اول رسمه على التابلت

[mady]

السلام عليكم ورحمة الله وبركاته
كنت اشتريت تابلت من ثلاث شهور تقريبا بس عشان ضغط الشغل ماقدرتش الاقي وقت اعمل عليها حاجه
واخيرا بمجرد مالاقيت نفسي فاضي بدات اشخبط شويه ولاقيت ان الموضوع ده ممتع اخر حاجه
بس الغريب اني وصلت لنتيجه عجبتني ودي صراحه حاجه ماكنتش متوقعها لاني متوقف عن الرسم من
فتره طوييييييييييييييييييييييييييييييييييييييييييييييييييييييييييله جدا
وكمان لان دي اول رسمه ارسمها من خيالي في حياتي كلها يظهر ان شغل الثري دي ليه منافع
ماكنتش واخد بالي منها

عشان كده حبيت اعرضها عليكوا

المهم __ انا بدات اهتم في مجال التو دي وكان لي طلب صغير يعني لو حد عنده درس كويس سواء لطرق الرسم والتلوين او للانيميشن ياريت يفيدني باسم الدرس وجزاه الله خيرا

اه ... العمل على الفوتوشوب

اسيبكوا مع الرسمه

بالنسبه للتاريخ _ الغلطه من الجهاز بتاعي مش مني

[Jassar]

حلوة يا باشا!!!!

تفضل بعض الدروس المفيدة جدا جدا جدا:
http://www.carloscabrera.com.ar/tutorials/

http://forums.cgsociety.org/forumdisplay.php?f=31

http://www.danphyillaier.com/process/pi.html

http://www.waheednasir.com/mytutorials.htm

بالتوفيق!

[cortex]

الرسمة جنان و التلوين رائع

مشكور ع الرسمة أخي و مشكور جسار ع الروابط

[maxspider]

بتهرج ..... صح ؟؟؟؟؟؟

ما شاء الله ... بجد لو انت اللي عاملها ... لو يعني ^_^ .... تبقى تسلم إيدك

والله يابني متوقعتش تكون بالحلاوة دي ... أومال إيه الإشاعة اللي مطلعها على نفسك إنك ملكش في الرسم ومبتعرفش الرصاص من الجاف ... ده كان نوع من إبعاد الحسد يعني ولا إيه ؟؟؟ O_o

بص بقى ..... أنا ههج مكن البلد دي ... انت مسبتليش حاجة ...




ربنا يوفقك ياعسل بالحلاوة

[telpo]

ياعيني ياملزق ... ايه الحلاوة دي "طبعاً شئ منطقي العلاقة مابين الحلاوة واسمك" المهم

انت عارف رأيي .. بجد حاجة تحفة جداً جداً .. ويابني أنا قلت لك قبل كده ... موهووووب بالفطرة ... توزيع الظل والألوان وخطوط الرسم .. حاجة جميلة جداً .. وعلى فكرة .. حاسس ان ده هيخليك تبقي صاحب استايل في الرسم

واضح ان ايدك ماشية في الرسم ... زي السكينة في الحلاوة "راجع التشبيه الأول حول علاقة الحلاوة بيك "

كده هتخليني مستني أي حركة جامده تاني .. وعلى فكره في تحريك in between في الفوتوشوب الجديد .. يعني ممكن تحاول كمان تحرك

موفق دايماً ان شاء الله

والله المستعان

[tota_max]

جميلة.............

[<phoenix>]

رسم موفق ... بس ماتكون لك فالكريكاتير ^^

استمر وحرك الكهربا فالتابلت

بالتوفيق

[diaaking]

ايه الحلاوه دي يا معلم .. فعلا حاجه تحفه و بتدل ان الحلاوة من عند رشيدي الميزان
والله شجعتني اني اشتري تبلت ..

[morofanan]

جميل تسلم ايدك بالتوفيق
تحيانى

[mady]

شكرا ليكوا يا جماعه على ردودكم الجميله والمشجعه
وياريت لو حد عنده اي درس مفيد بس يديني اسمه مش اكتر وانا هجيبه
ان شاء الله
وشكرا ليكو مره تانيه

محمد الحلواني

[أندلسي]

jassar أنت طيب

[الحميدي]

يا سلام عليك مبدع بجد