محتاااااااااااااج نقدكم و رأيكم بس بسرعه أرجوكم

[AMLAK123]

السلام عليكم إزيكم يا احباب انا النهارده جاى و معايا شوية حاجات محتاج رأيكم فيها بس بكل صراحه عموما إنتم هاتلاقوا خمس روابط لخمس صور لمشروع مصر بخير اللى كنت طلبت منكم أفكار ليه فى موضوع ; طلب أفكار من الاعضاء; أول 3 روابط هما زى بعض بس الفرق فى كلمة مصر بخير فيها إختلاف فى الثلاثة صور. الصور دى مش كامله لسه ما حطيتش فيها الكلام قبل ما آخد رأيكم فى الموضوع عموما.أما بقى الرابطين الاخرين برضه هما زى بعض بس الفرق إن الصوره الأولى كأنها فى ضوء النهار و الثانيه كانها فى ضوء العصارى كده و برضه ما كملتهمش لحد ما أخد رأيكم فى كيفية وضع الكلام و إستكمال باقى العمل بس ما حدش يفتكر إنى هازعل من النقد او الكلام لأنى عارف إن الشغل ده مش أد كده بس اه ادينى بحاول اتعلم و اجرب أسيبكم مع روابط الصور........ملحوظه: 1- أنا وضعت الصور على هيئة روابط لأنهم حجمهم كبير جدا عرض متر X طول متر و نصف.2- هو عادى إن يكون فى مصمم بيقدر يترجم افكار العميل بس مش بيقدر يبتكر أفكار بإستمرار و لا المصمم لازم دائما يكون مبتكر ؟ لانى فعلا و الله قعدت أقلب فى دماغى على أفكار لمشروع مصر بخير ده و مشروع عباد الرحمن و مش قادر اطلع حاجه افيدونى افادكم الله.الروابط:1- ( http://www.arb-up.com/files/arb-up-2008-1/RPd28135.jpg )2- ( http://www.arb-up.com/files/arb-up-2008-1/fZa29145.jpg )3- ( http://www.arb-up.com/files/arb-up-2008-1/JO529173.jpg )4- (http://www.arb-up.com/files/arb-up-2008-1/HbE29199.jpg )5- (http://www.arb-up.com/files/arb-up-2008-1/5MK29225.jpg ).أرجو النقد و الإفاده سلام عليكم

[AMLAK123]

معلش أنا بكتب الموضوع ده و انا فى الشغل دلوقتى و هما فى الشغل قافلين علينا الدنيا بالإيزا عليها الللحمه علشان كده ماعرفتش انسق الكلام عذراً إخوانى

[AMLAK123]

خير يا جماعه معقوله مافيش ولا عضو رد على الموضوع هو الموضوع سئ جدا للدرجه دى و لا إيه

[jay-jay]

وعليكم السلام ..
بس لو تاني مره بتكتب موضوع اضغط على اتنر كل 10 كلمات ههههههه
اعجبني هذا التصميم [ هنا ]
الملاحظ انك مصمم التصميم على مساحة صغيرة ومن ثم كبرتها وهذا اظن سيء عند الطباعة
لوجو بخير يامصر افضل ان يكون دائرة تقدر تعملهم بأداة الاشكال وتقدر تضيف عليها الاشكال الجاهزة



للتحميل



للتحميل



للتحميل



للتحميل



للتحميل



للتحميل



للتحميل

الاشكال من [ وسائط ]

وممكن تستخدم عليها انماط جاهزه



للتحميل


بس خليك منتبه ما تتعود على الاشياء الجاهزه
مع تطورك بالبرنامج حاول تبتكر ملحقاتك

بالنسبة للصور
الافضل لو عملت لها معالجة وتأثيرات راجع [ الدرس ]

ان شاء الله يكون كل شي واضح .. والمعذره على الاطاله =]

[AMLAK123]

يااااااااااااااااه أخيرا شكرا ليكى جدا أختى الفاضله طبعا كلنا فى الأول لازم نستعين بحاجات جاهزه و لكن مرور الزمن الحماس و الغيره هاتاخد الفرد منننا و لازم يعمل لنفسه حاجه أكيد ...
أما الدرس اللى إنتى وضععتيه هنا أنا هاطبقه على الدرس بالطريقه اللى تكون حلوه عليه بس هل هى هاتطبق على التصميم ده بس و لا ممكن نطبقها على أكتر من تصميم من الموجودين......
و بعدين كان فى سؤال موجود فى أول الموضوع خالص ياريت أعرف ردك عليه هايكون إيه؟؟؟
و بجد جزاك الله خيرا

[mamdoh]

الله يعطيك العافية
على هذا الجهد
تحياتي

[AMLAK123]

معلش يا أخت jay-jay التصميم معمول من الأول على نساحة 100 سم عرض فى 150 سم طول دى مقاسات التصميم من الأول خالص هو فى عيب أو مشكله

[jay-jay]

صباح الخير Amlak123 =] ..
ممكن تطبق الدرس على اي صوره رح تستخدمها قبل التصميم لان تخصص الفوتوشوب هو بالاساس معالجة
الصور
وبالنسبه للسؤال اللي بأول الموضوع ممكن تعيدو مره تانيه عشان مافهمتك كويس >_<
والافضل لك استخدام صور احجامها كبيره .. ممكن تحصلها في محركات بحث الصور
لان استخدام صوره صغيرة ثم تكبيرها بيخفف الدقة ويظهر البكسلات بشكل غير محبب
والسموحه على التقصير

[AMLAK123]

على فكره التصميم مش معمول على صوره ده أنا مصممه من الاول خالص على الفوتوشوب بس الفكره إنى عملته تعديلات ببرنامج الرسام علشان أققل من حجم الصوره لأن كان حجمها الأصلى 2 ميجا.
أما السؤال بقى هو المصمم لازم يكون مبتكر دايما و لا فى مصممين بيعرفوا يترجموا أفكار العميل بس مش بيعرفوا يبتكروا علطول هل كده فعلا المصميين أنواع و لا المصمم لازم يكون مبتكر علطول؟؟؟؟؟

[<phoenix>]

على فكره التصميم مش معمول على صوره ده أنا مصممه من الاول خالص على الفوتوشوب بس الفكره إنى عملته تعديلات ببرنامج الرسام علشان أققل من حجم الصوره لأن كان حجمها الأصلى 2 ميجا.
أما السؤال بقى هو المصمم لازم يكون مبتكر دايما و لا فى مصممين بيعرفوا يترجموا أفكار العميل بس مش بيعرفوا يبتكروا علطول هل كده فعلا المصميين أنواع و لا المصمم لازم يكون مبتكر علطول؟؟؟؟؟

أولا اسف على التأخر فالرد ... لكن انا كنت شفت الأخت jay-jay كفت ووفت في المساعده , فسكت ... لكن ردك الأخير فعلا غريب !!!

ممنوع منعا باتا تعمل أي تعديلات بالرسام ... انتا متضمنش النتايج ولو كان الحجم قليل وشيء مفرح !!! ... التعديل يتم ببرنامج الفوتوشوب أو نظيره من برامج ... بالنسبه للحجم وتصغيره لأهداف الرفع أو العرض , الحل بيكون من خلال حفظ العمل كصوره مثلا بالحجم الأصلي ... ومن ثم أعاده حفظ الصوره مره أخرى من قائمه SAVE FOR WEB

بس ضروري جدا جدا العمل مايكونش بأحجام خرافيه ... يعني 1600 بيكسل طول أو عرض كافي جدا جدا جدا لتغير حجم العمل من 2 ميجا ل 500 كيلو وبجوده لا بأس بها ك 70 فالميه كواليتي .

بالنسبه لسؤالك : ... المصمم لازم يكون مبتكرا دائما حتى يتميز عن غيرو ... التقليد عيب ومش صح ! لكن لو كان الوقت صعب ومفيش مساحه كفايه للشغل , معلش , ممكن الأقتباس مع الحذر والتغير بشكل قوي ... كلامي بشكل أو باخر لو حابب تحافظ على اسمك فالسوق .

قرائه أفكار العميل شيء ضروري ومفتاح نجاح العمل من أول مره ... لكن مش بالضروره أحيانا , ممكن تكون عندك أفكار أفضل من أفكار العميل ... وعليه الشغل يكون ناجح أكتر .

بالنسبه لأعمالك .. حاول تهتم بالفنيات أكتر .. وياريت لما تقص الصور تكون أكتر حرفيه .

أتمنى مداخلتي تكون لطيفه .

تحياتي عزيزي .

[AMLAK123]

يااااااااااه إنت فعلا معاك حق إن الأخت jay-jay جاوبت و بزياده كمان..... بس بالنسبه للفنيات إنت قصدك الزخارف يعنى و لا إيه........أما الصور فإنت معاك حق انا قطعتهم كده بسرعه و لزقتهم زى ما إنت شايف علشان الفكره ما طيرش من دماغى رغم إنى شايف إنها مش جديده و لا حاجه يعنى عموما انا بفكر فى حاجات تانيه يارب تكون جديده إلى حد ما و ما تكونش متسهلكه إدعيييييييييييييييييييييييييلى..............و بعدين يعنى إنت شايف إن لو العمل مساحته متر فى متر و نص لما آجى أصممه ما أعملهوش فى الاول بالمقاسات الحقيقيه و لكن أصممه على مقاس صغير و بعد كده أكبره و لا إيه؟؟؟؟؟....... و بعدين هو الرد جاء متأخر بس و لا يهمك لأنه أضافلى كتير مع ردود الأخت jay-jay

[<phoenix>]

للاسف ... لازم تشتغل على المقاس الحقيقي ... حكم الشغل ... قدر الامكان حاول تكون عارف ومتأكد انو العمل هيكون تمام لأن التصميم بالمساحات الكبيره متعب على الجهاز لو كان متواضع .

بالنسبه للفنيات ... مش ضروري زخارف , ممكن يكون تقطيع ( قصّات ) على الخلفيه من منحنيات أو أقواس وبنرات وخلافه .

راعي كمان النصوص تكون فكتور شيب ومتكونش فلات ... علشان متبكسلش فالطباعه .

وكمان شيء مهم ... كل ما كبر التصميم بيقل الرزليوشن ... وكل ما صغر بيزيد ... الكبير 120 كفايه والصغير 300 كفايه و زياده ^^

انشالله للأحسن دايما ^_^ , المهم الصبر بس وكل شيء هيكون تمام .

[AMLAK123]

طيب معلش حاجه أخيره انا آسف أنا مختاج اعرف زياده عن الفكتور لأنى فعلا تكاد معرفتى به تكون محدوده جدا و انا حاسس كده غنه حاجه جامده و هاتنفعنى كتييييييير فهل ممكن تدلنى لشرح وافى للفكتور ده و كيفية عمله و إستخدامته ممكن؟؟؟؟؟؟!!!!!!

[<phoenix>]

طيب معلش حاجه أخيره انا آسف أنا مختاج اعرف زياده عن الفكتور لأنى فعلا تكاد معرفتى به تكون محدوده جدا و انا حاسس كده غنه حاجه جامده و هاتنفعنى كتييييييير فهل ممكن تدلنى لشرح وافى للفكتور ده و كيفية عمله و إستخدامته ممكن؟؟؟؟؟؟!!!!!!

الفكتور بختصار هو الرسوم المتجهه او الخطيه وليست النقطيه .

يعني الصور لو عملت زوم عليها هتشوف فالاخر مربعات صغيره بتتسمى بكسل ... بينما الفيكتور لو عملت زوم الا ما لا نهايه الخط السليم هيفضل خط سليم ومش هتشوف بكسل خالص =) .

الميزه الحلوه فالفكتور شيب ... انو فالطباعه بيحافظ على قوه الخطوط ووضوح الأشكال .. فلازم تكون النصوص دايما فكتور شيب .

لما تكتب النص فالفوتوشوب مثلا ... اعمل كليك يمين و convert to shape ... الان النص أصبح شكل مغلق ومهما كبرت حجم العمل هيفضل " كرسب " واضح وحاد ... بعكس لو كان بكسل عادي , لو اتكبر حجم العمل , هيتشوه العمل ككل والنصوص هتكون " بلوري " يعني مش واضحه .

بالامكان استعمال برامج تخصص فيكتور مثل الأليستريتور أو الكورل درو .. طبعا للكتابه وتنسيق الفقرات مثل البوسترات الضخمه والمجلات والبروشورات ... الخ .

ان شاء الله تكون مقدمه بسيطه عن الفكتور ولو احتجت الأجابه عن أي سؤال أو استفسار ... أتفضل واسأل ^_^ . لكن أعتقد لو بحثت فمواضيع القسم هتلاقي أكتر من موضوع و أكتر من نقاش بخصوص موضوع فيكتور شيب .

اسف طولت عليك ... بالتوفيق .

[farmaja]

اعمال جميلة اخي بالتوفيق لك