صفحة 1 من 2 12 أخيرأخير
النتائج المعروضة من 1 الى 20 من مجموع 27

موضوع: النائب العام يصدر قرارا بالإفراج عن أيمن نور لأسباب صحية ,وقد خرج اليوم

ردود: 27 | زيارات: 1820
  1. #1

    النائب العام يصدر قرارا بالإفراج عن أيمن نور لأسباب صحية ,وقد خرج اليوم


    اصدر المستشار عبد المجيد محمود النائب العام يوم الاربعاء قرارا بالافراج عن 10 متهمين فى قضايا مختلفة لاسباب صحية من بينهم ايمن نور رئيس حزب الغد السابق .
    وقال نور يوم الاربعاء بعد إذاعة نبأ الافراج عنه انه سيستمر في العمل بالسياسة من خلال حزب الغد الذي يتزعمه.
    وقال لرويترز في اتصال هاتفي "سأستمر في ممارسة دوري كسياسي من خلال حزب الغد ومن خلال دوري السابق."
    وحول اوضاع حزب الغد وما شهده من صراعات مؤخرا ، قال نور ان ما مر به الحزب فى الفترة الماضية من خلافات وصراعات ما هو الا حلقه من حلقات الحياة الحزبية فى مصر، مشيرا الى انه سيحاول فى الفترة القادمة تحسين الاوضاع داخل الحزب.
    من جانبها ، قالت زوجته جميلة اسماعيل انه يعتزم استئناف رئاسته لحزب الغد التي انتقلت الى أكثر من سياسي في الحزب بعد سجنه عام 2005.



    وقد أنهى نور كافة إجراءات الإفراج عنه من سجن "المزرعة " وتوجه إلى منزله الكائن بالزمالك .
    وقد رحبت الخارجية الأمريكية الأربعاء بإطلاق سراح أيمن نور .
    وقال المتحدث باسم الخارجية الأمريكية جوردون دوجيد إن الولايات المتحدة ترحب بالأنباء الواردة عن إطلاق سراح أيمن نور لأسباب صحية وتعتبر ذلك بمثابة خطوة إيجابية من جانب السلطات المصرية.
    من جانبه ، رحب إيهاب الخولى رئيس حزب الغد بقرار الإفراج الصحى عن أيمن نور ، مشيرا إلى أنه سيتوجه وأنصار نور إلى منزله للاحتفال بقرار الافراج عنه .
    وكان نور عضوا في مجلس الشعب لمدة عشر سنوات قبل سجنه.
    وكان أيمن نور قد تقدم بطلب إلى طبيب سجن المزرعة لتطبيق نص المادة 36 من قانون السجون التي تنص على انه لو تراءى لطبيب السجن وجود مشكلة صحية عند السجين فأنه يرفع طلبا لمدير مصلحة السجون من أجل تشكيل لجنة طبية تقف على حالته الصحية والطبية وتحديد العلاج الذي قد يكون بحاجة إليه .
    وكانت السلطات المصرية قد تجاهلت ضغوطا من واشنطن ومنظمات حقوق الإنسان للإفراج عن نور.
    يذكر ان أيمن نور رئيس حزب الغد السابق كان يقضى عقوبة السجن لمدة خمس سنوات فى قضية تزوير توكيلات حزب الغد الشهيرة .
    سبحان الله وبحمدة عدد خلقة ورضا نفسة وزنة عرشة ومداد كلماتة








  2. #2
    والله ما عارف الخبر دة يفرح ولا يبكى

    ايمن نور بقالة حوالى سنتين طالب انة يخرج من السجن لاسباب صحية
    وعمل كل المحاولات ومفيش فايدة

    بالامس فقط ترددت الانباء بان الرئيس طلب التوجة الى الولايات المتحدة
    للقاء اوباما وثارت صحف الولايات المتحدة على الرئيس مبارك
    وطلبوا من اوباما عدم زيارة مبارك للولايات المتحدة الا بشروط
    اولا: الافراج عن ايمن نور هههههههههههههههه
    ثانيا : وضع حد لتدخلات الشرطة وتعذيب المواطنين واهانتهم
    وبعض الشروط الاخرى
    وبالطبع كان الاهم بالنسبة لهم خروج ايمن نور
    واعلن نور ان قرار الافراج عنة كان مفاجئا


    ياة خرج ايمن نور بسهولة كدة فى ساعات
    والراجل بقالة حوالى سنتين وينقلوة المستشفى مرات عديدة
    ومش عارف يخرج

    لا حول ولا قوة الا بالله

    فى القريب العاجل
    اعلان مصر ولاية من الولايات الامريكية
    ويسمو عليها الديانة اليهودية

    انا لله وانا الية راجعون
    البقاء لله
    وعلية العوض
    سبحان الله وبحمدة عدد خلقة ورضا نفسة وزنة عرشة ومداد كلماتة







  3. #3
    عضو متميز
    صور رمزية doctor3d
    تاريخ التسجيل
    Feb 2008
    المنطقة
    أم الدنيا
    العمر
    35
    ردود
    3,629
    شفت اللقاء شكله بيتقرب من الاخوان قوي
    معرفش الراجل ده في دماغه ايه
    بس ذكي اوي ولماح وعنده لباقة وحسن تصرف
    بس متعرفش لو مسك ريس هيعمل فينا ايه ؟!
    متنسوش جمال عبد الناصر طلع على قفا الاخوان وبعدين حطهم في المعتقلات


    المشكلة ان الناس عايزة تغير الريس وخلاص ... كان زمان بنقول اللي عندنا احسن من غيره
    دلوقت بنقول اي حد غيره احسن منه !

    دي النظرية السائدة الان بعد ما الشعب جاب جاز !

  4. #4
    اقتباس الموضوع الأصلي كتب بواسطة doctor3d معاينة الرد
    شفت اللقاء شكله بيتقرب من الاخوان قوي
    معرفش الراجل ده في دماغه ايه
    بس ذكي اوي ولماح وعنده لباقة وحسن تصرف
    بس متعرفش لو مسك ريس هيعمل فينا ايه ؟!

    المشكلة ان الناس عايزة تغير الريس وخلاص ... كان زمان بنقول اللي عندنا احسن من غيره
    دلوقت بنقول اي حد غيره احسن منه !

    دي النظرية السائدة الان بعد ما الشعب جاب جاز !

    بالنسبة لتقربة من الاخوان دة بدا من قبل انتخابات الرئاسة السابقة
    والاخوان ساندوة جامد فى الانتخابات الرئاسية وعشان كدة بقى
    التانى بعد مبارك وحصل على اكثر من نص مليون صوت

    وعلى فكرة ممكن يكون نور حصل على اصوات اكتر بكتير
    لان اللى حصل فى الانتخابات الرئاسية كارثة بكل المقاييس

    فى اللجنة بتاعة الانتخاب يقولك اختار الرئيس مبارك
    وانت عارف سذاجة اهل البلد وهما كتير وخوف كمان
    بجانب ان فى ناس انتخبت لقرايبهم وهما مش موجودين
    كان فى واحد صاحبى بيقولى ان عمة راح ينتخب
    وفى اللجنة قالولة اختار مبارك وكل الناس اللى معاة
    وقالى اصل عمى غلبان فاختار مبارك
    قالة هوة فلان يبقى قريبك قالة اة ابن اخويا
    قالة طب انتخبلة وانتخبلة
    ههههههههههه

    بالنسبة لافكارة هية كويسة لحد كبير
    بس الاهم ان يفضل الدين هو الاهم
    ودة اللى بيعملة دلوقتى
    تعاون مع الاخوان واعتقد انة طمع منهم فى الحصول على سلطة او تعاون فيها
    بعد خروجة بين للناس انة كان مؤمن تقى داخل السجن
    بيصلى كل الصلوات والفجر حاضر وقيام الليل

    والله اعلم الامور اية اللى هيحصل فيها
    سبحان الله وبحمدة عدد خلقة ورضا نفسة وزنة عرشة ومداد كلماتة







  5. #5
    عضو متميز
    صور رمزية y@sser
    تاريخ التسجيل
    May 2003
    المنطقة
    جوانتانامو مصر
    ردود
    10,884
    المشكلة ان الناس عايزة تغير الريس وخلاص ... كان زمان بنقول اللي عندنا احسن من غيره
    دلوقت بنقول اي حد غيره احسن منه !
    للاسف يا هشام انا شخصيا حاليا علي قناعه بهذا
    بعد ما الناس كانت عايزه صلاح الدين
    دلوقتي الكل علي قناعه انه لا يمكن وجود من هو اسواء من الحزب الوطني عموما
    لانه حزب تربي علي تخريب البلد بدعوي الاصلاح
    وافقار الناس بدعو الخطه الخمسيه
    وظهور ضراب لا اعتقد انها ظهرت في العصر العثماني نفسه
    وعمل كل شيء والتفاني فيه الا الشيء الصحيح
    بصراحه حاليا لو انتخابات نزيهه بين مبارك وشعبان عبد الرحيم هانتخب شعبان
    ماهي خربانه خربانه
    طبعا بتمني ظهور نموزج ماقبل الفساد لكن اعتقد انهم عملو كل الي في وسعهم لانهاء وجود شخص لديه طموح لاصلاح هذا البلد المنكوب
    بلاد الكوارث
    حيث جميع الشعب وجلاديه يبحثون عن العقل والقلب والشجاعه المفقودين
    لكن للاسف لاوجود للساحر اوز
    وتنتهي القصه بفقد الحذاء الاحمر
    وتبقي اليس في بلاد الكوارث للابد

    مدونتي

  6. #6
    vfx artist
    تاريخ التسجيل
    Dec 2006
    المنطقة
    مـــــ أم ـــــــصــــــ الدنيا ــــــــــــر
    العمر
    31
    ردود
    2,041
    خربانه خربانه
    Minyawy Motion Graphic Designer
    Facebook

  7. #7
    عضو متميز
    صور رمزية فلاشــــــــــاوي
    تاريخ التسجيل
    Jan 2006
    المنطقة
    مـــــصــــــر
    العمر
    33
    ردود
    3,802
    بالامس فقط ترددت الانباء بان الرئيس طلب التوجة الى الولايات المتحدة
    للقاء اوباما وثارت صحف الولايات المتحدة على الرئيس مبارك
    وطلبوا من اوباما عدم زيارة مبارك للولايات المتحدة الا بشروط
    اولا: الافراج عن ايمن نور هههههههههههههههه
    هو ده بالظبط اللي حصل .... وأوباما هدد أنه هيرفض زيارته علنا وهيخلي فضيحته بجلاجل لو ما أستجبش لمطالبهم .. وبالمناسبة الطلب التاني هو أسقاط جميع التهم عن سعد الدين إبراهيم .. !!

    أمريكا هي اللي أفرجت عن أيمن نور .. لكن ده عندي أحسن ما مبارك هو اللي يفرج عنه .. مبارك هيموت وأمريكا ترجع تحبه زي زمان عشان يرضو انهم يغمضوا عنيهم عن مشروع التوريث .. اللي هو اساسا في مصلحة أمريكا لكن أمريكا بتستغله عشان تغطي على أفعالها .. يعني هي فعلا ضغطت عليه عشان يفرج عن أيمن نور لكن مصلحتها في ان جمال هو اللي يمسك الحكم .. لانه هيبقى كلب وفي زي أبوه بالظبط ..

    بس موضوع أيمن نور ده عشان تقول للعالم شوفوا أحنا بنعمل إيه عشان نحقق الديمقراطية .. يعني في حاجات بيعملوها كويسة بس النية من وراها أسود من السواد .. زي اللي حصل في السعودية مؤخرا من تغيير في أماكن وسلطات دينية حساسة جدا وأهمها ضم علماء من المذاهب الأخرى جنب المذهب الحنبلي .. هذا شيء جيد طبعا .. لكن هل أمريكا نيتها سليمة من وراء هذا .. أكيد لا ..

    أتمنى أن أيمن نور يكون ذكي وما يرميش نفسه في حضن الأمريكان عشان يساعدوه .. المصريين بيدوروا على أي حد بديل لمبارك .. فأتمنى أنه يستغل ده وينتمي للشعب قبل اي شيء تاني .. والشعب هو اللي هيحميه وهيديله الشرعية ولا هيحتاج أمريكا ولا غيرها .. ويبقى زي اردوجان في تركيا ونجاد في إيران .. جه بحكم الشعب فالشعب هو اللي بيحميهم مش عاوز يخلص منهم زي مبارك وصديقيه العزيزين ..!!

  8. #8
    عضو متميز
    صور رمزية doctor3d
    تاريخ التسجيل
    Feb 2008
    المنطقة
    أم الدنيا
    العمر
    35
    ردود
    3,629
    وافقار الناس بدعو الخطه الخمسيه
    وظهور ضراب لا اعتقد انها ظهرت في العصر العثماني نفسه
    وعمل كل شيء والتفاني فيه الا الشيء الصحيح
    بصراحه حاليا لو انتخابات نزيهه بين مبارك وشعبان عبد الرحيم هانتخب شعبان
    كلام بليغ قوي بيعبر عن اللي جوة كل مواطن مصري


    المشكلة ايمن نور هو مين ؟

    بيقولوا حرامي برده ... يعني ايه الفرق ؟ نطلع من نقره لدحديره
    انا اعرف ناس انتخبت حسني مبارك بالمناسبة لسبب واحد "اللي تعرفه احسن من اللي متعرفوش" قالوا ننتخب ابو طربوش الاهبل ولا ايمن نور المشكوك فيه ؟!
    وللاسف ده كان مبدأي اياميها ....اللي تعرفه احسن !

    لو ايمن نور زي ما بيتكلم كده عن الليبرالية والديموقراطية انا اكون في حزبه لكن كله بيبيع علينا كلام !
    وافلح ان صدق

  9. #9
    عضو متميز
    صور رمزية ehabrashad
    تاريخ التسجيل
    May 2005
    المنطقة
    مصر
    ردود
    2,414
    اقتباس الموضوع الأصلي كتب بواسطة فلاشــــــــــاوي معاينة الرد
    أتمنى أن أيمن نور يكون ذكي وما يرميش نفسه في حضن الأمريكان عشان يساعدوه .. المصريين بيدوروا على أي حد بديل لمبارك .. فأتمنى أنه يستغل ده وينتمي للشعب قبل اي شيء تاني .. والشعب هو اللي هيحميه وهيديله الشرعية ولا هيحتاج أمريكا ولا غيرها .. ويبقى زي اردوجان في تركيا ونجاد في إيران .. جه بحكم الشعب فالشعب هو اللي بيحميهم مش عاوز يخلص منهم زي مبارك وصديقيه العزيزين ..!!

    الشعب هيحميه من مين
    كان الشعب حماف قبل كده أو حتى الشعب قادر يحمي نفسه

    أيمن نور كان محيوس في صضية جنائية وخرج
    فما بالكم بمن يبرأه المحاكم المدنية ثلاثة مرات ثم يحال للمحاكم العسكرية لتحكم عليه بقرار جمهوري
    كل اناء بما فيه ينضح
    إذا جائتك الضربات من اليمين ومن اليسار فاعلم انك من أهل الوسط

  10. #10
    عضو متميز
    صور رمزية فلاشــــــــــاوي
    تاريخ التسجيل
    Jan 2006
    المنطقة
    مـــــصــــــر
    العمر
    33
    ردود
    3,802
    الشعب هيحميه من مين
    كان الشعب حماف قبل كده أو حتى الشعب قادر يحمي نفسه

    أيمن نور كان محيوس في صضية جنائية وخرج
    فما بالكم بمن يبرأه المحاكم المدنية ثلاثة مرات ثم يحال للمحاكم العسكرية لتحكم عليه بقرار جمهوري
    انا قصدي يحميه لو بقى رئيس بمساعدة الأمريكان .. يعني حتى لو الأمريكان وصلوه للحكم ... يستغلهم عشان يقضي على البلا اللي عندنا وبعدين ينفضلهم لانه هيوصل بالإنتخابات .. يعني يعمل زي كذا سياسي قبل كده أما أستغل أعداءه لمصلحته لغاية ما اتمكن .. مش عارف يمكن اكون غلط .. بس اي حاجة غير الزفت ده وخلاص

  11. #11
    عضو متميز
    صور رمزية mmnoor
    تاريخ التسجيل
    Nov 2007
    المنطقة
    ساكن فين ؟؟ انت مخبر ولا ايه ؟؟؟
    العمر
    31
    ردود
    6,588
    اقتباس الموضوع الأصلي كتب بواسطة فلاشــــــــــاوي معاينة الرد
    انا قصدي يحميه لو بقى رئيس بمساعدة الأمريكان .. يعني حتى لو الأمريكان وصلوه للحكم ... يستغلهم عشان يقضي على البلا اللي عندنا وبعدين ينفضلهم لانه هيوصل بالإنتخابات .. يعني يعمل زي كذا سياسي قبل كده أما أستغل أعداءه لمصلحته لغاية ما اتمكن .. مش عارف يمكن اكون غلط .. بس اي حاجة غير الزفت ده وخلاص
    أمريكا اتعلمت من صدام حسين وفي نفس الوقت أتعلمت أكتر من إسرائيل لما دبّست كلينتون مع مونيكا
    (وَإِذَا قِيلَ لَهُمُ اتَّبِعُوا مَا أَنزَلَ اللَّهُ قَالُوا بَلْ نَتَّبِعُ مَا وَجَدْنَا عَلَيْهِ آبَاءنَا أَوَلَوْ كَانَ الشَّيْطَانُ يَدْعُوهُمْ إِلَى عَذَابِ السَّعِيرِ) لقمان :21

    الرد على من قال بحل المعازف

    http://www.abumishari.com/

  12. #12
    عضو متميز
    صور رمزية فلاشــــــــــاوي
    تاريخ التسجيل
    Jan 2006
    المنطقة
    مـــــصــــــر
    العمر
    33
    ردود
    3,802
    الجلسة اللي اترفع فيها عنه الحصانة واللي اتسجن بعدها .. جلسة تاريخية ..


    الجزء الاول



    الجزء الثاني


  13. #13
    شاهدت الفيديو
    وفعلا الراجل مظلوم وظلم بين وواضح من الناحية القانونية
    وواضح انة تلفيق سياسى بالدرجة الاولى

    المفروض ان فى وقتها كان مشترطين لتاسيس حزب
    الحصول على 50 توكيل والان اصبح 1000
    المهم اية اللى بيحصل
    انا عشان اكون من ضمن ال50 المؤسسين او حتى فيما بعد
    من باقى الاعضاء يجب عمل توكيل باسم صاحب الحزب
    واوافق انى اكون من اعضاء الحزب
    يعنى مفيش اى تدخل نهائى من صاحب الحزب
    التوكيل اعملة واروح اسلمة للحزب او ابعتة بالبريد
    الراجل ذنبة اية اذا كان ناس زورت توكيلات وبعتتها
    وطبعا دى مش ناس دى الرئاسة والكل عارف
    وكمان ازاى كل حاجة فعلا بتم يو م الجمعة
    دى معجزة قانونية بكل المقاييس
    دة عشان نخلى الناس دى كلها توافق فى يوم واحد
    وياريتة يوم عادى دة يوم جمعة
    محتاجين وقت مش اقل من سنة
    قضية نور ضربت رقم قياسى رهيب من سنة ليوم
    دة لو كان جاسوس كان القرارات دى طلعت فى شهور

    ربنا يستر علينا
    وميلفقوش تهمة لينا
    سبحان الله وبحمدة عدد خلقة ورضا نفسة وزنة عرشة ومداد كلماتة







  14. #14
    Registered User
    تاريخ التسجيل
    Aug 2006
    المنطقة
    مصر
    العمر
    30
    ردود
    7,129
    طب و الحل يا أخوانا ؟؟
    أيمن نور ده كويس و لا أيه ؟؟
    أنا ملاحظ إن كلامه أتغير بعد خروجه من السجن ..

    بس فيه حاجة مهمة جدا

    شعب مصر العظيم هينتخب جمال مبارك ..
    و مش بالتزوير .. رسميا هينتخبوا جمال باشا مبارك
    و فعلا الأغلبية هتنتخب جمال مبارك ..

    عــــــــارفين ليه ؟؟
    لإن أغلبية البطرمان المصرى - مجلس الشغب - من الحزب الوطنى
    و الناس فعلا بتنتخب الحزب الوطنى ... لإن الصوت = 2 ك لحمة + 100 جنيه + كام فرح + كام جهاز لكام عروسة + شوية تجديدات فى الشوراع العامة " كل ده مش من جيب الناخب طبعا .. من جيب الشعب الغلبان و من الضرايب "
    المــــوضـــوع مــحــكــم بدهــاء جامد جدا و محتاج تخطيط ..
    لكن تعالى نفكر أزاى الناس ختنتخب واحد غير مرشح الحزب الوطنى ... و الحزب شغال مع الشعب على قدم و ساق
    كل يوم فيه ما لا يقل عن 10 أشخاص بيتضموا للحزب الوطنى ... أمناء الحزب دورهم الكبير هو ضم أكبر عدد من الناس للحزب الوطنى .. و من غير ما يكلفلك جنيه .. أنت عشان تعمل توكيل لحزب لازم تدفع تقريبا ما لا يقل عن 15 جنيه
    أعرف واحدة قديمة جدا فى الحزب .. تعمل على قدم وساق لضم النساء للحزب .. تقدم لهم خدمات و تضمهم للحزب
    طلبت منها خدمة و لكن طلبت منى بشكل غير مباشر الإنضمام للحزب و أيضا لو دخلت الإنتخابات تطلب أن أنتخبها .. قلتلها فى المريخ ..
    هتقول لمين بقه ينتخب ايمن نور ؟؟؟
    الحزب الوطنى معاه كل مقومات القوة من مال و سلطة و إعلام ...
    و أنت لا تملك سوى العلم و الثقافة و لكن فى شعب نسبة الأمية فيه 40 % .. يعنى مش بيفهم غير لغة 2 ك لحمة + 200 جنيه ...
    هتكلم مين ؟؟
    لكن فيه أمل ... فيه ناس كتير رغم أنها لا تقرأ و لا تكتب ..لكن بتفهم و أيضا يوجد دكاترة جامعيين بس مش بيفهموا ..


    بس عندى سؤال .... أيمن نور ده كويس ؟؟

  15. #15
    ايمن نور افكارة كويسة لحد ما
    والاخوان عايزين يساندوة عشان يحصلوا على السلطة
    واصلا فى علاقات ما بين الاخوان والولايات المتحدة
    محادثات غير مباشرة من كام يوم المتحدث باسم الخارجية
    الامريكية قال الكلام دة

    وفى نفس الوقت الاخوان ليهم قاعدة كبيرة من الشعب
    لكن
    الوطنى اكتر والمشكلة مش فى الناس بتوع الحزب بس
    ايام انتخابات الرئاسة اللى فاتت حصل الامر التالى
    واتكتم علية خوفا من الطرد من العمل
    ودة مثال ليس الا
    مصانع الانتاج الحربى ودى فيها عدد كبير من العاملين
    فى يوم الانتخابات احضرت وزارة الانتاج الحربى
    سيارات وذهبت بالعاملين للانتخابات ولازم كلة
    يختار مبارك
    وادوهم وجبة ومش فاكر ادوهم فلوس ولا لا
    والكلام دة انا جايبة من ناس شغالة فى مصانع
    الانتاج الحربى
    فلما يكون العاملين فى الحكومة وشوف عددهم كام مليون
    هينتخبوا الوطنى بالاكراة ما بالك باعضاء الحزب
    والناس البسطاء والناس اللى بوجبة و200 جنية
    تعمل الى انت عايزة

    واشراف القضاء زى قلتة وهوة القاضى عارف لو موافقش
    على سلطات الدولة هيبقى برة ويلفقولة قضية كمان
    ودة حصل ل2 قضاة وقتها اتكموا بصراحة

    الحكاية معقدة جدا
    وبالنسبة لينا مفيش اكتر من القضاة عشان يشرفوا
    على الانتخابات

    ومنقدرش نحكم على ايمن نور دلوقتى
    الايام اللى جاية هنشوف دماغة هيعمل اية

    بس لازم يكون فى حل للعاملين بالحكومة
    لازم يكون رايهم من نفسهم مش عارف حلها يبقى ازاى!
    سبحان الله وبحمدة عدد خلقة ورضا نفسة وزنة عرشة ومداد كلماتة







  16. #16
    عضو متميز
    تاريخ التسجيل
    Mar 2006
    المنطقة
    في المجهول ..!
    ردود
    1,955
    لم افهم !

  17. #17
    عضو متميز
    صور رمزية mmnoor
    تاريخ التسجيل
    Nov 2007
    المنطقة
    ساكن فين ؟؟ انت مخبر ولا ايه ؟؟؟
    العمر
    31
    ردود
    6,588
    اقتباس الموضوع الأصلي كتب بواسطة umar55 معاينة الرد
    لم افهم !
    شوف الفيديو وانت تعرف
    (وَإِذَا قِيلَ لَهُمُ اتَّبِعُوا مَا أَنزَلَ اللَّهُ قَالُوا بَلْ نَتَّبِعُ مَا وَجَدْنَا عَلَيْهِ آبَاءنَا أَوَلَوْ كَانَ الشَّيْطَانُ يَدْعُوهُمْ إِلَى عَذَابِ السَّعِيرِ) لقمان :21

    الرد على من قال بحل المعازف

    http://www.abumishari.com/

  18. #18
    Registered User
    تاريخ التسجيل
    Aug 2006
    المنطقة
    مصر
    العمر
    30
    ردود
    7,129
    مصانع الانتاج الحربى ودى فيها عدد كبير من العاملين
    فى يوم الانتخابات احضرت وزارة الانتاج الحربى
    سيارات وذهبت بالعاملين للانتخابات ولازم كلة
    يختار مبارك
    وادوهم وجبة ومش فاكر ادوهم فلوس ولا لا
    والكلام دة انا جايبة من ناس شغالة فى مصانع
    الانتاج الحربى
    فلما يكون العاملين فى الحكومة وشوف عددهم كام مليون
    هينتخبوا الوطنى بالاكراة ما بالك باعضاء الحزب
    والناس البسطاء والناس اللى بوجبة و200 جنية
    تعمل الى انت عايزة
    حدث للإدارة التعليمية و المدارس الموجودة فى مدينتنا نفس الموضوع ده بالظبط و أخذوه وجبات و بالعافية لازم ينتخب
    جمــــــــال حبيب الشعب الشعب
    غصبا عنا هننتخبوووووه
    هياخدها و بشكل قانونى جدا و بغالبية شعبية مظبوطة جدا جدا

    المشكلة فى نظرى هى الجهل السائد فى المجتمع المصرى ... هل تعلموا أن حملة منع التسرب فى التعليم بتاعة عمرو خالد أتمنعت فى مصر ؟؟
    طبعا أنا كنت مستغرب جدا من إعتراض الحكومة على مشروع كبير زى ده .. لكن إذا علم السبب ..بطل العجب
    البلد ديه حكومتها مش عايزاها تتعلم ..
    أنا فى أوسخ كلية فيكى يا مصر ... أنا فى كلية العلوم قسم فيزياء و رياضة .. حيث أحمد زويل و مصطفى السيد و على مصطفى مشرفة
    شوفتم أسبوع شباب الجامعة ؟؟؟
    المصاريف عندنا بقت 150 جنيه .. الأول كانت 54 جنيه .. بعد كده حطوا 25 جنيه و مش فاكر السبب و بعدها بسنة كمان بقت 105 قال أيه فيه 25 لإتحاد الطلبة .. إللى أحنا ما بنشوفش منه حاجة ..
    و بعد كده بقت ب 150 جنيه .. 50 جنيه لأسبوع فتيان و فتيات الجاماعات ..
    أهم مظهر لهذا الأسبوع هو تواجد جمال مبارك لمخاطبة الشباب ^_^ كل يوم بيتعاد على القناة الأولى فى برنامج حالة حمار

    صبــــــــــاح الخــيـــــــــر يا مــــــــــصـر

  19. #19
    عضو متميز
    صور رمزية mmnoor
    تاريخ التسجيل
    Nov 2007
    المنطقة
    ساكن فين ؟؟ انت مخبر ولا ايه ؟؟؟
    العمر
    31
    ردود
    6,588
    اقتباس الموضوع الأصلي كتب بواسطة الشريف أحمد معاينة الرد
    حدث للإدارة التعليمية و المدارس الموجودة فى مدينتنا نفس الموضوع ده بالظبط و أخذوه وجبات و بالعافية لازم ينتخب
    جمــــــــال حبيب الشعب الشعب
    غصبا عنا هننتخبوووووه
    هياخدها و بشكل قانونى جدا و بغالبية شعبية مظبوطة جدا جدا

    المشكلة فى نظرى هى الجهل السائد فى المجتمع المصرى ... هل تعلموا أن حملة منع التسرب فى التعليم بتاعة عمرو خالد أتمنعت فى مصر ؟؟
    طبعا أنا كنت مستغرب جدا من إعتراض الحكومة على مشروع كبير زى ده .. لكن إذا علم السبب ..بطل العجب
    البلد ديه حكومتها مش عايزاها تتعلم ..
    أنا فى أوسخ كلية فيكى يا مصر ... أنا فى كلية العلوم قسم فيزياء و رياضة .. حيث أحمد زويل و مصطفى السيد و على مصطفى مشرفة
    شوفتم أسبوع شباب الجامعة ؟؟؟
    المصاريف عندنا بقت 150 جنيه .. الأول كانت 54 جنيه .. بعد كده حطوا 25 جنيه و مش فاكر السبب و بعدها بسنة كمان بقت 105 قال أيه فيه 25 لإتحاد الطلبة .. إللى أحنا ما بنشوفش منه حاجة ..
    و بعد كده بقت ب 150 جنيه .. 50 جنيه لأسبوع فتيان و فتيات الجاماعات ..
    أهم مظهر لهذا الأسبوع هو تواجد جمال مبارك لمخاطبة الشباب ^_^ كل يوم بيتعاد على القناة الأولى فى برنامج حالة حمار

    صبــــــــــاح الخــيـــــــــر يا مــــــــــصـر
    بس عندنا في تجارة 150 أنشطة رياضية، مش عارف ليه، مع إني عمري ما جريت في الكلية ولو بالغلط، يمكن عشان كنت بحدف علب الكانز من بعيد في الزبالة؟؟ اتحسب علي نشاط رياضي
    (وَإِذَا قِيلَ لَهُمُ اتَّبِعُوا مَا أَنزَلَ اللَّهُ قَالُوا بَلْ نَتَّبِعُ مَا وَجَدْنَا عَلَيْهِ آبَاءنَا أَوَلَوْ كَانَ الشَّيْطَانُ يَدْعُوهُمْ إِلَى عَذَابِ السَّعِيرِ) لقمان :21

    الرد على من قال بحل المعازف

    http://www.abumishari.com/

  20. #20
    فى ناس كتير بتقول جمال كويس
    لكن ارائة واضحة جدا زى ابوة بالظبط
    مفيش فرق

    وحتى لو كان مخالف احنا فى دولة حكمها جمهورى
    وليس وراثى
    زمن محمد على والاسرة المالكة انتهى
    يارب الشعب يفوق بقى
    زى ما نكون فى ظلمة شديدة
    الناس بتخبط فى بعض
    ومحدش عارف هوة عايز اية
    بس دة خير
    والله خير
    عارفين لية
    لان الفرج بييجى فى اشد الكرب
    ولما تكون ضلمت اوى يبقى النور جاى
    والساعة الاشد ظلمة هى التى تسبق الفجر
    فادعو الله لعل الامر خير
    سبحان الله وبحمدة عدد خلقة ورضا نفسة وزنة عرشة ومداد كلماتة







Bookmarks

قوانين الموضوعات

  • لا يمكنك اضافة موضوع جديد
  • لا يمكنك اضافة ردود
  • لا يمكنك اضافة مرفقات
  • لا يمكنك تعديل مشاركاتك
  •  
  • كود BB مفعّل
  • رموز الحالة مفعّل
  • كود [IMG] مفعّل
  • [VIDEO] code is مفعّل
  • كود HTML معطل