موضوع: ممكن حد يساعدني في تصميم بروشور لسوق خيري

ردود: 7 | زيارات: 10314
  1. #1

    Unhappy ممكن حد يساعدني في تصميم بروشور لسوق خيري

    طلب مني تصميم بروشور لسوق خيري خلل 48 ساعة

    ممكن تساعدوني لإنها أول مرة وعلى هعملها بدون مقابل

    نوع من المساهمة لدعم السوق الخيري

    أرجوكم السرعة لو في حد هيساعدني


    التفاصيل

    قرر مجلس إدارة صندوق رعاية المصريين العاملين بالمملكة الشروع فى إقامة السوق الخيرى الثانى يوم الجمعة الموافق 16 مايو 2008 بقصر لازورد للأفراح بحى الشفاء لدعم الحالات الإنسانية لأعضاء الجالية المصرية.
    وقد تم الاتفاق مع مجموعة كبيرة من العارضين والرعاة وجارى الاتفاق مع رعاة وعارضين آخرين.
    العارضون الذين تم الاتفاق معهم :
    1- مؤسسة زهور الندى
    2-شركة عبد الله العثيم.
    3- مجموعة عمر على بلشرف.
    4-شركة محمود العطار .
    5- شركة مستلزمات الكومبيوتر.
    6- شركة آرا سوفت
    7- رعاية من د. عبدالله الغامدى
    8 - رعاية من د. نشوى غبارة.
    9-مشغولات يدوية من الصندوق.
    10 - لوحات زيتية من الصندوق
    11مأكولات مصرية
    12- نظارات محمد زكى.
    13 دار طويق للنشر والتوزيع.
    14 - معرض عباءات وجلابيات نسائية.

    مطلوب تصميم لبروشور السوق الخيرى خلال 48 ساعة

    المعلومات المكتوبة به

    صندوق رعاية المصريين العاملين بالمملكة

    اليوم الخيرى الثانى

    لدعم الحالات الإنسانية من أعضاء الجالية

    الجمعة 16 مايو 2008 بقاعة لازورد للأفراح بحى الشفا

    الراعى الماسى....... + لوجو الراعى
    الراعى الذهبى ....... + لوجو الراعى
    الراعى الفضى ........ + لوجو

    الرعاة .....مكان للوجوهات


    هذا وسيتم موافاتي بالتفاصيل قريباً
    ولكني لا أعلم طريقة التصميم
    فياريت تساعدوني
    ويتبقى أسماء الرعاة واللوجوهات توضع في اماكنها


    بالنسبة للمقاس
    A4 مطوي نصفين والدقة 300 dbi
    وطبعاً البروشور هيقوموه بطبعه لتوزيعه يدوياً
    وقد علمت ان نظام الألوان في المطبوعات(نظام الألوان لازم يكون Cmyk) يختلف عن شاشة الكمبيوتر والنت (Rgb)
    أخر تعديل بواسطة om_arif في 30 / 04 / 2008 الساعة 08:08 PM


  2. #2
    للرفع والمساعدة

  3. #3
    عضو متميز
    صور رمزية Shady3D
    تاريخ التسجيل
    Nov 2002
    المنطقة
    القـــاهرة - مــصـر
    ردود
    1,484
    ابدا ملف فوتوشوب - لو شغال كوريل او اليستليتور يكون افضل وافضل
    المهم نتكلم شوية مع الفوتوشوب على السريع - اسمحلى " بلغة السوق "
    ملف 60 سم - العرض - 20 سم الإرتفاع - لان كل 20 * 20 سم هيكون ضرفة " الضرفة = الثنية الواحدة " ودا ابسط برشور " 3 ضرفة " وفيه 6 و 8 حسب خبرة المصمم الى ممكن يبدع فى الشغل

    قبل البدء جهز 3 خطوط - خط عناوين - خط كتابة عادى جدا ومقروء بوضوح - خط حركات لكتابة الشىء المميز
    جهز كل شغلك واللوجوهات والبرندات الى معاك - ملفات ai او ملفات eps " اطلب السورسات دى من
    الرعاة "

    جهز كل التكست ملف ورد - يفضل انك تشتغل كوبى وبيست بدل ما تتيب انت الشغل
    حاول تتخيل شكل برشور عجبك او تتطلع على شوية برشورات قبل كدا - ودا شىء صحى لان الإطلاع لازم هيديلك افكار يا اخى
    حاول تعمل ترتيب كروكى للصور والكلام بشكل متناسق
    ضيف حركة جديد ة - برواز ملفوف قليلا خارج الصورة - حركة ظل جديدة للصورة
    متنساش تلعب على خفيف اوى فى الأرضية علشان متبقاش سوليد

    روح على الديفنت deviantart هناك وتفرج على تصميمات البرشورات ودى نتيجة البحث عن برشور 1918 search results for brochure

    ودى امثلة من المقاس الى ادتهولك الـ 60 - 20


    خد بالك من الإستربات الى تحت دى وشوف هنا مدية الشغل روح ازاى


    بص هنا بردو كسر اللون السوليد مع انو ريد بس طلع جميل فى الأرضية بالروندات ازاى




    نتكلم بقا شوية اكاديمي

    1 - من هو الجمهور المستهدف ؟ لا يمكن عمل شىء ارستقراطى ومكلف جدا لمجرد انه سيوزع فى غير نوادى خاصة او طبقات محددة
    2 - راعى دائما ترك 1 سم بليد خارج التصميم
    3 - يجب ان يكون كل البيانات المضمنة فى البرشور داخل البرشور بمسافة 2 سم على الاقل
    4 - لا تتعامل مع درجة لون اقل من 15 % من اللون الواحد

    تحياتى وربنا يوفقك
    -------
    most of us will never do great things
    but we can do small things in a great way
    -------

  4. #4
    شكرا يا شادي ... انا حذفت مشاركتي , لانو منظرها وحش جنب مشاركتك ... انا عملت حاجه على السريع وبسيطه ... وانتا جايب الطلب وزياده كمان .

    تحياتي يا مان .

  5. #5
    عضو متميز
    صور رمزية Shady3D
    تاريخ التسجيل
    Nov 2002
    المنطقة
    القـــاهرة - مــصـر
    ردود
    1,484
    تصدق انت زعلتنى كدا - لا طبعا مزعلش منك
    انت جمايلك كتير فى المنتدى وانا مقدر مشاغلك - بس شلت مشاركتك ليه ؟ مشاركتى مكلمة لمشاركتك
    اتمنى من الله عز وجل ان احنا نقدر نفيد بعضنا ولو بكلمة واحدة
    تحياتى ليك
    -------
    most of us will never do great things
    but we can do small things in a great way
    -------

  6. #6
    لا والله يا شادي ... بس الحق يتقال , انا شايف كل رد فالمنبر , ومتابع كل شيء لانو شغلي ... معندكش فكره ابدا .

    بس القضيه انو انا مش لوحدي لازم اجيب واضيف كل شيء ... والا هتكون الأمور ببلاش الا ربع وملهاش طعم .

    انا استنيت حد ينزل ... وللأسف مفيش , ولما شفت الموضوع , علطول عملت الموضوع على السريع وبأبسط شيء ممكن !

    جيت انتا ونزلت مشاركه من العيار التقيل , وبصراحه اللون الأحمر غاظني ... واستحيت من نفسي ! فشلت المشاركه , بس مش أكتر .

    ولو عايز أحط كلام جامد , انا عارف مسبقا وعن تجربه انو محدش بياخد فيه ... الا من رحم ربي .

    فبكتفي بالأجابه على السؤال وبحجمو بس ! ... لازم كمان العضو يتحرك من نفسو ... صح ولا لأ .

    أتمنى متزعلش مني وفعلا مشاركتي كانت مش ( لوك ) خااااااااالص .

    تحياتي يا مان .. وكلك زوق

  7. #7
    عضو متميز
    صور رمزية Shady3D
    تاريخ التسجيل
    Nov 2002
    المنطقة
    القـــاهرة - مــصـر
    ردود
    1,484
    كلامك تمام وعين العقل بصراحة - اعتقد ان الاخ بسؤاله وتفاصيل سؤاله فالشىء دا مهم ليه وان شاء الله يستفاد ولو بمعلومة
    بس بردو مهما تعمل - مشاركتى كانت جزء تانى من مشاركتك
    انت راجل محترم بجد ربنا يحفظك
    -------
    most of us will never do great things
    but we can do small things in a great way
    -------

Bookmarks

قوانين الموضوعات

  • لا يمكنك اضافة موضوع جديد
  • لا يمكنك اضافة ردود
  • لا يمكنك اضافة مرفقات
  • لا يمكنك تعديل مشاركاتك
  •  
  • كود BB مفعّل
  • رموز الحالة مفعّل
  • كود [IMG] مفعّل
  • [VIDEO] code is مفعّل
  • كود HTML معطل