موضوع: بخصوص موضوع ( يدوي اولا ) للاخ احمد فونيكس

ردود: 7 | زيارات: 1090
  1. #1
    طالب / مدرسة الأنيميشن
    تاريخ التسجيل
    Jun 2006
    المنطقة
    مصر
    ردود
    7,061

    بخصوص موضوع ( يدوي اولا ) للاخ احمد فونيكس

    السلام عليكم ورحمة الله وبركاته
    ازيكم يا جماعة يارب تكونوا بخير
    انا بس عايز اعرض عليكم مشكلة مش عارف اعمل فيها ايه .....
    بعد ما حملت السي دي تبع احمد فونيكس لتعليم المنظور قولت اني هقدر افهم من الصورة ومش لازم لغة لان اللغة عندي ضعيفة شوية
    وللاسف محصلش ده
    شاهدت الاسطوانة ولكن مش فاهم حاجة
    ومش عارف اعمل ايه
    يا ترى فيه حد شرح الكلام ده بالعربي ممكن ارجع ليه عشان لما ادرس السي دي اكون فاهم كويس
    ولا ايه بالظبط
    معلش طولت عليكم بس مشكلة ومحتاج ليها حل


  2. #2
    طالب / مدرسة الأنيميشن
    تاريخ التسجيل
    Jun 2006
    المنطقة
    مصر
    ردود
    7,061
    للرفع والنصب والجر

  3. #3
    يوسف التلباني
    عضو لجنة تحكيم

    صور رمزية maxspider
    تاريخ التسجيل
    May 2004
    المنطقة
    <<<<EGYPT>>>>
    العمر
    32
    ردود
    5,585
    مش عارف يا شادي ... بس اظن الموضوع مش صعب للدرجة دي ... يعني ملقطش حاجة كده ولا كده ؟؟؟

    على العموم أظن ممكن تلاقي كتب في السوق عن الرسم والمنظور ... أيام المعرض كان في كذا كتاب شفته ...

    ربنا يوفقك ونشوف شغلك قريب إن شاء الله يا ريس ^_^

  4. #4
    اااااااااسف جدا جدا يا شادي ... والله مش بأيدي , انا وعدت اني أترجم الأسطوانه واخد الخطوط العريضه والمهمه فيها + المصطلحات ... لكن غصب عني والله , مشاغل المسابقه شغلتني عن الموضوع ..لكن وعد مني ان شاء الله اترجمها بالصوره اول ماخلص من ال فأيدي

    مطلوب منك تمشي نفسك زي ما يوسف اتفضل , أي شيء ولا العدم ... اشغل نفسك بدروس زي الكاركتر مثلا =) لأنو ملهاش علاقه بالمنظور كتير ... المنظور اساسي أي نعم , لكن بيبان فرسم البيئه والمركبات وخلافه أكتر من الكاركتر يعني ...

    وعد ان شاء الله اترجمها ... واعذروني .

  5. #5
    عضو متميز
    صور رمزية esso70
    تاريخ التسجيل
    Feb 2005
    ردود
    1,377
    ربنا يعيينك شادي
    بس حاول تتفرج عليهم تاني وتجزأ الموضوع ولو في حاجه بعيينها ممكن أفيدك فيها انا اتفرجت على معظم اسطوانات سكوت
    والله المستعان

  6. #6
    عضو متميز
    صور رمزية rekapidesign
    تاريخ التسجيل
    Jun 2007
    المنطقة
    between two edges
    ردود
    1,408
    يا شادي قابلني علي الماسنجر و احكيلي التفاصيل ضروري علشان اساعدك في الموضوع ده ان شاء الله
    Edge Loop
    ...........................
    ولدى نصحتك لما صوت اتَنَبح
    ما تخافش من جِنِّى ولا من شَبَح
    وإن هبّ فيك عفريت قتيل إسأَله
    ما دافعش ليه عن نفسه يوم ما اندبح ؟

    ........................

    عينى رأَت مولود على كتف أُمه
    يصرُخ تهنِّن فيه يصرخ تضمُّه
    يصرخ تقول يا بْنى ما تنطق كلام
    ده اللى ما يتكلمش يا كتر همُّه
    عجبى!!

    ......................................................
    تأبط شرا

  7. #7
    طالب / مدرسة الأنيميشن
    تاريخ التسجيل
    Jun 2006
    المنطقة
    مصر
    ردود
    7,061
    maxspider :- إزيك يا يوسف
    انا فعلا حاولت في فيها اكتر من مرة بس بإذن الله هنزل السوق قريب وادور على حاجة تفدني في الموضوع وشكرا على مرورك الكريم ومتابع اسكتشك يا معلم


    <phoenix> أهلا يا <phoenix> ( بلاش نقول احمد عشان موجود كتير في المنتدي ^_^)
    انا اللي اسف على تعبك معايا والله بس انا كل ما بمسك ورقة وقلم في ايدي بعمل اللي حضرتك قولتلي عليه بس لازم كده امرن ايدي على حاجة تاني بإذن الله اشوف موضوع الشخصيات ده لانك انت عارف انه كان اولى اهتماماتي بس قولي
    ابدا منين ؟؟؟ ( لا تجاوب الا لما تكون فاضي ) وربنا يعينك وبإذن الله فائز ان شاء الله


    esso70 :- ربنا يكرمك يا إسلام وهحاول كده اتفرج عليها واركز اكتر من الاول ولو وقفت قدامي حاجة مش هلاقي احسن منكم اساله شاكر مرورك


    rekapidesign ماشي يا معلم وجزاك الله خيرا على طول تعبك معايا بس انت اللي طمعتني فيك


    شكرا يا شباب وبإذن الله تشوفه حاجة تسركم الفترة اللي جاية

Bookmarks

قوانين الموضوعات

  • لا يمكنك اضافة موضوع جديد
  • لا يمكنك اضافة ردود
  • لا يمكنك اضافة مرفقات
  • لا يمكنك تعديل مشاركاتك
  •  
  • كود BB مفعّل
  • رموز الحالة مفعّل
  • كود [IMG] مفعّل
  • [VIDEO] code is مفعّل
  • كود HTML معطل