كرسي الاعتراف ............ (( ايمن كامل ))

[دروب]

مافيش لبس يا دروب لا قدر الله ,احمد عمل النجمة الكبيرة الى بتمر فى بعض اللقتات , و هو موضح دة فى تفاصيل المشركات بتاعتة فى العمل , و هناك من شارك ببعض المودلينج ايضا ,انما تصميم المشاهد و معظم المودلينج والتحريك و الاخراج النهائى للقطات من تنفيذ العبد لله , و رغم قيامى بتنفيذ مالا يقل عن 75% من العمل , لم يتم ذكر اسمى فى لائحة منفيذن البرنامج , و هو ما قامت بة اروما عن قصد لاهدار مجهودى فى تنفيذ العمل ,و ذلك بعد خروجى منها .

وهذا مالاحظته أيضا في أسماء المنفذين .. عموما ..وضح اللبس ، وانا مستاء لعملهم هذا ، وأعتذر منك إن كان سؤالي سبب إزعاج.. شكرا لك على التوضيح

[Ayman69]

كيف حالك استاذ ايمن ؟

انا مصطفى من الجيزة 13 سنه

اهلا يا مصطفى , هو انت فعلا 13 سنة ...ماشاء الله , و مهتم بهذا المجال فى هذة السن , والله حاجة تفرح بصحيح ,عموما يا اخى , انت فرصتك افضل منى بكتير , لان على ايامى فى هذة السن كنا لا نملك الا الورق و الالوان التقليدية , بس كنت بعمل مودلينج برضو " بالورق " ...طبعا مكانش فية حاجة اسمها انترنت او موبيل او حتى قنوات فضائية .
عشان كدة انت متاح ليك الان كم من المعلومات و من الاطلاع , و العالم كلة مفتوح الان , يعنى عندك بقى وقت تجرب كل انواع الفنون و تكتشف فين موهبتك فى وقت مبكر , و تقدر بقى تركز على المجال اللى يناسبك و يناسب ميولك , و طبعا اذا حبيت تستمر فى هذا المجال و تصبر على متاعبة و عندك الموهبة , يبقى لازم تجهز نفسك انك تلتحق بكلية فنية عشان دة حيفيدك جدا بعد كدة فى الكومبيوتر جرافيكس , و ربنا ييسر لك و يوفقق و يوفق كل من يسلك هذا المجال ان شاء الله.

انا اساسا اكتر برنامج بستخدمة هو الماكس , بالاضافة بقى للبرامج التقليدية الاخرى , زى الفوتوشوب و خلافة , البيلندر برنامج جيد , بس انت خليك فى البرامج الكبيرة افضل .

[sofiane_av]

بخصوص اعمال ال vfx يمكن ان اقوم بتنفيذ العمبل بالكامل اذا كان الوقت متاح و العمل محدود , ولكن اذا كانت مجموعة الاعمال كثيرة و الوقت محدود , بيكون فى استعانة ببعض الزملاء للمساعدة مافيش مشكلة .
لقد قومت بفكرة تحريك و تنفيذ شعار قناة الفجر الثرى دى بكامل و تم اضافة بعض مؤثرات البوست بعد ذلك بواسط احد الزملاء فى الشركة , العمل استغرق بالكامل حوالى 6 اسابيع , و قد تبدو المدة طويلة نسبيا بالنسبة لمدة 15 ثانية تخرج على الشاشة , و لكن الحقيقة هذة هى المدة المطلوبة لخروج اعمال على نفس المستوى , طبعا هناك مدة الرندرينج اللتى قد تكون اقصر الان بالسرعات الموجودة , و لكن هناك وقت كثير بيستهلك فى التجارب و فى اختيار انسب حركات للكاميرا و هكذا .

فى قناة روتانا الوضع كان مختلف لان البرومهات القناة الرئيسية تم تنفيذها من خلال ستورى بورد تم تصميمها داخل الشركة , و كان هناك مشاركة من عدة افراد لان المودلينج مثلا احتاج كثير من الوقت لبناء العدسات الكثيرة الموجودة على شكل ابنية ضخمة , و شاركت بالمودلينج و التحريك فى الاجزاء و البروموهات القصيرة التى قمت بتنفيذها.

كل قناة يتم تفيذها بتقوم اساسا على ابتكار فكرة رئيسسية لشكل القناة و ابتكار مفصل بعد ذلك للبروموهات و الفواصل المطلوبة , و ذلك يتطلب مصمم رئيسى لوضع الخطوط العريضة لشكل القناة و متابعة التنفيذ بعد ذلك , و اثناء التفيذ بقى ممكن يكون فى مساحة من الحرية متاحة للقائمين على التنفيذ حسب ما يسمح الموضوع و تحت اشراف المصمم الرئيسى , يعنى لازم يكون فى عناية بجميع مراحل العمل , لان سقوط اى مرحلة بيؤدى لسقوط كل الخطواط التالية لها , و يصعب بعد ذلك تدارك اى اخطاء , عشان كدة كل جزء لازم ياخد الوقت و المجهود الازم , و دى مهمة المدير الفنى للعمل و هوة الذى يتحمل مسؤلية العمل بالكامل فى النهاية .

بارك الله فيك أستاذ أيمن على التوضيح .. والفوائد .

وفقك الله للمزيد.

[Ayman69]

السلام عليكم استاذ ايمن

شكرا يا دوم لسؤالك عن صحتى , انا بخير الحمد لله , فى نعمة و عافية .

[Ayman69]

بعد السلام عليكم علي كل الموجودين

معنديش اسائله دلوقتي ..

السلام عليكم

.

عزيزي ايمن احب ان ارحب بك

تصميماتك حلوة يا استاذ ايمن

اعمال رااائعة جدااا

يااااااااااااااااااااااااه ..... أ. أيمن بحاله ...

السلام عليكم ..

ربنا يبارك فيك و يعزك أستاذنا أيمن ^_^

بكلّ صراحة يا أستاذ أنا لست محترف

شكرا يا شباب على تعليقاتكم , الحقيقة انا منبهر بمشاركتم دى , و امتنى التوفيق و النجاح للجميح , و ربنا يعنكم على هذا المجال الصعب و يسدد خطاكم باذن الله .

[Ayman69]

بصراح هوا فنان بس انا ما احب هدا النوع من التصميم احس انو راسي راح ينفجر وهمن عدم استعابي للفكرة

هههه...اهلا يا رهيب , انا كنت فاكر انك اسم على مسمى يعنى , بس دماغك مش حتنفجر ولا حاجة , انا برضو بسئل نفسى اوقات كل الحاجات دى بطلع منين , انا اميل فعلا الى التعقيد شوية فى شغلى و بحب التفاصيل الكتير و العلاقات الغير مفهومة و واى حاجة فيها تفاصيل بتشدنى جدا , طبعا كل واحد حر يتزوق الفنى الذى يميل الية , و ممكن يكون مش سهل فعلا تقبل هذة الاعمال فى اول مرة .

[ALSWEEDY]

بارك الله فيك استاذ ايمن على مشاركتك معنا هنا ... ومش عارفين نشكرك ازاي ..

ونتمنى ان نراك تشاركنا هنا للالتقاء بك دائما والاستفاده من وجودك بيننا ... تاكد اننا نكن لك كل احترام وتقدير ومحبه ...

... وان شاء الله نراك في مشاركات قادمه ...

تحياتي لك ..

[أ/مصطفى مكرم]

الله يوفقك يارب استاذ ايمن
والى الامام دائما يا بطل
^_^

[أ/مصطفى مكرم]

ما شاء الله انا تصفحت موقعك
اعمالك رائعه بجد
وكلها ما شاء الله معروفه

الله يعينك على الحاقدين ههههههههههههههههههههههههه

بالتوفيق يا غالى

[الحميدي]

السلام عليكم ورحمة الله وبركاته
العفو على الازعاج بس ما حد فهمني بسؤالي المحذوف وقد عرفت الاجابه من الحذف ..
على العموم انا اريد فقط اهنئ اخي ايمن على المستوى الي وصل ليه .. وبحييه انه تقبل هذه المقابله بصدره الرحب فعلى الرحب والسعه ..

[ADHAM3D]

ما شاء الله عليك إستاذ إيمن كم أنت مبدع
بعد إزنك أنا لى إستفسار بسيط كاد ان يقتلنى هل انت مشترك مع الاستاذ أحمد بهاء فى بعض الاعمال الخاصه بشركه روتانا
برجاء إفادتى لانى على وشك الجنون بسبب هذا الموضوع

[مهاري]

ما شاء الله عليك تمنياتي لك بالتوفيق وقد استمتعت كثيرا بمشاهدتك صفحتك الشخصيه ورؤية اعمالك
واتمنى اكون مثلك في يوم من الايام

[Ayman69]

ما شاء الله انا تصفحت موقعك
اعمالك رائعه بجد
وكلها ما شاء الله معروفه

الله يعينك على الحاقدين ههههههههههههههههههههههههه

بالتوفيق يا غالى

شكرا يا اونلى لوف , على دعوتك , بس ربنا ما يجيب حاقدين ان شاء الله .

[Ayman69]

ما شاء الله عليك إستاذ إيمن كم أنت مبدع
بعد إزنك أنا لى إستفسار بسيط كاد ان يقتلنى هل انت مشترك مع الاستاذ أحمد بهاء فى بعض الاعمال الخاصه بشركه روتانا
برجاء إفادتى لانى على وشك الجنون بسبب هذا الموضوع

, جنون لية بس , ربنا ما يجيب جنون لا قدر الله , اهدى بس انت كدة , احمد ساعد فى برنامج "هالة شو" ببعض الاضافات عشان كدة حتلاقى هذا العمل موجود فى الدمو الخاص بى و الخاص باحمد ,و هو موضح بالضبط حجم المشاركة فين و لكن معظم العمل قمت بتنفيذة كما وضحت فى المشاركة السابقة , و لكن انا لم اشارك فى اى اعمال اخرى تخص قناة روتانا بعد ذلك لانى ببساطة كنت تركت اروما بالفعل ,و للاسف تم اضافة اسم جديد لبرنامج "هالة شو" و كان اعتقد "السينما و الصيف" بعد ذلك و تم اقحامة على المقدمة التى قمت بتفيذها , و اكيد كتير لحظو ان مافيش علاقة بينهم مما شوة شكل المقدمة خالص , و لا اعرف من قام بالتحديد بتنفيذ و اقحام هذا الجزء .

يترى كدة وضحت الصورة ولا ليسة حتتجنن .

[Yas2eR]

ماشالله .. ردودك عجبتني جدا

ماشوفتش كل اعمالك ..لكن واضح جدا من لمساتك فى بعض الاعمال التى رأيتها لك
حبيت بس ارد عليك ..لانى فعلا عجبني ردودك لكل سؤال
مش لمجرد الرد بس .. زى ماتقول بتديله اللى هو كان عايزه ههههه

جيه فى بالى كذا سؤال ... من خلال اجوبتك

- مين اكثر شخصيه فنية بتشدك اعمالها وبتحرص على مشاهدته ..لو كانو تلاتة او اربعة قلهم ؟
- ايه اكتر عمل عجبك فى التلفزيون جرافيك مؤخرا ؟؟
- بتشتغل فين دلوقتي ؟


ياسر عزمي