موضوع: ممكن تدعولي ع مطور مية جيراني؟ لاني قربت اتجنن

ردود: 7 | زيارات: 807
  1. #1

    Unhappy ممكن تدعولي ع مطور مية جيراني؟ لاني قربت اتجنن

    معلش يا جماعة انا بفضفض معاكم بس
    جيراني الاعزاء مركبين مطور مية جمب شباك عرفتي, صوتة عامل زي الشكوش كأن حد ماسك شكوش ونازل خبط ... وانا تقريبا قربت اتجنن واتشل من الصوت
    ولاني بتبارك بدعواتكم .. اكون شاكر جدا لو دعتولي ع مطور ميتهم يبوظ


  2. #2
    لو جيرانك بيفهموا لغة البشر ..

    بإمكانك التواصل معهم , و عرض مشكلتك و سبب المشكلة , عليهم .

  3. #3
    عضو متميز
    صور رمزية فلاشــــــــــاوي
    تاريخ التسجيل
    Jan 2006
    المنطقة
    مـــــصــــــر
    العمر
    33
    ردود
    3,802
    لو مكانك كنت عملت خناقة .. دي أكيد حاجة تنرفز والوش ده هيخليك بعد فتره عصبي جدا ومش عارف تركز .. ومش بعيد تبقى سامع الوش في ودانك وانت حتى مش في البيت !!

    1 - جرب تحشر فلين بين الموتور والحيطة بحيث يثبت وما يتهزش .. شدة الصوت هتقل كتير جدا .. لكن مش هتختفي ... لو منفعش جرب 2

    2 - كلم جيرانك بالذوق لو ينفع يغيره مكانه أو يجيبه موتور تاني صوته اخف .. لو رفضوا جرب 3

    3 - كلم جيرانك بالذوق لو ينفع يغيره مكانه أو يجيبه موتور تاني صوته اخف .. لو رفضوا جرب 4

    4 - كلم جيرانك بالذوق لو ينفع يغيره مكانه أو يجيبه موتور تاني صوته اخف .. لو رفضوا جرب 5

    5 - بوظ الموتور بالليل .. واما يصحوا الصبح ما يلاقوش مية .. هيعرفوا ان الله حق ‍!!

  4. #4
    عضو نشيط
    صور رمزية ISSA_4D
    تاريخ التسجيل
    Mar 2008
    المنطقة
    بلاد الرمال
    ردود
    796
    بص لو المطور جانب شباك على طول هات واحد صاحبك يفهم فيهم وخلى يلعب فى النظام ويبوظوا او ارفع عليهم قضية دا حقكك

  5. #5
    جيراني بيفهموا لغة البشر .. وع فكرة هما مش شقة واحدة دول 3 شقق مشتركين في مطور المية دة
    الاول : قولتلة قالي انا بجوز بنتي ومش فاضي
    والثاني قالي احنا جيران واحنا حبابين وكنت حعيط من كلامة الحلو بس ف الاخر معملش حاجة
    والتالت بيشتغل لواء وطالع فيها ولما جيت اكلمة كان بيكلمني من ورا الباب وكان مستحقرني
    ...........................
    ههههههههههههههههههههههه واللهي يا استاذ علي ضحكتني وانا مليش نفس
    انا فعلا بقي بيتهيقلي اني سامع صوتة وهو مش شغال
    وسمعت ف مرة انهم لما بيحبوا يجننوا المساجين السياسين بيسمعهم زي صوت مية بتنقط .. تك تك لحد ما يتجننوا
    فما بالك بصوت شكوش
    انا حاسس اني مقدم ع الحل رقم خمسة وهو بأختصار
    اني اجيب قزازة حامض وادلقها ع المطور لغاية لما يسيح
    او اجيب سباك يفصل المتور
    .. وسعاتها طبعا هما حيجيبولي البوليس .. بس اعمل اية المشكلة دي مستمرة من رمضان ومفيش فايدة

  6. #6
    // جيران واحنا حبابين وكنت حعيط من كلامة الحلو //

    ههههه ... لا حول و لا قوة إلا بالله .

  7. #7
    اقتباس الموضوع الأصلي كتب بواسطة eyad-mufti معاينة الرد
    // جيران واحنا حبابين وكنت حعيط من كلامة الحلو //

    ههههه ... لا حول و لا قوة إلا بالله .
    متأسف غلطة مطبعية

Bookmarks

قوانين الموضوعات

  • لا يمكنك اضافة موضوع جديد
  • لا يمكنك اضافة ردود
  • لا يمكنك اضافة مرفقات
  • لا يمكنك تعديل مشاركاتك
  •  
  • كود BB مفعّل
  • رموز الحالة مفعّل
  • كود [IMG] مفعّل
  • [VIDEO] code is مفعّل
  • كود HTML معطل