Unconfigured Ad Widget

**om_arif** · 30 / 04 / 2008, 08:08 PM

للرفع والمساعدة

**Shady3D** · 30 / 04 / 2008, 09:52 PM

ابدا ملف فوتوشوب - لو شغال كوريل او اليستليتور يكون افضل وافضل
المهم نتكلم شوية مع الفوتوشوب على السريع - اسمحلى " بلغة السوق "
ملف 60 سم - العرض - 20 سم الإرتفاع - لان كل 20 * 20 سم هيكون ضرفة " الضرفة = الثنية الواحدة " ودا ابسط برشور " 3 ضرفة " وفيه 6 و 8 حسب خبرة المصمم الى ممكن يبدع فى الشغل

قبل البدء جهز 3 خطوط - خط عناوين - خط كتابة عادى جدا ومقروء بوضوح - خط حركات لكتابة الشىء المميز
جهز كل شغلك واللوجوهات والبرندات الى معاك - ملفات ai او ملفات eps " اطلب السورسات دى من
الرعاة "

جهز كل التكست ملف ورد - يفضل انك تشتغل كوبى وبيست بدل ما تتيب انت الشغل
حاول تتخيل شكل برشور عجبك او تتطلع على شوية برشورات قبل كدا - ودا شىء صحى لان الإطلاع لازم هيديلك افكار يا اخى
حاول تعمل ترتيب كروكى للصور والكلام بشكل متناسق
ضيف حركة جديد ة - برواز ملفوف قليلا خارج الصورة - حركة ظل جديدة للصورة
متنساش تلعب على خفيف اوى فى الأرضية علشان متبقاش سوليد

روح على الديفنت deviantart هناك وتفرج على تصميمات البرشورات ودى نتيجة البحث عن برشور 1918 search results for brochure

ودى امثلة من المقاس الى ادتهولك الـ 60 - 20

خد بالك من الإستربات الى تحت دى وشوف هنا مدية الشغل روح ازاى

بص هنا بردو كسر اللون السوليد مع انو ريد بس طلع جميل فى الأرضية بالروندات ازاى

نتكلم بقا شوية اكاديمي

1 - من هو الجمهور المستهدف ؟ لا يمكن عمل شىء ارستقراطى ومكلف جدا لمجرد انه سيوزع فى غير نوادى خاصة او طبقات محددة
2 - راعى دائما ترك 1 سم بليد خارج التصميم
3 - يجب ان يكون كل البيانات المضمنة فى البرشور داخل البرشور بمسافة 2 سم على الاقل
4 - لا تتعامل مع درجة لون اقل من 15 % من اللون الواحد

تحياتى وربنا يوفقك

**<phoenix>** · 30 / 04 / 2008, 10:03 PM

شكرا يا شادي ... انا حذفت مشاركتي , لانو منظرها وحش جنب مشاركتك ... انا عملت حاجه على السريع وبسيطه ... وانتا جايب الطلب وزياده كمان .

تحياتي يا مان .

**Shady3D** · 30 / 04 / 2008, 10:09 PM

تصدق انت زعلتنى كدا - لا طبعا مزعلش منك

انت جمايلك كتير فى المنتدى وانا مقدر مشاغلك - بس شلت مشاركتك ليه ؟ مشاركتى مكلمة لمشاركتك
اتمنى من الله عز وجل ان احنا نقدر نفيد بعضنا ولو بكلمة واحدة
تحياتى ليك

**<phoenix>** · 30 / 04 / 2008, 10:15 PM

لا والله يا شادي ... بس الحق يتقال , انا شايف كل رد فالمنبر , ومتابع كل شيء لانو شغلي ... معندكش فكره ابدا .

بس القضيه انو انا مش لوحدي لازم اجيب واضيف كل شيء ... والا هتكون الأمور ببلاش الا ربع وملهاش طعم .

انا استنيت حد ينزل ... وللأسف مفيش , ولما شفت الموضوع , علطول عملت الموضوع على السريع وبأبسط شيء ممكن !

جيت انتا ونزلت مشاركه من العيار التقيل , وبصراحه اللون الأحمر غاظني ... واستحيت من نفسي ! فشلت المشاركه , بس مش أكتر .

ولو عايز أحط كلام جامد , انا عارف مسبقا وعن تجربه انو محدش بياخد فيه ... الا من رحم ربي .

فبكتفي بالأجابه على السؤال وبحجمو بس ! ... لازم كمان العضو يتحرك من نفسو ... صح ولا لأ .

أتمنى متزعلش مني وفعلا مشاركتي كانت مش ( لوك ) خااااااااالص .

تحياتي يا مان .. وكلك زوق

**Shady3D** · 30 / 04 / 2008, 10:31 PM

كلامك تمام وعين العقل بصراحة - اعتقد ان الاخ بسؤاله وتفاصيل سؤاله فالشىء دا مهم ليه وان شاء الله يستفاد ولو بمعلومة
بس بردو مهما تعمل - مشاركتى كانت جزء تانى من مشاركتك

انت راجل محترم بجد ربنا يحفظك

Unconfigured Ad Widget

إعـــــــلان

ممكن حد يساعدني في تصميم بروشور لسوق خيري

ممكن حد يساعدني في تصميم بروشور لسوق خيري

تعليق

تعليق

تعليق

تعليق

تعليق

تعليق