موضوع: :: استفسار :: لمن لهم خبره فى دورة Yat فى تصميم مواقع الانترنت

ردود: 9 | زيارات: 1682
  1. #1

    Arrow :: استفسار :: لمن لهم خبره فى دورة Yat فى تصميم مواقع الانترنت

    السلام عليكم ورحمة الله وبركاتة
    اخوانى الاعزاء فى منتدى المنابر

    انا كنت عايز ابدء دورة yat فى تصميم مواقع الانترنت
    برامج فوتوشوب ودريم ويفر وفلاش مكس وسويتش مكس ..
    انا فاهم كويس فى الفوتوشوب
    بس عايز ابقى احسن وعايز كمان اتعلم الفلاش مكس والحركات الحلوه بتاعة الاكشن

    وقررت اني اخد الكورس فى yat
    هل حد منكم خدالدوره فى المركز ده او يعرف حد اخدها

    وهل هو مفيد وهيفيدني فى الشغل فى المستقبل ولا مش هيكون ليه لازمه
    وياريت ياجماعه بأسرع وقت عشان انا لو هبدء احتمال فى اليومين الجايين

    وخايف ادفع وكانى ما اخدتش حاجه واضيع وقت على الفاضى
    لأنى لسه متخرج السنه دي وعايز اشتغل فى حاجه كويسه
    انا حاولت انى افهم حاجه فى المايا بس لقيتها صعبه جداً وكمان غاليه اوى فى yat
    ياريت تقولولي اعمل ايه اجمع فلوس الدورة بتاعة الجرافيك واخدها فى يات وهبقى كويس ولا اخد دورة التصميم
    واسف اذا كنت طولت عليكم


  2. #2
    عضو متميز
    صور رمزية فلاشــــــــــاوي
    تاريخ التسجيل
    Jan 2006
    المنطقة
    مـــــصــــــر
    العمر
    33
    ردود
    3,802
    عندي وجهة نظر .. وهي ان المدرسين في المعاهد لو كانوا على مستوى عالي ومحترم لفضلوا أن يعملوا في السوق وأستغلال مهاراتهم في إنتاج شيء بمى يعرفونه وليس تدريسه .. فهذا سيعود عليهم بعائد مادي ومهاري أفضل من التدريس بمراحل .. لكنهم يعرفون مجموعة من المعلومات وأساسيات البرامج التي لا تسمح لهم بإنتاج أعمال ذات مستوى عالي فيفضلون تدريسها ..

    بالنسبة لدورة الويب التي تقول عليها ( فلاش ام اكس - دريم ويفر - سويش ماكس ) .. أنها مهزلة لعدة أسباب . وانا اعرف بعض الأشخاص الذين أخذوا هذه الدورة بالذات في مركز يات لانهم تقدموا عندنا في الشركة عندما كنا نطلب مصممين ويب وقمت بعمل إنترفيو لهم بنفسي ...

    1 - سيعلمك فلاش mx . .. هل تعرف ان هذا هو الأصدار السادس من فلاش !! .. وأننا الان عندنا فلاش سي اس 4 .. الا وهو الإصدار العاشر من فلاش !!

    2 - إذا كان سيعلمك فلاش .. لماذا تتعلم سويش ماكس بأي حال .. فلاش يغني عن سويش تماما .. اساسا سويش ماكس لم يصنع إلا لمن يريدون عمل أشياء بسيطة بالفلاش وبالتالي سويش ماكس أسهل لهم من تعلم فلاش بتعقيداته .. وسويش ماكس لا يتعدى واحد على 10 من إمكانيات فلاش .. وانا لا أتحدث عن التصميم هنا .. فمعظم المصممين ينهون التصميم في فوتوشوب قبل أن يحضروه للفلاش أو السويش ماكس . .. إذن الهدف هو مجرد إشغال الوقت في أشياء اخرى لانهاء مدة الدورة لان ما يعرفه المدرس في فلاش سينتهي بعد عدة حصص قليلة ..

    3 - لا يوجد شيء إسمه اتعلم دريم ويفر بدون ان تتعلم html & css مسبقا ... دريم ويفر مجرد أداة لكتابتهم مع كتابة بعض اللغات الاخرى مثل البي اتش بي والجافا سكريبت وغيرها ... فإن كنت لا تعرف هذه اللغات فدريم ويفر ليس له أي قيمة .. وعند سؤالي لمن أخذوا هذه الدورة في أساسيات الــسى أس أس .. قالوا لي ان المدرس ذكر لهم هذا الإسم في أحدى الحصص وقال لهم أنها أشياء متقدمة جدا قد لا تحتاجها الان .. يا حلاوة !!

    4 - هل تظن أنهم سيعلموك الأكشن سكريبت .. .. عزيزي المدرس اصلا لا يعرف إلا أساسيات أكشن سكريبت 1 ونحن الان في اكشن سكريبت 3 !! ... في الواقع سيذكرون لك الاكشن سكريبت في أخر حصة في الفلاش وسيعلمك بعض الأوامر البسيطة .. وانا أقول اوامر .. ولن يعلمك لغة .. سيعلمك بعض السطور التي لاتفهمها .. ويخبرك ضعها هنا أو هنا .. حافظ مش فاهم يعني !! .. الأكشن سكريبت وحده يحتاج 3 دورات لكي يستطيع أحدهم ان يدعي أنه يعرف اكشن سكريبت !

    5 - لا يوجد اي مكان في العالم يعطي دورة بعد انتهائها تكون قادر على الدخول لسوق العمل مباشرة إلى مدرسة تحريك إسمها أنيميشن مينتور .. مدة الدورة 12 شهر وتكاليفها تتخطى 80 الف جنيه مصري !! .. لذا أنسى موضوع ان الدورة ستجعلك قادر للدخول لسوق العمل .. لان المدرس الذي يدرس لك اصلا مهاراته لا تؤهله لسوق العمل !!

    لكن ... أن كنت ممن لا يجيدون تعليم أنفسهم بانفسهم من خلال الإنترنت والإسطوانات التعليمية - خاصة وان كنت ضعيف في اللغة الإنجليزية - فلا اظن أن أمامك الكثير من الإختيارات .. حاول ان تسأل عن أعمال المدرسين الذين سيدرسون لك الدورة .. فإن أعجبتك أعمالهم وكان هذا هو ما تريده .. خلاص خد الدورة .. وإذا رفضوا - وهذا ما سيحدث - ان يروك اعمالهم ... فــــ .... ربنا معاك بقى ! .. ممكن تاخد الدورة كبداية وتحاول تطور نفسك بنفسك بعدين من عالنت إذا كنت تقدر .. او انك تلاقي شركة تشتغل فيها بمرتب بسيط جدا بهدف التدريب على العمل لفترة 6 شهور مثلا .. وبعدها ربنا يسهل

    بالنسبة لمايا ... .. عاوز تتعلم مايا في يات !! ... أنا مش هرد .. أن هسيب الزمن هو اللي يرد عليك !!

  3. #3
    عضو نشيط
    صور رمزية KeShOo
    تاريخ التسجيل
    May 2008
    المنطقة
    مــصــر
    ردود
    516
    فلاشاوي ممكن اسألك سؤال بسيط
    حضرتك ذكرت نقط مهمة جدااا واشكرك عليها فعلا
    لاكن السؤال
    طب ازاي المدرسين مش اقويا فى البرامج دي
    انا هاتعلم منين
    لو انا عاوز اطور نفسي اطورها ازاي من النت والاسطوانت طب وبعدين انا عاوز انزل اتدرب مش لازم شغل
    مجرد تدريب من غير مقابل كمان
    حضرتك قلت بعد ما الواحد ياخد الكورس ده كمان مش مؤهل لسوق العمل طب اعمل ايه عشان جدير واكون كويس واشتغل شغلانة نضيفة
    حضرتك وصلت لمستواك ده ازاى
    للعلم انا كنت واخد كورس فى يات ( دبلومة الجرافيك ) هيه طبعا فادتنى بس مش زي ماكنت فاكر

  4. #4
    انا متشكر جداً على تعقيبك على اسئلتي بس كنت حابب اعرف
    يعني انا دلوقتى لو عايز ابقى كويس فى الفلاش ومحترف فى الفوتوشوب اعمل ايه؟؟
    انا مش قادر افهم من الدورات الموجوده على النت ومش لاقى اى حل للمشكلة دي
    فا ياريت حد يفيدني اعمل ايه عشان ابقى محترف فى الفلاش والفوتوشوب

  5. #5
    عضو متميز
    صور رمزية ALSOODY
    تاريخ التسجيل
    Aug 2007
    المنطقة
    السعودية-جدة
    العمر
    28
    ردود
    1,779
    فلاشاوي ردك رائع ..
    لكن ما رأيك ان تعمل دورات في بيتك او في مكان معين ..ستكسب إلى رأسك ..
    كن كالطير يحب العلو

  6. #6
    مشرف عام
    صور رمزية aktoom
    تاريخ التسجيل
    Dec 2005
    المنطقة
    بلاد العرب أوطاني
    العمر
    52
    ردود
    17,805
    صراحة ما ذكره الأستاذ علي ( فلاشاوي ) لا يزاد عليه ... كلام في الصميم

    إسمع أخي الكريم ... لا يدرس في هذه المعاهد ( غالبا ) إلا من تقطعت بهم السبل نتيجة لتدني مستواهم الفني ...

    أقصد هم أكاديميين لا محترفين

    مثال : أخذت دورة في الفلاش عقدتها المؤسسة التي أعمل بها وكان المحاضر هندي متمكن من البرنامج من ناحية أكاديمية .... يعرف القوائم والأدوات وووو ولكنه لا يعرف كيف يصنع عملا فنيا على فلاش ... وهو أيضا متخصص في دورات الفوتوشوب المبتدئة والمتقدمة لكنه لايقوى على عمل كرت فيزيت ....
    سبحان الله وبحمده .. سبحان الله العظيم

    لاريب أنّ الألم هو سائق انفعالاتي الفظّ ، وأنّ الأمل هو وسيلتي الدائمة لترويضه . لكن .. هل أكون بهذا قد لخّصت لك عملية الإبداع ؟

    FACEBOOK

  7. #7
    عضو متميز
    صور رمزية nVIDIA
    تاريخ التسجيل
    Sep 2008
    المنطقة
    Cairo
    العمر
    33
    ردود
    973
    اولا لو عايز تشتغل بسرعة يبقي سيبك من المايا او الثري دي بشكل عام لانك عشان تشتغل في مجال الثري دي علي الاقل علي الاقل هتقعد سنة تتعلم عشان تقدر تروح تتدرب في اي شركة (وهتطحن كمان في السنة دي)

    اما مجال الويب فلو انت كويس في الفوتوشوب واهم حاجة ذوقك حلو وتصميماتك جميلة ممكن تتعلم مع نفسك في البيت html اول حاجة وفيه كتب عربية جميلة جدا وبتشرحها كويس وسهلة وبسيطة ومتوفرة علي النت (وان شاء الله هتتعلمها خلال ايام)

    وبعد كده تحاول تجيب اسطوانات ليندا او توتال تريننج عن الفوتوشوب والفلاش والدريم ويفر واي اسطوانات خاصة بتصميم المواقع واشتغل منها وربنا يوفقك ان شاء الله

    علي فكرة انا ليا واحد صاحبي اخد الدورة بتاعة يات بتاعة تصميم المواقع كانت بالف ونص تقريبا وبصراحة وبكل اسف خرج منها زي ما دخلها وبدأ يتعلم بعد كده مع نفسه... بس للأمانة الكورس كان له فايدة معاه انه لما كان بيقدم ورقه في اي شركة كانو بيفضلو علي المبتدئين اللي زيه ومعهمش دورات (وده ناتج عن التخلف اللي في السوق)

    Autodesk
    MAYA

  8. #8
    عضو نشيط
    صور رمزية KeShOo
    تاريخ التسجيل
    May 2008
    المنطقة
    مــصــر
    ردود
    516
    اقتباس الموضوع الأصلي كتب بواسطة nvidia معاينة الرد

    علي فكرة انا ليا واحد صاحبي اخد الدورة بتاعة يات بتاعة تصميم المواقع كانت بالف ونص تقريبا وبصراحة وبكل اسف خرج منها زي ما دخلها وبدأ يتعلم بعد كده مع نفسه... بس للأمانة الكورس كان له فايدة معاه انه لما كان بيقدم ورقه في اي شركة كانو بيفضلو علي المبتدئين اللي زيه ومعهمش دورات (وده ناتج عن التخلف اللي في السوق)
    ده اللي انا بتكلم عنه للاسف مراكز التدريب عندنا اكاديمية قوي
    اعتقد الحل ان الواحد يتعلم بنفسه


  9. #9
    عضو متميز
    صور رمزية ALSOODY
    تاريخ التسجيل
    Aug 2007
    المنطقة
    السعودية-جدة
    العمر
    28
    ردود
    1,779
    نصيحتي لك خذ الشهادة واكسب البداية وبعد كذا طور نفسك بنفسك ..
    كن كالطير يحب العلو

Bookmarks

قوانين الموضوعات

  • لا يمكنك اضافة موضوع جديد
  • لا يمكنك اضافة ردود
  • لا يمكنك اضافة مرفقات
  • لا يمكنك تعديل مشاركاتك
  •  
  • كود BB مفعّل
  • رموز الحالة مفعّل
  • كود [IMG] مفعّل
  • [VIDEO] code is مفعّل
  • كود HTML معطل