خراب يا مصر

[إبن يس]

الأجرة فى المواصلات زادت يا جماعة ..


هنروح فين


من كام يوم شوفت بالصدفة لقاء على قناة المحور مع وزير الإسكان .. لكن الغريب إنه كان بيتكلم فى الأسعار و الإقتصاد .. لمهم كان بيتكلم عن أزاى مجلس الشعب حل الأزمة ..
بيقول إن هما وضعوا العدالة الإجتماعية نصب أعينهم .. و بدأوا يحطوا حل للمشكلة ....
تسمع الكلام .. تنبسط و إفتكرت إنى هنزل ألاقى بلد غير البلد ..
لكن أول حاجة .. الأجرة زادت.. .. و الناس بتخانق نفسها ..

الراجل بيرمى اللوم فى زيادة الأسعار على الشعب .. و فعلا. . شعبنا شعب مفترى .. بياكل بعضه ... وكله بيغلى على بعضه .. الجشع الأخلاقى .. كله بيغلى و يرفع الأسعار .. بسبب و بدون سبب .. كله بيفترى ..

سواق المايكروباص لو إفترضنا إنه بيستهلك لتر بنزين لمسافة 40 كيلو .. خليهم 2 لتر .. و يزود على أجرة الناس 50 قرش لكل راكب و الزيادة إللى زادتت عليه أصلا ... مش مكملة 70 أو 80 قرش ..
مش بقولكم شعب مفترى ..

[إبن يس]

http://www.almasry-alyoum.com/articl...ticleID=104358

[يوسف فلسطين]

ليس في مصر وحسب بل في كل مكان
حتى اني كنت عند محل تصوير وهو عم يتحدث مع شخص قال له اليوم بتوخذ بالسعر القديم بس من بكره هبلش بالسعر الجديد فسالته عن السبب قال ان الرز ارتفع سعره والخبز ارتفع سعره والكهرباء وغيره فلازم علي ارفع الاسعار


والمشكله انو كل الدول عم ترفع اجور العمال ولكن بنفس الوقت الشركات والصانع رفعت كمان مره الاسعار
والادهى انو في كلام عن رفع الاسعار كمان وكمان
يعني الاسعار هترتفع لتصل 200 بالمئه عن ما هي عليه الان هذا ان لم تزيد
والتوقعات قريبه

مع انو مجلس الامن حاول يحاصر هذا الاضطراب لكنه بالواقع غير فعال مع العالم

لكن في حل نسبي
وهو تخفيض الضرائب حتى تمر الحاله هذا ان مرت لكن هذا بالمشمش

وبهذا ما بتقدر تلوم حد لانو في اضطراب عالمي عم بصير من النفط للزراعه للمياه كله ما ببشر بخير

[mmnoor]

ابن يس يا حبيبي لك حق والله تعمل أكتر من كده وأكيد انت استنتجت الحل لأزمتنا دي من ورا كل ده وعرفت انها مش عايزه جهبذ إقتصادي ولا حاجة، المشكلة عندنا سوء إدارة ولازم يكون في رقابة على الأسعار واللي مش عاجبه يخبط دماغه في الحيط، في الإمارات عاملين النظام ده (الكلام ده لما كنت هناك أما لما سبتها ما اعرفش إيه اللي جد)، وأنصحك ما تحرقش في دمك كتير، لإن كل واحد بيدور على مصلحته، ويخلي الدين في الجامع وبس أول ما يطلع ينفسخ منه أو يطبق اللي فيه مصلحته وبس واللي مش عاجبه يرميه ورا ظهره

[doctor3d]

اللي غايظني وحارق دمي انه بيقولك زودنا الغلابة 30 % وهنغلي بأة على المقتدرين

واللي بيركب عربية فيات 24 مقتدر ؟

بلاش دي--------- اللي بيركب ميكروباس او اتوبيس اللي اجرته هتغلى بسبب زيادة سعر السولار مقتدر ؟!
حاجة تحرق الدم يعني

هو اس البلاء نظيف هذا الذي نظف جيوب الشعب المصري

فين ايام رؤساء الوزرا المحترمين ؟

[mmnoor]

لكن في حل نسبي
وهو تخفيض الضرائب حتى تمر الحاله هذا ان مرت لكن هذا بالمشمش

تخفيض ضرايب إزاي إذا كان انت أصلاً عندك فئات معفية من الضريبة وفئات تانية ما بتقدمش إقرارات ضريبية صح وعلى مستوى المؤسسات في إعفاءات بالهبل كل اللي بيطلبوه من الممول إنه يبقى معاه وثائق تأيد كلامه يقوم كل واحد يقول طب وأنا هجيب منين، اللي ما يحترمش القانون ما يتوقعش إن القانون يحترمه صح ولا لأ ، وده مش دفاع على فكرة ولا حاجة بس أنا بتكلم من واقع اللي بشوفه قدامي

[y@sser]

الهجره عمل وطني حتي لا نزداد كراهيه للبلد
يعني كل ما تمشي اسرع تبقي افضل

[mmnoor]

اللي غايظني وحارق دمي انه بيقولك زودنا الغلابة 30 % وهنغلي بأة على المقتدرين

اللي أنا عايز أوصله إن لعبة دوخيني يا لمونه دي مش هتنتهي غير برقابة على الأسعار واللي مش عاجبه يخبط دماغه في الحيط

[mmnoor]

الهجره عمل وطني حتي لا نزداد كراهيه للبلد
يعني كل ما تمشي اسرع تبقي افضل

بتعجبني دماغك يا أستاذنا هههههههههههههههههههههههههه

[يوسف فلسطين]

يا خوفي انو نكون بالثلاث سنوات

[rekapidesign]

الهجره عمل وطني حتي لا نزداد كراهيه للبلد
يعني كل ما تمشي اسرع تبقي افضل

ههههههههههههههههههههههههههههههههههههههههههههههههه
ياسر انت مستر مش هقولك اكتر من كده حل بسيط نحافظ بيه علي انتماءنا و حبنا لمصر
بس يا جماعه انا مليش دعوه بيكو مش هتكلم في حاجة علشان انا لو اتكلمت مش بعيد الدنيا تولع
كفاني فخرا اني مواطن صالح قضي اسبوعين في افران العيش من السابعة صباحا وحتي الواحدة ظهرا للحصول علي 10 ارغفة

[Jassar]

سمعت أنو اليابان عندها نقص في الأيدي العاملة..... عليهم يا شباب عليهم ^_^