موضوع: اعلانات الوظائف (موضوع للنقاش)

ردود: 2 | زيارات: 432
  1. #1

    اعلانات الوظائف (موضوع للنقاش)

    السلام عليكم...
    انا عضو جديد هنا .. لكن لي خبرة سابقة في المجال

    انا عايز اناقش جزئية جزئية

    1- اول شئ بتلاقي اسم الشركة مبهم... (شركة كبري تطلب ....) انا عمري ما لاقيت شركة متوسطة ولا شركة صغيرة عملة اعلان...
    وغير كده انا بستفسر ليه في اغلب الاعلانات بيكون اسم الشركة مبهم.. مع ان اغلب اعلانات الوظائف بره بيضعوا اسم الشركة.. لانها بتبقي اعلان للشركة في نفس الوقت.. واعتقد فوائد وضع اسم المكتب او الاستوديو كثيرة جداا

    2-التخصص : فيه بصراحة بلاقي بعض الاعلانات بتبقي محددة تخصص معين.. وده شئ ايجابي في نظري
    لكن انا هنا بنتقد اللي بيبقي عامل التخصص مفتوح.. متخصص في كل البرامج (بتاع كله) اوكي مش مشكلة وحتي مش عيب لان فعلا فيه ناس بتبقي جامدة وبتستخدم برامج كتير في شغلها...

    المشكلة اللي بتصدمك لما بتعمل المقابلة معاهم ويقولك بابتسامة سمحة لاء محتاجين تخصص معين..



    3 - المستوي: كل الشركات سواء شركات كبيرة او صغيرة . او كشك... بيطلب محترفين
    مش عارف انا حاسس اننا عندنا مشكلة تعريف المحترف .. معندناش غير مستوي واحد وهوالمحترف.. طب لو حد عايز واحد احترافي اكثر.. يقول ايه: محترف أوي



    4- اعلان المرتب: 99% من الاعلانات مابيذكروش المرتب.. كله بيقول مرتب مغري.. طب مغري يعني يتطلع كام.. ماهو لو مغري فعلا كان قاله علشان يغري المتقدمين حتي لو فيه واحد متسقر في شغله ممكن يشاور عقله...مش فاهم فعلا عقلية اللي بيضع الاعلان

    في اغلب اعلانات الوظائف بره بيكون بيعمل range للمرتب يعني مثل من 4000 الي 7000 بحسب عملة البلد لانه بتحديد رينج المرتب. بيحدد مستوي اللي بيتقدموا للوظيفة وبيحدد سقف المرتب مش هيعلي مثلا عن كذا
    والاعلانات اللي ما بيبقي محدد المرتب ده في اغلب الاحوال بيبقي سقف المرتب عالي علي حسب مستوي المتقدم

    حاجة غريبة فعلا.. ياتري انتم شايفين كده برضه ولا انا بس


  2. #2
    عضو متميز
    تاريخ التسجيل
    Sep 2006
    المنطقة
    أبو دابي
    ردود
    2,301
    1- اسم الشركة يجب ان يبقى مبهما, ليس في صالح الزبائن ان يفتحو الجريدة ليجدو الشركة التي وضعو فيها عربون لعمل فني ما, تبحث عن موظفين!
    2- كلام صحيح لاغبار عليه.
    3- الراتب لايذكر ابدا في الاعلانات, و ان ذكر فهذا لايعني ان الشركة لديها تلك السيولة لدرجة انها لاتهتم بوضع الراتب كيفما اتفق, الطريقة المتعارف عليها, ان لكل شخص سعره, خلال المقابلة او قبلها حتى عندما تختار في البداية يطلب منك تحديد ال Range, و من هنا يبدأ التفاوض, و هذه العملية متبعة في معظم الشركات حتى الكبرى ( صديقي يعمل HR في Adnoc للنفط في الامارات).
    ~sion
    هل انت عاطفي وتستهبل ولديك مشاكل نفسية و و تعتقد دائماَ انك على حق ومستعد لاستخدام منصبك كمشرف للكيل من الاعضاء كما تريد دون احترام او موضوعية؟ نحن في طاقم الاشراف في المنابر (منبر الرأي و الكيل الآخر بمكيالين) نرحب بك معنا.

Bookmarks

قوانين الموضوعات

  • لا يمكنك اضافة موضوع جديد
  • لا يمكنك اضافة ردود
  • لا يمكنك اضافة مرفقات
  • لا يمكنك تعديل مشاركاتك
  •  
  • كود BB مفعّل
  • رموز الحالة مفعّل
  • كود [IMG] مفعّل
  • [VIDEO] code is مفعّل
  • كود HTML معطل