تعالى نتعلم cinema 4D من الاول مع بعض

[samo_x]

السلام عليكم ورحمة الله
فى الاول دى اول مشاركة ليا فى المنتدى يا دوب لسة مفعل العضوية وبعدين بدأت اكتب فى الموضوع ده
ما شاء الله على المنتدى جامد جدا
كفاية شكله كده وتصميمه بس علشان ندخل فى الموضوع علاطول
انا لسة مخلض الثانوية العامة السنادى-وكالعادة محدش فلح- وقلت اعمل حاجة عدلة بقى
وبصراحة برنامج (السنيما فور دى) جامد للعايز يتعلم التصميم 3 الابعاد
وانا لسة مبتدئ زى أى مبتدا يدوب بس شاف شكل البرنامج وعرف استخداماته وكده
بس طبعا مش هعرف اتعلمه كده لوحدى وانا دخلت هنا ولقيت الناس كلها ما شاء الله سابقة بكتير
وده مجرد اقتراح لو انت عايز تتعلم البرنامج يالا نتعلمه مع بعض ونساعد بعض اهو حتى هنحاول ومش هنخسر حاجة بس احنا نشد الحيل وناخد النية و (ان الله لا يضيع اجر من احسن عملا)
نشد حيلنا ونتعب وان شاء الله نبقى محترفين
لو عايز طبعا لازم ترد على الموضوع ده لانه لو محدش تاوصل معايا يبقى الفكرة خلاص طظ ونحذف الموضوع
بس لو لقيت حد ان شالله يكون واحد بس اهو نتعلم مع بعض
انا مستنى ردودكم ووالله مفيش احسن من التعلم الجماعى وروح المنافسة
يلا سلام عليكم

[أبوشافي]

انصحك بالبلندر فهو ممتاز وهناك فيديوهات مثبته ودروس ايضا بالعربيه كتابيه بالمثبتات وايضا هنالك الكثير بهذا البرنامج الصغير اتمنى انك تجربه وصدقني بعد ماتجربه بتحس انه اسهل من السينما بالاوامر

[muhammed 2]

انا معك اخوي العزيز وانا طبعا مثلك بدائت في السينما وبعدين شوي شوي مع الاخوان صرت اصمم اشياء كثيرة
والحمد الله ونتمنى التواصل والتفاعل من الجميع ..

[محمد نور]

معاك يا غالي
وبإذن الله لما يرجع أخونا أكرم مشرف المنبر
نستأذنه في موضوع مثبت يكون للدورة ديه
وتكون بجد وحقيقي مش لعب عيال

وأي استفسار أو مساعدة اطلب يا غالي وأنا في الخدمة

[::ابو عادل::]

بدايه قويه جدا ما شاء الله

[omareloo]

وانا كمان هاساعدكوا علي حد علمي

موفقين جميعا ان شاء الله

[omareloo]

وانا كمان هاساعدكوا علي حد علمي

موفقين جميعا ان شاء الله

[samo_x]

السلام عليكم
والله ربنا يخليكوا انا مكنتش متوقع التواصل ده بجد رفعتوا الروح المعنوية ليا
وان شاء الله نبدأ بداية قوية مع بعض
ونا اتمنى ان الموضوع يتثبت ويفيد اى حد
ان شاء الله الى عندوه اى اقتراح عن برنامجنا الى هنمشى عليه يتفضل مشكور
وانا اقتراحى ان اى حد بيتعلم حاجة فى السنيما يعلمنا معاه ويشاركنا
والاهم ان لى حد عنده استفسار عن حاجة مش فاهمها يتفضل يسأل وبقية الاعضاء الافاضل اللى معانا يجاوبوا على الاسئلة علشان نساعد بعض ونفهم بعض
وبداية ونقول بسم الله انا هحط درس لصنع خددية (مخدة يعنى) هو الدرس على المنتدى هنا ومنقول عن اخ فاضل
الدرس اهو .......... تاااااااابع

[ابوصالح1]

الأخ samo_x .. بداية مرحبا بك في منبر السينما ..
فكرتك جميلة وهي مطبقة تقريبا بين الأخوة هنا .. فكل من لديه خبرة لا يبخل على إخوانه ..
بإختصار .. أنت الآن في المكان المناسب ..
وفقك الله ..

أي خدمة أنا حاضر

[samo_x]

السلام عليكم
بسم الله
ياريت بس يا جماعة رجاءان اى حد يحطلنا درس نتعلمه لو كان الدرس منقول يقول انه منقول بس علشان ندى كل واحد حقه ومحدش يزعل مننا
وده اول درس اهو وهو منقول انا لقيته هنا على المنتدى فقلت جيبه نستفيد منه كلنا
عنوان الدرس: صنع خددية
1- اولا نضع مجسم (cube) مكعب فى الفضاء

http://img112.imageshack.us/img112/8400/26144327tt7.png

2- بعد كده من قسم عرض (خصائص المجسم)
نغير القيم (segments x) و (segments z) من 1 الى 50 كما بالشكل

http://img224.imageshack.us/img224/2963/27844092hv3.png

3-نضغط على اداة التحرير ثم نضغط على اداة تحرير الاوجه ( polygon tool) والاداتين بالصورة

http://img512.imageshack.us/img512/1986/58545894af5.png


4- نقوم بتحديد جميع الاوجه المحيطة المكعب حتى يظهر لنا الشكل التالى
ثم نذهب الى قسم( عرض المجسمات فى الفضاء) ونظغط كليك يمين على (cube)
تظهر لنا قائمة نختار منها ( clothilde tags)
ثم نختار (cloth) كما بالصورة

http://img222.imageshack.us/img222/3315/90432179da3.png


5-بعد كده نروح على اليمين فى نافذة عرض (خصائص المجسم) أو مكانها
هنلاقى النافذة اللى هتيجى فى الصورة دى

http://img133.imageshack.us/img133/2677/31547234yt3.png


نروح على (Dresser) وبعد كده هننزل لتحت ونضغط على (set) اللى على يمين (seam polys)وبعد كده نظغط على (dress-O-matic) هنلاقى البرنامج وقف شوية
وبعد كده هيتشكل المكعب على شكل الخددية

6- استخرج الصورة من البرنامج
وكده يخلص الدرس
________________
طبعا هو كان الاسهل ان انا اجيبلكم رابط الدرس من المنتدى هو هنا على منتدانا بس ان ملقيتش الرابط فقلت ارغى انا معاكم مع انى حاسس ان الدرس قديم او معروف ليكم كلكم بس احنا اتفقنا ان اللى يتعلم حاجة يعلمهالنا
يلا اسيبكم مع التطبيق والتعديل للأحلى

[ابوصالح1]

هنا يا أخي ..
http://e7tirafc4d.com/droos/index.ph...CODE=02&id=195

[samo_x]

لسلام عليكم
الاخ ابو صالح شكرا على الترحيب
وشكرا لحضورك معانا

[donjwan88]

وانا انشاء الله هاساعدكم باللي هاقدر علية بس بصراحة هبقى احطلكم دروس عندي من زمان ولكن مش انا اللي كتبتها لان مفيش وقت علشان اقدر اصمم دروس ولكن هاساعدك على قد ما اقدر

[kechamza]

وانا كمان هاساعدكوا علي حد علمي

[surf]

أن معاك ياأخي العزيز