التحريك الثنائي الأبعاد بين مهارة اليد وتقنية الحاسوب

[shady sobhy]

السلام عليكم ورحمة الله وبركاته
ده درس عجبني جدا وحبيت انكم تشاركوني
صاحب الدرس اخونا Tom-art
جزاه الله خيرا
في هذا الدرس نلقي الضوء على بعض تقنيات التحريك شاملة التعرض لبعض التطبيقات العملية وإستخدام بعض البرامج المساعدة ...

من هنا
اللي يعرف دروس زي كده بالعربي ياريت يا جماعة ميبخلش علينا

[shady sobhy]

تمام جدا
اللي كنت عايز اسال فيه اني لو عايز اعمل تسارع وتباطئ
ياعني مثلا عايزه يلف ببطئ شوية وبعدين يكون سريع
ده ممكن يتعمل في الرسومات برضه يدوي ولا Toon boom بيعمل الموضوع ده
وحاجة كمان معلش
موضوع ترتيب الصورة الاولى على اساس انها 5 وانه هيلف في 10 فرمات
بنحدده على اساس ايه ؟؟
شكرا مقدما

[Libya82]

السرعة أساسها عدد الفريمات ..

كل ما زاد عدد فريمات اللقطة كلما كانت بطيئة ..

مثلا سقوط كرة من أعلى مبنى بــ 12 فريم يكون سريع جدا

لكن عندما يكون 800 فريم يكون بطيئ جدا

[زند الاسى]

اللي كنت عايز اسال فيه اني لو عايز اعمل تسارع وتباطئ
ياعني مثلا عايزه يلف ببطئ شوية وبعدين يكون سريع
ده ممكن يتعمل في الرسومات برضه يدوي ولا Toon boom بيعمل الموضوع ده

اعتقد ان دى مهمة الافترافكت وبرامج تحرير الفيديو

الانيميتور بيعمل الحركة بسرعة طبيعية

بعد كده يأتى دور برامج التحرير ...

مثلا فى الافتر افكت فى فلتر اسمه time warp ممكن تسرع الفيديومثلا لضعفين او تلات اضعاف سرعته او تبطأه حسب رغبتك

كل الكلام ده بيتحدد فى الستورى بورد

[rabieart]

اعتقد ان دى مهمة الافترافكت وبرامج تحرير الفيديو

الانيميتور بيعمل الحركة بسرعة طبيعية

بعد كده يأتى دور برامج التحرير ...

مثلا فى الافتر افكت فى فلتر اسمه time warp ممكن تسرع الفيديومثلا لضعفين او تلات اضعاف سرعته او تبطأه حسب رغبتك

كل الكلام ده بيتحدد فى الستورى بورد

اسف اخى فكرتك خطا تماما
انا مشوفتش الفديو لكنى درست تو دى انيماشن
عدد الفريامت هو الى بيحدد السرعه
و مش معنى كدة انك تعتمد على برنامج التحرير و خلاص
لا طبعا
افرض امثلا انت عامل شخصيه ماشيه و فيها يد فاضيه و يد شايله شنطه
اكيد عدد الفريمات بتاع اليد دة هيختلف عن اليد التانيه
و مش معنى كدة انك تعملهم بعدد فريمات واحد و تعتمد على التحرير
لان التحرير هنا هتبقى قيمته صفر

[مجنون rigging]

اسف اخى فكرتك خطا تماما
انا مشوفتش الفديو لكنى درست تو دى انيماشن

اين درست هذا اخي

[rekapidesign]

اين درست هذا اخي

في الفانكوفر سكول - كندا

[Tom Art]

اسف اخى فكرتك خطا تماما
انا مشوفتش الفديو لكنى درست تو دى انيماشن

تركيبه لفظيه عجيبه جدا أخي الفاضل

ما الذي أدخل الفيديو الذي تفضل صديقي شادي بالإعلان عنه والتوقيت ؟؟؟؟

فرضية التوقيت والتعامل معه سؤال مستقل تماما طرحه صديقي شادي ويختلف عما نفذته و بما أنك لم تشاهد الفيديو فهو يطرح مبادئ التحريك وأدواته ومرور في عجاله على بعض التقنيات المساعدة ( برامج الكمبيوتر )

وهذا لا ينفي أن معك حق فيما ذكرته أن من يتحكم في معدل بطئ أو سرعة الحركة في التحريك الثنائي الأبعاد هو المحرك حيث أننا على جدول التوقيت لا نستطيع أن نكرر أي إطار سوى مرتين بحد أقصى والا سيظهر الحركة متقطعة

وبالتوفيق لك في فان آرتس فهم بالفعل الأفضل لتعليم هذا الفن

تحياتي

[زند الاسى]

اسف اخى فكرتك خطا تماما
انا مشوفتش الفديو لكنى درست تو دى انيماشن
عدد الفريامت هو الى بيحدد السرعه
و مش معنى كدة انك تعتمد على برنامج التحرير و خلاص
لا طبعا
افرض امثلا انت عامل شخصيه ماشيه و فيها يد فاضيه و يد شايله شنطه
اكيد عدد الفريمات بتاع اليد دة هيختلف عن اليد التانيه
و مش معنى كدة انك تعملهم بعدد فريمات واحد و تعتمد على التحرير
لان التحرير هنا هتبقى قيمته صفر

انا مش مختلف معاك والكلام اللى بتقوله مظيبوط ....

بس لو قريت سؤال شادى هتلاقيه بيستفسر عن تقنية موجودة فى البرنامج

وانا كان قصدى انها لو اتعملت فى برامج تحرير الفيديو هتديله تحكم اكبر ......

[rabieart]

حصل خير يا شباب..على فكرة انا مش فان ارت ولا انيماتور كل الى اعرفه مبادىء مش اكتر
اعذرونى على لغتى فلم اتحدث العربيه منذ شهور الا قليل مع الاهل فى الهاتف او دقايق علىالانترنت مع بعض الاخوة الافاضل
و اليوم اول يوم اقضيه فى المنابر مذ فترة طويله جدا
اعتذر مرة اخرى على تركيب كلماتى
و انا مقلتش حاجة غلط
للاسف انا كنت اعبر عن حاجة درستها و فاهمها مش اكتر
و مش معنى انى قلت فكرتك خطاء يبقى كلامى مصدق عليه..لكنى مقتنع بما كتبت

[shady sobhy]

شكرا يا شباب على المداخلة
وعندي سؤال تاني
لو عايز اعمل سكواش للراس ياعني يعمل استعداد للحركة قبل ما يتحرك
ده في برنامج anime ولا لازم ارسمه
أستاذ طارق حضرتك مجوبتنيش على الاسئلة
مداخلة بسيطة

[Libya82]

شكرا يا شباب على المداخلة
وعندي سؤال تاني
لو عايز اعمل سكواش للراس ياعني يعمل استعداد للحركة قبل ما يتحرك
ده في برنامج anime ولا لازم ارسمه

جرب إستخدام الــــ Scale العادي ...

[Tom Art]

السكواش والإسترتش

الضغط والمط

يمكن تنفيذهما عن طريق يد المحرك وذلك في حالة حاجة المحرك مثلا لبروز أجزاء من الجسم ( مثلا أثناء المط تبتعد أجزاء الملابس عن بعضها أو عملية ضغط ينتج عنها جحوظ العينين وهكذا ) فهذه أشياء لا يمكن تنفيذها سوى يدويا إطار تلو الآخر ، أما في حالة الضغط المتساوي أي لا توجد تغيير في أي نسبه للجسم المضغوط فيمكن إستخدام أداة الترانسفورم ( أتحدث هنا عن توون بووم ستوديو )

أما في حالة برنامج أنيمي ستوديو فللمحرك مطلق الحرية بما أنني ذكرت في طرحي أنه يمكن بناء الشخصية بالكامل عن طريقه وبالتالي فهي أقرب للصلصال ثنائي الأبعاد أي يمكن التحكم بكل نقاطها على حدة أو ضغطها وفردها ككتلة واحدة

تحياتي

[shady sobhy]

شكرا يا هشام على المتابعة
انا بس بسخن عشان معنديش دلوقتي نسخة من توون بوم ولا الانيمي الرابط اللي اعطاني اياه اخونا طارق كان بطئئئئئئئئئئئئئئئئئئئئئئئئئئئئئئئئئ جداااااااااااااااااا بس جاري البحث عن بديل بإذن الله شكرا مرة تاني
Tom Art كده الامور وضحت تماااام

شكرا على الاهتمام موعدي معك على المسنجر بإذن الله