طبعا لسة الاكساء مكملش لكن حبيت اتابع معاكو علشان واجهتنى تساؤلات محتاجة حد يساعدنى
انا عايزة اعرف خاصية AO فى الرندر الافتراضى اللى بعمل بيه الاخراج طبعا انا مبعملش بمصير خارجى
اللى هى Ambient Occl
دى لما بغير خانة الـ Maxmun Sample
بيعملى تغيير على الاخراج
مرة يطلع الظل مشوش ... مرة يطلع الظل نقى
ولما الغى الخاصية كلها يطلع العمل انقى لكن اقل واقعية
انا طلبى دلوقتى لو حد عارف الامر دا كويس وكل اعداداته وايه تأثير كل اعداد فيهم على التصميم يا ريت يعرفنا علشان نعمل اخراج واحنا فاهمين بنعمل دى ليه وهتأثر ازاى على التصميم
لازم احنا اللى نقرر هنختار ايه وايه اللى مناسب للعمل ... وعلشان دا يتم لازم نبقى عارفين كل امر وكل اعداداته ايه فايدتها وايه تأثيرها على العمل علشان تقدر نحدد اللى يناسبنا فى كل عمل
مش كدا ولا ايه ^^
دى صورة مفعلة فيها خاصية الـ AO
وعندى سؤال كمان ... التكسير دا اللى ظهر فى الخط او النتوء الطويل على جانب الكاميرا .. ايه سببه وايه وسيلة تفاديه ؟؟؟
معلش يا ججماعة انا اسفة بتقل عليكم فى الاسئلة .. لكن انا التصميم البسيط دا رغم انه ميستاهلش ورشة انا فتحت بيه ورشة مش بغرض عرض تصميم وانما بغرض اتعلم لأنى فى كتير اوى اجهله فى البرنامج وعايزة اتعلمه <_>
النمذجة الممتازة دي لازم الواحد يقف لها احتراماً ... بالنسبة لل AO هحاول اشرحلك المبداء اللي على اساسه احنا بنستخدمه..
AO اصلا بالعربي كدة هي طريقة لمحاكاة نظام الاضاءة الحقيقية ايا كان مصدرها... هاتقوليلي اضاءة؟!!!!! بس دة بيسبب تشويش ( زي الظل كدة)؟! .. اقوللك أيوة .. مظبوط ..Ao بيشوف فين مصدر الضوء و يحلله و يسقطه على الاجسام و يبتدي ينتج هو ظلال على شكل (نويز) ال Maximum samples مسؤلة عن تخفيفها او تتقيلها ( زي فكرة الريسوليوشن كدة) ... هاتقوليلي اضاءة ايه و بتاع ايه اذا كان انا اصلا مش حاطة اضاءة !!.. هقولليك : لاء في اضاءة ... الاضاءة الافتراضية للسينما اللي اسمها auto light ... مممممممممم يعني لو لغيناها و رندرنا ...شاشة سوداء على طول .. يعني كان فيه اضاءة..
يعني بياخد الضوء يسقطه على الاجسام و ينتج ظل كل جسم على الاخر حسب العلاقة بين الاجسام ( متقاطعين .. جنب بعض .. فوق بعض .. بعيد عن بعض ) و هكذا...
طيب .. Dispersion دا بيعمل ايه؟.. اقوللك دي النسبة اللي بيعمل بيها الظل بعد تحليل جميع الاضاءات اللي في العمل
Max ray lenth .. دا عشان تحددي بيه المدي الاقصى لانتشار الظل ( النويز ) للاجسام على بعضها
طيب ال color دا بيحدد لون ال (نويز) مثلا .. عندي اسطوانة بني غامق و مكعب بني فتح شوية محطوطين على ارضية بيج
النويز هايكون شكلها وحش لو كان اللون اللي مختارينه ليه اسود .. بس تخيلي كدة لو اللون كان الدرجة الاغمق من البني بتاع الاسطوانة.. انظرى الشكل المرفق
و تخيلي بقى لو دخلنا في الخامات و ما تعكسه من الوان على بعضها البعض ... اترك ليكي التجربة
عشان تفهمي كل أمر بيعمل ايه .. لازم تجربيه لوحده... بمعنى .. max ray depth gلوحده .. و ال max ray lenth لوحده ... و بعد كدة ابدل .. اترك امر مفعل و اغير في قيم الامر التاني .. و اثبت قيم الامر الثاني و اغير في الامر الاولاني .. ممكن كثرة تفعيل الاوامر مع بعض .. يلغوا تاثير بعض .. فلازم اعرف مين بيشتغل مع مين بعلاقة طردية و مين بعلاقة عكسية..
و لو انت بتنزلي اضاءة و بتفعلي ال gi الغي ال auto light
اختي سها انا ما باخرجش خالص بال ao لذلك ليس لي خبره فيه ولكن بالنسبه للسؤال الثاني فانا اعتقد انك تسيبيه لانه مش ماثر ابدا على التصميم ....وحاولي تخرجي اعمالك بال gi احسن من ال ao .......ومنتظرك في الاخراج
الأخت سها .
النمذجة رائعة جدا ..
بالنسبة للـ Maximum samples في الـ Area Shadow
خليها من 300 إلى 500 وهيطلع الظل بإذن الله ناعم جدا ورائع ..
وأخونا m_shaheen كفى ووفا في الشرح
الأخت سها .
النمذجة رائعة جدا ..
بالنسبة للـ maximum samples في الـ area shadow
خليها من 300 إلى 500 وهيطلع الظل بإذن الله ناعم جدا ورائع ..
وأخونا m_shaheen كفى ووفا في الشرح
متشكرة اوى انا فعلا جربتها وجابت نتيجة ناعمة وجميلة ... بجد متشكرة اوى لكل اللى افادنا بمعلومة ^_^
اولا تم صنع الخامات على الفوتوشوب .. جزاه الله خيرا اخونا نادر عملى شوية خامات على الفوتوشوب وكملت عليهم ^^
طبعا علشان اتحكم فى الخامات تحكم كامل كنت بضع الخامة على لوحة (بلان) وبعدين احط البلان على جسم الكاميرا
كنت بركب الخامة عن طريق الفا .. واقفل اى خاصية تانية فى الخامات وافعل الفا فقط
علشان الخامة تطلع شفافة إلا من الكتابة هى اللى تظهر بس
وبعدين عملت كدا فعلا وكانت بتدى النتيجة اللى عايزاها قبل ما اعمل الرندر .. لكن بعد عمل الرندر الخامة مبتطلعش شفافة ولا حاجة كانت بتطلع رمادى غامق .. يعنى الخامة رمادى والكتابة عليها بالاسود .. وكان المفروض الخامة شفافة والكتابة السودا هى اللى ظاهرة بس من الخامة ...
فاضطريت اركب الخامات على بلان من قسم كلور ودا طبعا عيبها كبير اوى وهتشوفوا العيب فى الصورة
ايه الحل او ايه ممكن يكون سبب المشكلة دى ؟؟؟
مشكلة كمان ظهرت معايا وهو عدم القدرة على التحكم فى الخامة من اداة التحكم فى الخامة من الادوات
مقصدش اعدادات الخامات وخصائصها .. لأ .. اقصد اداة التحكم فى الخامة الموجودة على يسار البرنامج مع ادوات التحكم فى الاجسام والاوجه .. الاداة اللى شكلها مربعات دى ههههه
هل ليها شروط علشان اقدر اتحكم بيها فى الخامة ... انا كنت بختار الاداة دى واحرك .. الخامة مبتتحركش
ادور .. الخامة مبتتدورش
انا هتجنن >_<
الحاجة التالتة .. ازاى اعمل الانعكاسات الجميلة دى اللى على مقدمة الكاميرا (الجزء الاسود .. العدسة ) اللى موجودة فى الصورة الاصلية .. اعملها ازاى ..؟ بخامة هيدرى .. حاولت مجبتش نتيجة كويسة
طيب اعملها ببيئة ..؟ طب ازاى ..؟؟؟ مش عارفة حاسة ان الجزء دا تاعبنى اوى <_>
اى سؤال مش واضح فى اسئلتى يا ريت تقلولى علشان اعيد صياغته وبالصور علشان تفهمونى اكتر ^^
وتاني سؤال سهل هنحط بيئه مناسبه وايضا صور هيدري عشان تعمل انعكاسات مضبوطه بس دي بدري عليها ولازم تعملي استديو ايضا بس لازم يكون مفتوح من فوق ومن قدام العدسه
تعليق