Unconfigured Ad Widget

تقليص

إعـــــــلان

تقليص
لا يوجد إعلان حتى الآن.

عشر طرق عشان تعكنن على مراتك

تقليص
X
 
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • عشر طرق عشان تعكنن على مراتك

    عشر طرق عشان تعكنن على مراتك


    1-
    اصحى يوم الجمعة بهمة ونشاط وجهز الافطار لزوجتك بس متنساش انك تستخدم 15 طبق واكبر كمية من الملاعق والشوك و 5 حلل من اللي عندكم فى المطبخ و 10 كوبيات لاعداد طبق بيض وسندوتش جبنة
    طبعا يُراعى ترك آثار سمنة على الارض مع ترك التلاجة مفتوحة وقشر البيض فى الحوض
    *******
    2-
    اذا كنت بتتفرج على التلفزيون وهي عايزة تغيّر القناة .. قولها معلش الحلقة دى مهمة جدا واحد صاحبي شافها على القناة الفضائية وقالي ان الحلقة دي هى المسلسل كله
    ولو كنت بتتفرج على ماتش كورة هيبقى الموضوع اسهل .. كل ما حد من اللاعبين من أي فريق يمسك الكورة قالها معلش ثوانى بقى انا حاسس ان الكورة دي جون حتى لو كان حارس المرمى ماسك الكورة والماتش واقف لان فى واحد مصاب
    ملاحظة : اغلب النساء ذوو ثقافة كروية ضعيفة
    *******
    3-
    الصبح وانت رايح على شغلك وهى نايمة تعمد اسقاط اى شئ او خبط الباب بصوت عالى علشان تصحيها هى كمان..اشمعنى انت ؟ ولو حاولت ترجع تنام تانى قالها مادام صحيتى حضري الفطار بقى
    *******
    4-
    فى عيد ميلادها زيّن ليها تورتة عيد ميلادها بخمسين شمعة ولو سألتك لية خمسين رغم ان عندها 15 سنة بس ؟! اتحجج بضعف الاضاءة فى البيت وانت بتبص على النجفة اللى عندكم اللى فيها 30 لمبة مع ابتسامة صفراء خفيفة
    *******
    5-
    لو عاملة ريجيم اجري على السوبر ماركت ومحلات الحلويات واملى التلاجة شكولاتة وحلويات وجاتوهات .. يُراعى التجول وانت مستمتع بأكل الجاتوة امامها
    *******
    6-
    ماتنساش رأيك فى طبيخها لو عاملة لحمة قولّها حلو اوووى الفراخ دي .. ولو طبخة بامية .. جميلة اوى الملوخية دي ياحياتي حطّة عليها ايه ؟؟ ولو عملة كيكة قولّها انا بحب اشرب شاى مع البسكويت الحلو ده
    *******
    7-
    لو طلبتْ منك تنشر الهدوم قولها حاضر مع ابتسامة حنينة وبعد ما تخلص نشر الهدوم ادخل عليها وقولها انا نازل اجيب الهدوم اللى وقعت مني فى الشارع ولو سألتك هو اية اللى وقع ؟ اذكر لها كل هدومها اللى كانت مغسولة مع فردة شراب من بتوعك علشان متبقاش مقصودة منك
    *******
    8-
    لو الزوجة قررت مسح الأرضيات فى البيت حاول انك تروح وتيجي على المناطق المبلولة متحجج بأنك محتاج تتصل ضرورى بواحد صاحبك ومرة عطشان ومرة تانية بتجيب الجرنال ومفيش مانع انك تقول انك حاسس ان التليفون هيرن كمان شوية
    *******
    9-
    لو كانت مشغولة فى نظافة البيت او مع الاولاد وطلبت منك تغسل كوبايتين الشاي بتوع الصبح الموجودين فى الحوض ارجعلها كمان دقيقة من دخولك المطبخ وانت ماسك كوباية من الاتنين وهي مكسورة واسألها فى براءة : ارمي دي فين ؟؟
    *******
    10-
    وانت قاعد تتفرج على التلفزيون وهيّ طالع عينها فى تنظيف البيت وبعد ما تخلص وتيجي يدوبكك تقعد تستريح جنبك بصلها وقالها حبيبتى معلش ممكن كوبية ميّة علشان ضهري بيوجعني


    منقول
    الحياة ألم يخفيه أمل
    أمل يحققه عمل
    وعمل ينهيه أجل
    ثم يجزى كل امرئ بما فعل

  • #2
    ونت فاكر يا بطل ان انت لما تعكنن على مراتك - دا لو انت متجوز - هيا هتسيبك فى حالك
    طيب ما ممكن تعمل هيا حجات تخليك تنتحر
    عارف الحجات دى ؟ اسئل عليها الكبار

    تعليق


    • #3
      هذي عدوتك مش مراتك ................. ههههههههههه


      خليها تيجي بالاول بقي ................... ونشوف يمكن نستعمل شي من هذا القبيل ههههههه

      تعليق


      • #4
        لا لا

        سيبك من هذا كله

        اذا بغيت تعذبها لا توديها السوق خخخخخخخخخخخ

        بالتوفيق
        الأول : يتحدث كثيرا , ولا يقول شيء ..
        الثاني : يتحدث قليلا , ويقول كل شيء ..

        تعليق


        • #5
          بس انت نيست انها هتطلعه على دماغك فى الاخر....هههههههههههه

          تعليق


          • #6
            المشاركة الأصلية بواسطة diaaking مشاهدة المشاركة

            5-
            لو عاملة ريجيم اجري على السوبر ماركت ومحلات الحلويات واملى التلاجة شكولاتة وحلويات وجاتوهات .. يُراعى التجول وانت مستمتع بأكل الجاتوة امامها
            دي اجمل طريقة

            فقط دقيقتين هنا .. ثم واصل حياتك



            هذا السودان

            تعليق


            • #7
              هههههههههههههههههه لو رايت مأساتها مع الاولاد وسهرها طوال الليل لرحمتها
              وكمان لو مفيش عيال راح هيى تخترعللك 1000 طريقة للعكننة هههههههههههه اسئل مجرنب










              صحيح كيف حالك

              تعليق


              • #8
                بسم الله

                ضياء انت كنت فين من زمان يا راجل

                انا كنت مستنى النصايح الذهبيه ده من بدرى

                كده الواحد مع شوية عزف منفرد يعرف ياخد بتاره و يفش غله شويه

                الحمد لله
                .
                سبحان الله وبحمده سبحان الله العظيم

                أحب الصالحين ولست منهم لعلي أنـال بهـم شفاعـة

                وأكره من تجارته المعاصى و لو كلنا سواء في البضاعة



                .

                تعليق

                يعمل...
                X