مواقع بيع وشراء الموديلات الجاهزة

[rekapidesign]

السلام عليكم ورحمة الله وبركاته
اهلا شباب المنابر كيف الحال
لي سؤال بالنسبة لمواقع بيع وشراء الموديلات الجاهزة هل هذه المواقع مجدية يعني اذا قمت برفع اعمالي عليها علي صورة موديلات وتم بيعها كيف يمكنني الحصول علي المال بصورة سائلة او عن طريق الكارت
يعني من الاخر سؤالي عن المواقع دي حد جربها ولا الحوار فشنك علشان الحوار لو تمام الواحد يخش يبيع ويشتري شوية موديلات كده ويظبط الحياة
افيدونا افادكم الله

[rekapidesign]

up up up
up علي الحلاوة ..... up علي الشقاوة ..... up يا واد يا ولعه

[rekapidesign]

يا عالم يا هو الحقوووووووووووني انا بغرق
مش معقول كده حد يخش يرد عليا ... طب حد يخش يشتمني اي حاجة مش كده
يا نااااااااااس هو انا صغير
طيب هو الكلام مكتوب بفونط صغير محدش شايفه

[MAXIOS]

يا أخي يمكن الإخوه مشغولين المهم
أنا أعرف المواقع دي طبعاً مجديه لكن هتاخد نسبه
من أرباحك ولازم تعرض التصميم بتاعك من كل زاويه
وبالواير عشان هتتباع مش أي حاجه ولازم تحدد سعر مظبوط
عشان الناس تشتري وممكن في بعض المواقع بتحط
فيها فيديو للتصميم بتاعك أنا جربت لكن قاللي التصميم بتاعي فيه تقليد لمنتج بتاعت شركه
فحذفوه هههه بالتوفيق

[حسام الدين]

أكيد مجدية..
لدي الكثير من الأصدقاء الذين يبيعون موديلات عن طريق عدد من المواقع مثل أبوقندوزة وشريف "Shisha" هنا في المنابر..

لكنني أعمل freelancer وأجد أنها مجدية أكثر..

تحياتي

[مجنون rigging]

هي مجدية لكنها تحتاج لدراسة لسوق كان لي احد اصدقائي يبيع في التيربو سكويد وفشل في البداية حتى تتبع الأشياء الأكثر مبيعا وفهم ما يريد الناس ان يشتريه وفعلا نجح في بيع اعماله لكنهم للأسف ياخذون نصف اموالك(كثير جدا)

[MAXIOS]

لكنهم للأسف ياخذون نصف اموالك(كثير جدا)

الأفضل عمل موقع خاص لتأخذ الأموال بالكامل
كما أن مصدر المال لن يأتي من المستهلك فقط بل من الإعلانات التي في الموقع
وعدد الزوار تعطي لها قيمه

[حسام الدين]

صحيح بياخذوا نسبه.. لكن لا تنسي انهم بيتكفلوا بالاستضافه والدعايه للموديلات الى سنوات بل ما دمت حي ترزق..

[Shisha]

السلام عليكم ورحمة الله وبركاته
قبل أى حاجه عايز أسلم على صديقى حسام الدين

بالنسبه لمواقع بيع الموديلز الجاهزه هى فعلاً وسيلة فعاله لزيادة الدخل، (انا هتكلم عن تجربتى الشخصيه)
أولا: انا مش محترف فيها اوى لأن الموديلات اللى بحطها قليله وبسيطه لأن شغلى واخد وقت كبير مش بلحق اعمل موديلات بغرض البيع، وإنما اعرض الموديلز اللى بتطلع خلال شغلى واللى ممكن تتباع
والدخل اللى بوصل له فى الشهر حاجات بسيطه اوى (ده لأنى مش متفرغ للموضوع ده وزى ماقلت معروضاتى قليله)
لكن صديقى إسلام "Ecleposs" وأكيد ناس كتير هنا عارفينه عامل مودلز كتير وبيبيعها وفهمت منه انه بيعمل من خلالها مبالغ كويسه أوى (لأن اغلبها مبانى وشوارع) وأظن ان المبانى والشوارع والسيارات هى اكثر مايمكن بيعه
بس فى الآخر أى شئ ممكن يكون مصدر رزق حلال أظن ان على كل واحد فينا السعى وراه
حتى لو دخله بسيط بس والله ممكن فى يوم يعمل فرق (وحسام الدين عارف )

[sudani93]

طيب ... ممكن تورونا المواقع دي .. وطريقة البيع ..

[Shisha]

فى كذا موقع:
www.turbosquid.com
www.the3dstudio.com
وبصراحه مش فاكر المواقع التانيه
الشرح طويل شوية بس ده موضوع قديم فيه شرح التعامل مع موقع turbo squid
http://www.maxforums.net/showthread.php?t=78873

[MAXIOS]

أو ممكن ده
http://www.top3d.net/3d-models

فقط سجل والتسجيل مجاني
وباقي الشرح داخل الموقع الأمر في غاية السهوله

[rekapidesign]

يا نهار ابيض يا جدعان انا مكنتش متوقع ان حد هيرد عليا بالكثافة دي استنوا بقي عليا علشان اركز واعرف ارد عليكو واحد واحد اصل انا امبارح كنت في مشوار طول اليوم ومشفتش النت خالص غير النهاردة وبعدين انا اصلا نسيت الموضوع تماما بس .... طيب خلاص هرد الاول وبعدين ابسبس

[rekapidesign]

يا أخي يمكن الإخوه مشغولين المهم
أنا أعرف المواقع دي طبعاً مجديه لكن هتاخد نسبه
من أرباحك ولازم تعرض التصميم بتاعك من كل زاويه
وبالواير عشان هتتباع مش أي حاجه ولازم تحدد سعر مظبوط
عشان الناس تشتري وممكن في بعض المواقع بتحط
فيها فيديو للتصميم بتاعك أنا جربت لكن قاللي التصميم بتاعي فيه تقليد لمنتج بتاعت شركه
فحذفوه هههه بالتوفيق

معلش يا عمي اصلي سريع الملل و مستعجل علي طول علي العموم الحمد لله اثلجتم صدري بارك الله فيك

أكيد مجدية..
لدي الكثير من الأصدقاء الذين يبيعون موديلات عن طريق عدد من المواقع مثل أبوقندوزة وشريف "shisha" هنا في المنابر..

لكنني أعمل freelancer وأجد أنها مجدية أكثر..

تحياتي

اهلين بمشرفنا المعلم ازيك يا عمي فين كنت كل هذه الفترة علي العموم انا بصدد التجريب في هذا المجال لكن ينقصني بعض المعلومات عنه ... تشرفت بردك علي موضوعي

هي مجدية لكنها تحتاج لدراسة لسوق كان لي احد اصدقائي يبيع في التيربو سكويد وفشل في البداية حتى تتبع الأشياء الأكثر مبيعا وفهم ما يريد الناس ان يشتريه وفعلا نجح في بيع اعماله لكنهم للأسف ياخذون نصف اموالك(كثير جدا)

باشا سلام خصوصي لعمي شيخ الريجينج ... والله الواحد هيجرب يا كبير وربنا يسهل تقبل تحياتي الحارة يا استاذي

[rekapidesign]

طيب ... ممكن تورونا المواقع دي .. وطريقة البيع ..

شكرا يا برنس علي الرد علي العموم الشباب ما قصروا يارب تكون استفدت من الموضوع تقبل تحياتي

أو ممكن ده
http://www.top3d.net/3d-models

فقط سجل والتسجيل مجاني
وباقي الشرح داخل الموقع الأمر في غاية السهوله

شكرا يا ريس اثريت الموضوع والله نورتني