أنـــــــــا حاقد ؟؟

[إبن يس]

ردى على صديق لى ..

وأقول للفرع الآخر الذى أصبح حاقداً على كل غنى ويراه كأنه من دنيا ونحن الفقراء من دنيا أخرى .. كان خير صحابة سيد الأنام محمد الكريم صلوات الله وسلامه عليه أغنياء ومن كبار تجار القوم وعلى رأسهم عبد الرحمن بن عوف وذى النورين عثمان بن عفان رضى الله عنهما .. ولم تكن تلك أقوال القوم حينها فالغنى نعمة من الله ومجتمعاتنا بها العديد من الأمثلة الناجحة وأيضاً بها نماذج فاسدة .. هكذا الدنيا بها الصالح والطالح وهكذا حكمة المولى .. وأما للنموذج الذى طرحته أخى القائد فأنا أستعجب أن تقول هكذا وممثل دائرتك أنت بالذات يعمل بمصانعه نصف عمال مدينتك فكيف لا يشعر بهم .. لا حول ولا قوة إلا بالله

أنا حاقد


ده بياخدوا أجر .. غير متكافئ تماما مع إللى بيعملوه
أنت عارف لما منظمات حقوق الإنسان بتنزل بيكون يوم رحمة للعمال .. بيخفوا عليهم الشغل و يروحوا بدرى ساعتين ...

يا راجل .. ده أحنا بنسميها عندنا مقبرة الشباب

خميس ده أصلا مالوش فى البتنجان ..
بيفهم فى أزاى يمص دم العامل و بس
أزاى يجيب منه فلوس و يديه عشر العشر العشر من الأرباح الحقيقية .. و بيضرب بالشلاليط و إفتره ما بعده إفتراء ..

يا راجل ..أنت بتسمع كلام و أحنا بنشوف كلام تانى خالص..
غير الخصومات الضريبية .. هو بيدفع من جيب أبوه للبلد و شوية الحركات إللى يبعلمها عند دخلة الإنتخابات
و بعد كده مش بنشوفه غير كل فين و فين .. كل ده من الضرايب و غير الحصانة إللى بيجرى عشانها و عشان الحزب الوطنى لازم يكون أغلبية فى المجلس عشان القرارت تبقى ليه و بس .. و الشعب
يولع بجاز وسخ ..

أزاى يبقى المستثمرين هما أصحاب القرار فى دولة فقيرة ..
المنطق بيقول غير كده ..


و لا مين بيصدق على قرارات مجلس الشعب و التعديلات الدستورية الأخيرة فى حق الأحزاب و المعارضة و الطوارئ ؟؟
مش خميس و أصحابه ؟؟
أن بإذن الله هعمل حملة قوية ضد خميس و الحزب الإستثمارى
حملة ضارية جدا جدا جدا
و عارف أنه هياخدها بالفلوس زى المرة إللى فاتت ..
2 كيلوا لحمة + 100 جنيه بعد ما تنتخب مباشرة

لا حول و لا قوة إلا بالله

هو الحزب لاوطنى هينزاح عن قلب مصر أزاى ؟؟
ده لا بالديموقراطية نافع و لا بأى حاجة نافع

و لا مرشح الزقازيق الدكتور محمد مرسى .. دخل قصاده مرشح ماحدش بيسمع عنه و لا حد يعرفوه ..لواء علاء
واحد مجهول قصاد زعيم شعبى كاسح ...
و العجيب أنه يكسب لأغنه حزب وطنى ..
من يوم ما كسب و الزقازيق ما فيهاش إصلاحات زى أيام مرسى ..

يا راجل أقعد ساكت أنت عايش فى المريخ
و لا كلية الهموم إللى أنا فيها
كلية ما فهيش علوم
الطالب الأول عشان يبقى أول لازم يكون حافظ الكتاب
و بعد كده يبقى معيد عشان يشرح نفس الكتاب
و بعد كده يبقى دكتور و يشرح نفس الكتاب
تخيل أن أحدث مرجع لكتب الفيزياء عندنا هو عام 1973
يعنى قبل ما الجامعة تتبنى بشوية ..
ده أحدث مرجع عندنا .. شوفت التخلف
كتب فيزياء و رياضة
يعنى كل يومين نظرية
و الدكاترة فى النوم خالص
أقعد ساكت خالص
أحنا عايشين فى مآساة



و ما تقارنش خميس أبو حشيشة بسيدنا عثمان ذو النورين ..
ما تقارنش أهل الرحمة إللى فى قلوبهم رحمة بإللى بيبهدل العمال فى المصانع..
ما تقارنش عمر إبن الخطاب إللى كان بيبكى على جمل يتآلم و يقول لو عثرت نعجة فى العراق لسأل عنها عمر و تقارنه مع حسنى و لا الحكومات العربية إللى شايفين مش نعجة بتتعثر ... لا ...شعب يذبح كالنعاج ..
يا راجل ده المرأة دخلت النار فى هرة حبستها ..
تخيل .. شعب محبوس و مصر بتحبسه .. و أتفاقيات و خزعبلات بنى صهيون أنطلت علينا ..


قولى و فهمنى ..
دلوقتى فلسطين محتلة .. و المقاومة بتدافع عن فلسطين تمام ؟
أزاى نمنع عنها السلاح ؟؟؟
ده بعيد عنك إسمه تخلف و هبل و عته
يعنى عشان الإحتلال عايز يمنع السلاح ..يبقى لازم نمنع السلاح
عجبى على حكام باعوا قضاياهم ..
يعنى واحد بيتقتل و أمنع عنه السلاح ؟؟؟
يا نهار أسود .. الواحد مش مصدق نفسه
بقه فيه حد فى الدنيا يقول كده ؟؟
أخويا بيتقتل و لما بيعترض بشوية بومب - صواريخ - نقول أمنع عنه البومب كمان ؟؟
يا نهار أسود على الدماغ ..
و أزاى شعب أعزل يحارب ترسانة حربية .. و الإحتلال عايزه شعب أعزل طول عمره و ده حق الإحتلال .. لكن أزاى العرب كمان يساعدوه الإحتلال على ده ؟؟
مش مصر بس ... كل الحكام العرب
سيذكرهم التاريخ بإنهم أسوأ من حكموا المسلمين و لن ينساهم ..

[y@sser]

ربنا يهديه
بمناسبة الحزب الوثني
المياه ارتفعت 30% بشكل مفاجيء الشهر الي فات
ذائد ان شركة الغز ماذالت لم توقف الغاز لاسرائيل رغم صدور حكم محكمة في الامر ورغم حدوث ازمة غاز داخل مصر (في منطقتي يصل الموضوع للقتال باليد من اجل انبوبة غاز )
بالاضافة لتمرير القرار المتخلف بضريبة العقارات
بالاضافة لتمرير قانون المرور المجحف علما بان سبب مشاكل المرور هو تهالك الطرق وليس طرق القياده
بصراحه الي ما يشوفش من الغربال يبقي تبع الحزب
حسبنا الله ونعم الوكيل

[ISSA_4D]

ربنا يهديه
بمناسبة الحزب الوثني
المياه ارتفعت 30% بشكل مفاجيء الشهر الي فات
ذائد ان شركة الغز ماذالت لم توقف الغاز لاسرائيل رغم صدور حكم محكمة في الامر ورغم حدوث ازمة غاز داخل مصر (في منطقتي يصل الموضوع للقتال باليد من اجل انبوبة غاز )
بالاضافة لتمرير القرار المتخلف بضريبة العقارات
بالاضافة لتمرير قانون المرور المجحف علما بان سبب مشاكل المرور هو تهالك الطرق وليس طرق القياده
بصراحه الي ما يشوفش من الغربال يبقي تبع الحزب
حسبنا الله ونعم الوكيل

عجبى على ثانى دولة فى عندها غاز طبيعى

[فلاشــــــــــاوي]

ذائد ان شركة الغز ماذالت لم توقف الغاز لاسرائيل رغم صدور حكم محكمة في الامر ورغم حدوث ازمة غاز داخل مصر

حبيبى النهاردة المحكمة العليا لغت القرار !! .. كل سنة وانت طيب .. دي أسرائيل يابا .. دي ماسكة علينا كلنا سيديهات واللي هيفتح بقه هتفضحه .. انا بقيت ادخا حمام بيتنا وانا خايف ليكون في كاميرات في الحمام !!

[xMustaphax]

معاك حق أخي الكريم إحنى هنا عندنا واحد من ألاف الأغنياء هو الوحيد إلي بدى من الصفر و لذلك فمشاريعه منصفة للشعب و ما فيها لا ربا و لا خمرة لكن الدولة خانقاه خنق و بيتهموه إنو عميل لدولة أجنبية لأنو عندو شعبية كبيرة
و أصحاب الكروش إلى بنسبهم فقط يمسكو أعلى المناصب و إن كانو مابيعرفوش النقطة فين من الباء والشباب بياكل ضرب لأنو إحتج على الرشوة و الواسطة

[يوسف فلسطين]

نفس الوضع لكن باختلاف الاسماء نلقاه في كل مكان من دويلاتنا المفسخه


دولنا اصبحت مزارع للحكومات والشعب له الفتات واللي بيفتح فمه بصير اما عميل او ارهابي
علما انو هم كبار العملاء والارهاب

[أنس أبو بكر]

كل عام وانتم بخير..... (الله يستر)