بخصوص العمل في مجال الجرافيك 3d ليه الدنيا متقفله كده؟

[doctor3d]

اتكل على الله واشتغل ...........

هي كل المشكلة اخي ان مفيش شغل مش اكتر

آسف اني طولت عليكم بس في أضعاف الكلام دا عندي و كاتمة و مركز دلوقتي في اني اجهز ديمو محترم يفرضني علي كل الشركات اللي رفضتني.

كده بتفكر صح

لكن تعرفوا المشكلة هي اني بتعلم كل يوم جديد مش اعمل حجات دون المستوى وخلاص
بحيث لو جاني شغل اعرف اطبق اللي في دماغي واعمل شغل كويس

والتعليم ده كل يومين تلاثة اشوفلي اسطوانة واتعلم حاجة جديدة في مجال من مجالات ال 3d
طبعا مبيدلكش وقت تعمل مشاريعك الخاصة

لكن بيخليك جاهز في اي وقت لما يجيلك شغل تعمله صح

وربنا يبارك فيكم جميعا وبأذن الله كلكم تشتغلوا في المجال الذي تحبون

[rabieart]

انت مستواك إيه في الجرافيك، وإيه البرامج اللي تعرفها؟ في فاكس قناة اسمها مودرن معاي بس ما أعرفش هل انت شاب ملتزم ولا لأ؟، لحية منبتة انسى، مطلق اللحية يبقى تنسى بالتلاتة، هتقولهم الموسيقى حرام، يبقى تاخدها من قاصرها وما تتصلش، ما أقولكش إني أعرفهم بس شفت مذيع مرة وهوا اللي اداني الفاكس وقاللي ده الفاكس بتاع قسم الموارد البشرية، بس اللي يعرفني هيعرف أنا ما بعتش ليه. بس كده

مودرن قله ادب و مسخرة من جوة حتى لو عيدولوك فلوس
انا كنت بشوف المذبعات هناك لما كنت فى المدبنه
حاجة قله ادببببببببببببب
ربنا رحنى..الحمد لله

[mohamy]

انتوا قصدكم على قناة مودرن تى فى
اصلى كنت شغال فى شركة الوكيل الحصرى ليهم وهية فى المريوطية بالهرم مش مدينة الانتاج

[man maya]

اخى العزيز والله كلامك صحيح 100 فى 100 الواسطه والمحسوبيه انا حصلى نفس اللى حصل معاااك انا بشتغل مايا موديل ورجينج وانيمى روحت شركات المحسوبيه ومش عايز حتى يجربك تدريب ولو اسبوع لا ده بيحسسيك انك مش فاهم حاجه وعايز اعرف بس هو المحترفين مش كانوا زينا كده ولقوا فرصه وقدروا يطلعوا ابداعتهم وافكراهم لكن مش عارف مصر بلد الكوسه فى كل شى حتى الجرافيك الواحد بيتعلم انه ميزهياش لكن المصيبه انك مش لاقى فرصه تدريب بتتخنقق من البرنامج نفسه تحس انك التعب والدروس والكورسات والكلام ده كله راح على فشوش والناس كله محترفين والفرصه الوحيده من وجهه نظرى انك تسافر وتشتغل هناك وتتعلم ثرى دى فعلا ناس محترمه وبتحب التعليم مش احنا الواسطه والكلام الفراغ ده وتجى مصر ممكن تكون مش فاهم حاجه لكن هيشغالوك انتا عارف ليه لانك راجل واخد شهادتك من بره انا هقول شى واحد حسبى الله ونعم الوكيل على الناس اللى بتكرها الشباب ومش عايزه حتى فرصه صغيره ليه عشان ميضيعيش وقته هههههههه
انا اديتك النصيحه لانى تعبت من البحث برضه وممكن ترسى على دعايه واعلان يعنى شغل مش شغليك خالص بس هنعمل اه وكمان المحسوبيه فى الداعايه والاعلان ال2d ويقواليك اصبر لا يا عم انا اعملى فلوس واتعلم بره واشتغل واروح لناس مش عرب بس بيحبوا مش عرب وبيكرهوا العرب
اسف على الاطاله من مواطن مخنوف وكرها حبه الوحيد maya

[rekapidesign]

ازيك يا دكتور عامل ايه يا باشا
بص يا سيدي الموضوع كله يتلخص في كلمتين
اعمل ديمو ريل نضيييف وجاااااااااامد و حط فيه كل افكارك واتعب عليه وبعدين حطه في عين اتخن واحد في مصر اهم حاجة تكون عارف الديموهات بتتعمل ازاي
روح علي اليوتيوب واكتب في خانة البحث modeling demoreels او demo reels واتفرج علي الافكار وربنا يوفق الجميع

[yaser2004]

بصراحه الموضوع جميل
وكلامكم صح كل شركه عايزه الخبره توريهم شغل واحد حريف او يكون معاك واسطه تدخلك بمستواك
يعنى مش عاملين زى اللى عايز اولاد لكن بدون تعب وتربيه ومجهود اولاد من السوبر ماركت كبيره وبتتكلم وكل حاجه
محدش عنده استعداد يتبنى جيل عريض فى هذا المجال ويتعب معاه ويديلوا شغل وهياخد منه كمان كله عايز الجاهز اللى كان شغال قبل كده فى 5 او 6 شركات وماه البوم 100 صفحه باعماله السابقه
طب ى النهايه المتعلمين امثالنا هيروحوا فين ؟ هنقديها تعليم وخلاص

[dyf]

خليني أقول لك نكتة..

مرة راح واحد صاحبي يريد يشتغل سواق قطار.. من متطلبات الوظيفة أن يكون عندك خبرة 4 سنوات..
والسعودية مافيها إلا شركة قطارات وحدة وسكة وحدة..

فقول لي من وين أجيب الخبرة؟؟

[mansy1985]

انت مستواك إيه في الجرافيك، وإيه البرامج اللي تعرفها؟ في فاكس قناة اسمها مودرن معاي بس ما أعرفش هل انت شاب ملتزم ولا لأ؟، لحية منبتة انسى، مطلق اللحية يبقى تنسى بالتلاتة، هتقولهم الموسيقى حرام، يبقى تاخدها من قاصرها وما تتصلش، ما أقولكش إني أعرفهم بس شفت مذيع مرة وهوا اللي اداني الفاكس وقاللي ده الفاكس بتاع قسم الموارد البشرية، بس اللي يعرفني هيعرف أنا ما بعتش ليه. بس كده

ههههههههههههههههههههههههههههههههههههههههههههههههههههههههههههههههههههههههههههههههه

شكرا علي المداخله

[mmnoor]

فقول لي من وين أجيب الخبرة؟؟

يعني كان بيعرف يلعب بالقطار وهو صغير ؟؟ بيعرف يركب السكة، ويركب العربيات في بعض وعارف شكل القطار يعني هي دي الخبرة، وعارف الفرق بين القطار الفحم والقطار البخاري والقطار اللي شغال على الديزل، وهل يعرف إن القطار مالوش غير سكة يمشي عليها لازم يكون عارف الحاجات دي ويا ريت يكون معاه شهادة موثقة من الهيئة الدولية العالمية الإمبريالية المهلبية اللي طابخة ملوخية التابعة لهيئة سكك حديد نابيهاليا

[mmnoor]

ههههههههههههههههههههههههههههههههههههههههههههههههههههههههههههههههههههههههههههههههه

شكرا علي المداخله

إيه رأيك في الإحباط الدكر ده ؟؟ بس دي الحقيقة الواحد لو عشان يتقي ربنا في شغله ويطبق شغله بدون مخالفات شرعية هيتعب جامد

[doctor3d]

خليني أقول لك نكتة..

مرة راح واحد صاحبي يريد يشتغل سواق قطار.. من متطلبات الوظيفة أن يكون عندك خبرة 4 سنوات..
والسعودية مافيها إلا شركة قطارات وحدة وسكة وحدة..

فقول لي من وين أجيب الخبرة؟؟

هههههههههههههه
قوية حلوة بجد

هتتعلم سواقة القطر فين يعني صحيح ؟ وكمان يكون عندك خبرة فيها !!

[doctor3d]

فكرتوني بهذا الفديو ((اضحك من الوظائف الخالية ))
http://youtube.com/watch?v=uvUfSw5n6rE

[chako]

السلام عليكم

حاسس ان الدينا متقفله كل اما اتصل بشركة يقولولي بنأخذ لازم خبرات سابقة في شركات اخرى

طيب جربني يا عم الحاج
اقول له : اعطيني فرصة لاثبت نفسي ولا تدفع الا بعد رؤية العمل ------- مفيش حتى فرصة بعمل واحد تطلبه مني انفذه لك
شغلني مؤقتا بالحتة يا عمي وانا راضي

هو انا طبعا مبقولهمش الكلام ده بالطريقة دي لكن عملولي احباط والله

المصيبة انك تلاقي في قنوات كثيرة شغلها مستواه تحت الصفر وكله بيطلع من المكاتب والشركات دي
واحنا والحمد لله مستوانا ليس المستوى الخرافي الذي في قنوات عالية او مديا غربية بس برده لسنا مبتدأين

طيب وبعدين منشتغلش يعني ؟

انا عندى الحل

انا استعملته و اشتغلت 4 شهور فى مجلة البيت المعروفة التابعة للوكالة الدولية للتصميم و الاعلانات

طبعت اعمالى فى معمل تصوير و تحمض زى استديو كايرو و الحاجات دى
و جبعتها فى اندكس شكله حلو
و تقريبا كانو 15 صوره
و دخلت للمديره على طول و ورتها الاندكس
و ده الحل الوحيد

[doctor3d]

هو الموضوع ده قديم انا مش عارف مين اللي رفعه اساسا
الحمد لله انا شغال الان شغل بالقطعة كده

لكن طبعا مازال العمل في المجال مازال صعب لكن ربنا يسهل ادعولي بخير انا ماشي في موضوع كده