سؤال مش عارف اجاوب عليه ( بخصوص كليات ومعاهد الفنون في مصر )

[shady sobhy]

السلام عليكم ورحمة الله وبركاته
محدش يعرف اماكن معاهد او كليات في مصر فنون جميلة
لاي حد خلص تعليمه وعايز يقدم فيها يتعلم فيها الفن للفن
خاص او حكومة
احنا روحنا 6 اكتوبر كلية كلية ( تحية طيبة لمن تعب نفسه معايا في المشوار ده )
منهم اللي مش فيه فنون ومنهم اللي فيه بس علمي فقط وانا ادبي

وحاجة كمان
لو انا عايز اقدم في كلية فنون جميلة الحكومية بس مجموعي صغير ومش عارف اعمل ايه
ممكن الرشوة تنفع
بهرج طبعا رشوة ايه بس اعوذ بالله
اقصد تعليم مفتوح او كده
بالله عليكم يا جماعة لو عارفين ياريت حد يقولي
ولو مش عارفين اسالو حد عارف
وجزاكم الله خيرا مقدما

[M-Keshta]

اول ما تعرف اى حاجه عن الموضوع ده بلغنى علطول يا شادى لانى كنت بفكر فى الموضوع ده من زمان

[العقرب77]

أتمنى أن اخدمك لكني لا أعرف شيئا ً { }

[shady sobhy]

VRay
ماشي يا محمود والله

إحنا تعبنا في البلد ديه

العقرب77 خيرك سابق يا احلى عقرب في المنابر

[graphicer]

أخي الكريم أنا خريج فنون جميلة كل ما أعلمه طالما ان مجموعك صغير فإليك ما أعلم

فيه في مصر كليات أكاديمية متخصصة زي الفنون الجميلة والفنون التطبيقية ودول في مصر كلها حسب معلوماتي قبل ما اسافر من فتره انها تابعه لجامعة حلوان فنون جميله في الزمالك
وفنون تطبيقية في الدقي ميدان المساحة قدام جامعة القاهرة لكنها ليست تابعة لها هي تابعة لجامعة حلوان
الأقسام عندنا الفنية فيها قسم حر دراسه حرة بمصروفات رمزيه لكنها زي تدريب فقط تعطيك شهاده انك دارس حر لكنها ليست خمس سنوات كما درسنا
كذلك هناك كليات تربويه فنيه تخرج مدرسي الرسم مثل كليه التربيه الفنية وهذه كذلك في الزمالك وتابعه لجامعة حلوان ايضا ولا اعرف كم تاخذ من مجموع لكنها تخرج مدرسين التربية الفنية


أقتراحي لك تبحث في كليات التربية النوعية اقسام فنون واعتقد انها متاحه فيه كليات تربيه نوعية لن تحقق كل ما تتمناه حسب فهمي لامر تعلقك بالفن كفن وجرافيك لكنها تلبي طلبك بشكل جزئي وهي منتشره وكثيره في مدن عديده ومنها في القاهره ومنها في الاقاليم


بقيت نقطه اخيره تتبع التوضوح اللي في او كلامي لكليات الفنون الجميله والتطبيقيه فرعين في المنيا والاسكندريه

دا كل ما اعلمه والله اعلم وربنا يوفقك وتلاقي اللي بتدور عليه

[graphicer]

بالمناسبة اخي فيراي فيه في المنصورة تربيه نوعيه وفيها اقسام فنيه على ما اعتقد ولي فيها زملاء من دفعتنا يدرسون لا علم ان كانوا مازالوا هناك

[shady sobhy]

جزاك الله اخي graphicer
هرتب الرد بتاع حضرتك واشوف كلية كلية بإذن الله على حسب اقتراحك
واوفيك بالنتائج بإذن الله

[rekapidesign]

مجموعك قليل ليه اكيد كنت بتعلب كتير
تربية نوعيه يا كبير هي الحل الوحيد المتاح الان علي ما اعتقد روح واسال هناك و هما هيدلوك
وفي الاخير حبيت اقول حاجة مش عارف البلد دي بتعمل معانا كده ليه ليه اسلوب التعليم فيها متخلف كده يعني واحد حابب يدرس رسم او اي نوع من انواع الفنون ليه لازم يلتزم انه يجيب مجموع معين و بعدين يعمل امتحان
اذكر ان اختي حبت تخش كلية فنون جميلة فقالوا لها ان مجموعك مش نافع يعني قليل و هي تحب الرسم جدا لكنها لم تستطع التقدم لهذه الكلية بسبب المجموع واكن ليها واحدة صاحبتها كانت حاصلة علي مجموع اعلي منها نسبيا وتقدمت وقالوا لها لازم تمتحني الاول ولم تنجح في الامتحان وتم رفض طلبها وتحويل اوراقها الي المفتي قصدي الي كلية الحقوق
الشاهد من وراء القصة ان حال التعليم في البلد بالذات في مجال الفن مثل الرسم والجرافيك لا يسر يعني يقولون لك انت موهوب مليش دعوه بتحب المجال ده برضه مليش دعوه هات مجموع الاول وبعدين نشوف موضوع الموهبة ربنا يتوب علينا ونطلع من البلد دي

[shady sobhy]

قلبت عليا المواجع يا محمود ربنا يسامحك

[Shisha]

السلام عليكم ورحمة الله وبركاته
انا خريج كلية التربيه الفنيه بالزمالك
على ما اظن ان فيها قسم خاص بالدراسات الحره واظن كمان ان فنون جميله فيها كده
انت ممكن فى يوم تنزل الزمالك والكليتين جنب بعض على طول
اسأل هنا وهنا واكيد هتلاقى اللى يفيدك
الكليتين فى شارع اسماعيل محمد فى الزمالك (خلف مسرح الزمالك)
او حتى اتصل بدليل التليفون اسأل على تليفون الكليه واسأل بالتليفون وأكيد هيفيدوك
لو انت من بره القاهره يبقى موضوع التليفون اسهل
وربنا يوفقك

[WALEEDSS]

الدراسات الحره ممتازه كليتي فنون وتربيه فنيه
مدتها حوالي 3 شهور فتره مسائيه
وهي ممتازه لغير المتفرغ
لو متفرغ ومعاك بكالريوس ممكن تدخلها زي الطلبه الجدد بس تضيع 4 سنين من الخبره العمليه وزهرة عمرك لا انصح به ابدا
بجانب هناك دورات فنيه في المركز الثقافي الروسي احيانا تكون جيده

[aktoom]

يا أخي الكريم

أظن أن كليات التربية ستدرسك نصف المواد مواد تربوية حفظ وإنشاء وكلام فاضي ....

ألا يوجد معاهد

جاليري لفنان معين ؟؟؟؟

لا أظن أن الأمر صعب

أنت تريد أن تدرس لأجل الفن

هنالك فنانون يعطون دورات

ربما تجد أحدهم مغمورا في حي شعبي ولكن عنده الكثير

كليات التربية مضيعة للوقت لمن أراد الفن فقط

شكرا

[shady sobhy]

WALEEDSS
Shisha
جزاكم الله خيرا يا شباب وبإذن الله افكر في الموضوع واسال ناس راحت وشافت الموضوع من قريب ويستاهل ولا لا


aktoom أستاذ اكرم انا والله كنت حاسس ان الموضوع كده لانها في الاول وفي الاخر تعليم من التعليم الفاشل عندنا في مصر
وانا متفق معاك بس المشكلة كلها ازاي هبحث
ياعني اعثر عليهم فين ده السؤال اللي المفروض اساله
وحاجة كمان انا عايز اكون فاهم مش بس بعرف ارسم

[mmnoor]

هنالك فنانون يعطون دورات

ربما تجد أحدهم مغمورا في حي شعبي ولكن عنده الكثير

في عندنا في طنطا واحد اسمه الكومي آرت عندهم أعمال تحفة إن كان بالكمبيوتر أو اليدوي أو حتى النحت

[مهلـ بي ة]

انا ممكن انصحك ب Vfs
والتكلفة عالية يا شادي
انا بادرس في فانكوفر

ده حيكلفك كتير
حوالي 2000-3000 جنيه شهريا ، ازا حبيت بالتوفيق