سؤال ياجماعة

[AHMAD-MAX]

السلام عليكم
محدش يهرب سؤال وروح على طول
مش عارف ابدأ السؤال ازاي
انتو شوفو الصوره .. كيف اعملل الخلفيه مثلها ملامحها مش واضحه واخلى التركيز على الشكل فقط


ملاحظة : دي الصوره اخذتها من البوم احد الاعضاء في المنابر

[~|hakem|~]

صاحب الصورة بارتكل

الطريقة على ما أعتقد

dof

متسألنيش أنا معرفش حاجة عنها

[rekapidesign]

يا بني حرام عليك هو انت مش بتهدي ابدا
اصبر بقي اعملك درس ولا انا كنت عامله هدورلك عليه ولا اعملك واحد جديد وخلاص

[3DTaha]

استنى انا راجع

[3DTaha]

من effects
اعمل depth of field و اختار الاوبجكتات اللي هتركز عليها الكميرا
طبعا هي مش هتبان الا في الكاميرا

[AHMAD-MAX]

الحاكم : متسألنيش أنا معرفش حاجة عنها .. هو دخول الحمام مثل خروجو تعاااااال هنا
شكرا ليك يا باشا ....
...........................
تأبط شرا : اصبر بقي اعملك درس ولا انا كنت عامله هدورلك عليه ولا اعملك واحد جديد وخلاص .. تسلم يا معلم بس لو تخلي الدروس لحاجه محرزه لاني ناوي هاي الفتره اشغل كل اعضاء المنابر في الاجابه على اسئلتي وعندي ليك سؤال الجواب عليه بكون عباره عن دوره كخخخخخخخ
.....................
طه : اهلا يا صديقي .. وشكرا على الاجابه على السؤال

[3DTaha]

جيت اتأكد من معلوماتي لقيتها غير كدا تماما
المهم هي بالـdepth of field
شوف لك درس عنو
و اسف على الشرح الرديئ

[الشحومي]

اعتقد و الله اعلم يقال عنه ( عمق الميدان ) و ممكن يتم ذلك عن طريق الفوتوشب بفلتر Blur

و الله اعلم ..

وفقك الله تعالى ...

[losevar21]

مثال على Depth Of Field

اولا : السلام عليكم جميعا

ثانيا : العضو الجميل اوى AHMAD-MAX الموضوع بسيط وسهل وهبدأ كلامى بمثال بسيط .....



هو ده الDpeth Of Field h او عمق الميدان بالعربى ..... و بس

اما ازاى تنفذه



ما عليك الا انك تفعل خيار Depth Of Field من اختيارات الكاميرا ومن خلال Target Distance
تقدر تحدد المسافة بين الكاميرا والهدف اللى هيتعمل عليه Focus بخلاف باقى المشهد .

وطبعا من اعدادات Depth Of Field تقدر تلغى تفعيل Target Distance عن طريق خيار Use Target Distance وتنفذ المشهد بخاصية Focal Depth و هى متختلفش كتير عن خاصية Target Distance بس هى بتتعامل مع المشهد على اساس بعد وقرب عناصر المشهد عن هدف الكاميرا فكلما بعد العنصر زاد فيه الافيكت وكل ما قرب من الهدف زاد وضوحه وده ساعات بيسبب تشوهات على عناصر المشهد البعيدة لانها بتنفذ الافيكت من اطراف المشهد .

اما على عكس Target Distance فهى فى منتصف المشهد بترسم Shape وهمى حول هدف الكاميرا ومن حواليه الى الاطراف بتوزع الافيكت بتساوى وتنفذ التدرج الى داخل ال Shape لحد ما توصل لدرجة الوضوح الكاملة ....
.... اما عن استعمال كل واحدة فانا مش هقدر احدد انا شايف ان اى واحدة تفى بالغرض وحسب مزاجك وحسب مشهدك انت عايزه يطلع ايه !

مثال على Focal Depth


لاحظ الفروق ما بين المشهدين مع ملاحظة التشوهات اللى فى المشهد التانى من الاطراف وتبان اكتر فى مجسم الطائر .
اما عن باقى الخيارات فهى متطورة وانا عن نفسى مش باستعملها ما عدا خيار Total passes والخيار ده بيحدد عدد المرات اللى هيتعمل فيها رندر للصورة وده بيبقى حسب اضاءة مشهدك وعناصره وكل ما تزيد القيمة تزيد وضوح الصورة وقوة الافيكت وتظهر الاضاءة اكتر .......... على ما اظن مع مشهد زى اللى انت عرضته مش هتحتاج تزودها .

اه ونسيت اقولك على زر Preview اللى جنب اوبشن Depth Of Field وده بيعمل محاكاة سريعة لاهتزازات الكاميرا وبيظهر ليك الاجزاء اللى هتبقى مشوشة والاجزاء اللى هتبقى واضحة داخل الفيو بورت . وده عشان يسهل عليك انك مش كل شوية تعمل رندر ومع العلم انه التأثير ده بياخد وقت كثير فى الرندر .

وارجو ان تعذرنى لو لم يكن الشرح وافيا او خانتنى معلوماتى لانى مش بستعمل الخاصية كتير واعذرنى ايضا على المشهد التوضيحى عشان بس عملته بسرعة .

اخى الاصغر 3DTaha : عامل ايه ياباشا ؟
وعلى فكرة انت مغلطتش بس اختلط عليك الامر .

من effects
اعمل depth of field و اختار الاوبجكتات اللي هتركز عليها الكميرا
طبعا هي مش هتبان الا في الكاميرا

زى ما انت قلت مظبوط بس هى خاصية متعبة شوية والاوبشن بتاعها انا مش بحبه وهى دايما معتمدة على
Focal Depth
ولازم تختار عنصر واحد بس فى المشهد او تخلى كل العناصر المطلوبة Group .

وعشان توصل معاها لاحسن نتيجة هتعتمد على خاصية use camera واللى بتربط الكاميرا بالتأثير وبرضو نتيجتها مش اوى فالاحسن انك تعتمد على الكاميرا علطول وطبعا فيه جزء خاص فى V-ray Camera اسمهDepth Of Field وهو برضو متطور وينفذ اى مشهد ومن وجهة نظرى مش هتحتاج افيكت الكاميرا من الماكس ولا هتحتاج برنامج Dof .

وده مثال بسيط على افيكت الماكس العادى .



واتمنى انى اكون رديت على سؤال العضو الحبيب Ahmed-Max واى سؤال ورد فى تفكير الاعضاء اللى منورين الموضوع .

[AHMAD-MAX]

losevar : شكرا يا صديقي شرح جميل الله ابارك فيك
على حسب علمك ده الكلام ينفع مع الفيراي ؟؟

[losevar21]

اه طبعا بلا شك يا صديقى . والاثبات اهو قدامك
الصور اللى فى ردى كلها انا مرندرها فيراى والاضاءة سكاى لايت بس (بيئة الفيراى) .
وبالتوفيق ان شاء الله .

[3DTaha]

اولا : السلام عليكم جميعا

ثانيا : العضو الجميل اوى ahmad-max الموضوع بسيط وسهل وهبدأ كلامى بمثال بسيط .....



هو ده الdpeth of field h او عمق الميدان بالعربى ..... و بس

اما ازاى تنفذه



ما عليك الا انك تفعل خيار depth of field من اختيارات الكاميرا ومن خلال target distance
تقدر تحدد المسافة بين الكاميرا والهدف اللى هيتعمل عليه focus بخلاف باقى المشهد .

وطبعا من اعدادات depth of field تقدر تلغى تفعيل target distance عن طريق خيار use target distance وتنفذ المشهد بخاصية focal depth و هى متختلفش كتير عن خاصية target distance بس هى بتتعامل مع المشهد على اساس بعد وقرب عناصر المشهد عن هدف الكاميرا فكلما بعد العنصر زاد فيه الافيكت وكل ما قرب من الهدف زاد وضوحه وده ساعات بيسبب تشوهات على عناصر المشهد البعيدة لانها بتنفذ الافيكت من اطراف المشهد .

اما على عكس target distance فهى فى منتصف المشهد بترسم shape وهمى حول هدف الكاميرا ومن حواليه الى الاطراف بتوزع الافيكت بتساوى وتنفذ التدرج الى داخل ال shape لحد ما توصل لدرجة الوضوح الكاملة ....
.... اما عن استعمال كل واحدة فانا مش هقدر احدد انا شايف ان اى واحدة تفى بالغرض وحسب مزاجك وحسب مشهدك انت عايزه يطلع ايه !

مثال على focal depth


لاحظ الفروق ما بين المشهدين مع ملاحظة التشوهات اللى فى المشهد التانى من الاطراف وتبان اكتر فى مجسم الطائر .
اما عن باقى الخيارات فهى متطورة وانا عن نفسى مش باستعملها ما عدا خيار total passes والخيار ده بيحدد عدد المرات اللى هيتعمل فيها رندر للصورة وده بيبقى حسب اضاءة مشهدك وعناصره وكل ما تزيد القيمة تزيد وضوح الصورة وقوة الافيكت وتظهر الاضاءة اكتر .......... على ما اظن مع مشهد زى اللى انت عرضته مش هتحتاج تزودها .

اه ونسيت اقولك على زر preview اللى جنب اوبشن depth of field وده بيعمل محاكاة سريعة لاهتزازات الكاميرا وبيظهر ليك الاجزاء اللى هتبقى مشوشة والاجزاء اللى هتبقى واضحة داخل الفيو بورت . وده عشان يسهل عليك انك مش كل شوية تعمل رندر ومع العلم انه التأثير ده بياخد وقت كثير فى الرندر .

وارجو ان تعذرنى لو لم يكن الشرح وافيا او خانتنى معلوماتى لانى مش بستعمل الخاصية كتير واعذرنى ايضا على المشهد التوضيحى عشان بس عملته بسرعة .

اخى الاصغر 3dtaha : عامل ايه ياباشا ؟
وعلى فكرة انت مغلطتش بس اختلط عليك الامر .

من effects
اعمل depth of field و اختار الاوبجكتات اللي هتركز عليها الكميرا
طبعا هي مش هتبان الا في الكاميرا

زى ما انت قلت مظبوط بس هى خاصية متعبة شوية والاوبشن بتاعها انا مش بحبه وهى دايما معتمدة على
focal depth
ولازم تختار عنصر واحد بس فى المشهد او تخلى كل العناصر المطلوبة group .

وعشان توصل معاها لاحسن نتيجة هتعتمد على خاصية use camera واللى بتربط الكاميرا بالتأثير وبرضو نتيجتها مش اوى فالاحسن انك تعتمد على الكاميرا علطول وطبعا فيه جزء خاص فى v-ray camera اسمهdepth of field وهو برضو متطور وينفذ اى مشهد ومن وجهة نظرى مش هتحتاج افيكت الكاميرا من الماكس ولا هتحتاج برنامج dof .

وده مثال بسيط على افيكت الماكس العادى .



واتمنى انى اكون رديت على سؤال العضو الحبيب ahmed-max واى سؤال ورد فى تفكير الاعضاء اللى منورين الموضوع .

بارك الله فيك أخي

[الشحومي]

losevar21

بارك الله فيك عالتوضيح ....

وفقكم الله تعالى ...

[HSM3D]

الطريقة التي ذكرها أخينا losevar21 صحيحة وجيدة لكن لا أنصح بإستخدامها لأنها تأخذ وقت قاتل في الريندر وأيضا تحتاج إلى أنتي آلياسينج كبير (تقسيم ضخم للبيكسلز) . الطريقة الأكثر شيوعا والأفضل عن طريق ال
Render Element >>Zdepth
بعد كذا عن طريق عملية دمج بسيطة بالفوتوشوب تحصل على نتائج ممتازة .
هذا درس يشرح هذه الخاصية
http://www.MegaShare.com/456099

بالتوفيق والسداد .

[rekapidesign]

ما شاء الله عليك يا معلم
كفيت ووفيت يا عم lovar
يارب يا احمد ترحمنا من الاسئلة