موضوع: سيبر حارتنا ... شورت ستوري

ردود: 19 | زيارات: 1589
  1. #1
    يوسف التلباني
    عضو لجنة تحكيم

    صور رمزية maxspider
    تاريخ التسجيل
    May 2004
    المنطقة
    <<<<EGYPT>>>>
    العمر
    32
    ردود
    5,585

    سيبر حارتنا ... شورت ستوري



    نسيم الليل الآسر , بهذه النجوم "الملطوعة" في السماء والتي تشعرك أن عيون الكون كلها ترقب خطواتك .... هذا لأني أعرف بالفعل أن نصفها على الأقل أقمار تجسس صناعية ... قدماي الحافيتان في الشبشب تذوبان مع نسيم الليل إياه مذكرة إياي بقشف الشتاء المؤذي والذي سيكون أنيسي في ليالي الشتاء الباردة وأنا أقضيها كلها محاولا إزالة كتل الجلد الميت من جلدي المقشف ...


    برك المجاري الطافحة في حارتنا تذكرك بترعة الناموسية التي لا أجد لها براً ... سيارة شاب مسرعة تكاد تغرقني بهذا الطفح الآدمي , لولا قفزتي لمترين كاملين مبتعدا عن مسار الطرطشة هابطاً على قدمي كأجدعها رقاصة بالية فيكي يا روسيا ...



    أسرع بخطواتي المسرعة وحدها أساسا متوجها إلى نهاية الشارع, حيث تجد بقالة عم ماجد في وشك بوجهه الطيب وابتسامته الملائكية والذي يدفعك دفعا لشراء علبة زبادي وعيش توست دايت وتدفع فيهما العشرة جنيهات راضيا لتتساءل بعدها ... مين اللي نصب على التاني ...


    قاومت تلك السحبة السحرية في سحنته البهية وأكملت طريقي إلى هدفي ... ذاك المبنى المشهور في حارتنا ... والذي عرفه الكبار دوما بحادثة قتل عم عليوة لمراته .... ليفاجأ بأنها لا تحتاج رأسها لتجري وراه بالشبشب ... عشنا فيه طفولتنا نلعب الاستغماية التي أسفرت عن اختفاء خمسة اطفال ودادة راحت تدور عليهم والأسطى حسنين الذي كانت تدين له بجنيهين باقي تصليح الثلاجة ... استمر سحره لنا في شبابنا حيث لفات البانجو وعبق الحشيش قبل أن نكتشف بعدها بفترة أن قسم الشرطة هو المبنى المجاور لنا !!! ... طبعا فوقنا بأيادٍ حنينة من أكبرها كف معاون في وسط البلد ...


    واليوم .... وبعد كل هذا ... طقت في دماغ مجدي ديفورميشن صديق طفولتنا العزيز ... ليحول هذا المكان إلى "سيبر حارتنا" ... وليعرض خدمات التايبينج والبرينتينج والجيمز والنت ... وشوية برامج وأفلام مضروبة من تحت الترابيزة ... إلى أهالي حارتنا الغراء



    وصلت في هذه اللحظة إلى الباب, دفعته بقوة مصدرا صوتاً قادرا على إيقاظ الأخ توت عنخ من تابوته الذهبي وهو بيتنطر ... ما إن دخلت بطاقيتي النايك ونظارتي الشمس في عز الليل والبالطو الأسود الذي يصل إلى ركبتي مرتديا تحته بنطلون بيجامتي العزيزة ومن تحته بالطبع الشبشب المهوي , حتى هب الواد ديفورميشن بسرعة من مكانه , ومط رقبته صائحا بصوت عالٍ:
    ياد يا فروسيا ... جهاز المعلم باد سيكتور يلاااااااا ...


    كم أحب الأسماء الكودية ... أسرع من نهاية الصالة الواد فروسيا مهرولا ... ثم حمل عني اللاب توب الذي أرهقني حمله, لكني اختطفته منه في سرعة , وسألت ديفورميشن :
    الواد ده عملتله سكان يا ديف
    أيوه يابني ... ومفيش فيروسات ولا أجهزة تصنت ... شغل على ميه بيضا
    نظرات الرجاء في عيني فروسيا راجيا أن أعطيه شرف حمل عدتي ... لكن شكي هو الذي يحميني ... هو الذي صنعني ... هو الذي جعلني باد .. باد سيكتور ..... نظرت إليه في شك أكبر, ثم أعدت اللابتوب تحت باطي الذي يشبه رائحة كلب ميت وجد في ماسورة صرف صحي ... دفعت فروسيا أمامي هاتفا :
    بينا على الكونترول روم ... أنا مطمنلكش حتى لو عمو مكافي بنفسه قال إنك "ترست بروجرام"

    أحنى الفتى عينيه في الأرض ... وسار أمامي ليقودني إلى الحجرة ... أسير في ثقة يحسدني عليها بونابرت نفسه ... الكل في المقهى متوتر ... يترك جهازه مختلساٍ النظرات إلى ... يتهامس مع جاره في المكنة التي إلى جواره ... لكن أحدهم لا يجرؤ أن ينظر ... أن يقف في طريقي ... فـ "باد سيكتور" مبيرحمش اللي جابوه ... ياله من إحساس غبي بالسيطرة ... غبي موووووز ... لكنه لذيذ ...

    وصلت إلى الغرفة .... أخرجت الواد فروسيا بشلوت محترم , وواربت الباب وأنظار الجميع تترقبني من تحت لتحت ... الآن أنا في الظلام وحدي ... مددت يدي لأضئ زرار الباور الذي حفظت مكانه من كثرة جلوسي هنا ... خلعت النظارة الشمس لتظهر عيناي اللتان تشبهان عيني البومة ... جلست على الكرسي الذي طورت فيه مؤخرا ليجعل حاجتي إلى تضييع وقتي في التواليت قليلة, بالأصح منعدمة, لأن كل شئ سيتم في مكانه ... فتحت اللابتوب ووضعته على الترابيزة ... ثم فتحت جيب البالطو الداخلي لأخرج عدة الشغل, وأرصصها في تلذذ, بعدها جلست أطالعها بشهوة شيطانية ... قهوة مركزة واحد لتر صافي, كيس دوريتوز أصفر عائلي(ما لقيتش الأزرق منذ أزمة انقطاع النت), قالب حلاوة طحينية الرشيدي, بقدونس ناشف, لمونتين, علبة شعرية أندومي سريعة التحضير, علبة سجاير ملفوف فيها ... احم ... جوانات تركيز ... هكذا تكون الدماغ المتكلفة ... ابتسامتي تتسع أكثر لتظهر صفوف أسناني التي تنافس في صفارها حجارة الأهرامات التاريخية من كتر ... احم ... جوانات التركيز إياها ...
    فتحت الـ notes المتروكة على الديسكتوب لأعرف مهمات الليلة ...

    المهمة الأولى : إيميل البت سوسن للواد فحتة
    المعطيات : منتدى البت دي بتشارك فيه اسمه www.naffad.com
    ضحكة ساخرة صدرت في أعماقي ... لسه بتنفضوا ... ده أنا هنفضكوا ...
    النتيجة : اختراق الداتا بيس ... طرد الأدمن ... عمل منتدى باسم باد سيكتور ... و .... آه .. كنت هنسي ... إيميل البت سوسن
    شغلانة هبلة وفيها شوية تسلية ... مش مشكلة ... نكرمه في التمن ... 100 جنيه بس يا عم الامور

    رميت شوية بقدونس ناشف وجرعت نصف اللتر من القهوة لأتابع في شغف ...
    المهمة التانية : عنوان واحد اسمه جعرودي ... مطلوب للتار
    المعطيات : الأكونت بتاعه على الفيس بوك ...
    الفيس بوك؟ ... يا سلام ... البتاع ده لعبتي ... بس معصلج شوية ... طيب أخش وأشوف و ..... إيه ده ؟؟؟ .... الراجل كاتب عنوانه في البروفايل أساسا
    مصمصت شفايفي غيظاً على تضييع الوقت ... واتحرق دمي لأني معملتش أي قلقان ... لذا قررت حرقهم في السعر ... 500 جنيه يا عالم يا عُمي ...

    قالب الحلاوة مع جوانات التركــ .... البانجو يعني من الآخر ... بيعلوا الطاسة ... ويسمحوا بتركيز أكبر لما هو قادم
    المهمة التالتة : رقم تليفون رشا اللي في العمارة اللي جنبنا
    المعطيات : فاتورة شراء من على الأمازون
    لما نشوف إيه الـــ ..... إيه ده .؟؟؟ ... رشا ... البت اللي كانت مدوخاني دي ... يا بنت الإيه ... يعني لما اتقدمت لاهلك رفضتي ... لأ وإيه ... بتشتري من أمازون ... ومين اللي بيسأل على النمرة ... يا سلااااااام !!!! ... الواد حمادة اللي في ثانوية عامية ... طيب يا غجر ... جبتله نمرة تليفون أبوها ... وزودت في الفاتورة الجاية بتاعتها كام صفر محترم يكفوها تقضي بقية حياتها في سجن أبو زعبل تودي أوردرات للمساجين ...
    التمن ... دول حبايبنا ... أكيد لا زم نكرمهم ... 1243 جنيه ... والفكة رخامة بقى ...

    رجعت إلى "النوت" تاني لأكمل القراءة و .... صوت أزيز .... لم أهتم ... شوية دوشة بره ... مش مهم .... الصوت بيعلى وناس عمالة تخبط على الباب ... قمت في ثورة مارد خرج من قمقمه الالكتروني للتو ... وفتحت الباب بغضب شديد وانا أصيح :
    إيه يا غوش يا عالم يا environment ... الواحد مش عارف يشـــ ...

    فوجئت بعدد من البني آدمين يعبر الباب بسرعة 50 رجل /ث وينقضون علي جميعا بينما شاراتهم الإف بي آي والسي آي إيه وأمن الدولة وحرس الحدود وشرطة المسطحات المائية وأمن الاستاد تتطاير من حولي .... لأجد أني قد وقعت في قبضتهم ... باد سيكتور حصله system down يا رجالة ...



    طالعت الصحف في زنزانتي في سلبية ولا مبالاة كفيرس حقير تم عمل quarantine له دون وجه حق ... لفت نظري الاخبار التيي تتحدث عني :
    " القبض على سامي حنكش المعروف بباد سيكتور لمحاكمته على جرائمه الالكترونية"
    "الأمم المتحدة تؤكد: على مصر تسليم باد سيكتور لنا لإثبات حسن النية"
    "الولايات المتحدة: الإرهابي باد سيكتور هو المسئول عن زعزعة الأمن في الشرق الأوسط"
    "باد سيكتور ... والجريمة الالكترونية المنظمة .. إلى أين ؟؟"

    يا ولاد الجنية ... محدش جاب سيرة جوانات البانجو يعني ؟؟؟



  2. #2
    عضو متميز
    صور رمزية ~|hakem|~
    تاريخ التسجيل
    Oct 2006
    المنطقة
    الإمارات
    العمر
    24
    ردود
    1,378
    هههههههههههههههههههههههههههههههههههههههههههههههههههه

    ماشاء الله زي كل قصصك روعة

  3. #3
    عضو نشيط
    صور رمزية Shisha
    تاريخ التسجيل
    Jun 2004
    المنطقة
    مصر.. القاهره..
    العمر
    36
    ردود
    373
    جميلة بجد كالعاده...
    معنديش اكتر من كده اقوله

    على فكره مذكرات عسكرى اتحذفت لأسباب امنيه فعلاً... بس نشرت منها كام جزء عالفيس بوك... ولاقت نجاح كبير...
    ووقفت كتابتها لنفس الأسباب الأمنيه... بصراحه الواحد مش ناقص!!!


  4. #4
    عضو نشيط
    صور رمزية HaMaDaH
    تاريخ التسجيل
    Apr 2008
    المنطقة
    على الأرض
    العمر
    25
    ردود
    519

    what can i say??

    أدمعت عيناي بشدة بل بغزارة..حتى كونت بحيرة من حولي...قام الجميع من حولي مفزوعين....لكن لماذا؟؟؟!!..إنها ضحكتي العالية التي أفزعتهم جميعا دون استثناء....دا حتى الصرصار شحته اتقلب على ظهره ورجليه جنبيه أتريه مات...ربنا يرحمه....مسكت الماوس بثقة عالية لأضغط على اضافة رد جديد لأكتب ماسبق...فجأة أثار اندهاشي::::يا إلهي .....دا جاب سيرتي في قصته وقال كده
    (((... الواد حمادة اللي في ثانوية عامية ... طيب يا غجر ... جبتله نمرة تليفون أبوها ...)))
    حمادة!!...وفي الثانوي كمان؟؟!!!.......آآها......دا شكلوا مستقصدني أنا.....ياللا لما نشوف .. حسأله واعرف وأديني مستني...... بس على فكرة أنا ماوصلتنيش النمرة لسه ابعتهالي في البريد السريع أو الفيديكس
    _______________________________________________________________________
    ماشاء الله أسلوبك رااااااااائع كالعادة وظريف أيضا.....تحياتي
    أحذركم من الدخول هنا
    •:*¨`*:• لا إله إلا الله محمد رسول الله •:*¨`*:•
    M y G a l l e r i e s
    max forums
    blogspot

    wordpress

  5. #5
    عضو قدير
    صور رمزية esamdrsh
    تاريخ التسجيل
    May 2005
    المنطقة
    أبو ظبي
    العمر
    32
    ردود
    8,607
    ااااااااخ بس لو في شركه محترمه تعمل القصص دي انيميشن
    بقلك يا يوسف خبي القصص دي كلها
    بكره لو فتحت استوديو كده ممكن اشتريهم منك كلهم واعملهم افلام






    ما شاء الله اسلوبك رائع وبانتظار المزيد من القصص

  6. #6
    يوسف التلباني
    عضو لجنة تحكيم

    صور رمزية maxspider
    تاريخ التسجيل
    May 2004
    المنطقة
    <<<<EGYPT>>>>
    العمر
    32
    ردود
    5,585
    اقتباس الموضوع الأصلي كتب بواسطة ~|hakem|~ معاينة الرد
    هههههههههههههههههههههههههههههههههههههههههههههههههههه

    ماشاء الله زي كل قصصك روعة
    H;vمك الله ... كويس إنها عجبتك

    اقتباس الموضوع الأصلي كتب بواسطة Shisha معاينة الرد
    جميلة بجد كالعاده...
    معنديش اكتر من كده اقوله

    على فكره مذكرات عسكرى اتحذفت لأسباب امنيه فعلاً... بس نشرت منها كام جزء عالفيس بوك... ولاقت نجاح كبير...
    ووقفت كتابتها لنفس الأسباب الأمنيه... بصراحه الواحد مش ناقص!!!
    شيشا حبي ... ربنا يكرمك يابو قلب كبير ^^
    خليك يا عم في الكوميدي والساخر وسيبك من السياسة ووجع الدماغ ... بجد عايز أقرالك حاجة ... بس مبتوديش في داهية ^_^

    اقتباس الموضوع الأصلي كتب بواسطة HaMaDaH معاينة الرد
    أدمعت عيناي بشدة بل بغزارة..حتى كونت بحيرة من حولي...قام الجميع من حولي مفزوعين....لكن لماذا؟؟؟!!..إنها ضحكتي العالية التي أفزعتهم جميعا دون استثناء....دا حتى الصرصار شحته اتقلب على ظهره ورجليه جنبيه أتريه مات...ربنا يرحمه....مسكت الماوس بثقة عالية لأضغط على اضافة رد جديد لأكتب ماسبق...فجأة أثار اندهاشي::::يا إلهي .....دا جاب سيرتي في قصته وقال كده
    (((... الواد حمادة اللي في ثانوية عامية ... طيب يا غجر ... جبتله نمرة تليفون أبوها ...)))
    حمادة!!...وفي الثانوي كمان؟؟!!!.......آآها......دا شكلوا مستقصدني أنا.....ياللا لما نشوف .. حسأله واعرف وأديني مستني...... بس على فكرة أنا ماوصلتنيش النمرة لسه ابعتهالي في البريد السريع أو الفيديكس
    _______________________________________________________________________
    ماشاء الله أسلوبك رااااااااائع كالعادة وظريف أيضا.....تحياتي
    ههههههههه ... والله بقيت بستمتع بقراية ردودك يا حمادة ^^

    هوه انت بقى الواد الروش اللي عايز نمرة رشا ... آه يا واد يا خلبوص ... أنا هبعتلك أبوها نفسه ^_^

    اقتباس الموضوع الأصلي كتب بواسطة esamdrsh معاينة الرد
    ااااااااخ بس لو في شركه محترمه تعمل القصص دي انيميشن
    بقلك يا يوسف خبي القصص دي كلها
    بكره لو فتحت استوديو كده ممكن اشتريهم منك كلهم واعملهم افلام






    ما شاء الله اسلوبك رائع وبانتظار المزيد من القصص
    حبيبي يا عصام ... انت بس افتح الاستديو واكتبلك رواية حصرية بحالها ... انت تطلب بس يا جميل ^_^

  7. #7
    عضو متميز
    صور رمزية MAXIOS
    تاريخ التسجيل
    May 2007
    المنطقة
    Cairo, Egypt
    ردود
    1,938
    ههههههههههخخخخخخخخخخخخههههههههههخهخهخههههههههههههههه
    إيه ده يا عمي ده واحد صحبي هههههههههههخخخخخخخخخخخخخخخخهههههههههههخخهخههههههخخخ
    قصه روعه والله يا ريت نعمل قصصك كلها في كتاب تتباع بخمسه مليون دولار
    شكراً يا باشا
    543212345
    خالد ماهر
    ـــــــــــــــــــــــــــــــــــــــــــــــــــــــــــــــــــ
    My Animations



  8. #8
    عضو نشيط
    صور رمزية Shisha
    تاريخ التسجيل
    Jun 2004
    المنطقة
    مصر.. القاهره..
    العمر
    36
    ردود
    373
    شيشا حبي ... ربنا يكرمك يابو قلب كبير ^^
    خليك يا عم في الكوميدي والساخر وسيبك من السياسة ووجع الدماغ ... بجد عايز أقرالك حاجة ... بس مبتوديش في داهية ^_^
    ان شاء الله بس الواحد غصب عنه حتى لو بيكتب كوميدى تلاقيه حود عالسياسى

    ولو بتدخل الفيس بوك انا عامل هناك جروب بكتب فيه بحريه شوية انا وصحابى (حريه مش قلة أدب او بجاحه)
    الجروب لسه جديد شوية عشان كده المواضيع والكتابات فيه قليله...
    واكيد يشرفنى انك تشارك فيه

    اضغط هنا لو تحب تشوفه


  9. #9
    عضو نشيط
    صور رمزية HaMaDaH
    تاريخ التسجيل
    Apr 2008
    المنطقة
    على الأرض
    العمر
    25
    ردود
    519
    لالالالا ياعم هو ناقص دا تلاقي أبوها راسو صلعة من النص ولابس فلنة كت والشبشب في رجله مقطع....لاياعم ابعدوا عني خلاص مش عاوز الرقم.....ارتحت....
    هههههههه شكرا على كلامك الحلو....تحيااااااااااتي
    أحذركم من الدخول هنا
    •:*¨`*:• لا إله إلا الله محمد رسول الله •:*¨`*:•
    M y G a l l e r i e s
    max forums
    blogspot

    wordpress

  10. #10
    يوسف التلباني
    عضو لجنة تحكيم

    صور رمزية maxspider
    تاريخ التسجيل
    May 2004
    المنطقة
    <<<<EGYPT>>>>
    العمر
    32
    ردود
    5,585
    اقتباس الموضوع الأصلي كتب بواسطة maxios معاينة الرد
    ههههههههههخخخخخخخخخخخخههههههههههخهخهخههههههههههههههه
    إيه ده يا عمي ده واحد صحبي هههههههههههخخخخخخخخخخخخخخخخهههههههههههخخهخههههههخخخ
    قصه روعه والله يا ريت نعمل قصصك كلها في كتاب تتباع بخمسه مليون دولار
    شكراً يا باشا
    ربنا يكرمك ... يا عم ده لو جابت خمسة جنيه يبقى نعمة ورضا

    اقتباس الموضوع الأصلي كتب بواسطة shisha معاينة الرد
    ان شاء الله بس الواحد غصب عنه حتى لو بيكتب كوميدى تلاقيه حود عالسياسى

    ولو بتدخل الفيس بوك انا عامل هناك جروب بكتب فيه بحريه شوية انا وصحابى (حريه مش قلة أدب او بجاحه)
    الجروب لسه جديد شوية عشان كده المواضيع والكتابات فيه قليله...
    واكيد يشرفنى انك تشارك فيه

    اضغط هنا لو تحب تشوفه
    تصدق كنت ناوي أدور على جروب بالفكر ده او أعمله ... بس مجاش في بالي إنه يبقى مفتوح للكل ...
    على العموم يا ريس أنا معاك إن شاء الله ... وللتهييس عندنا أصول ^^

    اقتباس الموضوع الأصلي كتب بواسطة hamadah معاينة الرد
    لالالالا ياعم هو ناقص دا تلاقي أبوها راسو صلعة من النص ولابس فلنة كت والشبشب في رجله مقطع....لاياعم ابعدوا عني خلاص مش عاوز الرقم.....ارتحت....
    هههههههه شكرا على كلامك الحلو....تحيااااااااااتي
    هههههههه .... والله سكر يابني ... ربنا يكرمك كده ونشوفك مخلص ثانوية عامية ^_^

  11. #11
    عضو نشيط
    صور رمزية HaMaDaH
    تاريخ التسجيل
    Apr 2008
    المنطقة
    على الأرض
    العمر
    25
    ردود
    519
    انشاء الله الله يسعدك...ونشوفك ...(الحائز على جائزة نوبل لأفضل أديب)... مش بعيد تبقى انت




    تحيااااااااااااااااتي
    أحذركم من الدخول هنا
    •:*¨`*:• لا إله إلا الله محمد رسول الله •:*¨`*:•
    M y G a l l e r i e s
    max forums
    blogspot

    wordpress

  12. #12
    مشرف منبر عرض و نـقــد
    صور رمزية Jassar
    تاريخ التسجيل
    Oct 2006
    المنطقة
    بانتظار عودة الخلافة
    ردود
    8,389
    هههههههههههههه

    رهيبة كالعادة!

    فقط في شوية أخطاء إملائية في المقالة , لو تراجعها

    أخوك
    في النظام الديمقراطي (والذي هو مخالف للإسلام قلبا وقالبا), يسمح للشواذ أن يتزوجوا رسميا
    وكل حاكم يحكم بهذا النظام, وإن ادعى أنه إسلامي, فهو يؤمن بهذه الحرية..

    موقعي الشخصي | صفحة الفيسبوك الرسمية

  13. #13
    يوسف التلباني
    عضو لجنة تحكيم

    صور رمزية maxspider
    تاريخ التسجيل
    May 2004
    المنطقة
    <<<<EGYPT>>>>
    العمر
    32
    ردود
    5,585
    حمادة ... من بقك , لباب زويلة ^_^

    جسار ... حبيبي .. نورت يافندم ... ممكن يكون في أخطاء إملائية ... خصوصا إني دخلت العامية بشدة ... متشكر على مرورك العطر ^^

  14. #14
    ماشاء الله تبارك الرحمن.....اسلوبك رائع اخي maxspider اكثر جزء أضحكني هو

    اقتباس الموضوع الأصلي كتب بواسطة maxspider معاينة الرد





    طالعت الصحف في زنزانتي في سلبية ولا مبالاة كفيرس حقير تم عمل quarantine له دون وجه حق ...

  15. #15
    يوسف التلباني
    عضو لجنة تحكيم

    صور رمزية maxspider
    تاريخ التسجيل
    May 2004
    المنطقة
    <<<<EGYPT>>>>
    العمر
    32
    ردود
    5,585
    شكرا أخي auron ... سعيد أنها أعجبتك

  16. #16
    ضياء الدين
    صور رمزية diaaking
    تاريخ التسجيل
    May 2004
    المنطقة
    مصر
    العمر
    30
    ردود
    3,679
    جمدة اوي ((( يا عالم يا environment)))
    الحياة ألم يخفيه أمل
    أمل يحققه عمل
    وعمل ينهيه أجل
    ثم يجزى كل امرئ بما فعل

  17. #17
    جامده موت كومدى جدا يا يوسف

  18. #18
    يوسف التلباني
    عضو لجنة تحكيم

    صور رمزية maxspider
    تاريخ التسجيل
    May 2004
    المنطقة
    <<<<EGYPT>>>>
    العمر
    32
    ردود
    5,585
    ضياء ... ميرسي يا راجل يا منور ^^

    علاء ... متشكر يا جميل ... كله من ذوقك ^_^

  19. #19
    مهندس ميكاترونكس
    صور رمزية Qemum
    تاريخ التسجيل
    Jul 2006
    المنطقة
    Jordan
    العمر
    28
    ردود
    5,417
    هلا , حفظت نسخة للقراءة حين وجود وقت على LapTop , لا أحب قراءة النصف ثم أرجع لها , شكرا , شكرا ....

    لغاية الآن لم أقرأ الا موضوعين سابقين من نفس النوع , يعطيك العافية .

Bookmarks

قوانين الموضوعات

  • لا يمكنك اضافة موضوع جديد
  • لا يمكنك اضافة ردود
  • لا يمكنك اضافة مرفقات
  • لا يمكنك تعديل مشاركاتك
  •  
  • كود BB مفعّل
  • رموز الحالة مفعّل
  • كود [IMG] مفعّل
  • [VIDEO] code is مفعّل
  • كود HTML معطل