صفحة 1 من 3 123 أخيرأخير
النتائج المعروضة من 1 الى 20 من مجموع 43

موضوع: عملية لدغة الكبرى : تجنيد الحسني !

ردود: 43 | زيارات: 3814
  1. #1
    عضو متميز
    صور رمزية فلاشــــــــــاوي
    تاريخ التسجيل
    Jan 2006
    المنطقة
    مـــــصــــــر
    العمر
    33
    ردود
    3,802

    عملية لدغة الكبرى : تجنيد الحسني !

    التاريخ : من عدة شهور مضت !
    المكان : المقر السري لمخابرات حي المايا في مدينة المنابر

    في القبو المظلم الذي لا يعرف شخصا في مدينة المنابر الكبرى أنه موجود غير 5 أفراد فقط ألا وهم أعضاء جهاز مخابرات حي المايا .. وللسخرية .. هذا القبو موجود في أحد شوارع الماكس الشهيرة تحت احد محلات الموديلينج التي تتظاهر ببراءة شديدة أنها للماكس ... أنه أخر مكان يمكن أن يشك أحدهم أن تتواجد فيه أخطر الجماعات على أهل الماكس على الإطلاق .. صاحب المحل هو أحد الأعضاء الخمسة في جهاز مخابرات المايا .. وهو يتظاهر بانه احد أهل الماكس ولكن الحقيقة انه أخطر الجواسيس المايويين التي أستغرق زرعها في وسط اهل الماكس حوالي الخمسة أشهر !! ..

    في وسط القبو تتمركز منضدة الإجتماعات وهي منضدة دائرية كبيرة .. يعلو منتصفها مصباح ضعيف الإضاءة يكاد يضيء منتصف المنضدة بصعوبة تاركا أطرافها غارقة في الظلام .. وهذا يجعلك لا تكاد ترى وجوه المجتمعين حول المنضدة .. .. على المنضدة وفي منتصفها بالظبط تجد كتابا ضخما مفتوح على ضفتيه .. وبجواره شمعة مضيئة تساعد على قرائته مع ضوء المصباح الواهن .. هل تعرفه؟ انه أهم كتاب لهذه الجماعة انه دستورها الذي تمشي عليه وتستقي منه الحكمة والموعظة .. انه كتاب "بروتوكلات حكماء المايا " !!

    بدأ الإجتماع في الثالثة فجرا بعد أن أطمئن أعضاء جهاز المخابرات ان جميع سكان حي الماكس إما ناموا او قاموا بتسجيل خروج !!

    يتكون الإجتماع من خمسة أفراد كما سبق وذكرنا .. وإليك اسمائهم وإن كانت هذه الأسماء ليست الحقيقية لان احدا لا يعرفهم على الإطلاق ...

    P@ssel : زعيم التنظيم .. باسل .. عمره 99 عام .. لحيته طويله بيضاء .. لكنه بعكس كل الحكماء كبيري السن .. عصبي جدا !!

    Neddal : الرجل الثاني في التنظيم .. يتميز بقدرته على كسب ثقة اي شخص .. حتى أعداءه !!

    maxawy : صاحب محل الموديلينج .. ماكساوي .. أحد أهم الجواسيس التي تم زرعها بين أهل الماكس

    The Unknown person - TUP: ألتحق بالتنظيم بالصدفة البحتة .. لقد وجدوه ملقى وسط القبو حينما فكروا في إستخدامه كمقر لهم فقرروا ان يشركوه في التنظيم ضمانا لسكوته بالرغم من انه لا يعرف اي شيء عن أي شيء على الإطلاق !!

    LabMan : رجل أعمال يمد التنظيم بالدعم المادي ويقوم بعمل الكثير من النشاطات ليس أقلها دعم بعض الجهات لعمل إسطوانات تعليمية جذابة بالعربية !!

    وبدأ الإجتماع .. بدأ بصمت رهيب .. قام اعضاء الجهاز فيها بتلاوة الصلوات السرية التي لا داعي لذكرها الان لما تحتويه من كم هائل من كلمات العنصرية البغيضة !!

    .. ثم كسر هذا الصمت .. صوت الزعيم ..

    p@ssel : بداية احب أشكر كل الحاضرين على شجاعتهم بالحضور دون الخوف من أن يتم كشفهم .. ما عدا انت يا TUP فنحن نعرف أنك تبيت هنا !!

    TUP : أااااااااا..
    P@ssel : أخرس !
    P@ssel : أجتماعنا اليوم خطير جدا .. انتوا عارفين أننا بنبذل مجهود كبير عشان نقوم بتحويل جميع أهل الماكس للمايا .. لكن كنا دايما بنحاول نعمل ده بأسلوب ناعم وبدون مصادمات منعا للفتنة .. لأنها مش في صالحنا حاليا نظر لأننا أقل عدد حتى الان ولو قامت الحرب فلن تكون في صالحنا على الإطلاق .. ويجب ان ننتظر حتى يكون عددنا أكثر منهم ثم نهجم عليهم ليلا في أكبر حركة ندالة سيشهدها تاريخ مدينة المنابر على الإطلاق .. لنشردهم ونطردهم من المدينة .. لقد أقسمت حين توليت رئاسة هذا التنظيم بأن أغير إسم الموقع لــ mayaForums.net ولن أموت قبل أن أحقق حلمي وأجلس على المقعد الكبير .. صبرا يا أبا بدر .. إن ما كنت أخد مكانك مبقاش انا .. نيااااهههااههههاااااااا ...


    TUP : لكن أبو بدر رجل طيب ويترك الجميع يتعلمون ما يريدون ولا يتعصب لاي برنامج على الأطلاق ..
    P@ssel : أخرس أنت .. متتكلمش .. نضال .. أحنا مش كنا أتفقنا أنك هتسمم الواد ده وتخلصنا منه ..!!
    Neddal: حصل يا فندم .. وبحطله دايما السم في الأكل لكن دايما بيأكل الأكل بتاعة لقطة من قطط القبو .. أنا سممت 32 قطة لغاية دلوقت يا فندم !!
    P@ssel : أمال هو عايش من غير أكل إزاي ؟
    Neddal: ده اللي بحاول أعرفه يا فندم !!.. عموما نرجع لموضوعنا .. حضرتك كنت بتقول أننا كنا دايما بنستخدم الإسلوب الناعم .. حضرتك نويت تغير الإسلوب الان ؟

    P@ssel : هههه .. برافو عليك يا نضال .. انت الوحيد اللي دايما بتفهمني من غير ما أتكلم .. أنا جامعكم عشان قررت نعمل عملية جريئة وخطيره ..
    maxawy : أوعى تكون قررت إنك تغتال أبو بدر دلوقت .. لو عرفوا اهل الماكس اننا اللي وراها هيقطعوني .. انا اللي عايش وسطيهم وانت مرتاحين في الدفا هناك في حي المايا .. حرااام عليكم ..

    LabMan : لا يا زعيم باسل .. بلاش العنف ده حاليا .. أنا أقدر أمول الناس إياهم يعملوا إسطوانة ريجينج بالعربي فتجذب ناس أكتر من الماكسويين .. عشان نزود عددنا شوية قبل العملية دي .. إستعدادا لو قامت حرب ..!!

    P@ssel: متخافوش .. مش هنغتال أبو بدر ولا حاجة .. على الأقل مش دلوقت !! .. أحنا هنعمل عملية يكون تأثيرها كبير لكن من غير دم .. هنجند أهم أعضاء الماكس وأشهرهم .. نياااهاههههاااههها ..

    Neddal : يا سلام على أفكارك النيرة يا زعيم .. طول عمري بقول انك مش زعيم من فراغ .. وده اللي بيخليني أأجل فكرة الإنقلاب عليك واصبر عليك .. اقول ما هو مسيره هيموت لوحدة هو هيعيش اكتر من 99 سنة يعني !!.. طبعا لو جندنا نجيب الفاتح هتبقى ضربة حاسمة قاصمة !!

    P@ssel : بتقول إيه يا نضال ؟
    Neddal : بقول نجند نجيب الفاتح
    P@ssel : لا قبل موضوع نجيب .. انت قلت حاجة عن أنقلاب ويموت لوحده وحاجات كده !!
    NEddal : لا محصلش ..
    P@ssel : طيب .. بعدين .. نتكلم في موضوع الإنقلاب عليا ده بعدين ! .. لكن بالنسبة لنجيب الفاتح .. خيبت ظني .. مينفعش نجيب الفاتح دلوقت .. صعب جدا ..

    Maxawy : أمال حضرتك بتقترح مين من كبار الماكس في الحي ؟؟
    P@ssel : يا أغبيا .. المفروض تعرفوا لوحدكم .. ماهو انتوا لو بتقروا كتاب "برتوكلات حكماء المايا" زي ما أمرتكم .. كنتوا عرفتوا لوحدكم .. أنتوا نسيتوا ان الكتاب بيشدد في الفقرة الثالثة من فصل "الفتنة أحلى من العسل " .. أن اهم شرط في الشخص المراد تحويله أن يكون عنده نقطة ضعف شديدة يتم إستغلالها ..

    باقي الأعضاء : أهاااااااااااااااااااا .. مين بقى ؟

    P@ssel : الحسني طبعا ... يا أغبيا .. !!
    باقي الأعضاء : أهااااااااااااااا ... ليه الحسني بقى ؟
    P@ssel : عشان عنده نقطة ضعف زي ما قلتلكم من شوية يا أغبيااااااااا
    باقي الأعضاء : أهاااااااااااا ... إيه هي نقطة الضعف بقى ؟
    P@ssel : الإنيميشن الكارتوني طبعا .. فكروني أسممكم كلكم بعد الإجتماع ده !!

    Neddal : يا سلام عليك يا زعيم .. فعلا هي دي الطريقة اللي هنغويه بيها .. لانه هو ده هدفه وطموحه والحاجة اللي بيتعلم عشانها .. أنت عبقري يا زعيم
    P@ssel : أنا عارف أني عبقري .. مش مستنيك انت تقولي !

    LabMan : وإيه هي أساليب الغواية ؟ ..
    P@ssel : إنت يا لاب مان هتدعم الجماعة إياهم يعملوا إسطوانات تعليمية شكلها يكون جامد في الريجينج والأنيميشن ويكون كلها ستايل كارتوني .. وأنت يا نضال .. عليك بالرسايل الخاصة والتودد ليه وتستخدم إسلوبك الناعم في انك تجذبه .. وانت يا مكساوي .. لما ييجي يسألك على أي حاجة تخص المودلينج قله مش موجوده وقله في زيها في محلات المودلينج بتاعة حي المايا وان ممكن يستفيد منها حتى لو للمايا وبالتالي نخليه يشوف البرنامج وهو شغال قدامه .. وقتها هيفكر كتيير .. وأنت يا TUP .. يا ريت المرة الجاية اللي نضال يعطيك فيها أكل تاكله انت وبلاش تديه للقطة .. خلينا نخلص بقى !!

    LabMan : علم وجاري التنفيذ
    Neddal : علم وجاري التنفيذ
    maxawy : علم وجاري التنفيذ
    TUP : أااااااااا.. !!

    P@ssel : إسم العملية هيكون لدغة الكوبرا !
    Neddal : ليه الإسم ده بالذات ؟؟
    P@ssel : مش عارف .. شكله حلو وغامض .. ومفيش جماعة سرية بتحترم نفسها متعملش عملية إسمها لدغة الكوبرا ..!!

    باقي الأعضاء : أهاااااااااااااااا

    P@ssel : تفرقوا الان ونجتمع بعد نجاح العملية .. ودعوني أذكركم باهم نصيحة في كتاب " بروتوكلات حكماء المايا " .. الصبر الصبر .. فلنفعل كل شيء بخسة ولكن بتأني وصبر شديد .. إنتهى الإجتماع ..

    وبعد عدة شهور من العمل بخسة وصبر ..

    http://www.maxforums.net/showthread.php?t=141788


    P@ssel : هنيئا لنا جميعا يا رفاق .. فلنحتفل بنجاحنا الباهر .. فاتحضر الشراب يا نضال حالا ..

    وجاء نضال بزجاجات الشراب المعتقة .. وصب السائل الأحمر الرقراق في الكأووس .. وجاء بالصينية لباقي الأعضاء ..أخذ كل منهم كأسه وقال الزعيم ..

    P@ssel : إيه ده ؟ .. أنت جايب 4 كأووس بس !
    Neddal : البقية في حياتك .. TUP تعييش انت يا ريص (س)
    P@ssel :أخيرا أكل الأكل المسموم ..
    Neddal : لا .. هو برضو خلى القطة تاكله .. بس هو لما جاع أكل القطة نفسها فمات .. !!
    P@ssel : نييياههههااااا ... ( ثم رفع الكأس على شفتيه وأخذ رشفة من السائل الأحمر ) ... يااااااااااه .. حلو قوي الكركديه ده يا نضال !!

    Neddal : شكرا يا ريص (س) .. دلوقتي بعد الحسني .. تفتكر جه دور نجيب الفاتح .. ؟؟
    P@ssel : لا.. لسه شوية .. مش قبل صديق الحسني العزيز ..!!
    Neddal : قصدك مين ؟؟
    P@ssel : عصام طبعا .. نياهههااهاهاهاااااا ... إنطلقوا !!


  2. #2
    مشرف منبر Maya
    صور رمزية omar 3d
    تاريخ التسجيل
    Aug 2008
    المنطقة
    فلسطين
    ردود
    2,160
    على فكرة انت كاتب قصص رهيب يا فلاشاوي ..

    انت عرفت الكلام هذا منين ..

    اكيد في بيننا جاسوس مكساوي ..
    مخابرات المايا مخترقة


  3. #3
    عضو متميز
    صور رمزية y@sser
    تاريخ التسجيل
    May 2003
    المنطقة
    جوانتانامو مصر
    ردود
    10,884
    عصام طبعا .. نياهههااهاهاهاااااا ... إنطلقوا !!
    عصام معانا يا ريس
    بلاد الكوارث
    حيث جميع الشعب وجلاديه يبحثون عن العقل والقلب والشجاعه المفقودين
    لكن للاسف لاوجود للساحر اوز
    وتنتهي القصه بفقد الحذاء الاحمر
    وتبقي اليس في بلاد الكوارث للابد

    مدونتي

  4. #4
    روووووووووووووووعة....

    تسلم ايدك اخي فلاشاوي...

  5. #5
    Design
    تاريخ التسجيل
    Aug 2008
    المنطقة
    Raincouver
    ردود
    1,475
    هههههه
    لكن بخصوص شبكة المحترفين هل ستغلق ؟
    ام ستحول مايا ؟

  6. #6
    عضو نشيط
    صور رمزية شاركيز
    تاريخ التسجيل
    Nov 2007
    المنطقة
    E.G.Y.P.T
    ردود
    495
    ههههههههههه
    مؤلف كبيراستاذ فلاشاوى
    عندما تولد يابن ادم يؤذن فى أذنك من من غير صلاة وعندما تموت يصلى عليك من غير أذان وكأن حياتك فى الدنيا ليست سوى الوقت الذى تقضيه بين الأذان والصلاة فلا تقضيهما فيهما لاينفع
    ---((الله ناظرى الله سامعى الله مطلع علي))---

  7. #7
    مشرف منبر Maya
    صور رمزية omar 3d
    تاريخ التسجيل
    Aug 2008
    المنطقة
    فلسطين
    ردود
    2,160
    اقتباس الموضوع الأصلي كتب بواسطة h.saif معاينة الرد
    هههههه
    لكن بخصوص شبكة المحترفين هل ستغلق ؟
    ام ستحول مايا ؟
    على حسب ما سمعت ستتحول إلى سوق للخضار
    و بالجملة

  8. #8
    هاهاهاهاهاها
    رائع اسلوب كوميديا سوداء رائع, فكر في ان تصبح كاتبا, ستنجح باذن الله

  9. #9
    عضو متميز
    صور رمزية al-nibras
    تاريخ التسجيل
    Aug 2006
    المنطقة
    الأندلس
    ردود
    2,322
    شو هالابداع يا فلاشاوي
    ذكرتني بقصص أدهم صبري رجل المستحيل
    كاتب متميز !

  10. #10
    Design
    تاريخ التسجيل
    Aug 2008
    المنطقة
    Raincouver
    ردود
    1,475
    اقتباس الموضوع الأصلي كتب بواسطة omar 3d معاينة الرد
    على حسب ما سمعت ستتحول إلى سوق للخضار
    و بالجملة
    ههههه
    قصدك مقر الشركة نيهاهاهاهها

  11. #11
    مشرف منبر Adobe Photoshop
    صور رمزية big-ah
    تاريخ التسجيل
    Mar 2005
    المنطقة
    أرض الله الواسعة
    ردود
    3,018
    خخخخخخخخ خطيييير انت تنفع ممثل كوميدي صراحة
    برافو عليك
    _____________________________________________________
    فأما الزبد فيذهب جفاء وأما ما ينفع الناس فيمكث في الأرض

  12. #12
    كاتب مبدع استاذ فلاشــــــــــاوي .

    ان شاء الله لدغات قويه قادمه لنستمتع بكتاباتك ..

    قصه ضريفه ورائعه ..

    سلامة عيونك من الشاشه

  13. #13
    عضو متميز
    صور رمزية فلاشــــــــــاوي
    تاريخ التسجيل
    Jan 2006
    المنطقة
    مـــــصــــــر
    العمر
    33
    ردود
    3,802
    اقتباس الموضوع الأصلي كتب بواسطة y@sser معاينة الرد
    عصام معانا يا ريس
    صورة معبرة جدا !! ... سكيبا !!

  14. #14
    Design
    تاريخ التسجيل
    Aug 2008
    المنطقة
    Raincouver
    ردود
    1,475
    بصراحة اقتراح وضع هذا الموضوع في الرئيسية
    ههههههههههه

  15. #15
    عضو متميز
    تاريخ التسجيل
    Mar 2007
    ردود
    1,664
    جامد جدا جدا بدون تعليق الصورة بتاعت ياسر جامدة مووووت

  16. #16
    خبير إقتصادى
    صور رمزية نور العمر
    تاريخ التسجيل
    Apr 2007
    المنطقة
    Egypt, zagazig
    العمر
    28
    ردود
    2,867
    هههههههههه تسلم ايديك يا فلاشاوى ...

    بس شكل أبو بدر هيتغدى بيكوا قبل ما تتعشوا بيه ..^_^

  17. #17
    ههههههههههههههههههههههههههههههه
    قصة رائعة اخي فلاشاوي
    جاءنا ما يلي من مصادر موثوقة بان نبيل الفالح لن ينتقل من X إلى Y إن شاء الله و انه قد يقوم بالتعاون مع شركة مصرية على غرار باردون باب في شكل رد مضاد.
    و بأن الكابتن الأستاذ مصطفى علاوي يحضر لمفاجآت سعيدة كذلك لإسعاد جمهوره العريض من جماعة الX
    هنيئاً لجماعة الY بالاخ الحسني و عليهم ان يكرموه حتى لا يفكر بالرجوع للX مرة اخرى .
    بعيداً عن هذا الموضوع فإنني أحس بالسعادة بأن المنابر قد بدات تحقق أهدافها و صار الناس يميزون ماذا يريدون من البرامج و يبحثون عن ماهو الانسب لهم و ليس ان يرضوا بما هو موجود أمامهم فقط. و اكيد ان الذهب لا يصدأ و لكن قد يجهل الناس قيمته.
    و كما قيل لا حياة مع Alias و لا Alias مع الحياة
    شعارنا :
    Taking you to the MAX
    * لا يغضب مني احد بسبب تحريف الأسماء
    بالتوفيق
    مدونتي
    http://www.alkhalil.net

    اتقوا النار و لو بشق تمرة

    _______________________

    Taking you to the MAX

    _______________________





  18. #18
    عضو متميز
    صور رمزية y@sser
    تاريخ التسجيل
    May 2003
    المنطقة
    جوانتانامو مصر
    ردود
    10,884
    و كما قيل لا حياة مع alias و لا alias مع الحياة
    فعلا اخي نجيب
    لا حياة مع الماكس ولا ماكس مع الحياه
    بلاد الكوارث
    حيث جميع الشعب وجلاديه يبحثون عن العقل والقلب والشجاعه المفقودين
    لكن للاسف لاوجود للساحر اوز
    وتنتهي القصه بفقد الحذاء الاحمر
    وتبقي اليس في بلاد الكوارث للابد

    مدونتي

  19. #19
    السيناريو جامد جدا جدا
    يا اخي ابعت سيناريوهاتك للمجلات ويا ريت حاجة لمجلات الاطفال ... العيال قربوا يصابوا بالبلاهة من اللي بيقروة ... والرسامين يا حرام ساعات مش بيقدروا يكملوا قراية السيناريو قبل التنفيذ

  20. #20
    قصة رائعة واسلوب مميز أخي فلاشاوي

    هناك أنباء من مصادر موثوقة لكن لا أستطيع التصريح بها في الوقت الحالي إلا عند قرب صدور الجزء الثاني من القصة

Bookmarks

قوانين الموضوعات

  • لا يمكنك اضافة موضوع جديد
  • لا يمكنك اضافة ردود
  • لا يمكنك اضافة مرفقات
  • لا يمكنك تعديل مشاركاتك
  •  
  • كود BB مفعّل
  • رموز الحالة مفعّل
  • كود [IMG] مفعّل
  • [VIDEO] code is مفعّل
  • كود HTML معطل