موضوع: عارف الإحساس ده ؟؟؟

ردود: 19 | زيارات: 1354
  1. #1
    يوسف التلباني
    عضو لجنة تحكيم

    صور رمزية maxspider
    تاريخ التسجيل
    May 2004
    المنطقة
    <<<<EGYPT>>>>
    العمر
    32
    ردود
    5,585

    عارف الإحساس ده ؟؟؟

    عارف الإحساس ده ؟؟؟

    لما المروحة تتعطل بليل ...
    وتقوم من النوم العرق مغرق جتتك الطاهرة ...
    والعماص لازق في عينيك بصمغ أمير محترم ...
    وتخش الحمام عشان تاخد دش ينعنشك ...
    تفتح الحنفية ... ومعاها تفتح دراعك ... عشان تستقبل رذاذ الميه المتلج في خلقتك ... و .......................... الميه مقطوعة !!

    عارف الإحساس ده ؟؟؟

    لما تقعد تشتغل وانت مطحون على الآخر ...
    وتفضل تاكل في وجبات سريعة عشان تلحق تخلص الشغل ...
    وفجأة ... ينقح عليك نداء الطبيعة ...
    فتقاوم ... وتعاند ... وانت عارف إن دماغك أقدم من نعل الخديوي كركوب ... وتصمم على إنك تكمل شغلك الأول
    الحالة بقت صعبة ... خلاص هتوصل لمرحلة اللا إرادية
    تجري على الحمام ... وتخش ... وتفتح الميه و ...................... الميه مقطوعة !!!!

    عارف الإحساس ده ؟؟؟

    لما تقعد تاكل أكلة سمك ...
    وتلغوص فيها براحتك ...
    وريحتك من تنتوفة شعرك لحد ضفر صباعك الكبير تبقى كلها سمك ...
    وواحد صاحبك يهزر معاك بإيده الزفرة ... وتهزر معاه ... لحد ما تبقوا انتو الاتنين حاوية عفانة متحركة ...
    وتفتكر إن عندك معاد دلوقتي مع خطيبتك ..
    فتجري بسرعة عشان تغسل إيدك ... وتفتح الحنفية بسرعة عشان تلحق و ........... الميه مقطوعة !!!!!!!!!!

    عارف الإحساس ده ؟؟؟

    لما تخبط مشوار في عز الحر من عين الصيرة لأكتوبر ...
    وتكتشف إنك نسيت مفاتيح المكتب في البيت ...
    فترجع تدب المشوار ... وأمك تقولك طب ريح شوية قبل ما ترجع الشغل ...
    لكن نعل الخديوي المبجل يشتغل في دماغك ... وتقولها هبقى آخد دش عند واحد صاحبي وأبقى تمام ...
    وترجع تاني المشوار ده كله ...
    وتروح عند صاحبك وانت مش طايق ريحة اللي جابوا العفانة ...
    وتخش الحمام ... وتفتح الدش وتحط دماغك تحته ... وتستمتع بقطرات الماء الساخنة
    وبعدين صاحبك ينادي عليك من بره :
    يابني ... الميه طلعت قاطعة في أكتوبر كلها
    فتفاجئ أن تلك القطرات ما هي إلا تسريب من حمام الجيران اللي فوق, وإن ............. الميه مقطوعة !!!!!!!!!!!!!!!!!

    عارف الإحساس ده ؟؟؟

    لما تقرر إنك شخص بيتحكم في أعصابه ...
    وميهموش كلام الناس ...
    ومش مهم ريحتي المعفنة ...
    ومش مهم أخش أعمل زي البني آدمين ...
    وفجأة ... تلاقي في اجتماع حالا في الشغل ...
    تخش ... وجوه ... تبدأ كل تلك الكتل في الضغط عليك ...
    الضغط بيزيد .. وانت مش عايز ... مش هينفع هنا ... مش هقدر ... مش .........
    الدنيا كلها هوس .... إلا من ذلك الصوت المتتابع الذي يصدر منك ... والكل ينظر إليك في تقزز أو تعاطف أو شماتة أو لا مبالاة ...
    تقوم زي الأهبل ... وترمي نفسك من الدور العشرين ... عشان ترحم نفسك ... تنزل على دماغك ...
    ولحظك المنيل يلاقوك لسه عايش ... ويحاولوا إنقاذك ... ياخدوك المستشفى ... الدكتور يجري ... يروح عشان يغسل إيده و ..... الميه مقطوعة !!!!!!!!!!!!!!!!!!

    عارف الإحساس ده ؟؟؟

    لما تبقى وحيد في عنبر الخطرين ...
    والحكومة بنفسها تقرر نفيك خارج البلاد لخطورة وضعك ...
    تقوم بقرف وانت مش مهتم بالتلفزيون ولا بالأخبار ولا بالعالم المجانين اللي بره ....
    تفتح إزازة الميه وترفعها عشان تشرب وترتوي و ............... الميه مقطوعة !!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!

    عارف الإحساس ده ؟؟؟


    أنا عارفه زيادة عن اللزوم ... الميه قاطعة عندنا هنا في أكتوبر ... دعواتكو يا جماعة ... وإلا همر بالمراحل دي كلها لآخرها





  2. #2
    أعْشَـقُ بَعْثَــرَةَ .. الألْـوَانِ
    صور رمزية dr.adobe
    تاريخ التسجيل
    Aug 2008
    المنطقة
    السعودية
    العمر
    21
    ردود
    2,584
    الله يرجعلكم الميه علشان ما تجيكي كل هذي الأشياء


    (قريبا درس Wall Of Light بالسينما و الأفتر)
    "ترى يشبه حق اخونا أندرو كرامر"

    -----

    http://www.videocopilot.net
    http://www.digitaltutors.com/11/index.php
    http://www.cineversity.com
    http://greyscalegorilla.com/
    -----


  3. #3
    عضو نشيط
    صور رمزية وائل محمد
    تاريخ التسجيل
    Dec 2007
    المنطقة
    مصر
    العمر
    25
    ردود
    318
    يارب المية تيجى عندكم
    ملحوظة ك:- لو الشياء هذه حدثت مع شخص لابد انة يولع
    فى المسؤيلن عن المية وبعدين يولع فى نفسة
    _______لحظة:- احنا عندنا مية هيييييييييية

    بسم الله الرحمن الرحيم

    وَقُلِ اعْمَلُوا فَسَيَرَى اللَّهُ عَمَلَكُمْ وَرَسُولُهُ وَالْمُؤْمِنُونَ

    صدق الله العظيم




  4. #4
    يوسف التلباني
    عضو لجنة تحكيم

    صور رمزية maxspider
    تاريخ التسجيل
    May 2004
    المنطقة
    <<<<EGYPT>>>>
    العمر
    32
    ردود
    5,585
    ربنا يكرمكم ... ماهو للأسف تليفون الطوارئ مشغول

    شفت دي ... تليفون طوارئ ... ويا إما مشغول ... يا إما محدش بيرد ...

    حسبي الله

  5. #5
    Computer Engineer
    تاريخ التسجيل
    Jul 2006
    المنطقة
    ------------------
    ردود
    2,525
    هذا لو انقطعت الماء

    ( ارخص موجود و اغلى مفقود !
    ________________________________________________________________________

  6. #6
    يوسف التلباني
    عضو لجنة تحكيم

    صور رمزية maxspider
    تاريخ التسجيل
    May 2004
    المنطقة
    <<<<EGYPT>>>>
    العمر
    32
    ردود
    5,585
    ولسه ...... الميه قاطعة

    دعواتكو

  7. #7
    م.احمد منسي
    صور رمزية mansy1985
    تاريخ التسجيل
    Mar 2006
    المنطقة
    مصر-بورسعيد-الامارات العربيه المتحده-ابو ظبي
    العمر
    31
    ردود
    2,260
    هيه مصر مش فيها نيل برضه؟ و لا النيل اتسرق كمان.....يكونش احتكروه

    يلا ربنا يحرقهم واحد واحد...

    ربنا معاك يا زعيم و مع المصريين كلاتهم
    Junior Architect-Ahmed Abdel Aziz
    Mansy

    إن من يختلف معك فكريًا في العالم العربي هو على الأرجح ملحد أو عميل أو شاذ جنسيًا،




  8. #8
    عضو متميز
    صور رمزية mmnoor
    تاريخ التسجيل
    Nov 2007
    المنطقة
    ساكن فين ؟؟ انت مخبر ولا ايه ؟؟؟
    العمر
    31
    ردود
    6,588
    اقتباس الموضوع الأصلي كتب بواسطة maxspider معاينة الرد
    ولسه ...... الميه قاطعة

    دعواتكو
    المية كده في مصر كلها في ناس بتتصرف وركبت مواتير من زمان لرفع الميّة لإن لو اعتمدت على الحكومة المبجّلة هتمر بالمراحل دي كلها ويمكن أكتر


    ويا رب يا رب المية ترجع
    (وَإِذَا قِيلَ لَهُمُ اتَّبِعُوا مَا أَنزَلَ اللَّهُ قَالُوا بَلْ نَتَّبِعُ مَا وَجَدْنَا عَلَيْهِ آبَاءنَا أَوَلَوْ كَانَ الشَّيْطَانُ يَدْعُوهُمْ إِلَى عَذَابِ السَّعِيرِ) لقمان :21

    الرد على من قال بحل المعازف

    http://www.abumishari.com/

  9. #9
    م.احمد منسي
    صور رمزية mansy1985
    تاريخ التسجيل
    Mar 2006
    المنطقة
    مصر-بورسعيد-الامارات العربيه المتحده-ابو ظبي
    العمر
    31
    ردود
    2,260
    هوه الميه مقطوعه في مصر كلها و لا ايه؟
    Junior Architect-Ahmed Abdel Aziz
    Mansy

    إن من يختلف معك فكريًا في العالم العربي هو على الأرجح ملحد أو عميل أو شاذ جنسيًا،




  10. #10
    عضو متميز
    صور رمزية mmnoor
    تاريخ التسجيل
    Nov 2007
    المنطقة
    ساكن فين ؟؟ انت مخبر ولا ايه ؟؟؟
    العمر
    31
    ردود
    6,588
    اقتباس الموضوع الأصلي كتب بواسطة mansy1985 معاينة الرد
    هوه الميه مقطوعه في مصر كلها و لا ايه؟
    شركة المية بتقول إن في الصيف السّحب بيزيد على الميّة فمش بتوصل للأدوار العليا دا لو ردّوا عليك طبعاً كخخخخخخخخ
    (وَإِذَا قِيلَ لَهُمُ اتَّبِعُوا مَا أَنزَلَ اللَّهُ قَالُوا بَلْ نَتَّبِعُ مَا وَجَدْنَا عَلَيْهِ آبَاءنَا أَوَلَوْ كَانَ الشَّيْطَانُ يَدْعُوهُمْ إِلَى عَذَابِ السَّعِيرِ) لقمان :21

    الرد على من قال بحل المعازف

    http://www.abumishari.com/

  11. #11
    يوسف التلباني
    عضو لجنة تحكيم

    صور رمزية maxspider
    تاريخ التسجيل
    May 2004
    المنطقة
    <<<<EGYPT>>>>
    العمر
    32
    ردود
    5,585
    لا ياجماعة ... الميه فعلا قاصطعة في أكتوبر كلها

    ما عدا الدور الأرضي في المول اللي فيه الشركة !!!!!!!!!!!!!!!!!!!!1

    حتى الآن ... مفيش أي جديد ... غير شوية الريحة اللي بدأت تهل علينا من الحمامات المجاورة

  12. #12
    أحمد المصري
    صور رمزية awesome
    تاريخ التسجيل
    Jul 2007
    المنطقة
    KSA
    ردود
    1,650
    ربنا يكون في عونك بجد ... الحياة من غير ميه لا تحتمل نهائيا ..
    بالمناسبة طريقتك في تأليف القصة روعة

  13. #13
    مشرف منبر عرض و نـقــد
    صور رمزية Jassar
    تاريخ التسجيل
    Oct 2006
    المنطقة
    بانتظار عودة الخلافة
    ردود
    8,389
    بسيطة يا عم... المياه عندنا بتيجي 3 أيام بالأسبوع فقط!!!!!!

    لولا البئر كان متنا من العطش
    في النظام الديمقراطي (والذي هو مخالف للإسلام قلبا وقالبا), يسمح للشواذ أن يتزوجوا رسميا
    وكل حاكم يحكم بهذا النظام, وإن ادعى أنه إسلامي, فهو يؤمن بهذه الحرية..

    موقعي الشخصي | صفحة الفيسبوك الرسمية

  14. #14
    عضو متميز
    صور رمزية MAXIOS
    تاريخ التسجيل
    May 2007
    المنطقة
    Cairo, Egypt
    ردود
    1,938
    يا رب الميه تيجي عندكم تغرق المدينه كلها ميه
    543212345
    خالد ماهر
    ـــــــــــــــــــــــــــــــــــــــــــــــــــــــــــــــــــ
    My Animations



  15. #15
    ضياء الدين
    صور رمزية diaaking
    تاريخ التسجيل
    May 2004
    المنطقة
    مصر
    العمر
    30
    ردود
    3,679
    تخيل الميه مقطوعه ديما في ارقي حتي في القاهره ذي ما بيقولوا .. في مدينة نصر ...
    العادي بتاع الميه في مدينة نصر مقطوعه بس ساعات كدا بتحصل مفاجئة ويحنو علينا وتيجي شوية ميه ...
    اهو مفيش ميه في الشركه ولزام عشان تتوضي تاخد واحد صحبك معاك عشان يرش عليك اذاذة الميه ...
    طب لو حصل نداء الطبيعه هتعمل ايييه ..
    الحياة ألم يخفيه أمل
    أمل يحققه عمل
    وعمل ينهيه أجل
    ثم يجزى كل امرئ بما فعل

  16. #16
    عضو متميز
    صور رمزية mmnoor
    تاريخ التسجيل
    Nov 2007
    المنطقة
    ساكن فين ؟؟ انت مخبر ولا ايه ؟؟؟
    العمر
    31
    ردود
    6,588
    اقتباس الموضوع الأصلي كتب بواسطة maxspider معاينة الرد
    لا ياجماعة ... الميه فعلا قاصطعة في أكتوبر كلها

    ما عدا الدور الأرضي في المول اللي فيه الشركة !!!!!!!!!!!!!!!!!!!!1

    حتى الآن ... مفيش أي جديد ... غير شوية الريحة اللي بدأت تهل علينا من الحمامات المجاورة
    كلامك صح وحصل قبل كده كتير والغريب إن شركة المية مش بتعمل حاجة
    (وَإِذَا قِيلَ لَهُمُ اتَّبِعُوا مَا أَنزَلَ اللَّهُ قَالُوا بَلْ نَتَّبِعُ مَا وَجَدْنَا عَلَيْهِ آبَاءنَا أَوَلَوْ كَانَ الشَّيْطَانُ يَدْعُوهُمْ إِلَى عَذَابِ السَّعِيرِ) لقمان :21

    الرد على من قال بحل المعازف

    http://www.abumishari.com/

  17. #17
    عضو متميز
    صور رمزية mmnoor
    تاريخ التسجيل
    Nov 2007
    المنطقة
    ساكن فين ؟؟ انت مخبر ولا ايه ؟؟؟
    العمر
    31
    ردود
    6,588
    طب لو حصل نداء الطبيعه هتعمل ايييه

    ما تعبرش الطبيعة خليها ترن كخخخخخخخخخخخخخخ
    (وَإِذَا قِيلَ لَهُمُ اتَّبِعُوا مَا أَنزَلَ اللَّهُ قَالُوا بَلْ نَتَّبِعُ مَا وَجَدْنَا عَلَيْهِ آبَاءنَا أَوَلَوْ كَانَ الشَّيْطَانُ يَدْعُوهُمْ إِلَى عَذَابِ السَّعِيرِ) لقمان :21

    الرد على من قال بحل المعازف

    http://www.abumishari.com/

  18. #18
    يوسف التلباني
    عضو لجنة تحكيم

    صور رمزية maxspider
    تاريخ التسجيل
    May 2004
    المنطقة
    <<<<EGYPT>>>>
    العمر
    32
    ردود
    5,585
    المشكلة إني بقعد لحد بليل ... وسعات ببات

    روحت امبارح بيتنا ... وعشت زي البني آدمين ...

    رجعت الشغل النهاردة ... ولسه الحال على ما هو عليه

    ربنا يفك زنقتنا يا رب .....

  19. #19
    عضو متميز
    صور رمزية mmnoor
    تاريخ التسجيل
    Nov 2007
    المنطقة
    ساكن فين ؟؟ انت مخبر ولا ايه ؟؟؟
    العمر
    31
    ردود
    6,588
    اقتباس الموضوع الأصلي كتب بواسطة maxspider معاينة الرد
    المشكلة إني بقعد لحد بليل ... وسعات ببات

    روحت امبارح بيتنا ... وعشت زي البني آدمين ...

    رجعت الشغل النهاردة ... ولسه الحال على ما هو عليه

    ربنا يفك زنقتنا يا رب .....
    ربنا يفكك من البلد دي أساساً لإنها مقبرة للإبداع (بتكلم عن الإبداع اللي بجد مش شوية شوية هز الوسط والمرقعة اللي مسمينهم فن )
    (وَإِذَا قِيلَ لَهُمُ اتَّبِعُوا مَا أَنزَلَ اللَّهُ قَالُوا بَلْ نَتَّبِعُ مَا وَجَدْنَا عَلَيْهِ آبَاءنَا أَوَلَوْ كَانَ الشَّيْطَانُ يَدْعُوهُمْ إِلَى عَذَابِ السَّعِيرِ) لقمان :21

    الرد على من قال بحل المعازف

    http://www.abumishari.com/

Bookmarks

قوانين الموضوعات

  • لا يمكنك اضافة موضوع جديد
  • لا يمكنك اضافة ردود
  • لا يمكنك اضافة مرفقات
  • لا يمكنك تعديل مشاركاتك
  •  
  • كود BB مفعّل
  • رموز الحالة مفعّل
  • كود [IMG] مفعّل
  • [VIDEO] code is مفعّل
  • كود HTML معطل