دلوني على اقوي معهد اكادمي للمايا في مصر

[toxic15987]

انا مش واحد منهم على فكرة بس هانعمل ايه
طبعا الحالة المالية ماتسمحش ان الواحد يسافر عشان يدرس دة طبعا مستحيل
فامافيش الا كدةعشان كمان اى شهادة من اى مكان بتعتبر شئ ذو قيمة عند التقدم لعمل للأسف (بلد بتاعت شهادات)
ربنا يسهل لو الواحد ربنا كتب له النجاة من الجيش يمكن يبقى يعمل حاجة احسن فى المايا نم الدروس اللى على النت

[aymansalad]

2980 جنبه ده سعر دراسة المايا في فيوجن انا سألتهم من كام يوم

[zeight]

انا معرفش الاماكن فين اساسا حتى على شان تشك انى ممكن اكون واحد منهم بس انت عمرك ما هتروح مركز هيطلع محترف فى البرنامج
و لو هتطلع محترف من المركز هتكون خسرة اهم حاجه فى البرنامج انك تدور على مصادر جديد و تطور نفسك
اى حد بيروح مركز تدريب بيكون بيدور على اول خطوه فى البرنامج
يا شيكو انا ملاحظ ان انا على طول بعترض معاك بس والله ما قصدى دى وجهة نظرى

[chako]

لا وللهى انا مقصدش اهاجم حد انا كل اللى كنت عايز اعمل ان انبهكم قبل مترمو فلوسكم على الفاضى و تحصل المهزله انك تروح تكتشف ان اللى بيديك الكورس هو ذات نفسه محتاج 100 كورس ههههههه
مداخلتى للنصيحه فقط يا شباب
تحياتى

[zeight]

قشطه عليك يا شيكو

[mmt_cg]

بالنسبة للسعر فى المعهد بتاع اسكندرية
الدبلومة 348 ساعة
السعر الاساسى 5100
وحاليا فى تخفيض 30 فى الميه يعنى عاملة بالظبط 3600
وعامتا ياجماعة انا فعلا شغال معاهم
والى يضمنلك انك تدرس صح احنا بنعمل ندوات نشرح فيها التفاصيل بتاعت الكورس الى حتدرسه
والمهم ان الى طالع يطلع فاهم و محترف وممكن تسال بالتفصيل عن اى حاجه
وعامتا الشرح الى انا كتبته قبل كده مبين ايه الى انت حتدرسه
وانا سبت رقم موبايلى قبل كده للى عنده استفسارات وهه تانى 0105473526

[pearl_m]

يعطيك العافيه على هذي المعلومه انا بغيت اسأل بس انت سبقتني بالاجابه .. بس عندي سؤال ثاني لو تكرمت في فرع في القاهره ؟؟

[alex man2]

انا جربت الاكادميه العربيه فى الاسكندريه لكن بعد ما خلصت لاسف حسيت انى ما اخدتش مايا

فى معهد جديد مش بيدرس غير مايا بس وتقريبا هو الوحيد الى بيدرس مايا 2009 والدراسه فيه مايا بس لمده سنه

faino_055@yahoo.comراسلنى

[هاش ماش]

هل تو جد معاهد في القاهره او الجيزة

[SPIDERMAN4]

لا وللهى انا مقصدش اهاجم حد انا كل اللى كنت عايز اعمل ان انبهكم قبل مترمو فلوسكم على الفاضى و تحصل المهزله انك تروح تكتشف ان اللى بيديك الكورس هو ذات نفسه محتاج 100 كورس ههههههه
مداخلتى للنصيحه فقط يا شباب
تحياتى

السلام عليكم
يا أستاذ شاكو .. على أي أساس بتقول الكلام ده ههههههه .. لازم على الأقل تكون جربت عشان تنصح الناس .. أنا مليش أي نوع من المصلحة .. لكن أنا كان ليا الشرف صراحة إني أخدت كورس في Graphic Academy من فترة كبيرة .. وكنت محظوظ بوجود أحد الأشخاص الممتازين .. اللي أخدت الكورس معاهم

وكنت من النوع اللي بيسأل كتيير جدا .. وبدون مبالغة كنت بلاقي إجابات نموذجية على معظم أسئلتي ..
هو بيني وبينك بردو عندك حق .. لازم الواحد يسأل كويس بردو عن الأماكن الكويسه .. و الأماكن ده بتبقى كويسة من سمعة الأشخاص اللي بيدرسوا فيها ..

باختصار .. الأماكن الكويسه في المايا في مصر .. fusion و Graphic Academy
ملحوظه تانيه بردو على اللى بيقول إنك تاخد كورس وتنام بعد كده .. ده كلام مش مظبوط .. أي حد بيدخل مجال المايا لازم يبقى في تطوير مستمر ويعمل تحدبث للمعلومات بتاعته بصفه مستمرة .. آسف على الإطالة .. وأرجو ألا تأخذ كلامي بحساسية ..
بالتوفيق للجميع

بالتوفيق

[nazzal]

باختصار يا جماعه وبدون مواربه وليس بقصد الدعايه وليس بقصد اي شئ....فقط ايضاح للسائل وايضاح لكلمه الاخ شيكو
العبد لله هو مدرس المايا في فيوجن وجرافيك اكاديمي
ومن فضل لله لا احتاج لميت كورس .....ببساطه تستطيع زيارتي هناك لتعرف اعمال الطلبه التي ادرسها قبل ان تبدا...هذا فقط لتعرف المستوي الذي ستخرج به من الكورس....ومنه ستقرر ان كان منيعلمك ستجد عنده اجابات ام لا
مع ملاحظه ان مافيش كورس في الدنيا سيعطيك العلم بالملعقه....او سيخرجك محترف....ان لم تكن انت تريد ان تكون محترف
وهذا من خلال اجنهادك معي وتطبيقك واسألتك التي تولد الافكار وروح المشاركه بالمعلومه تبادل الخبرات داخل الفصل الدراسي
اسف علي المقاطعه ولكن وجب التنويه وللمعلوميه
مع التذكير ايضا
انني عمري ما اشرت لاني ادرس المايا في هذين المركزين ابدا....ولم اسوق لنفسي ابدا....علي الرغم من اني ادرس هناك منذ ثلاث سنوات ...ولا اعتقد ان سمعه المركزين في المايا اتت من فراغ
ولم اكن ارد ابدا علي هذه المواضيع....ولكن ردعا لاي بطلان في الكلام والرمي بدون علم
اذكر ذات مره اني فرجت احد الاخوه الكرام علي اعمال بعض الطلبه المتميزين الذين تشرفت بيدريسهم فقال لي انت متاكد ان هؤلاء الطلبه لم يكونوا يعرفوا مايا من قبل .......
لهذا فقط اقول لك من حقك رؤيه اعمال من قبلك.....وبعدها قرر .....ولكن لا ترموا بدون علم........ابدا
تقبلوا مروري وشكرا لكم جميعا واسف علي المقاطعه مره اخري

[holako78]

اخى الكريم لو عايز تبدأ المايا ممكن تبدأ فى أى معهد حتى ولو كان اللى فيه مبتدأ...لأن الهدف فى دخول البرنامج انك تتعلم اساسيات فى الاول وبعد كده نصيحة منى ماتتعلمش الشغل الاحترافى غير من الاجانب لانك بكده هاتبدامن حيث انتهوا ...والله اعلم

[holako78]

اخى الكريم نازال ...اللى انا عارفه ان فيوجن بدأت تدرس المايا من حوالى سنة مش 3 سنين زى ماحضرتك بتقول...وانا متأكد جدا من المعلومة دى ...حتى اسأل أيمن...أو د.رأفت....وده مالوش علاقة بمستواك....

[nazzal]

مش محتاج اسأل يا ريس....انا هناك بالفعل من سنتين وقبلها بسنه في جرافيك اكاديمي وحاليا في كرتون لاب
واعمالي طلبتي هناك شاهده علي ما قلته
بغض النظر عن تاكدك
شكرا لمرورك الكريم
بالمناسبه نزال بدون الف بعد النون

[mmt_cg]

بالنسبة للمعهد الى فى الاسكندرية
احنا كدا كدا بنقوم بفكر جديد جدا مبنى على اساس ان احنا بنوفر للطالب كل الى بيحتاجه علشان يوصل لاعلى مستوى وده بيبقى عن طريق المدربين الى بيدربوه لازم يكونو شغالين فى المجال الى بيدرسوه و يكونو محترفين و اللاب بيبقى مجهز باحسن الاجهزة و ميتعداش فيه عدد الطلبة عن 12 فرد و عن طريق عدد الساعات الى بيدرسها تكون موفيه المادة العلمية و التدريب و عن طريق البرامج الى بيدرسوها
المهم وبردو بالنسبة لموضوع الخبرة فكل الى شغالين معانا زى ماقولت اصلا ده مجالهم ود غير ان اصلا اساس الشركة انيميشن استديو و فى عمل مسلسل ثلاثى الابعاد بنعملوا حاليا
واصلا احنا دايما كلامنا ان الاساس والمقارنة الى بنخلى الطلبة يقرنو بيها شغلهم داخل الكورس هى الافلام العالمية لان ده الى بنوصلهم له
ولو فى اى استفسارات تانيه ممكن تخشو على الجروب و تقيمو وتسالو براحتكو وده اللينك بتاعه
http://www.facebook.com/group.php?gid=19922717718

شكرا