مبروك للاخوه المصريين

[esamdrsh]

هو مش مبروك جامد يعني .. بس تم زياده الراوتب للموظفين بنسبه 30%

يعيش الرعب

[m07amed]

تقريبا تلت تربع المصريين اللي هنا ويمكن اكتر قطاع خاص مش حكومة

[rekapidesign]

هو مش مبروك جامد يعني .. بس تم زياده الراوتب للموظفين بنسبه 30%

يعيش الرعب

الله يبارك فيك يا عصام باشا واحب اهني الشعب المصري كمان علي ارتفاع اسعار السلع الرئيسية بنسبة 80 % يعني بالبلدي كده من دقنه وافتله
للاسف يا عصام الحكومة مبتعملش حاجة لله كل حاجة محسوبة ومدروسة
زجاجة الزيت المعفن اللي عامل نفسه زيت درة 8 جنيه وسلملي علي محدود الدخل
............

[mmnoor]

30%

والأسعار بتزيد بأكثر من الضعف عادي جداً وما تسألش ازاي وليه وفين الاقتصاد وفين الوزارات هو لعب عيال وخلاص ريّح دماغك زي ما احنا مكبرين

[y@sser]

يا شباب اصلا المشكله اكبر من كده بكتير
انا مش عارف ليه حتي في اماكن الاخبار المحترمه مركزين علي الازمه الاخيره
هي القشة الي قصمت ظهر البعير لكنها ليست الاصل
الاصل ان معدل الاجور في مصر اصلا سيء جدا ومن قبل الازمه العالميه حياه المصريين اقرب للمعجزه
معدل الاجور بعيد تماما عن الاسعار بالضافة للامتيازات التي تقدم للاجانب لجذب الاستثمار التي تمكن الاجنبي من ضرب منافسه المحلي المتساوي معه في نفس سعر الخام والتكاليف
بصراحه البلد واقعه في البير من زمان ولكن رحالة طريق يوسف لم يمرو عليها

[youssef_23]

ان شاء الله يا جماعة لسة فى امل ...........

زى ما فى عمر وصلاح بالظبط

[rekapidesign]

طيب اقولكو علي حاجة يا اخوانا هي حادثة حصلت زمان كان عمري وقتها حوالي 10 سنين
يعني كنا سنة 95 من 13 سنة تقريبا كان لابي رحمه الله صديق يدعي الدكتور محمد عبد الصبور رحمه الله كان الرجل يعمل استاذا لمادة الاقتصاد في احدي الجامعات الامريكية و رئيس لقسم الاقتصاد بالجامعه وكان ابي دائما ما يصحبني معه في جلساتهم وكنت امل الجلوس معهم هما عجائز يتحدثون عن احوال البلد وانا طفل عاوز العب واتنطط
المهم في احدي المرات قال الدكتور لابي وهذه هل الجملة الوحيدة التي اذكرها من محادثاتهم الطويلة وبالنص الحرفي قال الدكتور لابي : يا عم محمد الراجل ده هيبيع البلد للاجانب و المستثمرين حته حته وان شاء الله بعد 20 سنة هتلاقي ان اكتر من ربع البلد مش بتاعنا ولا بتاع الحكومة فرد عليه ابي بسخرية : يعني ايه يا دكتور يعني ممكن يبيعو مجمع التحرير
فرد الرجل : مش بعيد .. في ذلك الوقت لم نكن نسمع عن الخصخصة او بيع القطاع العام ولم نعرف معني كلمة مستثمر ولما بدأت عملية الخصخصة بعد وفاة الرجل صاحب النبؤة بحوالي 6 سنوات علي الاقل بدأت بالشركة التي يعمل بيها ابي وقال لي : الله يرحمك يا دكتور محمد الراجل كأنه يعرف الغيب و لو كان هذا الرجل حيا الي الان لم يسعه الا ان يفعل شئ من اتنين
اما انه يطلع لسانه لابي ويقولو شوفت علشان تسمع كلامي او لمات كمدا
علي العموم بلدنا حالها من سئ الي اسوأ
اسف علي الاطالة ربنا يخلي السيد الرئيس راعي محدودي الدخل في مصر

[ابومعاذ]

اهني الشعب المصري كمان علي ارتفاع اسعار السلع الرئيسية بنسبة 80 %

80%مين بس الاسعار زادت بنسبة 150% يعنى كليو السكر من 160 قرش ل3جنيه ونصف يبقى 80 ازاى بس
انا عملت رجيم وبقتش اشرب شاى بالسكر

[y@sser]

فكرتوني بالشريف قبل ما الحكومه تديله الضربة القاضيه عندما تعرضت بنوكها للافلاس
في مره في الثمنينات نزل العدس في اسواق الشريف (كانت جنب مدرستي )
وكان ارخص من العدس المدعم والتي تدعي الحكومه انها تنفق عليه حتي يصل للمستهلك
ولما سألوه وبتكسب فيه
قال طبعا بكسب

[ALSWEEDY]

الحياة فعلا صعبه في مصر ... والمشكله انك تجد ناس عايشه فوق وناس عايشه تحت خط الفقر ... وهذي اكبر مشكله
ويعني ان هناك في خلل اقتصادي بالمجتمع .. والدوله باعت بعض الاصول ودي مشكله تانيه .. وكمان يقترضوا 80 مليون
اسبوعيا ....

[mmnoor]

الحياة فعلا صعبه في مصر

احنا شعب حديدي هههههههه

[WALEEDSS]

30 في المائه من اصل المرتب ومعروف ان المرتب لو ستميه اصله 200 او 150
بالتوفيق

[عمرو]

هذه الزيادة غير بريئة ، معروف أن الزيادة عادة 10% وتكون مع بداية السنة المالية الجديدة في شهر يوليو ، لكن هذه المرة الزيادة 30% وفي بداية شهر مايو ، لسبب بسيط ، هو اضراب يوم 4 مايو الذي يوافق يوم عيد ميلاد الرئيس الثمانين ،

حتي إذا نظرتم للتغطية الإعلامية ستجدوا الأخبار تقول "مبارك يطلب زيادة الموظفين .... " كما وأن الرئيس هو الذي دفع هذه الزيادة من جيبه..

مجرد محاولة يائسة لكسر عين الموظفين واجهاض الإضراب قبل أن يبدأ ، ولكن هذه الزيادة في رأيي هي أول نجاحات الإضراب.

[rekapidesign]

يا جماعه الناس مش موافقة علي الزيادة وبتقول انها مش كفاية والدنيا كلها اتعلمت من كادر المدرسين ولاول مرة في مصر اسمع القهوجي بيقول الحكومة بتعاملنا بنظام العصا و الجزره الحكومة تدينا باليمين زيادة تضحك علينا بيها وتخدها بالشمال و طبعا رجليها مش واقفة بالشلوت يا شعب حتي القهوجي فهم الكلام الكبير ده
..................

[mansy1985]

هههههههههههههههههههههههههههههههههههههههههههههههههههههههههه
ههههههههههههههههههههههههههههههههههههههههههههههههههههههههههههه
هههههههههههههههههههههههههههههههههههههههههههههههههههههههههه
هههههههههههههههههههههههههههههههههههههههههههههههههههههههههههه
هههههههههههههههههههههههههههههههههههههههههههههههههههههه

يعني مرتب المدرس بدل ما يبقي 150 جنيه حيبقي 200 جنيه

لا و الله كتر خيرهم