و اخيرا وصل الشيييييييك !!

[mo3allem]

اخيرا وصل الشيك بتاع شركة turbosquid و بمبلغ خيالي ... 18.55 دولار " يا فرحتي ".... مش قادر اعبرلكم عن شعور و حارس امن العمارة بيديني الشيك ... كنت عاوز انزل فيه بوس ." بس خفت يفهمني غلط "



دلوقتي مع المشكلة الاخيرة ... صرافة الشيك ...

ياريت يا جماعة لو في حد يقدر يقولي اصرفه في بنك عادي ولا في صرافات خاصة للحجات ديه ؟

بفكر اشتري بالمبلغ ايس كريم , ايه رايكم

[محمد kkf]

الف مبروك ، وإنشاءالله تكون فاتحة خير
ويجيليك شيكات 1855 دولار ، بالتوفيق .

ــ عندي إستفسار كم من الوقت قعد العمل حتى إنباع ........

بالتوفيق ..........

[Libya82]

مبروك .. ألف مبروك ...

تهانينا ... أنت السابقون ونحن بإذن الله اللاحقون .. ( في وصول الشيك بالطبع )

هذه مناسبة تستحق أن تذبح لنا دولار ... خخخخخخخخخخخخخخخخخ

وبالنسبة لصرف الشيك يا ريت تكتب لنا تجربتك فيه .... بالتفصيل

أمانة عليك ما تنسى تكتب لنا ما يحدث معك في هذا الشأن ..


و مبروك عليك ... بجد والله فرحتلك و كأني أنا الذي إستلمت الشيك ..

[Libya82]

عندي إستفسار كم من الوقت قعد العمل حتى إنباع

فعلاً نسيت أسئلك نفس السؤال من فرحتي ...

كم عمل وضعت وما هي تفاصيل المبيعات ؟؟؟ وما هي تفاصيل الخصومات والكلام المخلبص ده ؟؟

طبعاً أنت حر في قول هذا أو كتمه فهذا أمر يخصك ...

[فلاشــــــــــاوي]

طب أنا راضي ذمتك ... هتروح البنك بأي وش تصرف 18 دولار ..!! .. بأمانة المبلغ ما يستحقش .. شيل الشيك تذكار كأول مبلغ حصلت عليه بمجهودك في المجال .. بعد 10 سنين سيكون لهذا الشيك معزة خاصة .. وبعد أكثر يمكن أن تعتبره من مقتنياتك الخاصة التي تريها لأبنك أو بنتك .. هتضحك قوي وقتها .. وهتبقى سعيد أنك أحتفظت بيه ..


لو السبب ده مكنش كافي عشان تحتفظ بالشيك .. تخيل نفسك بتقدم الشيك لموظفة البنك الجميلة وأنت مبتسم وكلك ثقة .. وهي تاخده منك وهي بتبتسم وكلها ثقة .. وبعدين تبص في الشيك وبعدين ترفع عينينها تبصلك ... نظرة هتكرهك في نفسك للأبد .. خصوصا أن الشخص اللي قبلك في الدور كان لسه عامل وديعة بــ 100 ألف دولار !!

[C4Dream]

لو السبب ده مكنش كافي عشان تحتفظ بالشيك .. تخيل نفسك بتقدم الشيك لموظفة البنك الجميلة وأنت مبتسم وكلك ثقة .. وهي تاخده منك وهي بتبتسم وكلها ثقة .. وبعدين تبص في الشيك وبعدين ترفع عينينها تبصلك ... نظرة هتكرهك في نفسك للأبد .. خصوصا أن الشخص اللي قبلك في الدور كان لسه عامل وديعة بــ 100 ألف دولار !!

ههههههههههههههههههههههههههههههههههههههههههههههههههههههههههههههه ..

و الله فرطت ضحك عليك ..

احبك في الله ..

بالمناسبة اخي معلم .. ما الموديل الذي بعته .. ؟

[Jassar]

مبرووووووووووووك ههههه

عقبال ال 18 ألف ^_^

[jagalinho]

مبرووك لكن كم هو المبلغ بالضبط ما شاء الله علييك ؟

[abdoubb]

مبروووووووووووووووووك

[New-Ideas]

مبروك عليك
في الحقيقة لا تهم قيمة الشيك الصغيرة
بل الذي يهم أكثر القيمة المعنوية له
إنك من صنع الموديلات بمجهودك
وبعته في أكبر المواقع وتحصلت على حقك .
يكفيك أنك أضفت سطر في ميزانية الموقع لسنة 2008 .
تحياتي وياريت ترفع لنا صورة للشيك ـ إن أمكن -

[ljhcg]

مبرووووووووووووووك لك
لكن مافي إكراميه ( بخشيش ) للمنتدى ههههه أمزح
وأتمنا لك التوفيق .......

[Libya82]

تحياتي وياريت ترفع لنا صورة للشيك ـ إن أمكن -

يا ريييييييييييييييييييييييييييييييييييييييييييييت

طبعا بعد مسح البيانات المهمة منه ..

أريد صورته لأعرضه على مصرفي الذي أتعامل معه لأعرف هل يمكن صرفه أم لا

[Riyad_3d]

هههههههههههههههههههههههههههههههههههههههههههههههههه
اخي وصفك وفرحتك لوصو الشيك تضح ك نوعا ما ^^
والف مبروك الشيك وا نشاء الله 18 الف سعر موديل واحد

[mo3allem]

طب أنا راضي ذمتك ... هتروح البنك بأي وش تصرف 18 دولار ..!! .. بأمانة المبلغ ما يستحقش .. شيل الشيك تذكار كأول مبلغ حصلت عليه بمجهودك في المجال .. بعد 10 سنين سيكون لهذا الشيك معزة خاصة .. وبعد أكثر يمكن أن تعتبره من مقتنياتك الخاصة التي تريها لأبنك أو بنتك .. هتضحك قوي وقتها .. وهتبقى سعيد أنك أحتفظت بيه ..


لو السبب ده مكنش كافي عشان تحتفظ بالشيك .. تخيل نفسك بتقدم الشيك لموظفة البنك الجميلة وأنت مبتسم وكلك ثقة .. وهي تاخده منك وهي بتبتسم وكلها ثقة .. وبعدين تبص في الشيك وبعدين ترفع عينينها تبصلك ... نظرة هتكرهك في نفسك للأبد .. خصوصا أن الشخص اللي قبلك في الدور كان لسه عامل وديعة بــ 100 ألف دولار !!

يا غتت ... انتا مش عارف ال 18 دولار تشتري كام قفص جوافة ؟ ولا كام كوباية شاية ؟ ولا كام باكتة بانجو ؟ و كمان يا سيدي ححتفظ بيه تذكار بس بعد ما يتحطلي عليه paid

و كمان بص


قولي مين اللي حيصرفوا ده بقى ؟

بس انا شايف اني اخد بكلامك احسن اهوا حتى كمان عشان الحسد ... بس بقولك ... اي خدمة يعني اخوك سداد من 0.5 دولار ل 18.55

بس واحشني يا بني والله انتا فين و مباركتليش على هندسة يا ... خسارة مخدتش الحلاوة !
..........................................

محمد kkf :

الله يبارك فيك , بالنسبة لسؤالك ف مممم ... فترة طويلة ... اناا عندي عملين فقط لحد دلوقتي على ال TurboSquid واحد ب 50 دولار و التاني 1 دولار ... الاول اتباع مرة واحدة عرضته في ابريل و اتباع في اغسطس و هوا كان السبب في صدور الشيك اساسا ... التاني اتباع 3 مرات " طبيعي مش كدة ؟ هوا الارخص يعني "

بس تعرف ده عشان انا مش مهتم " اتصور لو حسنت شوية من العرض و كده ححقق مبيعات احسن باذن الله ". انا مكنتش مصدق اصلا ان في فلوس ممكن توصلني في الاخر

Libya82 :

ازايك يا جميل ... الله يبارك فيك و عقبالك ان شاء الله

الموضوع كله فعلا كان عبارة عن سلسلة" انا متصورش انه ممكن كذا" و الاقي العكس حصل .. في البداية خالص لما عرضت التصميم و حطيت عنة شوية صور ضعيفة و يا دوبك يعني عرضت الموديل عشان عارف انه اكيد محدش حيبصله " مافي غيره كتير" بس تفاجأت بعد فترة طويلة " من ابريل لاغسطس " ان الموديل فعلا اتباع و معايا 26.5 دولار و الفرحة مش سايعاني و كده ...

الموديل :: http://www.turbosquid.com/FullPrevie....cfm/ID/400890

المهم بعد ده كله اكتشفت اكتشاف في منتهى الخطورة " انه لسه في كمان 30% حتتاخد " صدقني والله ما كنت اعرف ساعتها فزعلت و الاكتر من كده افتكرت ان الشيك خلاص مش حيتبعت عشان بقى اقل من الحد الادنى " 25 دولار " المهم كل ده كان قبل 15 من الشهر اللي فاتت.

المهم عرفت يعني الكلام بتاع الضرايب قبل ما كان الشيك المفروض يتبعت ب 3 ايام تقريبا و اكتشفت اني ارتكبت غلطة فادحة في احد اختيارات الضرايب " كنت حطط صح علىfull Documentation With Tax Treaty Rates فغيرتها الى No Documentation و بكد مش حتحتاج انك تملى بيان W8 و لا مش عارف ايه و تبعتهلهوم بس في المقابل مش حتحصل على ضرايب اخف " مظنش اصلا انه كان حيبقى في للدول العربية "

المهم يعني قولت ان شاء الله يتبعت برده ... و جه يوم 15 من الشهر اللي فات و محصلش حاجة " يا خسارة راحوا ال 26.5 دولار " و بقيت بشيك بتاع مرة كل ساعة و مفيش حاجة ...

المهم طنشت و قولت هوا كان باين من الاول انه مفيش حاجة حتحصل .. و جه 15 من الشهر اللي بعده " اللي هوا الشهر ده يعني " و قولت يا سبحان الله قوام عدى الشهر فقلت اشيك على الموقع يمكن الله اعلم " بس مكنتش متوقع حاجة " بس سبحان الله لقيته نزل فعلا المبلغ للجدول الجديد و بقى مكتوب ان اللي حيوصلني 18.55 قولت مش مشكلة 18 ... 18 المهم يوصلوا ... طبعا قولت ديه حاجة مبعوته من امريكا يعني مش حتوصل في يومين , 3 ...

فكنت متوقع تاخير لغاية لما عدى اسبوع فقدت الامل ... " كنت برجع من الكلية و يجيلي حالة صرع لما الاقي اي عربية البريد المصري واقفة ببقى عايز اروح اسالهم وصلكوا حاجة ولا لأأ ..

المهم السبب في اني فقد الامل ... اني
1 ال Postal code او رقم البريد كتبت اقرب رقم لقيته في النت ! " لو تفتكر فتحت موضوع من زمان بخصوص الحكاية ديه " و كنت كمان فاكر انه اكيد لازم يكون عندي بريد خاص و لا مش عارف ايه كده .

2 ان العنوان كتبته بالعربنجليزي ... تخيل ! .... شارع النقطة ... Al-Noqta St. !
السبب اني خفت لو كتبت بالعربي ماتوصلهمش الكتابة سليمة .. فاصلا انا كنت حاسس اني خبصت في موضوع العنوان جامد .. و مين الفاضي ده اللي حيفك الشفرة اللي عملتها ؟!

المهم وصل انهارده 27 يعني بعد 12 يوم ! و ماكنت حاطط في دماغي ابدا و كنت تقريبا نسيت حكايته .

ادي يا سيدي الحكاية كلها ... معليش طولت عليك

......................................................................

C4Dream : راجع اعلى الرد .

.........................................................

Jassar : الله يبارك فيك ... و عقبالك انتا كمان لما تبقى بسبس مان زي

............................................

jagalinho :: المجموع اصلا كان 53 دولار .... 50% منهم للموقع بقوا كده 26.5 و بعدين كمان 30% ضرايب .... بقوا 18.55 دولار ..


شكرا جميعا و لو في حد عنده اساله تاني يتفضل

[mansy1985]

جميل يا مان

من المفيد ان اول مبلغ تكسبه في حياتك يكون قليل...عشان تكتئب و تكره نفسك و ده يكون حافز ليك انك تطور نفسك اكتر و تكسب فلوس اكتر

بس الموديل جميل بامانه