سؤال للأخوة المصريين

[أحمد عابد]

ما سبب وجود النظرة الدونية للمصريين المنحدرين من اصل ريفى ؟ (الفلاحين يعنى)

السؤال جد .

[samy]

اعتقد انه الموضوع ده كان اكتر زمان
اما عن السبب فمش هنقول مثلا كبرياء من سكان الحضر
اوك انا شايف انه السبب الرئيسى اللى ادى الى ده من البدايه هو التلفزيون
يجى نعمل مسلسل فيه صعايده تلاقى يطلعوا الصعيدى غبى واضحكوه مش عارف يتكلم و الخ....
طبعا اكيد لتحقيق اهداف الانتاج ..ممكن نقول كان كده زمان للاسباب الجهل وعدم التعليم وغيره بعكس الحضر
لكن الموضوع طبعا اكيد اتغير الايام دى حتى بالنسبه للتلفزيون مثلا اخر حاجه مسلسل دموع فى حضن الجبل بصراحه انا مشفتش المسلسل بس واضح من الشخصيات انه فيه تغيير عن مسلاسلات زمان لكن برده لازم تكون فيه الشخصيه الغبيه المضحكه المسلسل عايز كده يعنى نفس المسلسل مطلعين واحد مهندس تخيل مهندس وفى قمه الغباء.."الافلام هكذا "
طبعا زى ما قلت الوضع اتغير ومش بتكلم من فراغ بتكلم علشان انا صعيدى "من سوهاج " وشايف الوضع قدامى او تقول عايش الوضع
طبعا النظره بتتغير اكيد بالتدريج بس برده هتتغير لما تتغير ثقافه التلفزيون لانه اغلب الشعب المصرى للاسف
مستمد ثقافته من التلفزيون كان المفروض من التعليم لكن التعليم عندنا "لايحتاج لتوضيح "
مجرد وجهه نظر
بالتوفيق

[أبو عبد الكريم]

بسم الله


دونيه مين يا احمد دول اكتر ناس في الوظائف الحكوميه

و اعلى مناصب في البلد


النظره ده نظرة الي معندهوش نظر

و دول كترو قوى على النواصى و القهاوى


الحمد لله

.

[y@sser]

مش عارف مصدر معلوماتك يا احمد بصراحه
الاغرب في الموضوع ان كلنا اصلا من الريف ممكن يكون الجد الثاني او الثالث نعم لكن اصلنا من الريف
ذائد ان القاهره اصلا كان اغلبها مناطق زراعيه اختفت فقط لسوء التخطيط من حكومتنا المصونه وعدم فتح ظهير صحراوي للقاهره بعد الثوره المشؤمه
لو ده كان حصل كنت ستري الخضره في اي مكان غرب القاهره بدء من من شريط مترو الانفاق ابتداء من المعادي الي المرج
وبالمناسبه حتي اسامي المناطق التي انتهت الزراعه فيها كانت تدل علي اماكن زراعيه وليست مباني

[أحمد عابد]

انا بس حبيت اتأكد لأنى سمعت اشاعات بخصوص الموضوع دة .

اصل فى واحد من المنابر قال معلومة حرقت دمى بصراحة, قال ان الصعايد اذكى و اغنى المصريين
و انا مش عارف برده هو جاب كلامه منين و لو قولت ما سمعته بخصوص الفلاحين لقولت ان
الصعايدة ينظرون للفلاحين نظرة دونية, دة سبب فتحى للموضوع.

[إبن يس]

أولا أزيك يا أحمد ^_^

فعلا ديه نظرة إللى ماعندوش نظر ...

موجود و سببها الكبر و قلة التدين .

[أحمد عابد]

انا الحمد لله ابن يس .
شكرا على السؤال . ^_^.

[أحمد محمد شريف]

ياأخى نظرتك فى غير محلها ... من أين أتيت بها يارجل ؟

[AMD 64]

اخي الكريم انا لست مصريا ولكن سمعت كلاما كثيرا بالنسبة للموضوع
عندما كنت في دبي تعرفت على بعض الاخوة من مصر وكانو محترمين جدا بصراحة
بعضهم كانوا يتذكرون قصصا عندما كانو في الجامعة ويقولون (فلان من الناس فلاح لأنه يلبس كذا وكذا ويتكلم كذا )
والغريب في الموضوع ان بعضهم كانوا اصحاب شهادات ومتعلمين
في الحقيقة الموضوع ازعجني جدا .........

[أحمد عابد]

بعضهم كانوا يتذكرون قصصا عندما كانو في الجامعة ويقولون (فلان من الناس فلاح لأنه يلبس كذا وكذا ويتكلم كذا )

و هو دة اللى انا قصدى عليه ... البعض يسخر من الفلاحين بسبب تصرفاتهم و طريقة تعاملهم .

يعنى باٍختصار كلها تقريبا ليها علاقة بالذوقيات .

[mhdmhd]

انا عارف قصدك بالظبط,
وكلامك صحيح يوجد هذه النظرة عند البعض وهى اساسها من زمان ايام الانجليز وعصر الطبقات مشفتش رد قلبى, المهم انها بدات تتغير والناس بدات تفكر احسن شوية من الناحية دى وعلى فكرة دى مش خاصة فقط بالمصريين اى مجتمع يوجد به انقسام بين حضر و الريف ونتيجة لاختلاف التفكير توجد هذ النظرة ويوجد لها مقابل للريفيين ونظرتهم لولاد الحضر , ولكن كما قلت كل هذا بدا يختفى والفرق بين الريف والحضر ايضا.

[kareem50]

اكيد بسبب اختلاف المستوي الاجتماعي والثقافي و التعليمي

[أحمد عابد]

شكرا ليكم يا شباب .
نورتوا الموضوع ^_^ .

[نور العمر]

التكبر مثل العصفور فى نظر الناس كلما ابتعد كلما صغر فى نظر الناس...
..............
بعض الناس اللى عايشين فى الحضر وعندهم نقص .. فيشوف عيوب غريه ..ويرضى نفسه .دا لو كانت عيوب..
يعنى الواد مش حاطط جل فى شعره..أو مش عنده بنطلون ماركه عالميه..ولا البت بنت العمده ماشيه من غير ماكياج..
ولا شوفت بتعوا الريف بيتكلموا ازى.. بعض الحاجات الغريبه بشوفها على طول..
كمان كلام بعض الناس فى الريف غريب شويه..
أنا مثلا من الريف بس معظمهم بيفكر أنى من الحضر...
ليه؟
علشان حاطط جل واد شيك.. لبسه جنان... طريقه كلامى طبيعيه بالنسبه لهم ..!!!!
من هذا المنطلق يظن البعض أنهم الافضل..وأعتقد بل الاكيد من وجه نظرى أنه نقص فى شخصيتهم..

الناس فى الريف مستوى دخلهم قليل..طبعا ده مش عيب..دا الواقع وبيحوللوا يعيشوا فيه..
ولو حططهم فى نفس المكان بتاع الحضر ... ونفس المستوى ..أكيد المظره هتختلف...

اعتقد ان الانسان لا يصنف على طريقه لبسه أو كلامه..

اذا كنت تمتلك شى ليس لدى من الخبره , الاخلاق , العلم , الوصول لاعلى المراتب....
فانت تستحق التقدير أكثر منى ...