة الأنيميشن
    تاريخ التسجيل
    Jun 2006
    المنطقة
    مصر
    ردود
    7,061
    أوعى قلبك يحن لعيل من العيال وتجيبله شيبسى ولا بيبسى أو كراتيه ونايتى ولاعسلية ولا بسكوت ولا شيكولاته .. إياك ومنتجات العيال الصغيرين حتى لو حليب بالفواكه أو لبان وجيلى كولا وهوهوز .. حتى الشيتوس يتفرج على الكرتون بتاعه فى التليفزيون ومتخليهوش يتفرج على الاعلانات بين الفاصل

    ممنوع اللحوم بانواعها.. البوفتيك والاستيك والرقبة والموزة واللوزة كله كلام فاضى خليك فى تعيينك الاسبوعى .. ومتنساش ان البانيه والفيليه من الممنوعات .. وماتقربش وماتمشيش فى الشارع جنب كنتاكى وهاردييز وهاربيز وتكه ومؤمن وكوك دور .. وإياك من السندوتشات عموما زى الطعمية والبطاطس والباذنجان والحاجات الحلوة دى مش مطلوبه تعملك حموضه وهتحتاج فوار وإحناماعملناش حسابه فى مشتروات الدوا .. وطبعا مش محتاج أقولك وافكرك انك ممعكش فلوس علشان يبقى نفسك فى سندوتش فرنساوى مليان كبدة اسكندرانى ولا مخ .

    خليك واقعى وانسى المحمر والمشمر واللب والسودانى والتسالى بانوعها والمحمصات والمقرمشات والمكسرات بأنواعها.. بالعربى أنت زى العصفورة تاكل عيش ودنيبة رز وتشرب ميه .. عمرك سمعت عن عصفورة ركبت دش أو وصلت نت او حتى فكرت تاكل ترمس او تشرب حمص كله كلام فاضى ممنوع ياسيد

    اهم حاجة ماتروحش لدكتور ومتجبش مدرس ولا ادوية وإياك من المعجنات زى البيتزا والفطائر ومش محتاج افكرك ان البسبوسه والجلاش والكنافة والقطايف والجاتوة والشاتوة والتورت وام على وصوابع زينب ورموش الست والكحك والغريبة ممكن تستغنى عنهم

    طبيعى انك مش هتقرب من الفواكهة خالص زى البرقوق والمانجووالبطيخ والفراوله والكيوى والخوخ والعنب والتفاح حتى الكاكا والحرنكش والنبق والقصب والدوم والتوت ممنوع سيادتك

    وطبعا معجون الاسنان والحلاقة والشامبو والبلسم كلها رفاهياتماليكش فيها زى البصل والتوم والبطاطس كلها أساسياتماليكش فيها برضه .. وماتنساش تبعت الميل للناس اللى تعرفهم هما اكيد زيك محتاجين شوية نظام مش اكتر هما غلابة .. وفكرهم يقولوا لعيالهم لو شافوا مسلسل فى التليفزيون مليان بهرجه إن دى قصص خيالية كانت فى العصور القديمة فترة من الزمن وإن الواقع زى ماهما شايفيين دلوقتى .
    حتى الإعلانات حاولوا تفهموهم إنها مجرد ألوان مبهرة وتكنولوجيا فى علم التصوير وتخيلات ممكن تحصل بعدين زى ماحصل فى امريكا وكندا وفرنسا والمانيا واوروبا كلها .. وان الحجات دى علشان لما الناس دى ييجوا عندنا يلاقو منها ويعرفو يعيشو هى مش لينا دى ليهم هما أصحاب البلد ولازم ينبسطو

    عموما لو على الكلام مش هايخلص روح بقى الحق طابور العيش لايفوتك .. تبقى مصيبة لو انا اللى عطلتك ورحت لقيت الفرن شطب وتقعد طول اليوم تدعى عليا .

    محبكم شادي

  3. #3
    عضو متميز
    تاريخ التسجيل
    Oct 2007
    المنطقة
    FORGOTTEN CITY
    ردود
    4,893
    يابني ياشادي انت فينك إمبارح؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
    قابلني الآن
    درس راوتر{نمذجة+خامات+إضاءة} هنـــــــا

    درس سيف{نمذجة} هنـــــا

    تولة طيب{ نمذجة+خامات+إضاءة} هنــــا

    اصنع مكتبة خاماتك بنفسك
    هنــــا
    غائب للابد

  4. #4
    عضو متميز
    صور رمزية فلاشــــــــــاوي
    تاريخ التسجيل
    Jan 2006
    المنطقة
    مـــــصــــــر
    العمر
    33
    ردود
    3,802
    يعني إيه كيوي ... طيب يعني إيه لحمة ... إيه يا رجالة هما نزلوا كلام جديد ولا إيه .... !!






    ليه الأحباط ده يا شادي .. حابب السخرية في الموضوع .. لكن ما تقلقش على المصريين ... مشكلة المصريين الكبيرة أنهم بيتكيفوا مع أي وضع للأسف .. كل ما تقول خلاص مفيش أسوا من كده الناس هتنفجر .. الناس تثبتلك انك عبيط .. وانهم مؤمنين جدا بقصة سيدنا أيوب .. بس المشكلة ان أيوب كان بيصبر على قضاء الله .. مش على الظلم ..

  5. #5
    عضو قدير
    صور رمزية MOHSEN
    تاريخ التسجيل
    Jul 2006
    المنطقة
    ..::EGYPT ::..
    ردود
    3,238
    حد من المصريين اللى معانا فى المنتدى هنا سمع عن موضوع اضراب 6 ابريل .. اضراب منظمينة لارتفاع الاسعار
    والرواتب المنخفضه وما الا ذلك .. ادخلوا على الفيس بوك وشوفوا بنفسكوا للى
    مسمعش

    واللى سمع ممكن يقولى تفاصيل اكتر عن الموضوع ده
    A BiG FaN OF

    MAXFORUMS
    Theory_Of_Design@yahoo.com



    م / محســن عمــاد
    mohsen_3d

  6. #6
    عضو قدير
    صور رمزية MOHSEN
    تاريخ التسجيل
    Jul 2006
    المنطقة
    ..::EGYPT ::..
    ردود
    3,238
    ازيك ياشادى واحشنى والله ياواد
    A BiG FaN OF

    MAXFORUMS
    Theory_Of_Design@yahoo.com



    م / محســن عمــاد
    mohsen_3d

  7. #7
    عضو قدير
    صور رمزية MOHSEN
    تاريخ التسجيل
    Jul 2006
    المنطقة
    ..::EGYPT ::..
    ردود
    3,238
    بالمناسبة الموضوع ده لسه مصادفنى حالا بخصوص موضوع الاضراب
    http://www.masrawy.com/News/Egypt/Po...1/protest.aspx


    ودا على الفيس بوك
    http://www.facebook.com/group.php?gid=9973986703

    وفيه اكتر من جروب اتعمل على الفيس بوك بخصوص الموضوع ده . لكن لحد دلوقتى مش قادر اوصل
    للجروب الاساسى ( التنظيم الكبير )
    A BiG FaN OF

    MAXFORUMS
    Theory_Of_Design@yahoo.com



    م / محســن عمــاد
    mohsen_3d

  8. #8
    الدلر $ كم جنيه ؟


  9. #9
    Registered User
    تاريخ التسجيل
    Aug 2006
    المنطقة
    مصر
    العمر
    30
    ردود
    7,129
    اقتباس الموضوع الأصلي كتب بواسطة samran معاينة الرد
    الدلر $ كم جنيه ؟

    ههههههه

    واحد دولار تقريبا 6 جنيه

    و سؤال ليك يا عم شادى..

    أنت لما أشتغلت قبطت 1000 جنيه ؟؟

    و مين بيقبض 1000 جنيه ؟؟
    المدرس بياخد بالحصة فى الشهر تقريبا 180 جنيه ده بعد الكدر الخاص
    و الموظف المحترم فى الحكومة بيوصل 600 أو 700 جنيه بالحوافز
    دول يعملوا أيه ؟؟
    و أغلب الشعب مرتبه من 300 إلى 700 جنيه

    يبقى وداعا للحمة ..
    مش لازم لبن
    مش مهم البيض
    حتى الطماطم غالية و البصل كمان

    حسبنا الله و نعم الوكيل
    منك لله يا سونة

  10. #10
    م.احمد منسي
    صور رمزية mansy1985
    تاريخ التسجيل
    Mar 2006
    المنطقة
    مصر-بورسعيد-الامارات العربيه المتحده-ابو ظبي
    العمر
    32
    ردود
    2,260
    انا مرتبي 800 جنيه من العمل في مكتبين هندسيين

    سبت الشغل و حاليا بشتغل حر و دخلي بقي 1000 جنيه

    و قال ايه مهندس و مؤهلات عليا و قشطه عليك يا بشمهندس

    الحمد لله قدامي 300 شهر-25 سنه- و احوش مصاريف الجواز هي هي هي هي هي هي هي هي هي هي هي

    الا صحيح يا جماعه هوه حسني مرتبه كام؟ اقصد حسني عبد ربه طبعا
    Junior Architect-Ahmed Abdel Aziz
    Mansy

    إن من يختلف معك فكريًا في العالم العربي هو على الأرجح ملحد أو عميل أو شاذ جنسيًا،




  11. #11
    منك لله بعد ما قريت الموضوع خلاص مش عاوز اتجوز او حتي مش هفكر اتجوز

    ده كده مفيش حتي فسح للعيال و مفيش دروس و مفيش حتي اشتراك dsl و مفيش موبايل دا انت مش حاطط حتي عيش فينو و بعد كل ده مفيش حتي 10 جنيه الواحد يحوشها و مفيش حتي مشروبات غازيه(ولا قولك بلاش اعمل نفسي مقاطع) و كده برضو اللي بيحب القراءه يبطلها لان حتي الجرايد هتبقي مصاريف جامده و الواد عاوز يجيب عجله اقولك من الاخر بلاش عيال ولا نجيب من الاخر بلاش جواز هو حد فاضي للكلام ده

    طب امال العامل اللي اجره بعد يجي 15 سنه بيوصل 700 جنيه ده لو صاحب الشغل راجل كويس ده تقريبا لاغي معظم الحاجات اللي انت حاططها

    طيب و اجيب عربيه وشقه في مدينه من الجداد ؟؟ بلاش دي خيالات ولا ايه؟
    هل ياتي اليوم الذي اتقن فيه 3d max



  12. #12
    عضو نشيط
    صور رمزية abo nazmi
    تاريخ التسجيل
    Sep 2007
    العمر
    98
    ردود
    709
    هذه هي الكوميديا السوداء للاسف
    ya xwe

  13. #13
    هههههههههههههه
    ههههههههههههههههههههههههههههههه
    هههههههههههههههههههههههههههههههههههههههههههه


  14. #14
    ايه مشربتش من نيلها
    طب فكرت تغنليها
    هههههههههههههههههههههههههههههههه
    خخخخخخ\ههههههههههههههههههههههههههههههههههه


  15. #15
    انا مش من مصر انا سكان في الشارع الجنبو علي طول (شادي صبحي)
    هههههههههههههههههههههههههه


  16. #16
    عضو فعال
    صور رمزية max-x5
    تاريخ التسجيل
    Dec 2005
    المنطقة
    سوريا ملكة الشرق / قطــ الدوحة ـــــــر
    ردود
    268
    يبدو ان غلاء الاسعار وتدني المعاشات في مصر اثر على الحاله النفسيه للمواطنين
    http://www.syria-news.com/var/articlem.php?id=3245
    كان الله بعوننا
    ــــــــــــــــــــــــــــــــــــــــــــــــــــــــــــــــــــــــ

    هكــــونا متـــاتا

  17. #17
    عضو متميز
    صور رمزية y@sser
    تاريخ التسجيل
    May 2003
    المنطقة
    جوانتانامو مصر
    ردود
    10,884
    اعتقد يا شادي ان الموضوع قبل الطفره الاخيره
    بعض الاشياء انت كاتبها ارخص من السعر الموجود حاليا
    علي راي فلاشاوي
    ماشربتش من طينها
    بلاد الكوارث
    حيث جميع الشعب وجلاديه يبحثون عن العقل والقلب والشجاعه المفقودين
    لكن للاسف لاوجود للساحر اوز
    وتنتهي القصه بفقد الحذاء الاحمر
    وتبقي اليس في بلاد الكوارث للابد

    مدونتي

  18. #18
    مشرف عام
    صور رمزية aktoom
    تاريخ التسجيل
    Dec 2005
    المنطقة
    بلاد العرب أوطاني
    العمر
    52
    ردود
    17,805
    يأكل قط في ........ ما يشبع عائلة في ..........
    سبحان الله وبحمده .. سبحان الله العظيم

    لاريب أنّ الألم هو سائق انفعالاتي الفظّ ، وأنّ الأمل هو وسيلتي الدائمة لترويضه . لكن .. هل أكون بهذا قد لخّصت لك عملية الإبداع ؟

    FACEBOOK

  19. #19
    عضو نشيط
    صور رمزية morofanan
    تاريخ التسجيل
    Feb 2008
    المنطقة
    مصر
    ردود
    321
    والله هم يبكى وهم يضحك ربنا موجود
    تحياتى

  20. #20
    عضو نشيط
    صور رمزية telpo
    تاريخ التسجيل
    Jul 2004
    المنطقة
    في أي مكان .. تظل الهوية إسلامية عربية
    ردود
    972
    لحمة .. خضار ... ولبن .. وبيض


    ليييييييييييييييييييييييييييييييييييييييييييييييييييييييييييه ...... انت في باريس ... مولود في بؤك معلقة بلاتنيم


    والأدهي من كده بتقولها بكل بساطة .. عيش

    مالك ومال الأسلحة السمرة أم ردة ...... يابني انت مش عايش معانا ... الصيدليات هتنزل سعر الجلوكوز لأنه هيبقي الغذاء الأخير والموفر والموجود والكويس .. وكل حاجة

    اتضح اننا كائنات جلوكوزية .... يعني كل اللي بتقوله ده ممكن يسبب لنا مرض الرفاهية والعز .. أو حتي لا قدر الله الشبع

    ساعتها دماغنا تشتغل وتبقي مصيبة ...... أرجوووك ماتروجش للموضوع ده تاني

    وبما ان الموضوع كده ... أرجوا من الحكومة تخفيض المرتب لـ 500 جنيه .. حيث ان الجلوكوز أرخص من كده

    أنا شايف اننا بدأنا نرجع لحياة الأدغال ... شيئاً فشيئاً ... هنرجع للإنسان المصري "المعدوم" .... قصدي القديم

    5 بجنييييييييه ياعيش
    Telpo Gallery

    موقعي التعليمي
    www.cgcube.tv

    كثر المتساهلون فى الدين ، فظهر الملتزمون بصورة المتشددين ، فعلى الملتزمين إختيار الأسلوب الصحيح لتوصيل صحيح الدين لغيرهم باللطف واللين


Bookmarks

قوانين الموضوعات

  • لا يمكنك اضافة موضوع جديد
  • لا يمكنك اضافة ردود
  • لا يمكنك اضافة مرفقات
  • لا يمكنك تعديل مشاركاتك
  •  
  • كود BB مفعّل
  • رموز الحالة مفعّل
  • كود [IMG] مفعّل
  • [VIDEO] code is مفعّل
  • كود HTML معطل