موضوع: الحيرة ما بين الجرافيك والداتا بيز !!!

ردود: 18 | زيارات: 1708
  1. #1
    كيمووو
    صور رمزية kareem50
    تاريخ التسجيل
    Nov 2004
    المنطقة
    لايوجد انتماء
    ردود
    3,161

    الحيرة ما بين الجرافيك والداتا بيز !!!

    السلام عليكم
    المشكلة التي تقابل كل شاب فينا , هيا مشكلة تقرير المصير , كثيرا ما نوصل في حياتنا الي مرحلة يجب علينا ان نقرر ما نفعله نحن ب انفسنا , بدون مساعدة مثلما تعودنا !!
    هذه احدي مشاكلي التي سوف اقابلها خلال شهور قليلة جدا بعد انهائي للدراسة ان شاء الله
    الحيرة !! :
    مشكلتي الان هيا ال Career , اريد ان يكون لي مستقبل في العمل , وان اتفوق علي نفسي فيها
    لكن المشكلة الاولي والاخيرة هيا الثمن في المقابل !!
    هناك من يقوم بعمل معين ومرتبه 500 جنيه , وهناك اخر مقابل 1000 وغيرهم مقابل 10.000
    ما الفرق ؟ الثقافة والتعليم والقدرة علي التعلم سريعا , وتفتيح الدمااغ اهم حاجة
    الحيرة التي انا فيها ما بين الجرافيك والداتا بيز , اعشق الجرافيك ثنائي وثلاثي الابعاد, واعشق الفن والالوان والابداع والخيال , لا يفارقني الجرافيك , تعرف احساسك عندما تنظر الي شئ وتحسب كام سيجمينت ممكن يكون او كام بوليجون , او اد ايه سموث المنطقة دي , واي صورة تشوفها تقول ان عندك استعدات انك تحاكيها !! احساس رائع ..
    الفكرة التي راودتني ان اجمع همتي وبعد التخرج اخود كام كورس في الثري دي علي خبرتي القديمة , واكون جاهز لسوق العمل , لكن !!! هل العائد امام هذا سيكون جيد !؟ المرتب اوله لو فرضنا انه ليس اقل من 1200 وحتي 1500 !!
    لا اعتقد انه قد يكفي , هذا غير مشاكل سوق العمل وخصوصا في الجرافيكس ,يمصو دم الواحد في الشغل , ومفيش شركات كبيرة محترفة مثل دريم وركس , بيكسار , ديزني , يمكن العمل فيها هنا , ف للأسف اعتقد ان العمل في الجرافيك لن يحصل الخمس نجوم لدي !!!
    الداتا بيز , حقيقة ستكون اول مرة اعتمد فيها علي احد , ف انا اخي الاكبر DBA له فترة طويلة في العمل حوالي اربع سنوات , كفيلة ان تعطيه حصة من الخبرة في هذا السوق , لو فرضت اني دخلت سوق العمل هذا , ببداية دورة جيدة في الاوراكل " اتمني ان تكون من منحة ITI " , ميزتها ان هناك شركات عالمية تقوم بتعيين الطلاب قبل التخرج !! , قد يكون اخي سندا لي , ف مثلا الترينينج في شركات كبيرة , والدوارات التي قد احتاجها , وغير ذلك , ف انا سوف امشي علي خطي واضحة ,والمرتبات مجزية جدا , بداية من 1500 وكل فترة قصيرة زيادة قد اصل بعد سنتين الي 5000 غير المميزات الاخري !
    الحمدلله لا اجد هناك اي نقص فيا يمنعني من اخذ الجرافيك او الداتا بيز سواء , لكن هناك بداخلي صراع ما بين ما احبه وما اريده ...
    الموضوع هنا ليس مادي بشكل بحت !! لكن مثلما نقول في الادارة Suffecient &optimum
    Decisions

    اكيد هنا من قابله مثل هذه المواضيع في حياته العملية , حقا انه قرار صعب
    ما رأيكم ؟
    .


    MR. Kok Limited Edition


  2. #2
    عضو نشيط
    صور رمزية KeShOo
    تاريخ التسجيل
    May 2008
    المنطقة
    مــصــر
    ردود
    516
    انا زيك بالظبط بس حيران مابين الجرافيك ومجال المحاسبة لانها دراستي عامة
    وفعلا بقالى فترة بفكر فى الموضوع وللاسف مش عارف اوصل لنتيجة
    وفعلا كلامك صح ف موضوع التعيين والمرتبات بس بلاش نفكر من ناحيه المرتبات وكده
    خليها علي الله وكل واحد هاياخد رزقه
    بس برضه انا عاوز اسمع رأي الاعضاء والاخوة
    وربنا يكرمك ان شاء الله يا باشا

  3. #3
    عضو متميز
    صور رمزية mmnoor
    تاريخ التسجيل
    Nov 2007
    المنطقة
    ساكن فين ؟؟ انت مخبر ولا ايه ؟؟؟
    العمر
    31
    ردود
    6,588
    اقتباس الموضوع الأصلي كتب بواسطة keshoo معاينة الرد
    انا زيك بالظبط بس حيران مابين الجرافيك ومجال المحاسبة لانها دراستي عامة
    وفعلا بقالى فترة بفكر فى الموضوع وللاسف مش عارف اوصل لنتيجة
    وفعلا كلامك صح ف موضوع التعيين والمرتبات بس بلاش نفكر من ناحيه المرتبات وكده
    خليها علي الله وكل واحد هاياخد رزقه
    بس برضه انا عاوز اسمع رأي الاعضاء والاخوة
    وربنا يكرمك ان شاء الله يا باشا
    لو مجالك المحاسبة يبقى خليك في المحاسبة، زيي على فكرة

    ولو عايز أظبطك في أي برامج محاسبية تحت أمرك
    (وَإِذَا قِيلَ لَهُمُ اتَّبِعُوا مَا أَنزَلَ اللَّهُ قَالُوا بَلْ نَتَّبِعُ مَا وَجَدْنَا عَلَيْهِ آبَاءنَا أَوَلَوْ كَانَ الشَّيْطَانُ يَدْعُوهُمْ إِلَى عَذَابِ السَّعِيرِ) لقمان :21

    الرد على من قال بحل المعازف

    http://www.abumishari.com/

  4. #4
    عضو نشيط
    صور رمزية KeShOo
    تاريخ التسجيل
    May 2008
    المنطقة
    مــصــر
    ردود
    516
    ازيك يا ريس
    ليا الشرف انى اكون زيك فى تجارة
    بس انت لا تتخيل حبى لمجال الجرافيك وكرهي شويه لمجال المحاسبة هههههههههه

  5. #5
    عضو متميز
    صور رمزية mmnoor
    تاريخ التسجيل
    Nov 2007
    المنطقة
    ساكن فين ؟؟ انت مخبر ولا ايه ؟؟؟
    العمر
    31
    ردود
    6,588
    اقتباس الموضوع الأصلي كتب بواسطة keshoo معاينة الرد
    ازيك يا ريس
    ليا الشرف انى اكون زيك فى تجارة
    بس انت لا تتخيل حبى لمجال الجرافيك وكرهي شويه لمجال المحاسبة هههههههههه
    هع هع هع وده مجال ينحب أساساً، مجال قتم أساساً، بس أهو بقى التنسيق، تعرف أنا مدمن أي شيء يخص الكمبيوتر مش جرافيك بس، برمجة، هاردوير، تصميم مواقع، بحب أعرف عن أي مجال يخص الكمبيوتر حتى مناهج المحاسبة لو كانت على الكمبيوتر، كنت أكلتها أكل، بس انت عارف الدراسة ماشية إزاي في مصر (إسمع كلامي تنجح، هتعمل فيها عبقري هتسقط)، أقولك على حاجة كنت عامل برنامج لحساب الفايدة والفايدة المركبة الأقساط بأنواعها (طبعاً للتسلية فقط) وإديته لدكتور المادة وكان مصيره الدرج المظلم كالعادة وبقاله أربع سنين بيقولي لسه ما شتفوش (على فكرة البرنامج كان بدائي جداً عشان ما تفكرش إن أنا محترف ولا حاجة)

    مجال كلية تجارة عموماً فلوسه حلوة لو عرفت تشغل دماغك وتوظف اللي بتاخده (أنا تجارة إنجليزي) الكتب فيها أفكار فظيعة أوي، وحكت بدايات ناس كتير وإزاي بدؤوا ووصلوا لإيه وإزاي، المشكلة التدريس في مصر بيعودك على النمطية إوعى تشغل مخك هوا ده النظام في مصر، طبعاً ما عدا الرياضيات لكن دي تيجي إيه في بحر المواد التانية وبعدين بتاخدها سنتين وسنة إحصاء وبعد كده كل سنة وانت طيب
    (وَإِذَا قِيلَ لَهُمُ اتَّبِعُوا مَا أَنزَلَ اللَّهُ قَالُوا بَلْ نَتَّبِعُ مَا وَجَدْنَا عَلَيْهِ آبَاءنَا أَوَلَوْ كَانَ الشَّيْطَانُ يَدْعُوهُمْ إِلَى عَذَابِ السَّعِيرِ) لقمان :21

    الرد على من قال بحل المعازف

    http://www.abumishari.com/

  6. #6
    Registered User
    تاريخ التسجيل
    Aug 2006
    المنطقة
    مصر
    العمر
    30
    ردود
    7,129
    أرمى الجرافك خااالص دلوقتى
    خليك فى شغلك و شهادتك ..
    أنت خريج تجارة و شغلك فى الداتابايز قريب من شهادتك

  7. #7
    كيمووو
    صور رمزية kareem50
    تاريخ التسجيل
    Nov 2004
    المنطقة
    لايوجد انتماء
    ردود
    3,161
    ممنور تصدق اني تجارة انجليزي بردو , حاجة وحشة اوي نكون زي بعض
    بصو يارجالة , انا اخر ما توصلت اليه , عشان مضيعش تعبي ف الجامعة كلو ده , جت ليا اقتراحات خارجية اني اخود داتا بيز , بس من Oracle Financial E-Business Suit الجديدة , وكلها نظام محاسبي , وتخيل ان مش هتمد ايدك علي اي اكواد ولا اي حاجة داخلية ولا مينتينانس حتي للداتا بيز !!
    بس بردو , ازاي الواحد هيبعد عن الجرافيك كدا !!
    kesho : المشكلة الاولي والاخيرة بتكون ف المرتب , لأن ده التقييم بتاعك , لو فكرت انك تشتغل شغلانة ب اجر بسيط ف الاول , صعب انك تعلي بعد كدا بسرعة , مدام اودامك كذا طريق , وفيهم الافضل والي يوصلك للي عايزو لازم تختارو
    بس الحيرة
    ابن يس : ان شاء الله يكون الي جاي خير
    .


    MR. Kok Limited Edition

  8. #8
    عضو نشيط
    صور رمزية KeShOo
    تاريخ التسجيل
    May 2008
    المنطقة
    مــصــر
    ردود
    516
    بس يا جدعان فعلا ساعات بفكر ازاي ابعد عن الجرافيك مجال بحبه وممكن اوصل فيه بسرعة
    وطبعا كل واحد بياخد نصيبه


    بص يا كريم ادام انت محاسبة برضه
    اكيد سمعت عن الكورسات CMA و CPA و MBA
    دي بتبقه زمالة امريكية
    كل واحدة وليها تفاصيل واعتقد مدة الكورس ده بيبقه سنتين ونص او 3 سنين بس بعد ما تخلصه كده يبقه انت 100 100
    تشتغل بقه فى شركات multinational


    ربنا يكرمك ان شاء الله

  9. #9
    عضو متميز
    صور رمزية محمد طو...
    تاريخ التسجيل
    Jan 2009
    المنطقة
    ليبيا بلاد الاحرار
    ردود
    1,126
    شوف اخوي يمكن اساعدك بكلمتين اللي هما ...
    ادرس وتعلم ..... ولاتفكر في الرزق كله على مجهودك وعلى خبرتك وعلى عقلك .... و المجال اللي تحبه هوى اللي بتنجح فيه وهوى اللي بتكسب منه ... موفق
    2D*3D
    محمد الطويل
    KOMBS

  10. #10
    Registered User
    تاريخ التسجيل
    Aug 2006
    المنطقة
    مصر
    العمر
    30
    ردود
    7,129
    اقتباس الموضوع الأصلي كتب بواسطة keshoo معاينة الرد
    بس يا جدعان فعلا ساعات بفكر ازاي ابعد عن الجرافيك مجال بحبه وممكن اوصل فيه بسرعة
    وطبعا كل واحد بياخد نصيبه


    بص يا كريم ادام انت محاسبة برضه
    اكيد سمعت عن الكورسات cma و cpa و mba
    دي بتبقه زمالة امريكية
    كل واحدة وليها تفاصيل واعتقد مدة الكورس ده بيبقه سنتين ونص او 3 سنين بس بعد ما تخلصه كده يبقه انت 100 100
    تشتغل بقه فى شركات multinational


    ربنا يكرمك ان شاء الله
    تصدق .. أنا لو كنت خريج تجارة كنت هموت نفسى و أحصل على الـ cma

  11. #11
    عضو متميز
    صور رمزية mmnoor
    تاريخ التسجيل
    Nov 2007
    المنطقة
    ساكن فين ؟؟ انت مخبر ولا ايه ؟؟؟
    العمر
    31
    ردود
    6,588
    اقتباس الموضوع الأصلي كتب بواسطة keshoo معاينة الرد
    بس يا جدعان فعلا ساعات بفكر ازاي ابعد عن الجرافيك مجال بحبه وممكن اوصل فيه بسرعة
    وطبعا كل واحد بياخد نصيبه


    بص يا كريم ادام انت محاسبة برضه
    اكيد سمعت عن الكورسات cma و cpa و mba
    دي بتبقه زمالة امريكية
    كل واحدة وليها تفاصيل واعتقد مدة الكورس ده بيبقه سنتين ونص او 3 سنين بس بعد ما تخلصه كده يبقه انت 100 100
    تشتغل بقه فى شركات multinational


    ربنا يكرمك ان شاء الله
    لا يا عم الحاج cma على النظام الجديد اتحددلها رنج سنة ونص عشان تمتحنها وإلا تعيد من الأول http://www.imanet.org/certification.asp
    ، النظام الجديد ده اتطبق من أول 2009، وعلى فكرة الشهادات في المجال المالي كتييييييييير، عندك مثلاً cfa، cmt كل واحدة من دول لها سعرها، وسعر سعر يعني، بس لو أخدت واحدة منهم الشركات هي الي هتدور عليك وانت اللي هتملي شروطك كمان بس خدها الأول ، في مجال المحاسبة الأفضل إنك تتعب شوية وتدور على أي مكان تمارس فيه المهنة بأي أجر المهم تاخد خبرة، تنحط في الــ c.v بعدين تفلّق على برّه في أي مكان، المحاسبين مطلوبين بس الخبرة في الموضوع ده، والإتقان، العملية مش شوية قيود وقوائم مالية زي ما انت عارف، وإلا كانت الشركات اعتمدت على البرامج المحاسبية وريّحت دماغها وإنت عارف إن البرامج المحاسبية ممكن أي واحد عنده شوية خبرة في التعامل مع الكمبيوتر، يفهمها، طبعاً إنت وتصورك بس ده تصوري للموضوع، ومن تجارب ناس سمعتها، طبعاً في ناس ما مرّتش بده كلّه
    (وَإِذَا قِيلَ لَهُمُ اتَّبِعُوا مَا أَنزَلَ اللَّهُ قَالُوا بَلْ نَتَّبِعُ مَا وَجَدْنَا عَلَيْهِ آبَاءنَا أَوَلَوْ كَانَ الشَّيْطَانُ يَدْعُوهُمْ إِلَى عَذَابِ السَّعِيرِ) لقمان :21

    الرد على من قال بحل المعازف

    http://www.abumishari.com/

  12. #12
    عضو متميز
    صور رمزية mmnoor
    تاريخ التسجيل
    Nov 2007
    المنطقة
    ساكن فين ؟؟ انت مخبر ولا ايه ؟؟؟
    العمر
    31
    ردود
    6,588
    اقتباس الموضوع الأصلي كتب بواسطة الشريف أحمد معاينة الرد
    تصدق .. أنا لو كنت خريج تجارة كنت هموت نفسى و أحصل على الـ cma
    الــ cma بقى الحصول عليها شرط للتوظيف في مهنة محاسب بالإمارات، في أي مكان تروحه
    (وَإِذَا قِيلَ لَهُمُ اتَّبِعُوا مَا أَنزَلَ اللَّهُ قَالُوا بَلْ نَتَّبِعُ مَا وَجَدْنَا عَلَيْهِ آبَاءنَا أَوَلَوْ كَانَ الشَّيْطَانُ يَدْعُوهُمْ إِلَى عَذَابِ السَّعِيرِ) لقمان :21

    الرد على من قال بحل المعازف

    http://www.abumishari.com/

  13. #13
    كيمووو
    صور رمزية kareem50
    تاريخ التسجيل
    Nov 2004
    المنطقة
    لايوجد انتماء
    ردود
    3,161
    والله يارجالة انا لو عملت كدا , هقول يخسارة تعليم النت الي الواحد اتعلمه
    وكمان موضوع ال cma ده مبيدخلش دماغي مش عارف ليه !!!
    اكيد مبفكرش اخود cpa عشان دي للأغنياء فقط
    لكن ال cma افتكر اني لو دفعت المبلغ بتاعها ف كورس داتابيز محترم , جامع بين الاكاونتينج برينسبلز والداتا بيز
    الموضوع هيكون شيق اكتر , وغير كدا من الشغلانات النادرة والمطلوبة جدا , غير اني اكون محاسب عادي ,حتي لو معايا خبرة وشهادات , بس اسمي ف الاول والاخر محاسب , لكن لما اكون مبرمج , او تيكنيكال في الداتا بيز الموضوع هيكون مختلف
    انا اعرف واحد داتا بيز كان بيشترط الراتب بتاعه علي الشركة قبل مايشتغل , يعرف تمنه في السوق ويتشرط علي الشركات
    مفتكرش ان فيه واحد محاسب ممكن يكون مصيرو كدا الا بعد عشر سنين
    لكن معظم الحلول ان الواحد يبعد تماما عن الجرافيك
    .


    MR. Kok Limited Edition

  14. #14
    طالب / مدرسة الأنيميشن
    صور رمزية eslamafify
    تاريخ التسجيل
    Oct 2005
    ردود
    2,274
    اقتباس الموضوع الأصلي كتب بواسطة محمد طو... معاينة الرد
    المجال اللي تحبه هوى اللي بتنجح فيه وهوى اللي بتكسب منه ... موفق

    اعتقد الكلام ده الفيصل والا هنفضل نبص للغرب من تحت لو حطيت كل تركيزك على المرتب هتتعب فى شغلك بعد كده شوف انت بتحب ايه عشان تقدر تبدع فيه والا هتشتغل اى شغلانة حتى لو مرتبها حلو بس هتبقى مفيش حاجة بتميزك وحياتك مملة ونمطية

    انا تجارة بردوا على الفكرة ,,,,,,,للاسف يعنى

  15. #15
    مشرف منبر 3D Studio MAX
    صور رمزية M-Keshta
    تاريخ التسجيل
    May 2006
    المنطقة
    مصر - المنصوره
    ردود
    4,018
    كريم حاول تتخلص من الحيره دى بدرى قبل ما تتخلص والا هتقتلك لانى دلوقتى عندى الصراع ده ومش لاقيله حل
    بس من الاخر هقولك اتخصص فى اللى بتحبه اكتر وخد بالك ان مفيش اى وجه تقارب بين الجرافيك والداتا بيز
    ولما توصل لحل قولى عملت ايه وليه

  16. #16
    كيمووو
    صور رمزية kareem50
    تاريخ التسجيل
    Nov 2004
    المنطقة
    لايوجد انتماء
    ردود
    3,161
    والله ياحوكة انا حسبتها كدا ,انا 80% بفكر في الاوراكل داتا بيز , اولا عشان هكون ماشي علي خطي واضحة لأن اخويا الكبير هيقولي علي كل صغيرة وكبيرة اكون محتاجها ..
    اما ال 20% بتوع الجرافيك , مش هيدعموني , فكرت فكرتين , اني افتح مكتب جرافيك خاص بيا , اتخصص ف الفوتوشوب والثري دي ماكس, لكن لقيت ان معاملة الزباين ديما بتكون بايخة , وشغل الجرافيك بيكون كتير والعائد يعتبر مش كبير بالنسبة للتعب بتاعو, والزباين عموما ف المجال ده عايزة كل حاجة ب ارخص حاجة !! حل مش عملي تماما
    والفكرة التانية اني اشتغل ف شركة متخصصة ف الجرافيك , بردو لقيت ان العائد مش هيكون كويس , او هيكون متعب جدا نوعا ما عشان الناس دي تقدر شغلك ...
    نضافة شغل الداتا بيز انك بتشتغل ف شركة محترمة جدا , وبتتعامل مع زباين قمة الاحترام ,وبدون مبالغة فيه شركات بتدي كورسات بمبالغ ضخمة للي بيشتغل عندها , ده غير التأمين بتاعك والحوافز وبيكون ليك نسبة ف ارباح الشركة
    وكانت كل الاقتراحات الي الناس الي بيشتغلو فعلا ليا كانت اني اخود البيزنيس سوت بتاعت اوراكل دي , واني اقدم ف منحة الاي تي اي ,واذا حتي لا قدر الله مقبلتش هاخود الكورس برايفيت..
    ده شغلي القادم ان شاء الله وهحبه , وبما اني دارس محاسبة انجليزي والشغل كله هيكون محاسبي تقريبا بنسبة 30%
    والباقي داتابيز , ف اعتقد انه هيكون ظريف , بس الجرافيك هيفضل له معزة ف قلبي
    بس انت يا حوكة مشاء الله مستواك حلو ف الجرافيك , لازم تعمل كام تصميم دعاية زي بتوع كوكاكولا ولا بيبسي والكلام ده
    وتعمل برومو جامد , وهتلاقي الف شركة محترمة تخطفك
    بس انت متحير ليه بردو ؟ اودامك ايه مع الجرافيك ؟
    .


    MR. Kok Limited Edition

  17. #17
    عضو نشيط
    صور رمزية KeShOo
    تاريخ التسجيل
    May 2008
    المنطقة
    مــصــر
    ردود
    516
    اصل المشكلة انا حاسس انى فاهم شوية فى مجال الجرافيك
    لاكن المحاسبة مش قوي
    لانى كنت حاتط فى دماغى انى اتخصص واشتغل بيه
    لاكن فعلا لقيت ناس بتقلى ركز فى مجال المحاسبة احسن
    طب سؤال
    هل ينفع امشي فى الاتنين يعني ادرس محاسبة وجرافيك
    ومجال الداتا بيز ده ليه ناسه برضه لان اسمع انه رخم وصعب
    بصراحة حاجة تحير جدااا انا مخنوووووووووووووووووووووق من الموضوع ده

  18. #18
    مشرف منبر 3D Studio MAX
    صور رمزية M-Keshta
    تاريخ التسجيل
    May 2006
    المنطقة
    مصر - المنصوره
    ردود
    4,018
    انا محتار بين الجرافيك ومجالى الاساسى اللى هوا الهندسه المعماريه او التصميم الداخلى يعنى
    المشكله ان الواحد طماع ببقى عاوز اشتغل الاتنين وادى فيهم بس بتهيألى الموضوع صعب
    هوا الى الان انا شغال فى مجالى الاصلى او شبه مجالى يعنى والجرافيك يعتبر هوايه لغاية دلوقتى بس حاسس انى متقيد شويه

    وعلى فكره ياريس زى ما فى شركات داتا بيز محترمه فى شركات جرافيك بردو محترمه بس عاوزه شوية تعب عشان نوصلها

Bookmarks

قوانين الموضوعات

  • لا يمكنك اضافة موضوع جديد
  • لا يمكنك اضافة ردود
  • لا يمكنك اضافة مرفقات
  • لا يمكنك تعديل مشاركاتك
  •  
  • كود BB مفعّل
  • رموز الحالة مفعّل
  • كود [IMG] مفعّل
  • [VIDEO] code is مفعّل
  • كود HTML معطل