ممكن مساعدة فى المنتال راى

[sasu]

سلامو عليكم

أنا أول مرة تقابلنى المشكلة دى فى المنتال راى وهى إن الإضاءة لاسعة حول الشباك وفى السقف

لما بقلل ال final gather و GI العيب اللى حول الشباك دا بيروح

========> بس للأسف الأوضة مابتبقاش منورة

المفروض إنى بستخدم (daylight)
mr sun,mr sky

جربت انى أعمل الإضاءة على نفس اللوكيشن بس فى scene تانية برضه نفس المشكلة

فيه مشكلة تانية ان الخلفية اللى أنا حطاها فى enviroment مش باينة هى كمان
مع العلم انى مستخدمة خامة الزجاج فى الشباك

(الصورة اللى فى المرفقات دى high render )

فى إنتظار الرد

[cyfer]

على الشباك من الخارج يجب ان تضع mr sky portal
الماتيريال اذا كانت AD يجب ان تقوم بتفعيل ال Thin-Walled
اخيرا تأكد من اعدادات الجاما فهى سبب مباشر للحروق مثل الموجود فى الصورة .



لكن بصفة عامة .. مشاكل الريندر من الصعب حلها من مجرد صورة .. و غالبا ما يحتاج الامر لملف العمل .

[sasu]

شكرا يا أخ cyfer على ردك

أنا حطيت mr sky portal بس للأسف ماجبش أى نتيجة

والماتيريال اللى أنا حطاها ماتيريال عادية مش AD

بالنسبة لإعدادات الجاما أنا معرفش حضرتك بتتكلم عن ايه أو موجودة فين؟؟؟

على كل حال دا الملف اللى بشتغل عليه
http://up2.m5zn.com/download-2009-4-14-03-v8g58t0nf.max

وفى إنتظار الرد

[mgmislam]

كما أخبرك الأخ cyfer ضع mr sky portal على النافذة .....
فقط عدل وضعيتها للداخل ....
وهذه هي النتيجة بمجرد ما وضعت السكاي بورتال بدون حتى تغيير أي قيم



بالتوفيق

[mgmislam]

بالنسبة لإعدادات الجاما أستاذ cyfer لو أمكن شرح مبسط وسريع ليها بعد إذنك ....
وجزاك الله خيرًا

[sasu]

شكرا يا mgmislam على ردك

دى فعلا النتيجة اللى أنا وصلتلها لما حطيت mr sky portal ورندرت Draft

بس لما جيت أعمل high render اللسعة اللى حول الشباك واللى فى السقف لسة موجودة

زائد إن كمان السماء اللى فى background مش باينة

أستاذ cyfer حضرتك تقصد Gamma and LUT اللى موجودة فى preference settings بصراحة عمرى ما إستخدمتها ممكن توضيح أكتر ليها؟؟

وفى إنتظار الرد

[cyfer]

السلام عليكم
للاسف كنت اقوم برندر و انقطع التيار ...
لكن ربما هذا افضل بكثير من مجرد وضع اعدادات بدون معنى .

اولا : الحوائط سمكها 60 سم .. اعتقد ان هذا كثير قليلا بالنسبة للمبانى الحديثة .
انا حاليا اتكلم من بيت سمك جدرانه اكثر من هذا .. لكن هذا بيت اثرى له 90 عاما على الارض .
اتكلم فى سمك الجدار لسبب بسيط و هو اننا نجعل ضوء الشمس يرتد و ينعكس فى ممر النافذة و لذلك يوجد الانعكاس على السقف .
على العموم سنكمل هذا الملف و كأن هذا السمك مقصود .

ثانيا : طالما وقع الاختيار على منتال راى .. يجب ان تكون كل او 99% من المواد المستخدمة .. AD او ProMaterial هذه المواد ستجعل الريندر اسرع !
لذلك .. خامة الزجاج الخارجى للنافذة ليس هناك سبب لجعلها RayTrace الافضل جدا ان تكون AD ThinGlass
نفس الشىء على خامات الحوائط و الارضية ... يجب تغييرها اولا ثم نأتى الى موضوع الرندر .

ثالثا : السبب الرئيسى لل OverBrightness هو ان الاخ صاحب الملف وضع ال GI Multiplier يقيمة كبيرة جدااااا 300 !!!!!
لنقوم اولا بارجاع هذا الرقم الى 1 .

رابعا : لا فائدة من وضع 2 Bounces فى ال FG لان مع استخدام ال GI ينتم تجاهل اى Bounces فى
ال FG

خامسا : من قائمة ال environment and effects يجب اختيار preset ال
Physically based lighting , indoor Daylight او جعل ال Ev 10 مبدئيا .

سادسا : الجاما موضوع طويل الى حد ما .. باختصار شديد حاليا ...



الان ... لن تجد اى OverBurn .. او "اللسعة " فى الحائط و ستجد الاضائة اكثر واقعية .

سابعا : بسبب حجم الغرفة الكبير و حجم النافذة الصفير .. اعتقد ان افضل ما يمكن عمله هو اتباع الطريقة القديمة
اى اغلاق ال FG ثم التعامل مع الفوتونات فقط .. حتى تحصل على حل جيد .. حصلت عليه ب 500000
فوتون .. طبعا بعد اضافة ال Mr SkyPortal ... ثم بعد ذلك تفعيل ال FG ..

[mgmislam]

شكرًا أستاذ cyfer على المعلومات القيمة
جزاك الله خيرًا

[sasu]

ألف ألف شكر أستاذ cyfer وجارى التجربة

[sasu]

معلش يا أستاذ cyfer هتقل على حضرتك شوية

دلوقتى أنا نفذت اللى حضرتك قلته بالظبط

الحمدلله اللسعة راحت

بس المشكلة إن الأوضة مش منورة أوى

لما بزود GI اللسعة بترجع تانى

وفى إنتظار الرد

[cyfer]

اخ sasu
الشىء الذى يجب ان تحاول تقليده اثناء الاضائة هو الاضائة الطبيعية .. بمعنى انك لو تملك صور لمشهد مشابه .. ستجد
المهمة اسهل كثيرا .

هناك نوعين من الاضائة ... الطبيعية .. و الفنية .... الفنية ليس بها اى قيود .. لكن لا اعتقد ان هذا ما تبحث عنه حاليا

بالنسبة للاضائة الطبيعية .. فلا يمكن الحصول على اضائة كاملة لغرفة بهذا الحجم من نافذة بهذا الحجم و بهذه الظروف
خصوصا .. الحائط ال 50 سم .

تخيل معى الاتى ... ضوء الشمس لا يدخل من النافذة .. بل ما يدخل هو ضوء النهار .. و هو يمر فى ممر طوله 50 سم .. ثم يبدأ فى الانعكاس و الانكسار خلال هذا الممر ثم هذه الاشعة المنعكسة و المنكسرة تدخل هذه الغرفة الواسعة .. لا اتذكر القياسات تماما . لكنها واسعة فعلا ... ثم المفروض ان هذه الاشعة ستضىء الغرفة كلها بشكل متساوى ؟
بالتأكيد هذا مستحيل .

بامانة .. اعرف طريقة لتزييف هذا الوضع .. لكن ما فائدة ان اذكرها ؟ لو خرجت برندر جيد لكن لا تعرف على اى اساس تم هذا الرندر .. فكأنك لست من قام به .. الاسوأ .. ان فى عمل قادم ستقابل مشكلة مشابهة و ممكن جدا الا تستطيع التغلب عليها .

لو تريد نصيحة .. اولا .. اجعل سمك الحائط فى حدود 10 سم ليس اكثر
اجعل الشمس تدخل باشعتها المباشرة من خلال النافذة .. هذا سيساهم فى زيادة الاضائة فى الغرفة .

الوضع الحالى .. يشبه التحصينات العسكرية اكثر من المبانى .. و الاضائة الحالية تشعر انها فى قبو و ليس منزل او مبنى ...

يمكنك زيادة الضوء فى نفس الظروف الحالية عن طريق وضع حواجر عاكسة للضوء و لا تظهر فى الرندر ولا تتسبب ظلال .. و يمكنك ايضا ان تجعل الحائط و الارض و السقف تقوم بعكس الاشعة قليلا .. كل هذا سيساهم فى رفع الاضائة الى حد ما .. لكن هذه حيل تستخدم فى ظروف معينة .. لا ارى داعيا لها هنا .
بالنسبة لل GI multiplier ... من ايام ماكس 6 او 7 لم ارى اى شخص يستخدم قيمة اعلى من 5 ..
300 .. بعيدة جدا

الشباك الموجود حاليا صغير جدا لاضائة غرفة بهذا الحجم .... اصلح البناء .. ستنصلح الاضائة .

[sasu]

جزاك الله كل خير يا أستاذ cyfer على المعلومات دى كلها
فعلا بعد ما غيرت سمك الحائط تمت إضاءة الغرفة بالكامل( مع إن السمك دا كان مقصود)
والإضاءة فعلا واقعية جدا بخلاف أول صورة رفعتها
بس كان فيه كام سؤال كدة :-
1- الأشعة التى تدخل من النافذة وتنعكس على الأرضية
( ما سبب وجود noise فى هذا الإنعكاس ؟؟ كيفية جعل حواف هذا الإنعكاس soft؟؟ )

2- الشباك المفروض إنه زجاج وأمامه ألواح خشب
( ما سبب عدم وجود ظل لهذه الألواح على الأرضية؟ )

3- كيفية وضع صورة فى background ؟؟ لإنى جربت طرق كثيرة ولم تفلح ....

==========================

بخصوص اللى حضرتك قولته عن زيادة ضوء الغرفة
حضرتك تقصد بالحواجر العاكسة دى أى Object وأديله أى ماتيريال عاكس وبعدين أعمله Hide ؟؟
ولا فيه طريقة تانية ؟؟؟؟

ولك جزيل الشكر
فى إنتظار الرد..

[cyfer]

1- سبب النويز هو جودة السوفت شادوز .. حينما ترفع من قيمتها ستجد النويز بدأ فى الاختفاء تدريجيا .

2- عدم وجود ظل اعتقد سببه انك رفعت ال gi multiplier ... حينما تفعل ذلك فأنت تقلل من واقعية
الرندر بمعنى ان ال GI يمثل الاضائة الناتجة من الانعكاس .. انت حينما ترفع هذه القيمة .. كل ما تفعله ان
تضربها فى 2 او 3 .. الخ .. لكن انت لا تقوم بذلك فيزيائيا .. لذلك البيسلز البيضاء تطغى على السوداء
(الاغمق فى اللون) و ستلاحظ ذلك عند الشباك و عند منطقة الظلال على الارض ... حلها ارجاع ال GI الى
1 و غلق ال FG و التلاعب بعدد الفوتونات حتى تحصل على توزيع جيد للاضائة .





3-من قائمة انفيرونمنت .. ال Physical scale اجعله Unitless ... لا توجد هنا قيمة محددة .. لكن ابدأ ب 15000 مثلا .


- نعم اى اوبجكت .. لكن مع ان يحتوى على ماتيريال عاكسة يجب ان يكون لونه فاتح ... لا تقوم ب Hide له بل تقوم بجعله لا يستقبل و لا يحدث shadows .. كليك يمين و خصائص الاوبجكت و ستعرف ما اقصد .


- اخيرا ... فى الحقيقة موضوع ال 50 سم غريب قليلا .. لكن الاغرب هو الفتحة الصغيرة جدا .. التى فى الواقع لا يمكن ان تضىء كل هذه الغرفة ... اذا كان هذا مشروع مطلوب منك عمله .. جميل .. لكن هذا تصميم
لقبو و ليس لغرفة .. اذا كان هذا مشروع لك انت .. ففى الحقيقة انت الان تحاول تطويع قوانين الفيزياء و كسرها لكى تفعل ما لا يحدث فى الحقيقة و هذه طريقة سيئة لتعلم المنتال راى .
و فى الحقيقة .. الاضائة الان لا اراها واقعية .

[sasu]

شكرا يا أستاذ cyfer

الإضاءة طلعت تمام أوى( كنت معتقدة إنى عارفة كل حاجة فى المنتال راى) بس الحمدلله الإضاءة أحسن بكتير من آخر صورة .. طبعا بعد ما كبرت فتحة الشباك وقفلت FG

شكرا مرة تانية

سلام