موضوع: درس مهم فى التصوير للمبتدئين

ردود: 5 | زيارات: 4910
  1. #1
    عضو نشيط
    صور رمزية 3d zaman
    تاريخ التسجيل
    Jun 2008
    المنطقة
    الاسكندرية
    العمر
    33
    ردود
    404

    درس مهم فى التصوير للمبتدئين

    السلام عليكم ورحمة الله وبركاتة
    يا جماعة دى شوية معلومات على قدى كدة ويا رب تستفيدو منها فبما انى اعمل مصور فلدى بعض الخبرة السوق فى هذا المجال
    اولا ساتكلم عن التصوير
    التصوير يا جماعة فن جميل جداا وعشان نبرز جمال شى معين فى التصوير لازم يكون المصور عندة حس فنى مختلف ورؤية اخرى غير الموجودة عند الاخرين مع علمة الكامل برؤية الاخرين فكثيرا ما يجتهد المصور والنتيجة لا ترضى المشاهد فيجب عمل حساب للمشاهد
    مثلا اذا كنت تصور برنامج اى كان مثلا دينى او ثقافى او سياسى
    حاول اظهار لمستك الفنية لكن اوعى تزغلل عين المشاد بانك تصور ديكور الاستوديو وتحاول ابرازة اكتر من مرة مثلا
    او تكون حركتك عند تصوير المتكلم سريعة سواء كان المذيع او الضيف ودائما حاول تحافظ على ان تكون مستوى عدسة الكاميرا من مستوى الشخص الى بتصورة وطبعا اوعى تحرك الكاميرا وانت بتصور برنامج او مؤتمر مهما كانت الظروف واوعى تعمل اكتر من انك تقفل الزوم على المتكلم او الشخص الى يذكر اسمة فقط او ودايما فى البرامج لازم تستخدم الزوم البطىء فكل كاميرا بيكون الزم فيها حساس وعلى سرعتين
    سرعة بطيئة وسرعة اخرى سريعة ودى فى اغلب تصوير الحفلات بنستخدمها
    ودايما طبعا تخلى بالك من الفوكس
    وعلى فكرة فى مصطلحات اهل التصوير الفوكس اسمة نت وفلو يعنى الصورة لما تكون بيور ونقية تعنى الصورة نت
    ولما تكون الصورة غير نقية ومزغللة تعنى فلو وهنا بالظبط نجد ان العدسة هى فكرة منقولة من عين الانسان
    فكلما ابتعدت بؤرات العدستين عن بعض كلما كانت الصورة فلو يعنى مش نقية والعكس طبعا صحيح
    وعلى فكرة كل لما بتقفل زوم لازم تظبط النت فوكس
    ودى عملية مش صعبة انك تجيد ان تظبط النت والزوم مع بعض
    ونستنتج ان تصوير المؤتمرات والبرامج التلفزيونية تحتاج لتصوير هادى وهادف لمعنى البرنامج او الحدث الى بصورة
    وقريبا ساتكلم عن اسلوب تصوير احفلات والافلام والفيديو كليب باذن الله
    والسلام عليكم ورحمة الله وبركاتة
    لا حول ولا قوة الا بالله العلى العظيم
    .
    .
    .
    .

    من العظماء من يشعر المرء فى حضرته أنه صغير ولكن العظيم بحق هو من يشعر الجميع في حضرته بأنهم عظماء




    أحمد عزت

    a3dzaman@yahoo.com


  2. #2
    شكرا على المعلومات القيمة

    ننتظر المزيد المفيد

  3. #3
    عضو نشيط
    صور رمزية 3d zaman
    تاريخ التسجيل
    Jun 2008
    المنطقة
    الاسكندرية
    العمر
    33
    ردود
    404

    الدرس الثانى

    السلام عليكم ورحمة الله وبركاتة
    سنتكلم عن تصوير الحفلات فى هذا الدرس
    والحفلات اما حفلات غنائية اوحفلات زفاف واو حفلات تخرج اواى ماسبة يقيم لاجلها حفل
    فى التصوير هذا يحتاج المصور لان يكون سريع كثيرا عن اى مرة اخرى
    هذا النوع من التصوير يحتاج لسرعة حركة الكاميرا فى الشوتات وايضا المصور
    مثلا ايذا كنا فى حفل زفاف اذا هناك من يحتفل بالرقص واخر بالغناء وفى بعض الاماكن يكون العريس مع العروسة فى مكان واحد ومش فاصلين الرجال عن النساء تجد من يحتفل بالغناء مثلا وطبعا انت مصور شاطر اكيد عندك سرعة بديهة وانت فى حفل زفاف كبير لازم تكون صاحى للى بيغنى وكمان ام الريس فى مكان بعيد عنك تحضن العريس ابنها لازن تتنقل وبسرعة جداا لها ولكن كون حذرا من انك تزغلل عين المشاهديعنى حركتك للكاميرا تكون بهدزء وبسرعة فى نفس الوقت وكذلك ممكن يكون هناك احداث كتير بتحصل حولك ولازم تكون صاحى ليها
    وايضا لو اتيح لك ان تتحرك بوجهة الكاميرا بهدوء على وجة المطرب او جسمة ولا تضيع راسةمن الكادر بتاعك وايضا راعى ان لا يكون اعلى وجة الكاميرا اعلى من راس الشخص الى بتصورة اكتر من شبر او شبرين اذل لزم وهذا اسمة هيد روم تجد ان فى تصوير الحفلات متاح لك ان تتحرك بالكاميرا كثيرا واحذر من حركة رجلك وانت بتمشى يجب ان تكون حركتك ناعمة وكمان متاح لك ان تستخدم سرعة الزوم السريع جداا والبطىء ايضا كما ان هناك فرصة لان تهز وجه الكاميرا اذا لزم المر هذا طبعا عكس تصوير المؤتمرات تماما متاح لك اى شى فى تصوير الحفلا الا ان يكون الكادر فلو او مايل كثيرا او يكون مهزوز بسبب حركة رجليك وانتا ماشى وبتسجل
    .
    .
    ..
    .
    .
    اخوانى اسف على الاطالة لانى مش عارف اشرح غير باسلوب الدردشة وكمان التصوير فن يتحس مش مادة علمية ممكن نحفظها وخلاص وانا بشرح لكم الى انا اتعلمتة وبشتغل بية كما تعلمتةمع اضافات بتتعلمها من خبرتك وطول عمرك فى هذا المجال.
    .
    .
    .
    .
    والسلام عليكم ورحمة الله وبركاتة
    لا حول ولا قوة الا بالله العلى العظيم
    .
    .
    .
    .

    من العظماء من يشعر المرء فى حضرته أنه صغير ولكن العظيم بحق هو من يشعر الجميع في حضرته بأنهم عظماء




    أحمد عزت

    a3dzaman@yahoo.com

  4. #4
    جزاك الله خير

  5. #5
    جزاك الله خير على الموضوع .

Bookmarks

قوانين الموضوعات

  • لا يمكنك اضافة موضوع جديد
  • لا يمكنك اضافة ردود
  • لا يمكنك اضافة مرفقات
  • لا يمكنك تعديل مشاركاتك
  •  
  • كود BB مفعّل
  • رموز الحالة مفعّل
  • كود [IMG] مفعّل
  • [VIDEO] code is مفعّل
  • كود HTML معطل