موضوع: يومياتى

ردود: 8 | زيارات: 780
  1. #1
    Graphic Designer
    صور رمزية أحمد عابد
    تاريخ التسجيل
    Aug 2006
    المنطقة
    Egypt
    ردود
    4,352

    Smile يومياتى

    السلام عليكم

    طبعا زى ما احنا عارفين ان الحياة صعبة و انى كل شئ مش بيجى بالساهل فأنا لما وجدت
    انى بتعثر فى الجرافيكس فجأت فى ذهنى فكرة انى اشتغل فى مجال اخر خارج مجالى
    حتى تزداد نسبة ذكائى و بالتالى ينعكس هذا ايجابيا على مجالى باٍذن الله فتجولت فى
    احدى مولات الهرم بحثا عن وظيفة و بعد قليل من البحث وجدت محل عنده استعداد
    ان يتقبل شخص ينضم الى فريق العمل و عندها قمت بأخذ رقم التليفون و الاٍيميل و قمت
    باٍرسال السى فى الخاص بى الى العنوان المعلن و دة طبعا مع كورسات باخدها فى
    الـ illustrator , photoshop ,indesign و كل دة برده و انا بحاول اواجه
    نقاط ضعفى و انى اعمل حاجات جديدة تضيف الى شخصيتى ايجابيا و انا بفكر فى حاجات
    كتير تكبر و تعلى من شأنى و مازال البحث جارى عن فرصة لاٍثبات و تحقيق الذات .

    لو حد عجبه موضوعى يقول و انا عندى استعداد اقول كل ما هو طيب . .
    أخر تعديل بواسطة أحمد عابد في 13 / 09 / 2008 الساعة 04:51 AM



  2. #2
    عضو متميز
    صور رمزية mmnoor
    تاريخ التسجيل
    Nov 2007
    المنطقة
    ساكن فين ؟؟ انت مخبر ولا ايه ؟؟؟
    العمر
    31
    ردود
    6,588
    أنا كنت اشتغلت في شركة دعاية وإعلان قبل كده، أهم حاجة عندهم إنك يكون عندك أساسيات البرامج زي الفوتوشوب والكوريل أو الإلستريتور طبعاً في أماكن لسه شغالة على الفريهاند في أماكن تانية بتدور على الشغل اللي فيه تفاصيل كتير يعني شغل مش عايز سلق بيض وتلزق كام حاجة كده ومشي حالك، وفي مكاتب دعاية وإعلان لازم عشان يقبلك يشوف خانة Layers مردومة بحاجات كتير وياريت تكون عامل شوية ماسكات على كام Image adjustments و عامل شوية اشتغالات عشان يحبك ده في البداية، أول شغل بتستلمه شغل واحد لواحد يعني بيديك مثلاً كارت أو اسطمبه Trace على أساس تعمل زيها ولازم يبقى التصميم زيها بنسبة 100% في برضه حاجة تجهيز التصميم للطباعة، موضوع تجهيز التصميم للطباعة مش صعب أوي يعني بس ما فيش مركز كورسات بيديها ضمن كورس الفوتوشوب أو دبلومات الــ 2D وممكن مواضيع الأستاذ أمين في منبر الفوتوشوب تفيدك أكتر طبعاً <<<< أخيراً خلصت دا انت رغاي أوي
    (وَإِذَا قِيلَ لَهُمُ اتَّبِعُوا مَا أَنزَلَ اللَّهُ قَالُوا بَلْ نَتَّبِعُ مَا وَجَدْنَا عَلَيْهِ آبَاءنَا أَوَلَوْ كَانَ الشَّيْطَانُ يَدْعُوهُمْ إِلَى عَذَابِ السَّعِيرِ) لقمان :21

    الرد على من قال بحل المعازف

    http://www.abumishari.com/

  3. #3
    Graphic Designer
    صور رمزية أحمد عابد
    تاريخ التسجيل
    Aug 2006
    المنطقة
    Egypt
    ردود
    4,352
    فى ناس بتقول ان مفتاح الثريدى هو الصبر و دة طبعا صح و مقولناش حاجة بس بالنسبة لى مفتاح الثريدى
    هى :-

    التنمية البشرية


    و الا بقة هتطر اسيب المجال كوظيفة و اشوف اى حاجة تانية زى الـ photoshop و الـ illustrator . .

    انا كمان سألت على وظيفة Call Center بس شكل كدة مفيش نصيب, و روحت سألت فى مطعم جنب
    بيتنا على وظيفة بس الأمر واقف و مفيش حاجة اتحققت فى موضوع المطاعم دة .

    انا اقدر اشتغل فى اى شركة جرافيك بس الأول عشان ابقة ناجح فى الجرافيك عموما لازم انصح و عقلى يتسنفر
    شوية عشان تيجيلى طاقات الاٍبداع الكامنة ووووو ... بس كدة. .



  4. #4
    م.احمد منسي
    صور رمزية mansy1985
    تاريخ التسجيل
    Mar 2006
    المنطقة
    مصر-بورسعيد-الامارات العربيه المتحده-ابو ظبي
    العمر
    31
    ردود
    2,260
    يعني ايهcall center

    علي العموم ربنا يوفقك...بس فين اليوميات دي

    المفروض تشرح اليوم كله بالتفصيل الممل يعني صحيت من النوم متاخر و كان عندي امساك و صداع الخ الخ الخ لحد ما تنتهي احداث اليوم

    اي حد اعرفه بيكتب يوميات بيتعامل مع الاحداث اليوميه العاديه علي انها احداث تاريخيه قوميه يجب ان يسطرها التاريخ
    Junior Architect-Ahmed Abdel Aziz
    Mansy

    إن من يختلف معك فكريًا في العالم العربي هو على الأرجح ملحد أو عميل أو شاذ جنسيًا،




  5. #5
    عضو متميز
    صور رمزية mmnoor
    تاريخ التسجيل
    Nov 2007
    المنطقة
    ساكن فين ؟؟ انت مخبر ولا ايه ؟؟؟
    العمر
    31
    ردود
    6,588
    يعني ايهcall center
    يعني : تتلطع شوية وبعدين : أم نبيل مع حضرتك يا أفندم ممكن أتشرف بإسم حضرتك كخخخخخخخخخخخخخخخ
    (وَإِذَا قِيلَ لَهُمُ اتَّبِعُوا مَا أَنزَلَ اللَّهُ قَالُوا بَلْ نَتَّبِعُ مَا وَجَدْنَا عَلَيْهِ آبَاءنَا أَوَلَوْ كَانَ الشَّيْطَانُ يَدْعُوهُمْ إِلَى عَذَابِ السَّعِيرِ) لقمان :21

    الرد على من قال بحل المعازف

    http://www.abumishari.com/

  6. #6
    Graphic Designer
    صور رمزية أحمد عابد
    تاريخ التسجيل
    Aug 2006
    المنطقة
    Egypt
    ردود
    4,352
    اقتباس الموضوع الأصلي كتب بواسطة mansy1985 معاينة الرد
    يعني ايهcall center

    علي العموم ربنا يوفقك...بس فين اليوميات دي

    المفروض تشرح اليوم كله بالتفصيل الممل يعني صحيت من النوم متاخر و كان عندي امساك و صداع الخ الخ الخ لحد ما تنتهي احداث اليوم
    اي حد اعرفه بيكتب يوميات بيتعامل مع الاحداث اليوميه العاديه علي انها احداث تاريخيه قوميه يجب ان يسطرها التاريخ
    call center اللى هو خدمة العملاء اما عن التفصيل الممل فخد عندك اللى حصل النهار دة :-


    صحيت من النوم الساعة 8:30 الصبح عشان اروح كورس الـ photoshop, illustrator , indesign
    و على ما غسلت وشى و لبست كانت الساعة باقيت 8:50 و على ما ركبت باص من فيصل للجيزة من الجيزة
    لميدان لبنان باقيت الساعة تقريبا 9:20 و بعد كدة دخلت المبنى اللى فيه المكتب اللى هاخد فيه الكورس و بعد
    ما رنيت الجرس مالقيتش حد فى المكتب فنزلت تانى و فضيلت مستنى ساعة تقريبا عند مطعم Tebesty
    مع العلم ان معاد الكورس كان 9:30 بس مع ذلك ملقتش حد, المهم, طلعت بعد ساعة لاقيت الناس موجودين
    و عرفت كدة من صوتهم و بعد كدة رنيت الجرس و فتحتلى واحدة محجبة و لاقيت ان الأستاذ بيشرح الفوتوشوب
    و بعد شرح مفصل و بعد ما خلصنا الدرس الأستاذ قالى تعالى نتقابل عند الجامع و بصراحة انا مكنتش محضر لكدة
    خالص بالاضافة انى كنت عايز انام كالمعتاد فقررت انى اطنشه مع انى عارف ان شكلى هيبقة وحش اوى بس مش مهم.

    بعد كدة اخدت تاكسى من ميدان لبنان للهرم لغاية ما وصلت شارع حسن محمد "اللى هو فيه بيتى"
    و اول ما طلعت نمت على طول و صحيت على المغرب عشان افطر, بس كدة. .


  7. #7
    اخي مع احترامي لرأيك بس المنطق بيقول انك تدور علي شركه دعايه واعلان علي قدها بحيث تكتسب خبره لانك بعدك عن الشغلانه اللي انت عاوزها هيقلل مهارتك و قدرتك علي التخيل وعموما اي شركه دعايه صغيره مش هتحتاج منك قدرات خاصه كل اللي محتاجه المهارات الاساسيه في البرنامج يا راجل ده انا مره عملت لواحد شغل علي الفوتوشوب اي واحد مبتديء يعمله وكنت عامله كده ببلاش ولما بعته لشركه دعايه و طباعه عشان تطبعه بعتلي معاه اني اجي اشتغل معاهم بس يعني مكنتش عاوز اشتغل في المجال ده المقصود كبدايه ابدء مع شركه صغيره وده لحد ما تحس انك بقيت كويس و قدم في شركه كبيره
    هل ياتي اليوم الذي اتقن فيه 3d max



  8. #8
    Graphic Designer
    صور رمزية أحمد عابد
    تاريخ التسجيل
    Aug 2006
    المنطقة
    Egypt
    ردود
    4,352
    فى واحد نصحنى انى اشتغل اى حاجة بجانب انى بتدرب فى مجال الجرافيك و الا هبقة
    اخترت طريق الفشل و بصراحة انا محتار بس دلوقتى انا كل شوية بتقابلنى مواقف
    بتكشف مدى سطحيتى فى التفكير و عموما كل الخيارات مطروحة و ربنا يقدم اللى فيه الخير .


Bookmarks

قوانين الموضوعات

  • لا يمكنك اضافة موضوع جديد
  • لا يمكنك اضافة ردود
  • لا يمكنك اضافة مرفقات
  • لا يمكنك تعديل مشاركاتك
  •  
  • كود BB مفعّل
  • رموز الحالة مفعّل
  • كود [IMG] مفعّل
  • [VIDEO] code is مفعّل
  • كود HTML معطل