موضوع: عفوا .... أنت في المقصورة الخطأ !!!

ردود: 11 | زيارات: 902
  1. #1
    يوسف التلباني
    عضو لجنة تحكيم

    صور رمزية maxspider
    تاريخ التسجيل
    May 2004
    المنطقة
    <<<<EGYPT>>>>
    العمر
    32
    ردود
    5,585

    عفوا .... أنت في المقصورة الخطأ !!!

    امتحانات .... امتحانات دور تاني .... تخرج




    إيه اللي فاضل وأبقى بني آدم زي اللي بيمشوا في الشارع ؟؟؟؟؟؟؟ ..... أيوه .... الجيش

    اغرورقت أفكاري بدموع وهمية ... واعتصر قلبي كف جلاد من حديد .... ونفسي غمت عليا

    الجيش ؟؟؟؟؟ .... نو بروبلم ... خلينا نخلص

    إيه المطلوب يا عم الحاج ؟؟؟ ....... مطلوب ومطلوب ومطلوب ......... وشهادة التخرج

    نو بروبلم (تانية غير الأولانية) .... خلونا نروح الكلية ونخلص الليلة ... ولا من شاف ولا من دري

    ياااااااه .... الكلية ؟؟؟؟ .... بقالي عشر شهور مشفتش منظرها اللي يسد نفس الغوريللا الحامل ....

    طيب .... وأدينا صحينا الصبح ... ونزلنا عشان ندب المشوار ... روحت أركب الأتوبيس, وخلافا للمعهود .... لقيته راكن ...

    جريت عليه .... بس طبعا (وآآآآآآآآه من طبعا اللي بتبوظ القصص الدرامية في مصرنا المهروسة) لقيت الراجل قافل الباب وقاعد جوه يتكلم مع الكمسري ...

    أنا : طالع يا أسطى

    الأسطى بصباعه يلوحه يمينا وشمالا "للي ميعرفوش لغة الإشارة بيقول : لا طبعا ... دانتو شعب غلباوي ومبيفهمش و ............ (تم الحذف)"

    طيب والحل .... مفيش غير بنك التعـــ ....... احم ... قصدي المترو ..................... بينا على المترو


    --------------------------------------------

    دخلت .... عديت الناحية التانية ... وقفت كأي بني آدم محترم فاكر نفسه في بلد (بنت ناس) مستني المترو ....

    وهنا ..... لاح دخانه من بعيد يتهادى مع نسمات الريـــ ...... لحظة ..... ده المترو بالكهربا !!!!!

    تسارعت وأدركت الموقف ... ده مجرد غبار ذري من الأرض النضيفة موووووت ............................. ما علينا خلينا نركب ونخلص


    جاء المترو يتهادى كبطة فقدت للتو خلاياها العصبية .... ووقف قدامي في نفس الوقت وأنا بتحرى إني أركب من الباب المخصص للصعود (قولتلكو فاكر نفسي محترم)

    وقف المترو ووقفت أمام الباب

    وبدأ يفتح وأنا بتابع انعكاس صورتي على زجاج الباب

    وأعدل من وضع نضارتي الـ police

    وأخبط بالكاوتش النايك على الأرض مطرقعا رقبتي بتحريكها يمنة ويسرة

    وأتحرك ناحية الباب وشعري المسبب بيطير من حواليا فأهز رأسي لينساب مختالا على الجانب الآخر من قفايا ...

    وأصعد بكل كبرياء وهدوء وسلاسة وعبير وهدى و ...........

    "سيدات يا أستاذ"

    أنا : !!!!!

    "سيدات يا أستاذ"

    أنا : !!!!!!!!!!!

    "سيدات يا أستاذ"

    أنا : !!!!!!!!!!!!!!!!!!!!!!!

    "سيدات يا أستاااااااااااااااااذ"

    بصيت لقي العربية كلها حريم .... والبنت اللي بتكلمني بتبصلي شزراً وأنا أجزم إن لو كان معاها machine gun لأفرغته في جتتة أبويا بلا رحمة ...

    تنحنحت وتراجعت بكل إحراج ... وخرجت من العربية ...

    خدت خطوتين ورا وأنا بفكر .... عربية السيدات دايما الأولانية والتانية .... أكونش غلطت ؟؟؟؟؟

    بصيت بصة سريعة وعديت العربيات لقيت إني في العربية الخامسة أو السادسة ............... أومال في إيه ؟؟؟؟

    وهنا قفز في خاطري سؤال لحوح أحببت أن تشاركوني إياه ....





    هما غيروا عربيات السيدات ولا إيه ؟؟؟

    وهل مسموح لينا نركب المترو أساسا ؟؟؟

    وهل هيجي الوقت اللي نلاقي فيه الرجالة بيتشعبطوا في آخر عربية من المترو في الخفاء والحريم يرددون "كرباج ورا يا أسطى" ؟؟؟؟

    ترى ......... هل كوني رجل هذه الأيام يعتبر جريمة ؟؟؟





    أعتقد أني على طول .... في المقصورة الخطأ !!!!!!!!!!!!!!!!!!!!!!!


  2. #2
    عضو متميز
    صور رمزية AHMAD-MAX
    تاريخ التسجيل
    Nov 2007
    المنطقة
    الاردن
    ردود
    2,478
    شو يعني مقصوره ؟؟
    اظن الباص يعني
    ... ...
    الحرية هي التوحيد ..
    عكس الحرية الشرك بالله تعالى ..
    تحرر من عبادة الاشياء حتى عبادة النفس والهوى وصرفها لله وحده ..
    وتمرد على كل قانون غير قانون الله ..
    ان لم تعبد الله وحده ... سوف تكون عبدا لملايين الاشياء ..

  3. #3
    عضو متميز
    صور رمزية AHMAD-MAX
    تاريخ التسجيل
    Nov 2007
    المنطقة
    الاردن
    ردود
    2,478
    اذا دخل الاخ عقرب احكولو ينتبه على كلمة (يااسطى )
    ... ...
    الحرية هي التوحيد ..
    عكس الحرية الشرك بالله تعالى ..
    تحرر من عبادة الاشياء حتى عبادة النفس والهوى وصرفها لله وحده ..
    وتمرد على كل قانون غير قانون الله ..
    ان لم تعبد الله وحده ... سوف تكون عبدا لملايين الاشياء ..

  4. #4
    عضو متميز
    تاريخ التسجيل
    Oct 2007
    المنطقة
    FORGOTTEN CITY
    ردود
    4,893
    أنا هنا بس لسه ماقريت الموضوع كامل
    درس راوتر{نمذجة+خامات+إضاءة} هنـــــــا

    درس سيف{نمذجة} هنـــــا

    تولة طيب{ نمذجة+خامات+إضاءة} هنــــا

    اصنع مكتبة خاماتك بنفسك
    هنــــا
    غائب للابد

  5. #5
    عضو نشيط
    صور رمزية gnomon
    تاريخ التسجيل
    Sep 2007
    المنطقة
    القاهره
    ردود
    522
    عربه السيدات بقت فى الوسط علشان لو المترو خبط فى حاجه من ألأمام تخبط فينا أحنا ولو حصل وحاجه خبطط فيه من الخلف بردك تخبط فينا أحنا. يعنى أحنا كبش فدى ......سبحان الله

  6. #6
    عضو نشيط
    صور رمزية gnomon
    تاريخ التسجيل
    Sep 2007
    المنطقة
    القاهره
    ردود
    522
    الحكايه دى حصلت بعد تصادم المترو منذ فتره فى حلوان وجتمع مجلس الشعب وقرر هذا القرار.

  7. #7
    عضو نشيط
    صور رمزية abo nazmi
    تاريخ التسجيل
    Sep 2007
    العمر
    98
    ردود
    709
    اقتباس الموضوع الأصلي كتب بواسطة gnomon معاينة الرد
    الحكايه دى حصلت بعد تصادم المترو منذ فتره فى حلوان وجتمع مجلس الشعب وقرر هذا القرار.

    قرار ينم عن نضج فكري و اراده زي الحديد


    بتصير كثير بالايام هذي!!!!!!!!!!!!!!!
    ya xwe

  8. #8
    مشرف منبر عرض و نـقــد
    صور رمزية Jassar
    تاريخ التسجيل
    Oct 2006
    المنطقة
    بانتظار عودة الخلافة
    ردود
    8,389
    هههههههه, تم حفظ القصة! بدي أعمل سلسلة باسمك أخي maxspider ثم أطبعها.... راح نربح الملايين من القروش
    في النظام الديمقراطي (والذي هو مخالف للإسلام قلبا وقالبا), يسمح للشواذ أن يتزوجوا رسميا
    وكل حاكم يحكم بهذا النظام, وإن ادعى أنه إسلامي, فهو يؤمن بهذه الحرية..

    موقعي الشخصي | صفحة الفيسبوك الرسمية

  9. #9
    يوسف التلباني
    عضو لجنة تحكيم

    صور رمزية maxspider
    تاريخ التسجيل
    May 2004
    المنطقة
    <<<<EGYPT>>>>
    العمر
    32
    ردود
    5,585
    AHMAD-MAX .... المقصورة هي العربة .... جزء من المترو

    gnomon ... ماهو أنا عرفت الحكاية دي بعدها ... واضح إن الرجالة بقى تمنهم رخيص ... قالك نضحي بالجنين عشان العربية تعيش ^_^

    abo nazmi .... طبعا يافندم ... احنا حكومتنا رشيدة, وبكار عمّال يدور عليها

    جسار ... حبيبي ^_^ ... يافندم شرف للقصة أن تحفظها عندك ... أهم حاجة لما تربح ملايين "القروش" تحولها لدولارات بسرعة ... بيقولك الجنيه هيتم إلغائه قريب وهنعيش على المقايضة

  10. #10
    ضياء الدين
    صور رمزية diaaking
    تاريخ التسجيل
    May 2004
    المنطقة
    مصر
    العمر
    30
    ردود
    3,679
    ههههههههههههههههههههههه
    دلوقتي عربيات السيدات العربيات الي في المنتصف ...
    فخلي بالك بدل متخش عربيه غلط وتعمل ذي فيلم امير الظلم ... بكابورتا ... بكابورتا
    الحياة ألم يخفيه أمل
    أمل يحققه عمل
    وعمل ينهيه أجل
    ثم يجزى كل امرئ بما فعل

  11. #11
    يوسف التلباني
    عضو لجنة تحكيم

    صور رمزية maxspider
    تاريخ التسجيل
    May 2004
    المنطقة
    <<<<EGYPT>>>>
    العمر
    32
    ردود
    5,585
    مش عارف يا عم ضياء ... حاسس إني بقيت لابس نضارة حولة ....

    ربنا يستر المرة الجاية ^_^

Bookmarks

قوانين الموضوعات

  • لا يمكنك اضافة موضوع جديد
  • لا يمكنك اضافة ردود
  • لا يمكنك اضافة مرفقات
  • لا يمكنك تعديل مشاركاتك
  •  
  • كود BB مفعّل
  • رموز الحالة مفعّل
  • كود [IMG] مفعّل
  • [VIDEO] code is مفعّل
  • كود HTML معطل