انا فى بكالوريوس تجارة وعاوز ادرس الرسوم المتحركة فى كلية الفنون الجميلة (مصر)

[nowornot]

السلام عليكم ورحمة الله وبركاته

انا فى بكالوريوس تجارة السنادى وعاوز ادرس الرسوم المتحركة فى كلية الفنون الجميلة (مصر) بعد ما اخلص كلية تجارة لانى سمعت ان انا ممكن ادرس دراسه حره فى كلية الفنون الجميلة بعد ما اخلص تجاره ! انا بصراحة غاوى رسم وكمبيوتر ونفسى اتعلم هذا الفن . وكان نفسى اعرف ايه نظام التقديم فى الكلية ومدة الدراسه والمصاريف وكده ...... وهل فى اماكن تانيه افضل من كلية فنون جميلة ممكن اتعلم فيها هذا الفن . ياريت اى حد عنده معلومات ما يبخلش بيها عليا . والسلام عليكم ورحمة الله وبركاته .

[قمة الذكاء]

لا اعلم كيف اساعدك لكن ابدا بتعلم الرسم بالكمبيوتر واختر المجال الذي يساعدك في هذا

[M-Keshta]

بصراحه انا كنت بفكر فى الموضوع ده زيك بالظبط لو وصلت لاى حاجه ياريت تبلغنى
بس يعنى ايه دراسه حره ؟؟

[MOHSEN]

هو انا اسمع فعلا ان فى دراسه حرة فى كليات زى فنون جميلة لاكن بمصاريف
وانا هسأل فى الموضوع وان شاء الله نبلغكم بالتفاصيل

[nowornot]

يارب... سبحان الله وبحمده سبحان الله العظيم

لا اعلم كيف اساعدك لكن ابدا بتعلم الرسم بالكمبيوتر واختر المجال الذي يساعدك في هذا

الف شكر على النصيحة وان شاء الله هو ده الى انا شغال عليه دلوقتى.

بصراحه انا كنت بفكر فى الموضوع ده زيك بالظبط لو وصلت لاى حاجه ياريت تبلغنى
بس يعنى ايه دراسه حره ؟؟

دراسة حرة على حد علمى ان انت بتختار المجال الى انت عايز تدرسه والكلية بتبدا تنظم محاضرات وبتبقى مدة الدراسة على حد علمى لمدة 6 شهور . وان شاء الله لو توصلت لاى حاجه هبلغك فورا . وشكرا

هو انا اسمع فعلا ان فى دراسه حرة فى كليات زى فنون جميلة لاكن بمصاريف
وانا هسأل فى الموضوع وان شاء الله نبلغكم بالتفاصيل

ربنا يكرمك والله ... انا فعلا نفسى اعرف الموضوع ده نظامه ايه ومدى جدوته .. وانا فى انتظار ردك
ودا اميلى يا جماعة
nowornot_86@hotmail.com

[maxspider]

أنا سمعت الموضوع ده ... والدراسة الحرة حسب ما عرفت لمدة 5 سنوات

بس لازم تنزل بنفسك الزمالك وتسأل في الكلية هناك عشان تتأكد ...

بالتوفيٌق

[Y@$$ER]

ألسلام عليكم معاكم ياسر لطفي
أولى جرافيك فنون جميلة الزمالك

فيه فعلاً دراسات حرة عندنا بس عاوز أفهمك حاجة الأول
أول حاجة بنسبة 90% ما فيش دراسات حرة في الرسوم المتحركة
تاني حاجة لو فيك ما أنصحكش لإن عندنا كل الشغل بالإيد هاند فري يعني مش بالكمبيوتر

فشوف الأول و حدد إنت عاوز تبقى في مجال إيه بالظبط؟

[m07amed]

.........................................

[nowornot]

ألسلام عليكم معاكم ياسر لطفي
أولى جرافيك فنون جميلة الزمالك

فيه فعلاً دراسات حرة عندنا بس عاوز أفهمك حاجة الأول
أول حاجة بنسبة 90% ما فيش دراسات حرة في الرسوم المتحركة
تاني حاجة لو فيك ما أنصحكش لإن عندنا كل الشغل بالإيد هاند فري يعني مش بالكمبيوتر

فشوف الأول و حدد إنت عاوز تبقى في مجال إيه بالظبط؟

الف شكر على اهتمامك وردك يا ياسر .... وعلى فكره انا ماعنديش مشكلة ان الرسم يكون بالايد فقط مش مهم ... انا كل الى عاوز اتعلمه هى تقنية التحريك واساسياتها اما كيفية تنفيذها على الكمبيوتر مش مهم دى خليها عليا. اما بالنسبة لتحديد المجال فا انا عاوز قسم رسوم متحركة وانا اسمع ان فى فنون جميلة فى قسم رسوم متحركة عشان كده سألت . والف شكر مره تانيه على اهتمامك .

[nowornot]

أنا سمعت الموضوع ده ... والدراسة الحرة حسب ما عرفت لمدة 5 سنوات

بس لازم تنزل بنفسك الزمالك وتسأل في الكلية هناك عشان تتأكد ...

بالتوفيٌق

الف شكر يا يوسف .. وطبعا مشوار الزمالك ده مافيش مفر منه بس انا حبيت اخد فكره الاول قبل ما اضرب المشوار ده

[Y@$$ER]

أيوه يا باشا ده قسم متفرع من قسم الجرافيك اللي أنا فيه و إن شاء الله ناوي أدخله

بس على ما أعتقد إن الدراسة الحرة ما بتبقاش في ده
أن بشوف الدراسات الحرة كلها بتيجي عندنا في قسم تصوير

عامتاً هحاول أسألك النهاردة يا باشا بس إنت الرسوم المتحركة ديه ممكن تاخد فيها كورس من بره الكلية و هيبقى أحسن
الحاجة المميزة عندنا هي الإحساس بالفن يعني بتلاقي الطابع الفني طابع جامد على الحاجة اللي بتعملها

[nowornot]

أيوه يا باشا ده قسم متفرع من قسم الجرافيك اللي أنا فيه و إن شاء الله ناوي أدخله

بس على ما أعتقد إن الدراسة الحرة ما بتبقاش في ده
أن بشوف الدراسات الحرة كلها بتيجي عندنا في قسم تصوير

عامتاً هحاول أسألك النهاردة يا باشا بس إنت الرسوم المتحركة ديه ممكن تاخد فيها كورس من بره الكلية و هيبقى أحسن
الحاجة المميزة عندنا هي الإحساس بالفن يعني بتلاقي الطابع الفني طابع جامد على الحاجة اللي بتعملها

الف شكر ياياسر على اهتمامك وعلى تعبك معايا ..اما بالنسبة لاختيارى لكلية فنون جميلة للدراسة فده عشان هلاقى جواها خبرات فى مجالات كتيرة غير الرسوم المتحركة اكيد هستفاد منها والف شكر مرة اخرى على اهتمامك يا ياسر .