[دعوه مفتوحه ] تجمع عام للمهتمين بتطوير الألعاب فى القاهرة

[||صقر||]

بسم الله الرحمن الرحيم

ان شاء الله هيبقى فيه تجمع عام للمهتمين بتطوير الألعاب فى مصر ...يوم الإتنين الجاى "اللى هو بعد بكره " ... احنا لسه محددناش المكان لكن فى الغالب هيكون فى ساحة الأوبرا .... المهتم بالموضوع يبعتلى رقم محموله على الخاص و انا هبقى أتصل بيه و أقوله التفاصيل ... وهى هتتحط هنا برضه أول ما نتفق عليها ... التجمع عام والدعوه مفتوحة للجميع .... هنوزع اسطوانات وكتب هتساعدك فى تطوير قدراتك فى مجال تطوير الألعاب و هناقشة مجموعة من المواضيع ان شاء الله هحط قايمة بيها النهارده ... ان شاء الله الكل يستفيد ...
اللى عنده اقتراح لمكان أفضل من ساحة الأوبرا ميبخلش بس بشرط يكون عام ومواصلاته مش معقده عشان اللى عاوز يجى فى أى وقت من التجمع يلاقينا ... ان شاء الله نهار الإتنين كله هنبقى فى مكان التجمع ..... الدعوه مفتوحه و للجميع ^^ ... بس محتاجين جديه فى الموضوع بس ... يسعنى ياريت اللى ناوى يجى يبعتلى نمرته من الأول عشان أعمل حسابه فى الإسطوانات و المشاريب ^^& ...

[oms]

ِشو رأيكم تحوشولي آجار تذكره لمصر أشوفكم فيها وأحضر المؤتمر العالمي السنوي ؟

بس لا تنسوش البطاطا ... أحلى 5 كيلوا بطاطا لعيوني .

[||صقر||]

شو رأيكم تحوشولي آجار تذكره لمصر أشوفكم فيها وأحضر المؤتمر العالمي السنوي ؟

بس لا تنسوش البطاطا ... أحلى 5 كيلوا بطاطا لعيوني .

ده احنا لما نحوشلك تكون الحاجة ام على سلمت الراية واعتزلت الطبخ ... هتلاقيى مين بقى عشان يطبخلك البطاطا ؟؟؟ بتعرف تطبخها ؟؟ ^^"

_______
الظاهر مفيش حد من مصر فى المنتدى ده

[oms]

أها ...

لا تخاف أم أحمد جارتها لأم علي موجودة .

[||صقر||]

خلاص .... حددنا المكان والزمان ^^ :
المكان : ساحة الأوبرا :دى صور لمكان التجمع بالقمر الصناعى للى مش عارف العنوان :
http://www.wikimapia.org/#lat=30.041...17&l=0&m=a&v=2

الزمان :
يوم الاثنين "اللى هو بكره" ... هنبدأ الساعه 10:30 وهنقعد أربع ساعات ...

النشاطات : أول ساعة : للتنظيم التجمع و التعارف و استعراض محتويات الاسطوانات
الساعة الثانية : موقفنا من "تطوير الألعاب" تصحيح المفهوم و تخصص المجالات وتحديد موقف كل واحد منها
الساعة التالته : استعراض لبعض المشاريع و مناقشة بعض التقنيات و الأساسيات الخاصة بالـ Game Development Cycle
الساعة الرابعة : مناقشة فكره Amdman فى إنشاء موقع دعم لمطورى الألعاب و كيفيه تمويله -وتسليم الاسطوانات و إكياس البست وسندوتشات الجمنه ^,^& "

لو عندك أى حاجة عاوز تجيبها و شايف انها هتفيد هاتها ... اسطوانات أو شغل كويس عاوز تعرضه ..

دى صورتى عشان تعرفونى لما نتقابل :-
http://xs229.xs.to/xs229/08270/pa781.jpg

[ahmedbna]

مشكور على الدعوة يا ابو حميد بس حظى وحش انا من الأسكندرية وصعب اسيب شغلى واجيها ،

[oms]

يا أحمد يا بنا ... يوم واحد بالسنة مش حيعطلك .. فرصة حلوة أوي تكون لجانب الشباب في الموعد ده ..

صقر يا كبير ... خلي مع واحد كميرا فيديوا سجلوا البطاطا فيها ... عايز أعرف إيه اللي حيصير .

[amdman]

خسارة و الله لم أستطع الحضور بسبب التوقيت

[ricimaro]

حد يقوللنا ايه اللي حصل , التجمع اتعمل وللا لا , و ايه اللي اتعمل في التجمع

[general1]

شكلكوا ضربتوا بعض في التجمع

من ساعة ما حصل التجمع مش سمعين ليكوا حس :d

[ricimaro]

يبقى ماتعملش , تجمع ايه ده اللي عامله واد عنده 15 سنة , حتى ده شكله عنده 12 سنة

لا مؤاخذة يعني انا مش قصدي فظاظة .

[ahmedbna]

يبقى ماتعملش , تجمع ايه ده اللي عامله واد عنده 15 سنة , حتى ده شكله عنده 12 سنة

لا مؤاخذة يعني انا مش قصدي فظاظة .

ايه يا مروان خلى بالك احمد صقر اينعم صغير السن بس دماغة نظيفة وعبقرى فى هذاالمجال من صغرة، وبعدين هو عمل التجمع وكمان لف على بعض الأصدقاء اللى عارفهم فى القاهرة وعطلهم سيديهات مجانية من عنده ، يعنى الراجل خدوم ، انا اردت التوضيح فقط

[||صقر||]

يبقى ماتعملش , تجمع ايه ده اللي عامله واد عنده 15 سنة , حتى ده شكله عنده 12 سنة

.................................... لا تعليق ...............................
بس زى ماتعبت نفسك كده وقعدت تدور على سنى ... اتعب نفسك شويه وحاول تعرف الواد اللى انت بتتكلم عنه ده "على الرغم ان طريقة كلامك مستفزه " بس أنا هبقى عاقل و أقولك دور على مشاريعى و مواضيعى ... مش هتخسر ... ان شاء الله هتغير رأيك ... على الأقل هتقتنع ان الواد ده مش عيل زى مانت فاكر و بالنسبه للتجمع فهو اتعمل .. لكن فيه كتير تخلفوا عن حضوره ... عشان كده مكتبتش التفاصيل .. على العموم لو حد من اللى حضروا التجمع موجودين هنا ياريت يبقوا يتكلموا ..

سلام

[ricimaro]

يا عم انا مش قصدي حاجة , انا بتكلم بصوت الشعب , انا شايف ان الناس اللي محضرتش عملت كده لما اخدوا بالهم انك "مش كبير " فغيروا رايهم في الموضوع ده سواء اللي في المنتدى ده , او montada.com , الحكاية مش حكاية عبقرية , ياعم عارف انك عبقري و شفت اعمالك , بس حكاية ان واحد عنده 15 سنة عامل تجمع تخلي الواحد يقلق لحسن ماتقدرش تنظم الامور و ما شابه . . . .

[general1]

يبقى ماتعملش , تجمع ايه ده اللي عامله واد عنده 15 سنة , حتى ده شكله عنده 12 سنة

لا مؤاخذة يعني انا مش قصدي فظاظة .

ههههههههههههههههههههههههههههههههههه
عشان بس انت بادىء كبير شوية فمش هتفهم الحكاية ديه و لا هتقدر تستوعبها

لأن انت فاكر ان هوا زيك زى ما كنت في نفس السن و مش هتستوعب هوا عامل ازاي

منصحكش تحاول تفهمها