صفحة 1 من 2 12 أخيرأخير
النتائج المعروضة من 1 الى 20 من مجموع 36

موضوع: بحبك يا إيجيبت

ردود: 36 | زيارات: 2218
  1. #1
    يوسف التلباني
    عضو لجنة تحكيم

    صور رمزية maxspider
    تاريخ التسجيل
    May 2004
    المنطقة
    <<<<EGYPT>>>>
    العمر
    32
    ردود
    5,585

    بحبك يا إيجيبت

    بحبك يا إيجيبت ... أيوه فعلا بحبها

    بحب فيها نيلها ونيلتها وأرضها

    وهواها و قصبها وفولها وفلّها

    وأحب فيها شعبها

    بالطيبة والغيبة ... والنهب في أرضها

    -----------------

    بحبها؟ ... ده سؤال برضه يتقالي أو يتقالها ؟

    ده أنا دايب في هوى هواها

    وعايش عمري كله – إلا شوية – معاها

    وصابر على قسوتها ومرها

    وراضي بأكلها وطفحها

    -----------------

    أيوه فعلا بحبها ... من نخاشيش قلبي بقولها

    بحبها ... وبحب فيها شمسها

    وبحب سكانها ... ومواصلاتها .. والأقسام في كل شبر من أرضها

    بحب المعاون

    واللوا

    والأمين والعسكري

    والراجل المفتري

    والسواق البلطجي

    اللي بيلوث جوها

    -----------------

    بحبها رغم المختلس والمرتشي

    والكداب والعربجي

    وغصب عن كل حرامي

    نازل نهب في عرضها

    -----------------

    لو في يوم أهمسلها

    دانا أكتب شعر في حبها

    وأطلع قلبي

    وأعصره

    وبدمه

    أكتب سطور تهزها

    أصرخ وأزلزلها

    أبكي وأشكيلها

    ومن بين دموعي

    أسألها

    ليه بترمي ولادها

    ليه بتدمر بيتها

    ليه بتبوظ حالها ؟

    -----------------

    ترد من بين حسرتها

    وألمها وفجعتها :

    منه له

    اللي خربني

    واللي نهبني

    وساب ولادي

    يلعنوا قرابتي

    -----------------

    مطيت شفايفي

    هزت كتافي

    عيطت دم

    لطمت راسي

    واديتها ظهري

    ومشيتها حافي

    -----------------

    وفي النهاية

    وأنا على سلم الطيارة

    بقولها

    سوري ... مضطر أهرب من حبها

    عشان مبقاش في مكان لحبايبها

    على أرضها






  2. #2
    عضو متميز
    صور رمزية A.yousf
    تاريخ التسجيل
    May 2004
    ردود
    3,301
    هههههههههههههههههههههه
    تعبير رائع يا يوسف بقالك فترة مبتجيش بالحاجات الحلوة ده
    www.DEEPEFFECTS.COM

    أخوكم عبد الرحمن يوسف

  3. #3
    عضو متميز
    صور رمزية فلاشــــــــــاوي
    تاريخ التسجيل
    Jan 2006
    المنطقة
    مـــــصــــــر
    العمر
    33
    ردود
    3,802
    غريب جد من 80 مليون مواطن أن يتركوا مجموعة من الأفاقين عددهم لا يزيد عن خمسين ألف من كلاب السلطة والحكومة ورجال الأعمال وفاسدي الفن والخلاعة يسيطرون على البلد وهم صامتون .. في الواقع ليسوا صامتين بل يتكلمون ليل نهار عن أن البلد ظلمتهم وبهدلتهم ..

    وكل شخص يدعي انه أعطى البلد الكثيييير وهي لم تعطيه اي شيء .. !! .. ولو كانوا اعطوها اي شيء ما أصبح هذا الحال ..

    يقول الاخ .. البلد دي ما تستهلنيش .. أنا هسيبها وأمشي ..

    طيب حضرتك عملت إيه للبلد ..

    - هل أضربت يوم ما أعلنوا يوم 6 أبريل إضراب عام محاولة للخلاص من الحكومة ؟
    - لا .. ما كل الناس مش هتضرب ولا حاجة إشمعنى أنا .. يعني هو الإضراب كان هيعمل إيه

    - طب هل حضرتك يوم لقيت واحد بيرمي زبالة في الشارع رحت كلمته بالادب او حاولت تشيل بنفسك الزبالة عشان تكسفه يمكن يحس ؟
    - لا .. وانا مالي بزبالته

    - طب حضرتك اما شفت مشكلة عندك في الحي .. كلفت نفسك بانك تبعت شكوى للمسؤلين .. حتى لو مش هيستجيبوا على الاقل يعرفوا ان الناس صاحية ولسه ما نامتش عشان ما يعربدوش ويفسدوا أكتر ؟
    - لا .. وهي كانت شكوتي يعني اللي هتغير

    - طب حضرتك .. أما لقيت التعليم في الكلية بتاعتك بايظ .. حاولت تتعلم مع نفسك صح وتفيد نفسك وغيرك .. ولا مجرد إستسلمت للواقع .. ؟
    - هو انا يعني اللي هغير الكون !

    - طب حضرتك عملت اي حاجة غير أنك قاعد تشتم في البلد ليل نهار ؟
    - مش فاكر .. انا اتخرجت من الكلية على الأقل !

    اتخرجت من الكلية .. يا راجل هو ده اللي عملته ومستني البلد تكافئك على جهودك الجبارة دي اللي غيرت التاريخ ..

    طب تسمحلي أقولك حاجة ... سافر وسيب البلد .. وياريت ما نشوفش وشك هنا تاني مش ناقصة قرف !!

    ( الكلام مش ليك يا يوسف طبعا )

  4. #4
    عضو متميز
    صور رمزية y@sser
    تاريخ التسجيل
    May 2003
    المنطقة
    جوانتانامو مصر
    ردود
    10,884
    اول رد اقراه لك يا فلاشاوي غير مقنع في هذه النقطه
    بلاد الكوارث
    حيث جميع الشعب وجلاديه يبحثون عن العقل والقلب والشجاعه المفقودين
    لكن للاسف لاوجود للساحر اوز
    وتنتهي القصه بفقد الحذاء الاحمر
    وتبقي اليس في بلاد الكوارث للابد

    مدونتي

  5. #5
    عضو متميز
    صور رمزية فلاشــــــــــاوي
    تاريخ التسجيل
    Jan 2006
    المنطقة
    مـــــصــــــر
    العمر
    33
    ردود
    3,802
    اول رد اقراه لك يا فلاشاوي غير مقنع في هذه النقطه
    لا يفسد للود قضية يا ريس .. بس خلينا نوضح أكتر عشان الإختلاف ميكونش سببه سوء الفهم ..

    أنا مش ضد السفر عامة .. بالعكس .. أنا نفسي اسافر بس مش كرها في البلد .. بس عشان اكتسب خبرة أكتر واستفيد أكتر في كذا حاجة .. منها الإستفادة المادية طبعا .. بس في النهاية هرجع بلدي أحاول أفيدها بأي شيء
    وبرضو انا مش ضد اللي عاوز ينفع نفسه وبس من غير ما ينفع البلد .. مفيش مانع .. اهم حاجة متضرش البلد .. لكن معظم نفسية الناس اللي بتسافر دي بتسافر عشان الفلوس فقط - برضو معنديش مانع - لكن المشكلة أنه بعد ما يعمل شيوة فلوس يرجع للبد اللي كان بيشتمها يبهدلها أكتر .. إزاي؟ .. اقولك إزاي

    الباشا عمله قرشين .. رجع مصر .. واصر على أنه يسكن في القاهرة وسط الزحمة - يمكن عشان يبقى عنده عذر ان يستمر يشتم البلد كل يوم - إشترى شقة بمبلغ كبيير رغم ان نفس المبلغ كان ممكن يشتريله فيلا او عمارة في مكان بعيد عن القاهرة يكو اهدى واقل زحمة .. لكن إزاي .. الباشا لازم يعيش في القاهرة وسط المولات الكبيرة والسينمات وقريب من الكورنيش ..

    إيه اللي عمله الباشا غير أن رفع اسعار العقارات لانه راجع ومعاه فلوس وغيره في مصر معهوش نفس المبلغ .. وطبعا البلد اللي كان فيها مفيهاش اي نوع من الخبرة ينقله للبلد .. مفيهاش غير الفلوس .. يرجع يشتم في الشوارع الضيقة .. اللي هو رغم انه عارف إنها ضيقة إلا إنه أصر يشتري عربية ضخمة عشان المنظرة !!

    الغريب يا ياسر ..ان مصر من اول التاريخ وهي في معظم الأحيان قوة عظمى .. ايام الفراعنة .. او في العصر الإسلامي .. حتى في اخر مية سنة وهي تحت إحتلال ورا إحتلال كان حالها كويس وأفضل .. مصر اتغيرت خلال اخر 30 سنة .. في الواقع مش مصر اللي اتغيرت .. المصريين هم اللي اتغيروا كتير ..

    معنديش شك إن اخلاق المصريين ساءت فعلا خلال الــ 30 سنة الأخيرة .. بفعل ضغوط كتيرة .. الناس معذورة في حاجات كتير .. لكن في النهاية .. أحنا اللي اتغيرنا ..

    مصر وهي تحت الإحتلال الإنجليزي .. كانت بتأكل انجلترا .. وشعبها كان عايش في وفرة من العيش .. وتحت الإحتلال العثماني .. مع كل النهب اللي حصل من مصر لصالح تركيا .. مصر كانت قوة برضو ..

    أحنا اللي اتغيرنا للأسوأ يا ياسر .. وكل واحد عامل نفسه الديك بارم ديله اللي ادى البلد كتيير والبلد الظالمة يا حرام مدتوش حاجة ..

    وزي ما قولتلك .. أنا مش ضد السفر كمبدأ .. بالعكس .. انا في مصريين كتير نفسي يسافروا ببلاد إياها وميرجعوش تاني .. وناس تانية نفسي تسافر وتستفيد وترجع ..

    انا أتعرض عليا شغل في بلد عربية شكيكة بمرتب يقارب 12 الف جنيه مصري .. وانت عارف ان ده مرتب كبير لشاب عنده 24 سنة هنا في مصر .. ومع ذلك رفضت .. لان مش ده نوع السفر اللي بدور عليه

    مصر عاملة زي ست بتولد .. شكلها بيبقى منهك وتعبان .. وتحس كأنها بتموت .. لكن هي فترة الولادة والمخاض .. وبعدها بترجع لصحتها لمولودها وتعيش احلى إيام حياتها ... مصر بتمرض أه .. لكنها مش بتموت ..

    أنا بس اتمنى من المصريين اللي شتموا البلد وسابوها .. أنهم ميرجعوش بعد كام سنة بعد البلد ما تزول عنها الغمة وحالها يتصلح .. وده أكيد هيحصل حتى لو الناس متحركتش .. ياسر كده كده اللي ماسكين البلد كلهم عدوا السبعين وهيموتوا اجلا او عاجلا وصعب جدا يتكون غيرهم بالبشاعة دي في وقت صغير .. ويعدين متنكرش ان الناس في الفترة الأخيرة بقت تتحرك أكتر والسلبية قلت وبتقل .. والله كفاية اهل المحلة واللي عملوه اهل المحلة .. كله اتعلم يضغط لغاية ما ياخد حقه ..

    فياريت بعد البلد حالها ما يتصلح ميرجعوش اللي شتموا البلد وسابوها وقالوا انها مش بتحبهم .. لانها فعلا مش بتحبهم !!

  6. #6
    Registered User
    تاريخ التسجيل
    Aug 2006
    المنطقة
    مصر
    العمر
    30
    ردود
    7,129
    اقتباس الموضوع الأصلي كتب بواسطة فلاشــــــــــاوي معاينة الرد
    غريب جد من 80 مليون مواطن أن يتركوا مجموعة من الأفاقين عددهم لا يزيد عن خمسين ألف من كلاب السلطة والحكومة ورجال الأعمال وفاسدي الفن والخلاعة يسيطرون على البلد وهم صامتون .. في الواقع ليسوا صامتين بل يتكلمون ليل نهار عن أن البلد ظلمتهم وبهدلتهم ..

    وكل شخص يدعي انه أعطى البلد الكثيييير وهي لم تعطيه اي شيء .. !! .. ولو كانوا اعطوها اي شيء ما أصبح هذا الحال ..

    يقول الاخ .. البلد دي ما تستهلنيش .. أنا هسيبها وأمشي ..

    طيب حضرتك عملت إيه للبلد ..

    - هل أضربت يوم ما أعلنوا يوم 6 أبريل إضراب عام محاولة للخلاص من الحكومة ؟
    - لا .. ما كل الناس مش هتضرب ولا حاجة إشمعنى أنا .. يعني هو الإضراب كان هيعمل إيه

    - طب هل حضرتك يوم لقيت واحد بيرمي زبالة في الشارع رحت كلمته بالادب او حاولت تشيل بنفسك الزبالة عشان تكسفه يمكن يحس ؟
    - لا .. وانا مالي بزبالته

    - طب حضرتك اما شفت مشكلة عندك في الحي .. كلفت نفسك بانك تبعت شكوى للمسؤلين .. حتى لو مش هيستجيبوا على الاقل يعرفوا ان الناس صاحية ولسه ما نامتش عشان ما يعربدوش ويفسدوا أكتر ؟
    - لا .. وهي كانت شكوتي يعني اللي هتغير

    - طب حضرتك .. أما لقيت التعليم في الكلية بتاعتك بايظ .. حاولت تتعلم مع نفسك صح وتفيد نفسك وغيرك .. ولا مجرد إستسلمت للواقع .. ؟
    - هو انا يعني اللي هغير الكون !

    - طب حضرتك عملت اي حاجة غير أنك قاعد تشتم في البلد ليل نهار ؟
    - مش فاكر .. انا اتخرجت من الكلية على الأقل !

    اتخرجت من الكلية .. يا راجل هو ده اللي عملته ومستني البلد تكافئك على جهودك الجبارة دي اللي غيرت التاريخ ..

    طب تسمحلي أقولك حاجة ... سافر وسيب البلد .. وياريت ما نشوفش وشك هنا تاني مش ناقصة قرف !!

    ( الكلام مش ليك يا يوسف طبعا )

    تسلم يا زعيم

    اقتباس الموضوع الأصلي كتب بواسطة y@sser معاينة الرد
    اول رد اقراه لك يا فلاشاوي غير مقنع في هذه النقطه

    و أنا العكس .. ^_^
    الرد ده مقنع جدا جدا

    فين الوزاء الملتزمين ؟؟

    ما البلد خربانه بسبب شعبها إللى 80 % منه فاسد
    80 % من الشعب ما بيصليش فى جوامع و لا فى الفجر بنشوف حد .. يمكن أققل من 10 % كمان
    50 % من الشعب مستعد يسافر بره مصر عشان الفلوس ..
    90 % من الموضفين مش بيخلصوا مصالح الناس إلا بعد الإكرامية و الرشوة
    70 % من شباب مصر عايش عشان يمووووز و بس و ما تفكرنيش بالواد جارنا ربنا .. مش عارف أققول ربنا ياخده و لا يهديه ... راح يصور بنت و ماسك عليها زلة .. ربنا ينتقم منه .. " و انا مش هسيبه "
    شباب دماغهم زى الزفت ... يا بنى سيبها فى حالها ... يقول كده هسيبها لغيرى .. يا بنى و أنت مالك .. أزى و أنا مالى ...؟؟؟ أققوله لو أنت و غيرك سيبتوها البلد هتنضف ... يقولى و أنت هتصلح الكون ؟؟

    شباب مبادئهم فاسده و عقولهم أتخربت و مفتونين بالفانين و الفنانات و لعيبة الكورة

    يا راجل ده حاجة تقرف ..

    من فترة بردوه أعرف واحد بتاع طباعة .. جاله شغل مع شركة أزياء و الراجل بتاع الشركة أتفق إنه هيصوروا العارضين و العارضات الفاجرين منهم و الفاجرات .. و طلب من مخرج التصوير أن الشغل يكون سيكسى خالص ... و بتاع الطباعة حضر التصوير ... و طبعا شاف العجب العجاب .. تدخل البنت و فى نص ساعة تطلع بألفين جنيه .. تخش تلبس الغيرات الداخلية و تتصور و بس كده
    الأدهى .. المخرج ... ستوب يا جماعة .. هصلى الظهر و نرجع نكمل ..
    عم الشيخ رايح يصلى !!!!!!!!!!!!!!!!!!

    البنات صورها ههتحط فى الكاتلوج عشان يلف على مصر كلها و خارج مصر كمان ..
    و تسأل المخرج مش كده حرام ... يقول كده أحسن ما يروحوا بيوت دعارة ..

    بقه ده شعب وش نعمة ؟؟


    الشعب عايز دعوة و دعوات للإصلاح و التغيير من فوق و تحت
    من الحكومة نفسها و من جوه الشعب نفسه ..

    لعلى أرى أن أفضل دعوة موجودة فى مصر هى جماعة أنصار السنة و الجماعات التابعة لها " السلفية "
    فعلا محتاجين دعوة و وعظ و تعليم الناس دين الله ليل و نهار ..

    لغاية ما الناس تفوق و تتعلم دينها صح ..

  7. #7
    عضو متميز
    صور رمزية y@sser
    تاريخ التسجيل
    May 2003
    المنطقة
    جوانتانامو مصر
    ردود
    10,884
    انا مش معترض علي الكلام يا فلاشاوي
    انا معترض علي غياب السبب
    الشعب المصري في عهد مبارك اتربي تربية ايتام
    منتظر ايه من ناس في اصلاحية حراسها تخصص اجرام !!
    اكيد لما ابقي مجرم المفروض ماتزعلش مني
    عارف يا فلاشاوي اكتر شيء بيقلقني
    مش ان الدستور فاسد لاء
    ان الدستور الفاسد ده يتصلح عليه الحال دي تبقي مصيبه اكبر
    من اكتر الاشياء الي قلقاني من تولي الصين زمام امور العالم انهم نجحو بالشيوعيه
    لا اعلم مدي بشاعه بشر عشان ينجحو بدستور زي ده
    طيب يا سيدي الفاضل وقت التعليم عملت الي عليا ووقت الشغل عملت الي عليا
    ووالله كنت بنضف الشارع اودام بيتي مش بطلب من حد يشيل الزبالة الي رماها !!
    ما تطلبش من الناس يبقي بني ادمين داخل قفص فراخ
    طبعا معك في عدم التعميم احياننا بيتهألي نزول الشارع بكلاشنكوف واسطياد بعض النماذج الي تحرق الدم المتوفر
    لكن برجع اسأل نفسي هي الناس دي جت منين
    ما الفرق الحقيقي بين عمر الكافر وعمر الفاروق !
    ما الذي صنعه وجعله علي هذه الصوره ولا يمكنني ذكره غير لما اقول رضي الله عنه
    هو نفس الرجل
    لكنه تعلم
    وكان هناك مثل اعلي
    بلاد الكوارث
    حيث جميع الشعب وجلاديه يبحثون عن العقل والقلب والشجاعه المفقودين
    لكن للاسف لاوجود للساحر اوز
    وتنتهي القصه بفقد الحذاء الاحمر
    وتبقي اليس في بلاد الكوارث للابد

    مدونتي

  8. #8
    خبير إقتصادى
    صور رمزية نور العمر
    تاريخ التسجيل
    Apr 2007
    المنطقة
    Egypt, zagazig
    العمر
    28
    ردود
    2,867
    فى الاول اقول تسلم يا فلاشاوى... كلامك فعلا عجبنى..

    وتسلم يا شريف....انا كده مش عندى كلام ^_^
    7
    7
    7

    اقتباس الموضوع الأصلي كتب بواسطة الشريف أحمد معاينة الرد
    تسلم يا زعيم




    و أنا العكس .. ^_^
    الرد ده مقنع جدا جدا

    فين الوزاء الملتزمين ؟؟

    ما البلد خربانه بسبب شعبها إللى 80 % منه فاسد
    80 % من الشعب ما بيصليش فى جوامع و لا فى الفجر بنشوف حد .. يمكن أققل من 10 % كمان
    50 % من الشعب مستعد يسافر بره مصر عشان الفلوس ..
    90 % من الموضفين مش بيخلصوا مصالح الناس إلا بعد الإكرامية و الرشوة
    70 % من شباب مصر عايش عشان يمووووز و بس و ما تفكرنيش بالواد جارنا ربنا .. مش عارف أققول ربنا ياخده و لا يهديه ... راح يصور بنت و ماسك عليها زلة .. ربنا ينتقم منه .. " و انا مش هسيبه "
    شباب دماغهم زى الزفت ... يا بنى سيبها فى حالها ... يقول كده هسيبها لغيرى .. يا بنى و أنت مالك .. أزى و أنا مالى ...؟؟؟ أققوله لو أنت و غيرك سيبتوها البلد هتنضف ... يقولى و أنت هتصلح الكون ؟؟

    شباب مبادئهم فاسده و عقولهم أتخربت و مفتونين بالفانين و الفنانات و لعيبة الكورة

    يا راجل ده حاجة تقرف ..

    من فترة بردوه أعرف واحد بتاع طباعة .. جاله شغل مع شركة أزياء و الراجل بتاع الشركة أتفق إنه هيصوروا العارضين و العارضات الفاجرين منهم و الفاجرات .. و طلب من مخرج التصوير أن الشغل يكون سيكسى خالص ... و بتاع الطباعة حضر التصوير ... و طبعا شاف العجب العجاب .. تدخل البنت و فى نص ساعة تطلع بألفين جنيه .. تخش تلبس الغيرات الداخلية و تتصور و بس كده
    الأدهى .. المخرج ... ستوب يا جماعة .. هصلى الظهر و نرجع نكمل ..
    عم الشيخ رايح يصلى !!!!!!!!!!!!!!!!!!

    البنات صورها ههتحط فى الكاتلوج عشان يلف على مصر كلها و خارج مصر كمان ..
    و تسأل المخرج مش كده حرام ... يقول كده أحسن ما يروحوا بيوت دعارة ..

    بقه ده شعب وش نعمة ؟؟


    الشعب عايز دعوة و دعوات للإصلاح و التغيير من فوق و تحت
    من الحكومة نفسها و من جوه الشعب نفسه ..

    لعلى أرى أن أفضل دعوة موجودة فى مصر هى جماعة أنصار السنة و الجماعات التابعة لها " السلفية "
    فعلا محتاجين دعوة و وعظ و تعليم الناس دين الله ليل و نهار ..

    لغاية ما الناس تفوق و تتعلم دينها صح ..

  9. #9
    يوسف التلباني
    عضو لجنة تحكيم

    صور رمزية maxspider
    تاريخ التسجيل
    May 2004
    المنطقة
    <<<<EGYPT>>>>
    العمر
    32
    ردود
    5,585
    am just listening


    عشان اللي جوايا من الموضوع ده مش هيكفيه صفحات الموسوعة البريطانية بحالها

  10. #10
    عضو متميز
    صور رمزية فلاشــــــــــاوي
    تاريخ التسجيل
    Jan 2006
    المنطقة
    مـــــصــــــر
    العمر
    33
    ردود
    3,802
    ياسر .. أحنا مش مختلفين تقريبا ..

    بن يس .. أنا بقى اللي مختلف معاك في معظم الللي قولته ..

    على فكرة وزي ما قال ياسر .. في بلاد شيوعية ناجحة .. متكلمنيش عن عدد اللي بيصلوا والنسب الغريبة اللي انت حاططها اللي انا متأكد انها كلها من دماغك ..

    بالمناسبة يا بن يس .. انا عشت في الصعيد 21 سنة من عمري .. مشفتش خلالهم غير 2 حرامية بس .. ومشفتش واحدة كاشفة شعرها إلا المسيحيات فقط .. وصدقني الشوارع بتبقى فاضية وقت صلاة الجمعة ...

    خلي بالك من حاجة .. ان في مصر عدد المحجبات اقل من دول تانية اه .. لكن في مصر محدش بيجبر المرأة على اللي لابساه زي دول تانية اللي لبس المراة فيها عادات وتقاليد قبل ما يكون دين .. وبدون إلزام أخلاقي .. يا فرحتي باللي لابسين نقاب وفيديوهاتهم وهم مغطيين وشهم وكاشفين كل حاجة تانية مالية الدنيا وبتخبط فيها غصب عنك .. لنها مطمنه محدش هيعرف وشها فبالتالي تعمل اللي تعمله وهي مطمنه .. !

    بالنسبة لموضوع اللي بيقولوا على نفسهم سلفيين دول في مصر .. معلش .. أنا اتمنى ان ربنا يحمي مصر منهم ومن فكرهم الأعوج ومحاولتهم لتصدير عادات البدو على أنها الإسلام ..

    ربنا يحمي مصر من الشيوعيين والعلمانيين والسلفيين على حد سواء !!

  11. #11
    عضو متميز
    صور رمزية mmnoor
    تاريخ التسجيل
    Nov 2007
    المنطقة
    ساكن فين ؟؟ انت مخبر ولا ايه ؟؟؟
    العمر
    31
    ردود
    6,588
    ربنا يحمي مصر من الشيوعيين والعلمانيين والسلفيين على حد سواء !!
    خليك مع علي جمعة Vibration
    (وَإِذَا قِيلَ لَهُمُ اتَّبِعُوا مَا أَنزَلَ اللَّهُ قَالُوا بَلْ نَتَّبِعُ مَا وَجَدْنَا عَلَيْهِ آبَاءنَا أَوَلَوْ كَانَ الشَّيْطَانُ يَدْعُوهُمْ إِلَى عَذَابِ السَّعِيرِ) لقمان :21

    الرد على من قال بحل المعازف

    http://www.abumishari.com/

  12. #12
    Registered User
    تاريخ التسجيل
    Aug 2006
    المنطقة
    مصر
    العمر
    30
    ردود
    7,129
    اقتباس الموضوع الأصلي كتب بواسطة فلاشــــــــــاوي معاينة الرد
    ياسر .. أحنا مش مختلفين تقريبا ..

    بن يس .. أنا بقى اللي مختلف معاك في معظم الللي قولته ..

    على فكرة وزي ما قال ياسر .. في بلاد شيوعية ناجحة .. متكلمنيش عن عدد اللي بيصلوا والنسب الغريبة اللي انت حاططها اللي انا متأكد انها كلها من دماغك ..

    بالمناسبة يا بن يس .. انا عشت في الصعيد 21 سنة من عمري .. مشفتش خلالهم غير 2 حرامية بس .. ومشفتش واحدة كاشفة شعرها إلا المسيحيات فقط .. وصدقني الشوارع بتبقى فاضية وقت صلاة الجمعة ...

    خلي بالك من حاجة .. ان في مصر عدد المحجبات اقل من دول تانية اه .. لكن في مصر محدش بيجبر المرأة على اللي لابساه زي دول تانية اللي لبس المراة فيها عادات وتقاليد قبل ما يكون دين .. وبدون إلزام أخلاقي .. يا فرحتي باللي لابسين نقاب وفيديوهاتهم وهم مغطيين وشهم وكاشفين كل حاجة تانية مالية الدنيا وبتخبط فيها غصب عنك .. لنها مطمنه محدش هيعرف وشها فبالتالي تعمل اللي تعمله وهي مطمنه .. !

    بالنسبة لموضوع اللي بيقولوا على نفسهم سلفيين دول في مصر .. معلش .. أنا اتمنى ان ربنا يحمي مصر منهم ومن فكرهم الأعوج ومحاولتهم لتصدير عادات البدو على أنها الإسلام ..

    ربنا يحمي مصر من الشيوعيين والعلمانيين والسلفيين على حد سواء !!
    هى النسب أكيد عشوائية ..لكن نسبة الفساد كبيرة
    و الفرق بينه و بين الغرب .. إن أحنا لما بنفسد بنفسد فى كل شئ .. هما ممكن يفسدوا اخلاقيا ..لكن ماديا لا ..


    و أنت هنا جمعت بين السلفية و العلمانية و الشيوعية فى كفة واحدة ؟؟
    طب أزاى ؟؟

    يعنى هتخاف على الشعب من كلام الشيخ محمد حسان ؟؟
    و هتخاف عليه من الدكتور جمال المراكبى ؟؟
    و لا هتخاف عليه من الشيخ محمود المصرى ؟؟
    مش دول السلفيين فى مصر ؟؟؟
    و معلش سؤال رحم شوية ..

    و أنت تعرف أيه عن جماعة زى أنصار السنة غير اللحية و النقاب ؟؟
    أتأسست أزاى و جت منين و بيفكروا أزاى ؟؟
    أنت أكيد تجهل عنهم الكثير

  13. #13
    عضو متميز
    صور رمزية youssef_23
    تاريخ التسجيل
    Oct 2004
    المنطقة
    ارض الله
    العمر
    35
    ردود
    7,047
    هل هذا شعرك

    والله شعر رائع وفنان بجد

  14. #14
    عضو متميز
    صور رمزية nVIDIA
    تاريخ التسجيل
    Sep 2008
    المنطقة
    Cairo
    العمر
    33
    ردود
    973
    اقتباس الموضوع الأصلي كتب بواسطة youssef_23 معاينة الرد
    هل هذا شعرك

    والله شعر رائع وفنان بجد
    ................

    Autodesk
    MAYA

  15. #15
    عضو متميز
    تاريخ التسجيل
    Jul 2004
    المنطقة
    Cairo, Egypt, Egypt
    ردود
    1,000
    برافو برافو ليك وللموضوع كله.
    :;



  16. #16
    عضو نشيط
    صور رمزية mgmislam
    تاريخ التسجيل
    Aug 2007
    المنطقة
    مصر
    العمر
    33
    ردود
    562
    موهبة عالية ....
    وكلام معظمه صحيح .... للأسف

    اقتباس الموضوع الأصلي كتب بواسطة فلاشــــــــــاوي معاينة الرد

    بالنسبة لموضوع اللي بيقولوا على نفسهم سلفيين دول في مصر .. معلش .. أنا اتمنى ان ربنا يحمي مصر منهم ومن فكرهم الأعوج ومحاولتهم لتصدير عادات البدو على أنها الإسلام ..

    ربنا يحمي مصر من الشيوعيين والعلمانيين والسلفيين على حد سواء !!
    بصراحة لا أجد ما أرد به عليك سوى .... هداك الله


    فحي على جنات عدن فإنها .... منازلنا الأولى وفيها المخيم
    ولكننا سبي العدو فهل ترى .... نعود إلى أوطاننا ونسلم



    My Animation DemoReel

  17. #17
    عضو متميز
    صور رمزية youssef_23
    تاريخ التسجيل
    Oct 2004
    المنطقة
    ارض الله
    العمر
    35
    ردود
    7,047
    الموضوع الأصلي كتب بواسطة فلاشــــــــــاوي

    بالنسبة لموضوع اللي بيقولوا على نفسهم سلفيين دول في مصر .. معلش .. أنا اتمنى ان ربنا يحمي مصر منهم ومن فكرهم الأعوج ومحاولتهم لتصدير عادات البدو على أنها الإسلام ..

    ربنا يحمي مصر من الشيوعيين والعلمانيين والسلفيين على حد سواء !!
    السلفيين فكرهم سليم بل هو يعتبر افضل المذاهب فى وجهه نظرى المشكلة ان فى ناس بتطبق منهج السلفية غلط فى مصر وهؤلاء افراد عندهم سوء فهم للمنهج الصحيح ولايمثلوا السلفية

  18. #18
    يوسف التلباني
    عضو لجنة تحكيم

    صور رمزية maxspider
    تاريخ التسجيل
    May 2004
    المنطقة
    <<<<EGYPT>>>>
    العمر
    32
    ردود
    5,585
    شكرا يا جماعة لكل اللي رد على القصيدة ...

    وشكرا على النقاش المفيد ...

    بس لا زلت أرى ... إني عملت اللي عليا للبلد دي ... مش إني إديتها حاجة ... لأ ... إنها مديتنيش حاجة ... وأنا حاولت أصلحها وأصلح أفرادها ... وللأسف الشعب ده, شعب غريب ... يصرخ في ثورة, وبعدين يتفرج على مسلسل وياكل لقمة وينام !!!!

    للأسف لسه بحبها ... وكل ما أفكر أسافر, أفتكر سنين الغربة اللي قضيتها في بداية حياتي ... فببقى بين أمرين , أحلاهما مر , وأي مرارة ...

  19. #19
    عضو متميز
    صور رمزية فلاشــــــــــاوي
    تاريخ التسجيل
    Jan 2006
    المنطقة
    مـــــصــــــر
    العمر
    33
    ردود
    3,802
    خليك مع علي جمعة vibration
    ههههههههه .. لااااا .. على جمعة ده بتاع الحكومة .. وحكومتنا المصونة لا هي إسلامية ولا شيوعية ولا علمانية ولا سلفية .. حكومتنا حاجة خامسة مينفعش اقولها هنا حفاظا عالذوق العام .. !!

    و أنت هنا جمعت بين السلفية و العلمانية و الشيوعية فى كفة واحدة ؟؟
    طب أزاى ؟؟

    يعنى هتخاف على الشعب من كلام الشيخ محمد حسان ؟؟
    و هتخاف عليه من الدكتور جمال المراكبى ؟؟
    و لا هتخاف عليه من الشيخ محمود المصرى ؟؟
    مش دول السلفيين فى مصر ؟؟؟
    لا مش محمد حسان طبعا .. محمد حسان المغضوب عليه من اكابر السلفية في مصر ومانعهم عنه شعبيته الطاغية .. خصوصا من وقت محاضرة "إلى غلاة التجريح" لان دافع فيها عن سيد قطب .. وخطبة "البيان في احداث فلسطين ولبنان" لان مطلعش يشتم في الشيعة ويلعن سلسفيلهم في وقت الحرب زي ما باقي الشيوخ الكبار ما عملوا ..

    محمود المصري راجل ماشي بعيد عن الخلاف وبيتكلم فيما هو متعارف عليه ودعوته للشباب بلطف .. مفيش خلاف عليه ..
    أنا بتكلم على غيرهم بدون ذكر أسماء .. اللي بيعتبروا ابو حنيفة لا يفقه في السنة ولا يفقهوا شيئا في الأختلاف .. إضمنلي الموضوع ما يتحذفش وانا أجيبلك امثله للصبح ..

    و أنت تعرف أيه عن جماعة زى أنصار السنة غير اللحية و النقاب ؟؟
    أتأسست أزاى و جت منين و بيفكروا أزاى ؟؟
    وهي من إمتى اللحية كانت بتاعة جماعة أنصار السنة ولا السلفيين .. ؟؟!! .. بالنسبة للنقاب .. اه بتاعهم ..

    أنا اعرف عن السلفية منذ أن بدأو يطلقون هذا الإسم على جماعة بعينها رافضين شمولها .. منذ ظهور محمد عبد الوهاب .. ومهاجمة القافلة المصرية التي كانت تذهب كل عام للحجاز .. وتفجير خزان المياه المصري في منى تقربا إلى الله .. ماذا تعرف انت عن هذه الأحداث .. ماذا تعرف عندما أصبح الإنجليز أقرب لهم من المصريين .. !!

    أنا أقرأ من كل المصادر واسمع من الجميع ولا أغلق عقلي على تيار واحد واسمع له هو فقط .. واتمنى ان تفعل انت بالمثل حتى تجد الحقيقة .. وستجدها إذا كان بحثك مخلصا لله وحده ليس لأغراض دنيوية ..

  20. #20
    عضو متميز
    صور رمزية فلاشــــــــــاوي
    تاريخ التسجيل
    Jan 2006
    المنطقة
    مـــــصــــــر
    العمر
    33
    ردود
    3,802
    بصراحة لا أجد ما أرد به عليك سوى .... هداك الله
    شكرا لك على الدعوة التي أتمنى أن تكون مخلصا فيها ... هداني وهدانا الله جميعا ..

    السلفيين فكرهم سليم بل هو يعتبر افضل المذاهب فى وجهه نظرى المشكلة ان فى ناس بتطبق منهج السلفية غلط فى مصر وهؤلاء افراد عندهم سوء فهم للمنهج الصحيح ولايمثلوا السلفية
    طول العمر والمسلمين يقتدون بالصحابة .. لماذا وفجأة يظهر جماعة يقصرون هذا على أنفسهم .. ويعتبرون فهمهم هم للأحداث هو الفهم الصحيح ومن خالفهم فقد إبتدع أو فسق ..

Bookmarks

قوانين الموضوعات

  • لا يمكنك اضافة موضوع جديد
  • لا يمكنك اضافة ردود
  • لا يمكنك اضافة مرفقات
  • لا يمكنك تعديل مشاركاتك
  •  
  • كود BB مفعّل
  • رموز الحالة مفعّل
  • كود [IMG] مفعّل
  • [VIDEO] code is مفعّل
  • كود HTML معطل