موضوع: مخنوق ؟؟؟ .... عادي ... فرغ الشحنة

ردود: 13 | زيارات: 1173
  1. #1
    يوسف التلباني
    عضو لجنة تحكيم

    صور رمزية maxspider
    تاريخ التسجيل
    May 2004
    المنطقة
    <<<<EGYPT>>>>
    العمر
    32
    ردود
    5,585

    مخنوق ؟؟؟ .... عادي ... فرغ الشحنة

    الغضب ... حالة نفسية تبعث بالإحباط داخل جنبات نفسك ... بتخليك قرفان من كل اللي حواليك, بما فيهم نفس سعادتك ... بترفع درجة غليان اعصابك لما فوق درجة انصهار التيتانيوم , يعني بركان الجبل الأسود ذات نفسه ميجيش حاجة جنب درجة سخونتك ( على فكرة ... مفيش بركان في الجبل الأسود ....... تقريبا يعني)

    خلونا نرجع لجنبات النفس .... ناخد رحلة سريعة كده جواها في حالة الغضب ...

    أولا الموقف الرخم الغتيت اللي بيولع في فتيل قنبلة يدوية الصنع عظيمة الانفجار سريعة الاشتعال .... واحد داس على رجلك في الأتوبيس ومعبركش ولو بأسف بسيط ... ولو كنت غني حبتين نقول إن واحد خبط عربيتك الـ 128 اللي انت محافظ عليها من أيام الخديوي إسماعيل .... ولو انت في الشغل المدير معبرش طلباتك أو أكل حقك ...

    في الموقف ده .... يبدأ قلبك يجمع "باور" محترم من الغيظ ... ويبعته في دفقة دم مركزة إلى المخ الللي بيخزن كل أحداث الموقف وتبعاته في الداتا بيس بتاعة مخ حضرتك (أيوه مخك إنت ... أكيد مش مخي أنا يا ذكي) ... وتبدأ شحنة من الغل والكراهية يتم تصنيعها في مصنع الزهق والطهق لتبدأ رحلتها إلى منطقة التصدير ...

    وزي ماحنا شايفين كده واحنا رايحين على يمينا أهرامات العقل الهطلة ... ودي المنطقة المسئولة عن التصفات الهبلة في خريطة حياتك المبجلة ... على شمالنا بيعيش فايرس "الفول المدمس" ... أظن طبعا واضح ليه المصريين بيعشقوا النوع ده من الأكل ...

    لو رفعتوا نظر حضراتكوا فوق شوية ... كمان شوية كده ... هتشوفو طيور الكوكو واوا ... عارف لما بتشوف إعلان فقيع ... أهي العصافير دي هي اللي بتبيض ساعتها في دماغك ... طبعا بالصفار ...

    المهم ... وصلنا منطقة التصدير ... شايفين الكونتينر الكبيييييييييييييييييير ده ... الشحنة السابق ذكرها هتخش فيه ... طبعا مع السكة الطويلة دي العك اللي معانا خمر وعفن وبقى حاجة كاكا خالص ... وده المطلوب إثباته ...

    دلوقتي الكونتينر هيروح على طول لمترو الأعصاب السريع ... وياخد سكته ... لحد هنا الراوند جوه جسم سعادتك بتخلص ... نطلع بره عشان نبص على الموقف من بعيد شوية ونشوف اللي هيحصل ...

    الأخ الفاضل (اللي هوه سعادتك ... واللي تفضلنا باستعراض عملية التخمير جوه جسمك) واقف راسك بتغلي ... وخلاص الشحنة دلوقتي بتوصل لمكان من اتنين لا ثالث لهما ...
    إما تروح على إيد ورجل حضرتك ... وبالتالي لتفريغ الشحنة دي فيجب ضربهما بجسم صلب مع عمل احتكاك قوي ... وطبعا مفيش داعي ألمح لسعادتك إن أفضل جسم صلب لاستخدامه هو الأفندي اللي خانقك وواقف قدام معاليك .... في هذه الحالة حضرتك تخلصت من شحنة العفونة في جسمك ... ودي أفضل حاجة صحيا ومش مهم اللي يحصل بعد كده .... وكل محضر وانت طيب ...

    أما بقى المكان التاني ... فده الحالة السيئة ... لأنه – بينما الشحنة العفنة إياها في طريقها لإيديك ورجليك – فجسمك بيتفضل شاكرا بإفراز كمية أدرانالين تكفي لإشباع قبيلة ناموس من العطش وذلك بأمر من دماغ حضرتك بناء على مشاعر معينة مخزنة في داتا بيس معاليك عبارة عن كلمات "كبر دماغك" "نفض" "يا عم ده ممكن يأذيني" "أنا خايف" "أنا سلبي" " هي جت عليا" .... وما لا ينتهي منعبارات الانهزام والتأخر والتخلف ...

    هنا ... وهنا فقط ... تنكتم كمية العفن والشحنة التفريغية ... فمتلاقيش مكان تروحله غير إنها تتجه رأسا إلى نافوخك ... وهنا يتم التفريغ بطريقة واحدة فقط ... شايف العامود اللي هناك ده ... لا مش ده ... ده ده حديد ... التاني ده ... أيوه ... الرخام اللي هناك ... حضرتك تروح هناك ... وطاااااااااااااااخ ... ترزع دماغك المبجلة هناك لحد ما تجيب دم يوازي في كميته فرع الرشيد مع وجود مراكب من عظام جمجمتك الفاضلة .... وكل كفن وانت طيب ...



  2. #2
    عضو نشيط
    تاريخ التسجيل
    Apr 2008
    المنطقة
    Egypt
    العمر
    34
    ردود
    589
    ههههههههههههه وربنا انا كنت مخنوق زي ما بتقول ودخلت عشان اشوف الحل وبعد قرأة موضوعك الجميل الغير عادي لقيت نفسي واحد تاني
    روح الله يعمر بيتك
    Not ' More

  3. #3
    عضو متميز
    صور رمزية MAXIOS
    تاريخ التسجيل
    May 2007
    المنطقة
    Cairo, Egypt
    ردود
    1,938
    جميل أخي أنا دخلت لأجد الحل
    لكن يظهر أنها مش نافعه

    ممكن حل تاني يمكن تنفع
    543212345
    خالد ماهر
    ـــــــــــــــــــــــــــــــــــــــــــــــــــــــــــــــــــ
    My Animations



  4. #4
    عضو متميز
    صور رمزية AHMAD-MAX
    تاريخ التسجيل
    Nov 2007
    المنطقة
    الاردن
    ردود
    2,478
    والله ده هو الفن .. على فكره انا قراة اغلب مواضيعك ماشاء الله عليك روعه
    ... ...
    الحرية هي التوحيد ..
    عكس الحرية الشرك بالله تعالى ..
    تحرر من عبادة الاشياء حتى عبادة النفس والهوى وصرفها لله وحده ..
    وتمرد على كل قانون غير قانون الله ..
    ان لم تعبد الله وحده ... سوف تكون عبدا لملايين الاشياء ..

  5. #5
    عضو
    صور رمزية A1A
    تاريخ التسجيل
    Jan 2008
    المنطقة
    كوكب تانى
    ردود
    110
    ما شاء الله اسلوبك فى توصيل الفكره حلو اوووووى بس حلك عدوانى جداااااا يا كفن يا محضر؟؟هههههههههههه بجد مشكله
    USE YOUR MIND BEFORE YOUR HAND

  6. #6
    ضياء الدين
    صور رمزية diaaking
    تاريخ التسجيل
    May 2004
    المنطقة
    مصر
    العمر
    30
    ردود
    3,679
    يااااااااااااا تصدق فعلا دي احسن طريقه لتفريغ الشحنه ...
    بجد كنت مخنوق من يومين وطبعا ده العادي يعني مفيش حاجه جديده ...
    بس خلاص كنت هفرقع من جنابي ... فعملت احسن حاجه اني روحت واخد سعتي الي نادي زينهم ..
    في عز الحر ... وقعدت اجري اجري ... ورجلي تقولي ارحمني عشان خطري مش هعمل كدا تاني ..
    وانا برضه مش معبره وعمال اجري ... ودماغي من الحر بتسيح الكونتينر ورجلي بتفرغ الشحنه بتاعة الضرب لانه اساسا من التعب مش هتقدر تضرب حد .... وفاجئه وبدون سابق انذار .. لقيت واحد بيقلي عمو عمو تلعب معانا كوره ... فلقته فرصه ايضا .. لتفريغ شحنة الضرب ... فبقيت اشوط الكوره ومعاه خمس ست عيال من الي بيلعبوا ... دي حته من فيلم (( shaolin soccer))

    انت ياض .. ايه رائيك كمان اسبوعين تيجلي بفرقه واحجز ارض في نادي مبارك ...
    وطبعا هجيب الواد فلاشوي الي برضه باين عليه الكونتينر عنده اتملي علي الاخر وعايز يفضي والواد فنكوشي ....
    لو موافق قولي وهظبط معاك علي الخاص ..
    الحياة ألم يخفيه أمل
    أمل يحققه عمل
    وعمل ينهيه أجل
    ثم يجزى كل امرئ بما فعل

  7. #7
    وفكرك حالنا افضل من حالك لو كان افضل اساسا ما كنت تشوف اطراف الحديث شغال ومفغم بالحيويه الميته

    كله مثل بعضه لكن تتعدل

  8. #8
    يوسف التلباني
    عضو لجنة تحكيم

    صور رمزية maxspider
    تاريخ التسجيل
    May 2004
    المنطقة
    <<<<EGYPT>>>>
    العمر
    32
    ردود
    5,585
    اقتباس الموضوع الأصلي كتب بواسطة aspany معاينة الرد
    ههههههههههههه وربنا انا كنت مخنوق زي ما بتقول ودخلت عشان اشوف الحل وبعد قرأة موضوعك الجميل الغير عادي لقيت نفسي واحد تاني
    روح الله يعمر بيتك
    ههههههههههه ... إنت اللي فرفشتني وأنا آخر قرف لما عرفت إني فرفشتك .... اللهم فرفشنا على طول ^_^

    اقتباس الموضوع الأصلي كتب بواسطة MAXIOS معاينة الرد
    جميل أخي أنا دخلت لأجد الحل
    لكن يظهر أنها مش نافعه

    ممكن حل تاني يمكن تنفع
    انت متأكد إنك جربت موضوع الدماغ ده ؟؟؟ .... خلاص, جرب عمود خرسانة ممكن يجيب معاك


    اقتباس الموضوع الأصلي كتب بواسطة AHMAD-MAX معاينة الرد
    والله ده هو الفن .. على فكره انا قراة اغلب مواضيعك ماشاء الله عليك روعه
    ميرسي جدا يابوحميد ... الغلب بيعمل أكتر من كده ...
    اقتباس الموضوع الأصلي كتب بواسطة A1A معاينة الرد
    ما شاء الله اسلوبك فى توصيل الفكره حلو اوووووى بس حلك عدوانى جداااااا يا كفن يا محضر؟؟هههههههههههه بجد مشكله

    في اختيار تالت ... طرشأ من الغيظ
    اقتباس الموضوع الأصلي كتب بواسطة diaaking معاينة الرد
    يااااااااااااا تصدق فعلا دي احسن طريقه لتفريغ الشحنه ...
    بجد كنت مخنوق من يومين وطبعا ده العادي يعني مفيش حاجه جديده ...
    بس خلاص كنت هفرقع من جنابي ... فعملت احسن حاجه اني روحت واخد سعتي الي نادي زينهم ..
    في عز الحر ... وقعدت اجري اجري ... ورجلي تقولي ارحمني عشان خطري مش هعمل كدا تاني ..
    وانا برضه مش معبره وعمال اجري ... ودماغي من الحر بتسيح الكونتينر ورجلي بتفرغ الشحنه بتاعة الضرب لانه اساسا من التعب مش هتقدر تضرب حد .... وفاجئه وبدون سابق انذار .. لقيت واحد بيقلي عمو عمو تلعب معانا كوره ... فلقته فرصه ايضا .. لتفريغ شحنة الضرب ... فبقيت اشوط الكوره ومعاه خمس ست عيال من الي بيلعبوا ... دي حته من فيلم (( shaolin soccer))

    انت ياض .. ايه رائيك كمان اسبوعين تيجلي بفرقه واحجز ارض في نادي مبارك ...
    وطبعا هجيب الواد فلاشوي الي برضه باين عليه الكونتينر عنده اتملي علي الاخر وعايز يفضي والواد فنكوشي ....
    لو موافق قولي وهظبط معاك علي الخاص ..

    تصدق فعلا ده من الحلول الرائعة ... نفسي ألاقي جيم هنا في أكتوبر يا واد يا ضياء ... بس ميكونش من النوع اللي بيعور الجيب ...

    الكورة ؟؟؟ ... سمعت الكلمة دي فين قبل كده .... ^^
    والله يابني نفسي ... بس ظروفي متلخبطة جدا ... لو قدرت أظبط حاجة هكلمك إن شاء الله ... وابقى عبر موبايلك يابني ... أومال الناس بتشتري موبايلات ليه يابن الـ ................ ناس ^_^
    اقتباس الموضوع الأصلي كتب بواسطة يوسف فلسطين معاينة الرد
    وفكرك حالنا افضل من حالك لو كان افضل اساسا ما كنت تشوف اطراف الحديث شغال ومفغم بالحيويه الميته

    كله مثل بعضه لكن تتعدل
    فعلا يا يوسف ... وانت من الناس اللي الشحنة بتعدي على الكيبورد ^^

    حاسس بيك ياريس ... وأعانك وأعاننا الله

  9. #9
    ضياء الدين
    صور رمزية diaaking
    تاريخ التسجيل
    May 2004
    المنطقة
    مصر
    العمر
    30
    ردود
    3,679
    اقتباس الموضوع الأصلي كتب بواسطة maxspider معاينة الرد
    الكورة ؟؟؟ ... سمعت الكلمة دي فين قبل كده .... ^^
    والله يابني نفسي ... بس ظروفي متلخبطة جدا ... لو قدرت أظبط حاجة هكلمك إن شاء الله ... وابقى عبر موبايلك يابني ... أومال الناس بتشتري موبايلات ليه يابن الـ ................ ناس ^_^
    ربنا يعينك يا حبي ... وياريت يا حبي تظباط بسرعه عشان عايز اشوفك واشوف العيال الوحشه الي عندك ..
    قبل ما انا كمان ادبس في شغل ..
    وياريت توصل سلامي لاسلام و محمد ..

    ويا حج والله مشترتش حتي موبيل انا اخدته هديه ((( عونوه )))

    والمنطقه بتعتي واقع فيه اساسا الشبكه .. فعشان كدا مبحبش ارد ..
    وغير كدا انت عارف اتصلات المعجبين كتيره
    الحياة ألم يخفيه أمل
    أمل يحققه عمل
    وعمل ينهيه أجل
    ثم يجزى كل امرئ بما فعل

  10. #10
    عضو متميز
    تاريخ التسجيل
    Oct 2007
    المنطقة
    FORGOTTEN CITY
    ردود
    4,893
    والله أنا جربت الحل الأول اليوم الصبح بس للأسف انه الغبي هرب وما تجرأ يواجهني ^ ^
    درس راوتر{نمذجة+خامات+إضاءة} هنـــــــا

    درس سيف{نمذجة} هنـــــا

    تولة طيب{ نمذجة+خامات+إضاءة} هنــــا

    اصنع مكتبة خاماتك بنفسك
    هنــــا
    غائب للابد

  11. #11
    عضو متميز
    صور رمزية MAXIOS
    تاريخ التسجيل
    May 2007
    المنطقة
    Cairo, Egypt
    ردود
    1,938
    انت متأكد إنك جربت موضوع الدماغ ده ؟؟؟ .... خلاص, جرب عمود خرسانة ممكن يجيب معاك
    جربت وكانت النتيجه مرضيه
    ولكن مؤلمه شكراً علي النصيحه
    543212345
    خالد ماهر
    ـــــــــــــــــــــــــــــــــــــــــــــــــــــــــــــــــــ
    My Animations



  12. #12
    عضو فعال
    صور رمزية archi_mfm
    تاريخ التسجيل
    Jul 2007
    المنطقة
    مصر
    العمر
    35
    ردود
    197
    وعلي ايه العذاب ده كله......الحل بسيط خالص.......قوم صلي ركعتين وقول يارب.......الله سبحانه وتعالي هو الوحيد الذي يعلم ما بك مهما كان لك من مقربين....ويمكن ربنا بيبتليك عشان تقول يارب...وانما الدنيا دار ممر والآخرة دار مقر فخذوا من ممركم لمقركم....... وعلي راي الشاعر......لو كانت الحياة نفوس السعادة ..فأكتبوا علي قبري مات قبل ان يولد....................والسلام

  13. #13
    يوسف التلباني
    عضو لجنة تحكيم

    صور رمزية maxspider
    تاريخ التسجيل
    May 2004
    المنطقة
    <<<<EGYPT>>>>
    العمر
    32
    ردود
    5,585
    اقتباس الموضوع الأصلي كتب بواسطة diaaking معاينة الرد
    ربنا يعينك يا حبي ... وياريت يا حبي تظباط بسرعه عشان عايز اشوفك واشوف العيال الوحشه الي عندك ..
    قبل ما انا كمان ادبس في شغل ..
    وياريت توصل سلامي لاسلام و محمد ..

    ويا حج والله مشترتش حتي موبيل انا اخدته هديه ((( عونوه )))

    والمنطقه بتعتي واقع فيه اساسا الشبكه .. فعشان كدا مبحبش ارد ..
    وغير كدا انت عارف اتصلات المعجبين كتيره
    هتقولي على المعجبين يا عم الحاج ... داحنا دافنينه سوا
    اقتباس الموضوع الأصلي كتب بواسطة العقرب77 معاينة الرد
    والله أنا جربت الحل الأول اليوم الصبح بس للأسف انه الغبي هرب وما تجرأ يواجهني ^ ^
    من حظه الجميل ... أو يمكن من حظك الأجمل
    اقتباس الموضوع الأصلي كتب بواسطة MAXIOS معاينة الرد
    جربت وكانت النتيجه مرضيه
    ولكن مؤلمه شكراً علي النصيحه
    لا راحة إلا بعد ألم .... بالشفا ^_^
    اقتباس الموضوع الأصلي كتب بواسطة archi_mfm معاينة الرد
    وعلي ايه العذاب ده كله......الحل بسيط خالص.......قوم صلي ركعتين وقول يارب.......الله سبحانه وتعالي هو الوحيد الذي يعلم ما بك مهما كان لك من مقربين....ويمكن ربنا بيبتليك عشان تقول يارب...وانما الدنيا دار ممر والآخرة دار مقر فخذوا من ممركم لمقركم....... وعلي راي الشاعر......لو كانت الحياة نفوس السعادة ..فأكتبوا علي قبري مات قبل ان يولد....................والسلام
    أكيد يافندم ... الموضوع مجرد تهييس بس ^^

Bookmarks

قوانين الموضوعات

  • لا يمكنك اضافة موضوع جديد
  • لا يمكنك اضافة ردود
  • لا يمكنك اضافة مرفقات
  • لا يمكنك تعديل مشاركاتك
  •  
  • كود BB مفعّل
  • رموز الحالة مفعّل
  • كود [IMG] مفعّل
  • [VIDEO] code is مفعّل
  • كود HTML معطل