سالفه مغاط عامر 0000 سالفه بدويه قديمه فيها نوع من الفكاهه

اول شي افسر لكم معنى مغاط وهو التمغط (لما الواحد يقوم من النوم يمط عضلاته وهو فاتح فمه
وعيونه مغمضه ) هذا هو التمغط


السالفه : هذا واحد اسمه عامر بين اسرته المكونه من امه وابوه واخته حصه (راعية المعزا)

المهم عامر كبر وصار رجال عليه العلم ووده يعرس وياخذ بنت الحلال ويبي يبين لاهله بس مستحي
خجول الولد
فكر بطريقه يخليها تجي منهم مالقا
قام يكثر مغاطه في البيت المهم اهله لاحظوا كثرت مغاطه وقاموا يسألونه
شفيك ياعامر كثران مغاطك هالايام
قال والله مشتهي العرس
قالوا اها ابشر ياولدنا
وزوجوه بنت الحلال


بعد اسبوعين الا حصه (راعية المعزا لاتنسونها اخته ) قامت تتمغط بالبيت
وكثر مغاطها


المهم اهلها قالوا مو معقوله بتكون زي عامر تبي العرس هذي بنت اكيد بتستحي
شكو يمكن مرض ولا شي
قالوا لها وش فيك ياحصه
قالت وهي منزلها راسها للارض وتتبوسم والله صابني مغاط عامر


وصار جوابها مثل متداول بين الناس