موضوع: وجلست أتأمل .... فقلت سبحان الله .

ردود: 15 | زيارات: 1320
  1. #1
    Registered User
    صور رمزية Ahmed012
    تاريخ التسجيل
    Nov 2004
    المنطقة
    Cairo, Egypt, Egypt
    العمر
    32
    ردود
    2,173

    Cool وجلست أتأمل .... فقلت سبحان الله .

    الموضوع كوميدي جدا














    إخواني الأعزاء أهلا وسهلا بكم.
    انا أطلب منكم إنكم تتخيلوا الموقف اللي أنا هاحكيه عليكم حالا وتشوفوا إذا أنا كان عندي حق وللا لأ
    في أحد الأيام كنت في العمل. بالمناسبه كنت أعمل بوظيفة مصمم جرافيك الخاص بقناة مودرن تي في
    كنت في هذا الإجتماع قد قررنا مع مجموعة العمل في القناة شكل اللوجو النهائي وإستقرينا عليه تماما بل وتم طباعة الأوراق الرسمية للقناة وطباعة اللوجو على سيارات القناة الخاصه بل وعلى المعدات وآلات التصوير وصولا إلى حتى أكواب الشاي في الإستوديو للضيوف.
    وكنت جالس مع مدير القناة في إجتماع مغلق وفي قمة السرية حيث أننا كنا نناقش خطه العمل البرامجيه للقناه وكيفيه تنسيق البروموهات الخاصه باللوجو مع البرامج -- وأشياء من هذا القبيل.
    ما علينا .. المهم إني كنت جالس بمنتهى الجديه وأتحدث بمنتهى الرسمية عن الأفكار الجديده التي سأقوم بتنفيذها جرافيك للبروموهات. وفي غمرة الأحداث دخل غرفة الإجتماعات أحد المخرجين وجلس بجانبنا ( مش عارف ليه في إجتماع سري) ما علينا..
    المهم إني وانا بتكللم فوجئت بالمخرج يتكللم. (( أنا أساسا بفكر في إننا نغير اللوجو خالص ... اللوجو ده أساسا مش عاجبني)) طبعا انا إبتسمت إبتسامه ساخره لإن المفروض إن الكلام صار متأخر عن أوانه جدا جدا. فكل شيئ تم وإنجز. حتى إن القناه ذات الشهرين من العمر تم إفتتاحها وعمل كل بروموهات الترحيب فيها على اللوجو الذي نتحدث عنه. إلا أن إجابة رئيس القناة قاطعت إبتسامتي الساخره بقوله (( إنت شايف كده يا خالد؟؟))
    رد (( خالد: هوا أنا صحيح اللي عامل اللوجو ده لكن مش عارف ليه بعد ماعملته وإتنفذ كده مش حاسس بيه))
    رديت أنا (( وإنت يا أستاذ خالد هتشوفه وللا هاتتجوزه؟؟.. اللوجو خلاص تم وده واقع حاليا ويجب الإستمرار عليه))) رد خالد (( انا عامل حته لوجو ماحصلش أحسن من اللوجو القديم.)) قال رئيس القناة (( وريني صورته)) وأخذ يتأمل في الإختراع العجيب الذي أتى به المخرج
    وبينما نحن في هذا الإجتماع السري والمغلق للغايه دخلت سكرتارية المكتب الخاص برئيس القناة
    (( إيه ده إنتوا بتعملوا إيه ؟؟))

    عذرا .... ولكن سنواصل بعد الفاصل
    أخر تعديل بواسطة Ahmed012 في 21 / 11 / 2008 الساعة 02:01 AM السبب: لفت الإنتباه


  2. #2
    يوسف التلباني
    عضو لجنة تحكيم

    صور رمزية maxspider
    تاريخ التسجيل
    May 2004
    المنطقة
    <<<<EGYPT>>>>
    العمر
    32
    ردود
    5,585
    هههههههههههههه

    كمل .. كمل ... عديت على الحوارات دي أنا برضه ...

    ويا ترى ... مرارتك استمرت في المقاومة لحد امتى ؟؟؟

  3. #3
    اوبا احمدوزززززززززز
    يا ابنى مقلتلك ارجع المنابر هههههههههههههه لها سحرها الخاص باردوة صح
    عودا حميدا يا باشا
    مش عارف اقولك انه اسم انا من 3 اسابيع لما اتقبلنا تقريبا قلتلك ان عارفلك حوالى 6 اسماء هههههههههه
    صحيح هو وقت ما حصل الموقف دوة كنت انا فى كندا ولا كنت لسه شغال معاكم فى المدينه
    لانى اعتقد انى فاكر حاجة زى كدة ههههههههههههههه
    معلش بقى خيرها فى غيرها
    للاستماع و تحميل القرآن الكريم برابط واحد للشيخ اللذى تحب و بصوت عالى الجوده :
    http://www.tvquran.com/

    Join me on Facebook
    https://www.facebook.com/rabieart.fanpage
    https://www.facebook.com/MCC4P

  4. #4
    Registered User
    صور رمزية Ahmed012
    تاريخ التسجيل
    Nov 2004
    المنطقة
    Cairo, Egypt, Egypt
    العمر
    32
    ردود
    2,173
    تقريبا يا محمد كنت معانا في المدينه :d
    بس انا هنا مش بتكللم عن المدينه ... انا بتكللم عن قناة مودرن

  5. #5
    عضو متميز
    صور رمزية mr noras
    تاريخ التسجيل
    Jun 2007
    المنطقة
    Qatar
    العمر
    31
    ردود
    1,029
    متابع معاك القصة العجيبة ديه

  6. #6
    Registered User
    صور رمزية Ahmed012
    تاريخ التسجيل
    Nov 2004
    المنطقة
    Cairo, Egypt, Egypt
    العمر
    32
    ردود
    2,173
    الجزء الثاني


    خالد (( انا عامل حته لوجو ماحصلش أحسن من اللوجو القديم.)) قال رئيس القناة (( وريني صورته)) وأخذ يتأمل في الإختراع العجيب الذي أتى به المخرج
    وبينما نحن في هذا الإجتماع السري والمغلق للغايه دخلت سكرتارية المكتب الخاص برئيس القناة
    (( إيه ده إنتوا بتعملوا إيه ؟؟))



    رد رئيس القناة ((بنعمل لوجو جديد ))
    رديت أنا (( لوجو جديد لإيه ؟؟)) وقد إرتسمت على وجهي علامات عدم التصديق.
    رد خالد(( للقناة طبعا))
    قالت السكارتيره(( انا إبن أخويا كان عامل لوجو وكان نفسه إنكم تشوفوه. ده بالصدفه معايا واقف بره أهه))
    وانا جالس أتأمل المنظر وأتنقل بين وجوههم
    دخل إبن أخو السكارتيره علينا في الإجتماع المغلق والسري وسلم علينا كللنا.
    وأخرج ورقه مطويه من جيب بنطاله الخلفي ..(( ده تصور للوجو إنما إيه ... ماحاصلش)))
    نظر رئيس القناه للورقه وقال (( هايل جدا ده لوجو جميل خالص ....)) وراح موجهه بصره ناحيتي وقال ((إيه رأيك يا بشمهندس لو تنفذلنا اللوجو ده ؟؟؟)))


    مش عارف ليه انا سمعت الكلمة دي بإفكت Echo عجيب ... وظللت تتكرر كثيرا في أذني.
    وظل وجهي معلقا في وجه رئيس القناه لكن عقلي إنطلق يتذكر كلمات جدي رحمه الله وأنا صغير.

    يا أحمد يا إبني ... ربنا لم يخلق أي شيئ إعتباطا ... لكل مخلوق حكمه في خلقه
    تأمل مثلا دوده القز ...
    يا سبحان الله . أنظر إلى هذا الكائن الدقيق ! كم هو صغير. وكيف أن يكون كائن بكل هذا الصغر وله عقل يفكر به ويتحرك ويتخذ قراراته ؟ وكيف أن هذا الكائن منتج ويمكن أن يكون مصدر دخل للعديد والعديد ومن البشر؟ كيف له أن يأكل ورقة شجر التوت وينتج منها حريرا ؟؟؟؟؟
    إنظر إلى عدد أقدامه وإلى حركتها المتناسقه
    فعلا لقد خلقها الله لكي يبين روائع قدرته فينظر إليها الإنسان ويقول سبحان الله.

    إنظر إلى الذبابه المنزليه !!
    هذه الحشرة التي تكره أن تراها على طعامك أو على جسمك. هي فعلا تنقل الكثير من الميكروبات في كل أرجاء المكان. لكن هل تفحصتها جيدا ؟؟
    زوجين من العيون المركبه التي تمكنها من الرؤية 360 درجه. قدرتها على المناوره والطيران لاتقارن بأحدث طائرات الإنتاج البشري مهما طور الإنسان علمه وزاد من إمكانياته.
    لديها زوج من الأجنحه تستطيع أن تصدر 800 ذبذبه في الثانيه. يعني قدره على المناوره وتغير الإتجاه في الجو إرتفاعا وهبوطا ويمينا ويسارا بمنتهى الدقه والتنظيم. وبالرغم من تفاهة الحشره((بالنسبه للإنسان الطبيعي)) إلا أنها ذكرت في القرآن. حيث ذكر خالقها بأن هذه الحشره إذا سلبت شيئا في أمعائها لا يسترد منها مره أخرى. وذلك لأن أمعائها تحلل المركبات البسيطه والعضويه بمجرد دخولها. وبالتالي لا يمكن إسترداده مره أخرى ولن يتمكن الإنسان من ذلك مهما حاول.
    خلقها الله لكي تنظر إليها وتعلم كل هذه الأشياء عنها فتتذكر قدرته سبحانه وتعالى وتقول سبحان الله
    --------
    (((((((((((
    رئيس القناه ينادي علي (( باشمهندس .....))
    انا أركز أكثر في عينيه ولا أزال صامتا وعقلي يعمل كالصاروخ
    ---------
    ((وكذلك أكيد الخالق عز وجل خلق هذا الكائن لعبره ما أو لحكمة ما لا يعلمها إلا هو سبحانه. فهيئته هيئته البني آدميين. يأكل ويشرب ويلبس مثلهم. وهو أيضا قادر على التفاعل معهم والتكللم. وأيضا أطوار حياته متطابقه تماما مثل باقي البشر. وجميع أعضاء جسمه في شكل آدمي فعلا. حتى تركيبة الداخلي من لحم ودم وقلب وعظام .... وله قدره على الإنجاب والتفاعل مع السلالات البشريه بشكل طبيعي تماما. لكن إنظر إلى طريقته في التفكير وإلى إسلوبه ؟؟ كيف أن يكون هذا بني آدم فعلا بشكل كامل ؟؟ أين قدرات الذكاء البدائيه التي من المفترض أن تتواجد في أي بني آدم طبيعي By Default ؟؟ يا ترى ما هي حكمتك يا إلهي في أن تخلق مخلوقا كهذا ؟؟؟
    ----------------------
    رئيس القناه ((( أحمد .... هل أنت بخير ؟؟))
    رديت أنا (( سبحان الله))
    أثار ردي دهشة كل الحاضرين في المكان .. بينما إبتسمت أنا وأكملت في عقلي (( الحمد لله الذي عافانا مما إبتلى به آخرون وفضلنا على كثير من خلقه تفضيلا))..

  7. #7
    عضو متميز
    صور رمزية A.yousf
    تاريخ التسجيل
    May 2004
    ردود
    3,301
    اتوقع ده كانت اخر جميلة
    واخذت استمارة 6
    صح
    www.DEEPEFFECTS.COM

    أخوكم عبد الرحمن يوسف

  8. #8
    يوسف التلباني
    عضو لجنة تحكيم

    صور رمزية maxspider
    تاريخ التسجيل
    May 2004
    المنطقة
    <<<<EGYPT>>>>
    العمر
    32
    ردود
    5,585
    أين قدرات الذكاء البدائيه التي من المفترض أن تتواجد في أي بني آدم طبيعي by default ؟؟
    ههههههههههه

    يابني انت مشكلة ... والله ضحكتني فحت ...

    ده إيه ده ؟؟ لوجو جديد وابن أخوها عامل لوجو وفهمي البواب عامل لوجو ومدرسة السنية عاملة مسابقة لأحسن لوجو للقناة .... أومال بتوع الجرافيك اللي يتمثلوا في سيادتك بيعملوا إيه هناك اساسا ؟؟؟

    وكمان تغيير لوجو بعد ما اتعمل ... يا نهار طين ... داحنا عندنا في الشركة العبر ... ولم نجرأ يوما على تغيير اللوجو ...

    أحمد يابني ... جدك ربنا بعته عشان يصبرك في موقف زي ده ...

  9. #9

  10. #10
    عضو متميز
    صور رمزية فلاشــــــــــاوي
    تاريخ التسجيل
    Jan 2006
    المنطقة
    مـــــصــــــر
    العمر
    33
    ردود
    3,802
    دخل إبن أخو السكارتيره علينا في الإجتماع المغلق والسري وسلم علينا كللنا.
    حلوة دي

    بص يا أستاذ أحمد .. طالما أن الشخص ده مستعد يضيع فلوس كمان ووقت موظفينه ومصممينه في عمل بروموهات وتصميمات جديدة .. يبقى مش مشكلتك .. هو حمار ده شيء متفق عليه .. لكن هو برضه اللي هيدفع .. طالما مش ناوي يضغطك انت وباقي المصممين عشان تخلصوا كل الحاجات دي تاني في يوين .. وهيديكم الوقت المناسب يبقى خلاص .. اللي معاه قرش محيره يعمل لوجو ويغيره !!

  11. #11
    مشرف عام
    صور رمزية aktoom
    تاريخ التسجيل
    Dec 2005
    المنطقة
    بلاد العرب أوطاني
    العمر
    52
    ردود
    17,805
    اللي معاه قرش محيره يعمل لوجو ويغيره !!
    أتفق تماما مع هذا القول

    حيث أنه ينطبق على قول عندنا

    أربط الحمار مطرح ما بيحب صاحبه .
    سبحان الله وبحمده .. سبحان الله العظيم

    لاريب أنّ الألم هو سائق انفعالاتي الفظّ ، وأنّ الأمل هو وسيلتي الدائمة لترويضه . لكن .. هل أكون بهذا قد لخّصت لك عملية الإبداع ؟

    FACEBOOK

  12. #12
    Registered User
    صور رمزية Ahmed012
    تاريخ التسجيل
    Nov 2004
    المنطقة
    Cairo, Egypt, Egypt
    العمر
    32
    ردود
    2,173
    شكرا لكل اللي رد

    يوسف ......... وإنت ربنا بعتك علشان تفكرني بجدي

    الأخ فلاشاوي: المشكلة في إنه دائما بيعتبرني ساحر أكتر مني مصمم. يعني ليه مثلا مايطلبش 5 بنرات وخمس تترات برامج يخلثصوا في يوم واحد ؟؟؟؟؟ مش انا المفروض مصمم ؟؟؟ ياللا صمم وعيش
    لوجو القناه يتغير أو تتغير خريطه العالم نفسه. انا المفروض أغيرهاله في 10 دقايق طالما هوا عايزها في الوقت ده. عادي

    بس انا طبعا لازم أعللمه الأدب ... وأحيانا بسحرله فعلا .. مع التنبيه بإن السحر في التصميم مابيجبش نتايج كويسه. وهوا بيبقى سعيد في الآخر برضه
    بس الميزه فيه الصراحة إنه ممكن ينبهر من أول كيوب :d

    أخ آكتوم: انا عدلت شوية في المثل ده وأصبح (( إربط الحمار ماطرح مايقول الحمار)) وشكرا

  13. #13
    عضو متميز
    تاريخ التسجيل
    Oct 2004
    المنطقة
    Jordan
    ردود
    3,451
    موقف مضحك ومحزن بنفس الوقت ^^ ><
    مريت بمواقف شبيهه صراحة لكن كما قال الإخوة طالما لديك مرتب والأخ ليس لديه مشاكل بالتكاليف فلازم تمشي معاهم وأنت مبتسم لا حل آخر. بس لاحظ عنده شوية إحساس المدير، لما دخل ابن أخو عمة السكرتيرة ^^ بالشعار لم يقل له أوو ايه رأيك تشتغل بدال خالد !؟ وانت جالس معه أو غمزله أو لمّح للموضوع...طنّش وساير لكن أؤيد ترك العمل لو فيه تأثير على النفسية...there's a limit at 1 point sometimes...موضوع مميز
    إنا لله وإنا إليه راجعون

  14. #14
    Registered User
    صور رمزية Ahmed012
    تاريخ التسجيل
    Nov 2004
    المنطقة
    Cairo, Egypt, Egypt
    العمر
    32
    ردود
    2,173
    شكرا يا أخ بارتكل

  15. #15
    Registered User
    صور رمزية Ahmed012
    تاريخ التسجيل
    Nov 2004
    المنطقة
    Cairo, Egypt, Egypt
    العمر
    32
    ردود
    2,173
    مبدأيا انا خلاص ترتكت هذا العمل من أساسه....

Bookmarks

قوانين الموضوعات

  • لا يمكنك اضافة موضوع جديد
  • لا يمكنك اضافة ردود
  • لا يمكنك اضافة مرفقات
  • لا يمكنك تعديل مشاركاتك
  •  
  • كود BB مفعّل
  • رموز الحالة مفعّل
  • كود [IMG] مفعّل
  • [VIDEO] code is مفعّل
  • كود HTML معطل