مشكله غريبه جدا جدا جدا ارجو المساعده زائد نصيحه

[kemoemo]

السلام عليكم

انا اول مره من ساعه اما اتعلمت الجرافيك الماكس يعمل معيا مشكله

انا نزلت نسخه 2009 ديزاين

اول حاجه لافتت انتباهى ان الريندر معمول فيه على المنتل راى على طول

مش زى الاصدارت التانيه بيكون معمول على الديفولت

ثانيا ودى المشكله انا جى احط بلوبرنت لى راس

فالاقيت محرر الخامات شكله غريب معمول على زى ما انتم شايفين كده



روحت مغير الريندر الى الديفولت بيتاع الماكس على اساس يرجع محرر الخامات زى ما بشوفه فى الاصدارات السابقه
ظهرتلى كور الخامات سوده روحت مغيرها لى standard

رجعت شكلها تانى بس برده باقى الكور شكلها اسود

بس روحت جايب البلوبرنت طبيعى جدا وحطتها فى الدفيوز وطبقتها على البلان طلع شكلها غريب خالص حاولت اظبتها برده روحت حاطط على البلان موديفير uvw map

لاقيت البرمتات بيتعته مغلقه مش راضيه التعديل عليها روحت للجزمو بيتاعه برده ظهرلى نقطه الصوره موضحه ظهور الخامه على البلان او البلوبرنت وبرامتر اليوفى دبلو ماب والجزمو

اما النصيحه الى احب اقولها محدش يستخدم الاصدار ده من الماكس لى كثره مشاكله

[العقرب77]

شوف ياكيمو إيمو..... حل مشكلتك في النصيحة الي انتا ذكرتها..... يعني إن كان ولابد 2009 فبلاشي الديزاين وخليك على العادي

[M-Keshta]

معتقدش ان فى مشاكل كتير ولا حاجه
انا نزلت الماكس ديزاين ومكنش على المنتال راى كان على السكان لاين بس ماعلينا
عشان الماكس متظبط على المنتال راى وعلى الشغل المعمارى هتلاقى الماتريال اديتور اتحول كله تلقائى الى arch-design
وهيا ماتريال خاصه بالمنتال راى
لما انت جيت تحول الرندر للديفولت لقيت الخامات السوده اللى هيا اصلا arch-design من التغيير السابق بس ظهرت سوده لان السكان لاين مبيقرأش خامات المنتال راى
ولو جيت تجيب ماتريال جديده وتعملها standerd هتشتغل معاك عادى
بالنسبه لتظبيط الصوره على المجسم مش عارف بصراحه المشكله منين بس حاول تجيب قائمة alignment داخل uvw mapping وبعدين جرب على المحاور الموجوده عندك اكيد هتظبط فى واحد منهم
واضغط على الايكونه اللى بتظهر الماتريال فى الماتريال اديتور
علامتها بوكس ازرق مخطط (تالت واحده من على اليمين )
بالنسبه لاستخدام الماكس العادى والماكس ديزاين انا لا ارى فارق جوهرى
انا شغال بالماكس العادى وشغال كويس
بس هوا الاصدار 2009 عموما فيه مشاكل سخيفه نأمل انها تتحل ان شاء الله فى الاصدار القادم
بالتوفيق

[Dimension]

Design على ما أعتقد يأتي ب UI Scheme Archviz-mentalray و الذي يعني:
- mental ray is default renderer.
- الMaterials by default are arch&design.
- uvws is set to real world size by default.
و اشياء اخرى, للتخلص من كل هذه الحوارات, اذهب الى Customize و من ثم Revert UI Scheme أو شيء من هذا القبيل (ليس لدي ماكس الان), و اختر Default Scanline الذي لايحوي mental ray أو Arch VIZ.
Real world size هي طريقة مابينغ يحسب فيها ماكس ال uvs بالوحدات وليس بالبيكسلز, لذا اذهب على ال Material Editor و فعل كلمة Real World Size , واختر كم مترا تحب ان تغطيها الماب, او الغ تفعيلها من ال UVW Mapping Modifier.
On a side note, 2009 هو افضل اصدار للماكس و خاصة تحسينات منتال راي, المشكلة الوحيدة انه يوجد Bugs في الفيوبورت عديدة قد تجعل تحديثه الرسومي بطيئا جدا, بالاضافة ال Bugs أخرى, انا مازلت على 2008.
~sion

[kemoemo]

الحمد الله المشكله اتحلت عن طريق الصدفه

رجعت الماكس تانى يظهر على ريندر الديفولوت

وشكرا اخوتى M-Keshta العقرب على المساعده

وشكرا اخى Dimension لان كلامك كان مفتاح انى ارجع الماكس تانى الى وضعه الطبيعى اثناء بحثى عن الى انت بيتقول عليه
على فكره ملقتوش
على العموم عشان لو حد وجهته الحكايه دى ها اقولكم عملتها ازاى

انا كل الى عملته

من قائمه Customize نختار منها كما بالصوره



سوف يظهر لك هذا المربع وكان عندى متظبط زى ما انتم شايفين على الكلام الى فى الجزء الشمال الى عليها الون الازرق



بس كل الى انا عملته اختار ت كلمه Max من الشمال وضغط Set زى ما انتم شايفين الخامه مظبوطه وبرمتات UVW Mpping شغاله



انا بقترح ياجماعه نعمل موضوع ونثبته لى مشاكل وحلول الماكس بدل ما كل واحد يعمل موضوع فى المنتدى

وعلى فكره بطىء الاصدار ده ام بفتحه الفيو البرستكتف بيتظهرلى الاول وبعد كده التوب والفرونت ثم فى الاخر الثيد

ارجو ان اكون وفقت فى شرح حل المشكله