موضوع: هذا ماحدث معى

ردود: 15 | زيارات: 1480
  1. #1

    هذا ماحدث معى

    هذا ما حدث معى
    اليوم كنت رايح مكتب التجنيد علشان اقدم اوراقى وجميع الملفات المطلوبه .........واذا بشى غريب حصل شى له العجب الناس اللى فى المكتب قالوا لجميع المتقدمين بأوراقهم فى قرار نزل جديد لازم تجيب مع اوراقك (وثيقه قيد عائلى ) شوف الحكومه العبقريه بتعتنا طلعو القرار ومقالوش لحد ولا كتبه الورقه دى مع الاوراق المطلوبه علشان الناس كلها تعرف وماتخش السبع دوخات
    قلت للموظف اللى فى المكت انت مقلتوش على الورقه دى من زمان ليه ........ قال الموظف احنا قلنا نخليها خبطه واحد كل الناس تعرف يوم ماتيجى تقدم الورق ههههههههههههه ياسلام
    المهم قلنا لهم طيب احنا نجيب الورقه دى منين قالو من السجل المدنى جريت انا وكل الدفعه اللى معايا على السجل المدنى علشان نطلع المورقه المطلوبه لاقينا هناك العجب وقعت واقف فى الطبور علشان نسال ايه المطلوب قال الموظف
    اولا تجيب وثيقه جواز الابوين
    ثانيا تجيب شهاده ميلاد الاب والام وصوره البطاقه لكل واحد منهم
    ثالثا تجيب شهاده ميلاد لكل اخواتك ولو حد منهم مات تجيب شهاده وفاته
    رابعا لو فى امك وابوك مطلقين تجيب قسيمه الطلاق
    قلت للموظف طيب سوال بخصوص وثيقه زواج الابوين انا ابويا وامى متجوزين من 35 سنه وممكن مالاقى عقد الزواج بتعهم قلى تروح تطلعه من المحكمه ههههههههههه وياسلام
    قلتله هروح ادور على ورقه من 35 سنه قلى ايوة ووسع بقى من قدام الشباك
    وجريت وانا بكلم نفسى طيب لو ملاقيت عقد جواز ابزيا وامى اعمل ايه ................ز ودماغى هتنفجر من التفكير
    لان الموظف المحترم قلى خلص وهات الحجات دى بسرعه علشان الورقه اللى انت عايزها بتقعد اسبوع على ماتطلع واخر ميعاد لتقديم الورق فى مكتب التجنيد بعد خمسه ايام يعنى كده كده لو خلص كل حاجه انهارده وقدمت الورق علشان يخلص بردهمش هتلحق الميعاد بتاع المكتب
    جريت انا وشويه طلابه على مكتب التجنيد تانى نقلهم على الموضوع وانهم يستنو علينا شويه لان الموظفين فى السجل بيقولو الورقه هتطلع بعد اسبوع قال ملاناش دعوة روح قلهم يخلصوك بسرعه
    رجعت تانى على السجل المدنى نقول للموظف كده علشان نلحق الميعاد
    قال بكل استهزاء احنا ملاناش دعوة بالكلام ده احنا مش تحت امر حد روح قلهم هناك ياخرو ميعاد استلام الورق شويه
    واصبح الامر زى نظام عند بين المصالح الحكوميه كل واحد يقول خلى التانى يستنى عليك والاخر يقول خليهم يخلصوك بسرعه المهم رحت على المحكمه اسال ازاى اطلع وثيقه زواج لابويا وامى وانا والله بكلم نفسى ازاى هلاقى ورقه عمرها 35 سنه المهم قالو فى المحكمه لم سالتهم يااااااااااااااااة الحجات دى تسال عليها فى الارشيف وقبل ماتروح تسال هناك علشان يطلعلك الوررقه بسرعه قله تاريخ الزواج بتاع والديك رحت اجرى على الارشيف ولسه همشى قلى لموظف استنى صحيح دا الارشيف كان حصل فيه حريق من فترة واعتقد انك مش هتلاقى حاجه هناك وقلى ياااااااااة اصلا انت قديم اوى
    رحت مروح وانا متعقد وعايز اوالع فى اللى صدر قرار بالورقه اللى مدوخانه وصلت البيت ابويا قلى خير يابنى عملت ايه .............قلتله ابا انت عقد جوازك لسه موجود ولا ضاع ولا ايه ايه بالظبت قلى والله يابنى تعالى ندور فى الورق القديم ورحت انا وابويا ندور فى الورق وبعد فترة لاقيت ورقه قديمه جدا قلى اهو عقد الجواز يااااااااة مصدقتش نفسى وخت هو شهاده ميلاد اخواتى وكان ابويا مطلعش شهاده ميلاد كمبيوتر طلعتله واحدة ورحت على السجل ووقفت فى الطابور الطويل والله ماشاهد ليها العجب
    وانا واقف لاقينا واحد يعينى بيقول للموظف انا ابويا مات من 15 سنه اجيب له شهاده ميلاد كمبيوتر ازاى قله نطلعله قال الطالب اطلع لابويا اللى مات شهاده ميلاد ودى تيجى ازاى طيب اجيب لك شهاده الوفاة ممكن تغنى شهاده الميلاد قال الموظف لا لالالالالا روح هات بطاقتك ابوك وتعالى نطلعله شهاد ميلاد وتجيب سبعه جنيه معالك
    وواحد تانى قاله انا ابويا مات وامى ست كبيرة معندهاش شهاده ميلاد قال طلعله واحده قال الطالب ماهى اصلا ملاهاش بطاقه وتعبانه ومبتقدرش تمشى اطلعلها بطاقه اواى هتاخد 15 يوم على ما البطاقه تتطلع يكون ميعاد الجيش فات ارجوك اتصرف قال موظف بكل غطرسه دى مش مشكلتناة ......... وضرخ الموظف فى وجه الطالب وسع من الطابور خلى غيرك يدخل لما نشف ايه حكايه القيد العائلى دى

    ومشى الواد يعينى وهو بيعيط لان ميعاد الجيش هيفوت عليه ويكون متخلف عن دفعته ويدخل اجبارى
    والمشاهد على ذالك كثيرة واحد تانى فى غلطه فى اسمه او فى اسم اخوة والتانى فى زياده فى اسمه
    وكل ده بسبب قرار حكومى متخبط طلع فى مابين ليله وضحاها ..... مع تحيات جندى مجند فى صفوف القتال


  2. #2
    القيد العائلي أو ما يعرف بكشف العيله ورقة تطلب دائما في التجنيد وذلك منذ زمن بعيد ....بالنسبة للأوراق التي طلبت منك فيحل محلها توجهك للسجل المدني الرئيسي في العباسية ( إذا كنت من القاهرة ) ومعك الرقم القومي لوالديك وسوف تستطيع إستخراج هذا القيد بسهولة ..... هذا على الأقل ما حدث معي أيام تحديد موقفي التجنيدي وذلك كما ترى من سني قد حدث منذ زمن .....والمفروض أن الدنيا تسير للأمام لا للخلف الا إذا كان لدى ولاة الأمور رأي آخر


    تحياتي

  3. #3
    القيد العائلي أو ما يعرف بكشف العيله ورقة تطلب دائما في التجنيد وذلك منذ زمن بعيد
    القيد العائلي يطلب في حالات خاصه فقط
    كحالة اثبات الابن الوحيد او العائل علي سبيل المثال
    ..........................
    قطاع التجنيد اسواء قطاع ممكن التعامل معه علي الاطلاق ودائما يترك تلك الذكريات الاليمه التي تبقي معك لللحد
    انا شخصيا اوراق دفعتي كلها بعد تجهيزها وتقديها والعناء المعروف في الامر والطوابير التي لا تنتهي الا مع حلول المغرب ومتبداء من الساعه السابعه صباحا ضاعت واضطريت انا وكل من كانو في نفس الدوسيه لعملها مره اخري
    لا يمكن اثبات ابدا ان الطرف الاخر مخطيء
    انت المخطيء انك موجود او انك سمحت لنفسك بالميلاد في مصر
    بلاد الكوارث
    حيث جميع الشعب وجلاديه يبحثون عن العقل والقلب والشجاعه المفقودين
    لكن للاسف لاوجود للساحر اوز
    وتنتهي القصه بفقد الحذاء الاحمر
    وتبقي اليس في بلاد الكوارث للابد

    مدونتي

  4. #4
    عزيزى انت فى مصر ودة طبيعى جدا جدا مصر بلدنا بتتقدم بينا بس لورا و مش ينا لوحدنا لا معانا و لا بلاش
    سبحان الله و بحمده سبحان الله العـظيم

    =====================

    °° مــــــعــرضــــــــي °°

  5. #5
    اقتباس الموضوع الأصلي كتب بواسطة y@sser معاينة الرد
    القيد العائلي يطلب في حالات خاصه فقط
    كحالة اثبات الابن الوحيد او العائل علي سبيل المثال
    ..........................
    معلومة تنطبق علي بما أنني بالفعل بلا إخوة وكنت في ذلك الوقت عائلا لوالدتي رحمها الله
    على أي حال أي قطاع حكومي هو البيروقراطية بكل سخافتها ( مع العلم أن تجربتي مع تحديد الموقف التجنيدي لم تكن سيئة ربما لأنهم عرفوا انني مجرد ضيف )

    تحياتي

  6. #6
    صبرا جميلا والله المستعان
    وما توفيقي إلا بالله عليه توكلت وإليه أنيب

  7. #7
    كيمووو
    صور رمزية kareem50
    تاريخ التسجيل
    Nov 2004
    المنطقة
    لايوجد انتماء
    ردود
    3,161
    انا ليا صحابي قدمو ف الجيش ف سبتمبر الي فات بس مش طلبو موضوع القيد العائلي ده اعتقد
    لأني سئلتهم لو طلبو اي معلومات عن الام خصوصا , لأن كنت عايز اعرف موقفي من التجنيد لأن والدتي فلسطينية الجنسية
    وناس كتيرة قالت ان كدا انا مش ليا جيش , لأن عندهم حساسية من الجنسية الفلسطينية بالذات
    لكن كل صحابي قالو ليا ان مفيش اي معلومات كانت مطلوبة عن الام , الاب فقط
    يمكن ده علي حسب منطقة التجنيد
    بس الله يكون ف عونك
    لكن الخبر الي مش ظريف ان علي ماانا سمعت انهم الجيش هيكون محتاج اعداد كتيرة لمدة اربع سنين جاية
    عشان موضوع السنة الفراغية , وان لو فيه حد عايز يفضل ف الجيش كمان هما محتاجين
    ربنا معاك ومعانا
    .


    MR. Kok Limited Edition

  8. #8
    انا لا انسى ايام تجهيز الاوراق و ايام الفرز
    و لا انسيى يوم معرفت هل سادخل الجيش ام لا
    و الحمد لله أخذت تأجيل
    شــــــارك معـــــنا فـــــي


  9. #9
    عضو متميز
    صور رمزية mmnoor
    تاريخ التسجيل
    Nov 2007
    المنطقة
    ساكن فين ؟؟ انت مخبر ولا ايه ؟؟؟
    العمر
    30
    ردود
    6,588
    اقتباس الموضوع الأصلي كتب بواسطة y@sser معاينة الرد
    القيد العائلي يطلب في حالات خاصه فقط
    كحالة اثبات الابن الوحيد او العائل علي سبيل المثال
    ..........................
    قطاع التجنيد اسواء قطاع ممكن التعامل معه علي الاطلاق ودائما يترك تلك الذكريات الاليمه التي تبقي معك لللحد
    انا شخصيا اوراق دفعتي كلها بعد تجهيزها وتقديها والعناء المعروف في الامر والطوابير التي لا تنتهي الا مع حلول المغرب ومتبداء من الساعه السابعه صباحا ضاعت واضطريت انا وكل من كانو في نفس الدوسيه لعملها مره اخري
    لا يمكن اثبات ابدا ان الطرف الاخر مخطيء
    انت المخطيء انك موجود او انك سمحت لنفسك بالميلاد في مصر
    أنا اتولدت في الإمارات بس هعيش نفس المأساة عادي يعني مش لازم أبقى مواليد مصر
    (وَإِذَا قِيلَ لَهُمُ اتَّبِعُوا مَا أَنزَلَ اللَّهُ قَالُوا بَلْ نَتَّبِعُ مَا وَجَدْنَا عَلَيْهِ آبَاءنَا أَوَلَوْ كَانَ الشَّيْطَانُ يَدْعُوهُمْ إِلَى عَذَابِ السَّعِيرِ) لقمان :21

    الرد على من قال بحل المعازف

    http://www.abumishari.com/

  10. #10
    مساكين التجنيد اجباري !

    كان الله بعونكم

  11. #11
    خبير إقتصادى
    صور رمزية نور العمر
    تاريخ التسجيل
    Apr 2007
    المنطقة
    Egypt, zagazig
    العمر
    27
    ردود
    2,868
    القيد العائلي يطلب في حالات خاصه فقط
    كحالة اثبات الابن الوحيد او العائل علي سبيل المثال
    هههههه انا بلا جيش... وجيش بلا انا ^_^ وحيد ومرتاح..


    ماهو برده المفروض..انك تكون عارف وسال ناس. على الورق اللى هيتطلب منك.. علشان تخلص نفسك بدرى بدرى..
    هو صحيح مش مشكلتهم.. معلش..بس هم الموظفين برده معاملهتم زباله... حاجه تقرف الكلب الميت..
    فكرتنى..لما روحت علشان ادفع مصاريف الجامعه... المفروض الشئون تشتغل الساعه9 وانا من 8.30 كنت هناك
    ولما جت 9 قال ايه .. هنفتح الساعه 10 ... والستات قاعدين ياكلوا ويقشرو بصل.. وبيجهزو الاكل .. علشان لما يرجعوا البيت يخلص بسرعه ..مساكين يا عينى عليهم...

    واحد صاحبى .. وهو بيدفع الفلوس للخزنه...بعد ما وقف فى الطابور لمده ساعتين...وصل عند الشباك..الساعه12 بالظبط وكان ده ميعاد القفل.. الموظف قفل فى وشه وقاله عدى علينا بكره...

    يا راجل دى حاجه مسخره خالص... وادينا بستحمل..ان كان ليك عند الكلب حاجه قوله يا ...........




    كان الله فى عونك يا جندى... دقنك طويله روح احلقها... بدل ما اكدرك..

  12. #12
    اقتباس الموضوع الأصلي كتب بواسطة بحب السيما معاينة الرد
    عزيزى انت فى مصر ودة طبيعى جدا جدا مصر بلدنا بتتقدم بينا بس لورا و مش ينا لوحدنا لا معانا و لا بلاش

    مش بس كده ده في حاجات تانيه انا اخترعتها من دماغي وممكن تلاقيها بعد دوخة القيد العائلي مثلا اسمع السيناريو ده كده وقول ايه رائيك



    انت : انا خلصت يا عم الاوراق اهه اتفضل وخلى الورق ياخد وقته براحتك

    مسؤول التجنيد : لا يا معلم طيب افرض ابوك وامك اطلقوا (بعد الشر) وانت تقضي فترة الجيش هنعمل ايه..... اققولك اقتراح هات شهاده ووثقها من الشهر العقاري انهم مش هيتطلقوا قبل مدة الجيش

    انت : طيب اعمل احاجات دي منين ؟
    مسؤول التجنيد : بص عشان اكون صريح معاك الحكاية دي محتاجه رشه بسيطه بس اكيد الفلوس مش هتهمك لو انت عايز تدافع عن بلدك بشرف الجندي .....الخ

    انت : طيب هدفع كام تقريبا ؟

    مسؤول التجنيد : بصراحه كده اقل حاجه تدفع للموظف الواحد 100 جنيه و 75 قرش بس

    انت : يا خبر اسود وهو في كام موظف؟

    مسؤول التجنيد : حوالي 42 واحد هنا

    انت : طيب الحكايه دي لازم تخلص امتى ؟

    مسؤول التجنيد : لو عايز الصراحه لازم تعمل ده كله في خلال 24 ساعه (مع العلم ان الطلبات اللي طالبها مكتب التجنيد بتاخد اكتر من اسبوع)

    انت : طيب ما ينفعش اهرب من الجيش ؟

    مسؤوول التجنيد : ممكن بس ترش رشه اكبر شويه ...

    انت : يعني كام مثلا ؟

    مسؤول التجنيد : يعني حوالي 50 واحد يرضي ياخد فلوس هنا ويتستر على الجريمه وامرنا لله .... اضرب 50 في 500 جنيه و 5 جنيه دمغات على ورق الفلوس بتاعة الرشوى

    انت : ........ افادكم الله !!!


    وانت ماشي في الطريق بعد ما مشيت من مكتب التجنيد تلاقي واحد طيب يسألك نفسك في ايه ؟

    تفرح جدا ساعتها وتقول : انت جيت في وقتك يا حاج

    الحاج الطيب يقولك : بس بشرط انت تطلب حاجه وهو يطلب حاجه

    انت قلتله : موافق بس ياريت ما يكونش طلبك فلوس او اي حاجه ماديه

    الحاج الطيب : لا حاجه ماديه ولا فلوس ولا اي حاجه طلبي بسيط جدا ...

    انت تقوله : اصيل يا حاج اتفضل اطلب انت الاول ...

    الحاج الطيب : بصراحه كده وعلى بلاطه انا ......... الراجل يتكسف لان الطلب ده خايف ان انته ترفضه والراجل وشه احمر من كتر الكسوف .... وفجأه قال طلبه وكان الطلب
    .
    .
    .
    .
    .
    انزل
    ><
    .
    .
    .
    .
    .
    .

    ..
    .
    .
    .
    .
    .
    .
    .
    .
    .
    .
    .
    .
    .
    .
    .
    .

    .
    .
    .
    .
    .

    ممكن تدخل ابني الجيش لو عندك اي واسطه ؟؟؟؟؟؟




    اتمنى لكم جيش طيب ههههههههههههه


    موفقين
    Nader nabil
    My portfolio

  13. #13
    عضو نشيط
    صور رمزية mgmislam
    تاريخ التسجيل
    Aug 2007
    المنطقة
    مصر
    العمر
    32
    ردود
    562
    صور في المعرض
    3
    هو انت لسه شوفت حاجة ....
    في مرحلة جاية اسمها مرحلة الكانتين .... طبعًا دي مايعرفهاش غير أصحاب الخبرة
    لما يقعدوكو مستنيين الكشف الطبي أو سماع الإرجا ..... اعملو حسابكم انكم لما تخلصوا كل اللي في الكانتين هتروحوا .... لو مخلصتوش أديكو قاعدين ... ربنا يعينك


    فحي على جنات عدن فإنها .... منازلنا الأولى وفيها المخيم
    ولكننا سبي العدو فهل ترى .... نعود إلى أوطاننا ونسلم



    My Animation DemoReel

  14. #14
    عضو متميز
    صور رمزية mmnoor
    تاريخ التسجيل
    Nov 2007
    المنطقة
    ساكن فين ؟؟ انت مخبر ولا ايه ؟؟؟
    العمر
    30
    ردود
    6,588
    اقتباس الموضوع الأصلي كتب بواسطة mgmislam معاينة الرد
    هو انت لسه شوفت حاجة ....
    في مرحلة جاية اسمها مرحلة الكانتين .... طبعًا دي مايعرفهاش غير أصحاب الخبرة
    لما يقعدوكو مستنيين الكشف الطبي أو سماع الإرجا ..... اعملو حسابكم انكم لما تخلصوا كل اللي في الكانتين هتروحوا .... لو مخلصتوش أديكو قاعدين ... ربنا يعينك
    روتانا جيش

    مش هتقدر تحس بآدميتك
    (وَإِذَا قِيلَ لَهُمُ اتَّبِعُوا مَا أَنزَلَ اللَّهُ قَالُوا بَلْ نَتَّبِعُ مَا وَجَدْنَا عَلَيْهِ آبَاءنَا أَوَلَوْ كَانَ الشَّيْطَانُ يَدْعُوهُمْ إِلَى عَذَابِ السَّعِيرِ) لقمان :21

    الرد على من قال بحل المعازف

    http://www.abumishari.com/

  15. #15
    عضو نشيط
    صور رمزية houdhxp
    تاريخ التسجيل
    Sep 2006
    المنطقة
    قاهرة الهكسوس و الصليبين والمغول والفرنسيين و الأنجليز وإسرائيل
    العمر
    8
    ردود
    766
    صور في المعرض
    3
    وضرخ الموظف فى وجه الطالب وسع من الطابور خلى غيرك يدخل لما نشف ايه حكايه القيد العائلى دى
    طب أستنه لأن الحكاية لسه مخلصتش
    بعد ما الراجل قالك تعالى بعد أسبوع حتروحلة بعد اسبوع حيقولك لسه الورق ما جاش وبعد ما تقله نعمل ايه وكاني وماني
    حيقولك معرفش وناس تقولك روح للعقيد أو العميد او ما يكون ونفس الموال , لأن أصلا الورقة بتطلع بعد 10 أيام مش أسبوع الا إذا حصل العكس ..........
    المهم بعد ما تطلع الورقة وتستلمها :
    1- تطلع مركز المعلومات عشان تختمها من قائد أركان حرب سعادة الوزير المحافظ
    2- تكون جايب معاك قلم جاف عشان تكتب أقرار ان البيانات دي مظبوطة , برغم انك عامل مليون أقرار ان كل حاجه مظبوطه ...
    3- تكون مصور صورة البطاقة عشان حتدبس في الورق للمرة العشرين .
    4- يكون معاك 10.5 جني ضريبة مبيعات .
    5- تستنه لحد الساعة 12 يكون الورق أتختم .
    6- تتفضل واقف لحد ما تسمع اسمك وتروح تستلم الورق .
    7- تمضي أنك أستلمت الورق وتخلع .
    8- تشوف أي جامع تصلي فيه ركعتين حمد وشكر .
    9- تعلن اليوم اللي فكرت أنك تعمل ورق الجيش فيه .
    10- كفاية عليك لحد كدا وربنا يستر ومتكونش فقدت دفع ...........
    وفقك الله .
    " اذا ابتليت فثق بالله ولا تجزع وإذا عفيت فاشكر الله ولا تقطع وإذا وقف بك أمر فلا تيأس ولا تطمع وفوض أمرك إلى الله فنعم المرجع وفي جوف الليل لربك فاركع ومن عظمته وخشيته ادمع وعن طاعته لا ترجع واعلم ان آنين التائبين عند ربك عظيم فإذا فعلت فقد فزت بخير الدارين أجمع "
    ((كلمتان خفيفتان على اللسان ثقيلتان في الميزان حبيبتان للرحمن " سبحان الله و بحمده سبحان الله العظيم " )), و لذكر الله أكبر لو كانوا يعلمون .

Bookmarks

قوانين الموضوعات

  • لا يمكنك اضافة موضوع جديد
  • لا يمكنك اضافة ردود
  • لا يمكنك اضافة مرفقات
  • لا يمكنك تعديل مشاركاتك
  •  
  • كود BB مفعّل
  • رموز الحالة مفعّل
  • كود [IMG] مفعّل
  • [VIDEO] code is مفعّل
  • كود HTML معطل