أين المشكل في المدرسة _ مناقشة _

[طارق]

سلام الله عليكم معشر الطلبة والطالبات الأعزاء

بدون مقدمات طويلة أقترح هذا الموضوع ليكون مكانا لنقاش المشاكل التي ظهرت أخيرا على المدرسة وبالأخص البطء الشديد في تنفيذ التطبيقات وفي المشاركة

صحيح أن التطبيقات أصبحت أكثر صعوبة ... وصحيح أن عدد المشرفين قليل جدا ... وهنا نوجه تحية تقدير لمجهودات أخونا العزيز فيصل على ما يقوم به من متابعة

المهم نريد منكم كل طالب على حدة ومن منظره الخاص أن يحدد لنا أين المشكل
هل هو صعوبة التطبيقات ؟
هل هو الكسل في عمل التطبيقات ؟
هل هي الإمتحانات والتحضير لها ؟

نريد ان نعرف أين المشكل بالضبط حتى يمكننا الإستمرار والمتابعة ؟؟

نريد أن نسمع ردودكم هنا : )
.

[FaHaD202]

أهلا أستاذ طارق أود أن أشكرك أنت ومشرفي المدرسة على هذا الجهد الذي تقومون به لإجل بقاء المدرسة
فجزاكم الله خيرا

أما عن سبب المشكلة في تكاسل المدرسة لا أدري من أين بالضبط

ولكن سبب تكاسلي أنا لايوجد تشجيع في موضوعي أو نقد فقط الذي يرد الأستاذ فيصل بارك الله فيه
وللأسف حتى أنا لأرد على الطلاب في مواضيعهم لتشجيعهم
وهذه عادة سيئة

واتمنى ان تستمر المدرسة وتتحسن إلى الأفضل
وأتمنى لكم الوفيق

[طارق]

طيب أخي فهد : ) لنستمع لباقي الطلاب

[Butter-fly]

أولا أحب أشكركم جميعا على مجهودكم
جزاكم الله كل خير وجعله فى ميزان حسناتكم

بالنسبه الى السبب الشخصى عندى
هو كان الامتحانات ولكن الحمد لله انتهت
اما المشكله الأساسيه الأن
فهى التعامل مع المايا
أعرف ان المفروض ان انا ابحث وادور بس بجد الموضوع بالنسبالى صعب لأنى كمان مش عارفه ادور فين
بس لسه هبدأ أدور عن اى حاجه لأنى فعلا معرفش فى البرنامج اى حاجه خالص .

[omar 3d]

والله يا اخي طارق السبب الرئيسي في تأخري شخصيا ُ هي الامتحانات و اجراءات التخرج ..

بس حاسس انو البعد عن المدرسة و لو لأسباب قاهرة بيعمل فتور وملل كبير .. و الواحد بيتغلب لما بيرجع ..

[eslamafify]

اعتقد صعوبة التمرينات وقلة او انعدام المشاركة بين الطلبة ده من اقوى الاسباب ايضا زى ما قالت ام محمد فى موضوع اسلام لو كانت هناك مصاريف للمدرسة مكناش هنسمع كل يوم واحد ينسحب او يتاخر فى تمريناته

ايضا الحمل ثقيل جدا على الاخ فيصل الله يكون فى عونه والاخ يوسف مش ظاهر من فترة معرفش ليه لعل المانع خير حتى انت يا طارق بتختفى كتير

وطبعا كلنا بننتظر الاخ فيصل بس فى النقد والتوجيه وبالتالى ده سبب تانى للبطئ

اما بالنسبة لى فهى كانت ظروف قهرية جدا والان انا امتحناتى بدأت من يوم امس

و ان شاء الله بعد الامتحنات هرجع زى الاول واحسن باذن الله

[Master.S]

تحية طيبة لكم وشكر خاص للأستاد فيصل >> صراحة كل مرة أدخل أري ردود الأخ فيصل وليست فقط ردود عادية بل مدونات من النقد الله يكون في عونه والله يجعل هدا في ميزان حسناته >> أما مشكل التكاسل أو التأخير في التطبيقات فبالنسبة لي أنها الامتحانات طبعا والسبب التاني صعوبة التطبيقات >> لكن بما أن عطلة الصيف علي الأبواب ان شاء الله ستري المدرسة تقدما >> مع العلم أننا لم نعد نري مواضيع في الملتقي كما كنا نراها سابقا

[طارق]

حلو جدا
نريد سماع باقي الطلبة وإن شاء الله نتقدم ونجد الحلول المناسبة لمثل هذه المشاكل ... ; )

[Y.mohamed]

مع انى مش معاكوا دلوقتى

بس اظن السبب الوحيد ان مفيش تفاعل بين الطلبه مهما كن السبب( كسل دراسه اى كان ) و تبادل الاراء قليل

[أم محمد]

في رأيي أهم الأسباب هو مجانية الدراسة فحقيقي لو كنا دافعين فلوس كان زمانا إلتزمنا مهما كانت ظروفنا حتى ساعتها كان ممكن توسيع إمكانيات المدرسة من زيادة في عدد المشرفين وخلافه الأساتذة قاموا بالواجب وزيادة وماقصروش في المساعدة لكن المشكلة في تكوين الشخصية العربية وهي عدم إستشعار قيمة الفرصة التي تأتي بدون مقابل أتمنى يكون في قوانين جديدة تعتمد على نسبة حضور وغياب على أساسها يتحدد درجات الطالب مثلا أو أي شئ من هذا القبيل للتحفيز والتهديد إن جاز الأمر حتى أن الطالب إن إستشعر بانه مهدد بفقدان هذه الفرصة إن تكاسل أو توانى ربما يغير من تقديره لهذه الفرصة ويحسن إستغلالها

[essam-78]

لا يخفي علي احد الخمول والكسل اللي موجود في كل اقسام المدرسة بلا استثناء
انا عن نفسي ...
اسباب تأخري وقلة مشاركاتي... عدم وجود نت -والشغل..احيانا فترة شغلي بتوصل الي 14 ساعة متواصلة
لكن بفضل ربنا و علشان انا بحب التحريك واني مش هلاقي فرصة المدرسة دي تاني ..انا موجود معاكم لحد الان
...........
انا شايف ان سبب الخمول الرئيسي

هي الإمتحانات والتحضير لها ؟

معظم الطلبة اصحاب النشاط الملحوظ عندهم امتحانات
......................
اما عن...
صعوبة التطبيقات.... هذا امر طبيعي مع التقدم في الدراسة
تكاسل الطلبة في التطبيقات....اعتقد امر طبيعي ان يمر الدارس بفترات من الملل والاحباط ...لكن ليس من الطبيعي ان يدوم ذلك

[لوكي لوك]

لست ضمن الطلبة واشهد علي ان الدروس جيدة جدا لكن اعتقاد خاص هو ان الفترة فترة امتحانات وهذه الفترة يشهد المنتدي بعض الركود المرحلي .

[أم محمد]

بالفعل موضوع الإختبارات محل إعتبار وياريت لو في الدفعات القادمة يؤخذ بعين الإعتبار أن يكون في نوعين من الدراسة
نوع للمتفرغين وآخر للمنتسبين وتوضع لكل نوع ضوابط تحكمه وفق مايناسبه من تساهلات في مواعيد وضع التطبيق والمدة المحددة لها والمشاركات وبالله التوفيق

[eslamafify]

انا شايف ان بعد انتهاء فترة الامتحانات المفروض نعمل نظام الزامى عشان نقدر نكمل المدرسة وميفاجئناش كل فترة انسحاب احد الطلاب لان ده بيقلل من فعالية المدرسة والنشاط الى فيها

لو نفتكر كلنا النشاط الى كنا فيه فى الاول هنزعل جامد على حالنا دلوقتى

فياريت لو نعمل فرز للطلاب الى مسجلة فى المدرسة دلوقتى ونعرف مين منهم وقته يسمح لوضع قوانين الزامية ومين مش متفرغ وتبقى مهمة المشرفين الناس الى عندها استعداد تلتزم بالقوانين دى ومهمة الناس دى انها تتابع البقية الغير متفرغة

لان كده احنا بنظلم المشرفين معانا وخاصتا الاخ فيصل بالمجهود الى بيضيع مع كل واحد ينسحب والله يكون فى عونه على الموضوع ده بجد

اما بالنسبة لصعوبة التمرينات فده امر طبيعى جدا بس مننساش اننا مش زى انميشن مينتور مثلا هما عندهم امكانيات ومشرفين كتير جدا فممكن حل المشكلة دى بزيادة وقت التمرينات الصعبة شوية بس الموضوع ده يرجع للمشرفين هما ادرى مننا

ولاحظت عندهم ان الطالب مينفعش يبدا فى التمرين الا لما يتوافقله على الفكرة والمخطط الامر الى احنا بنهمله جامد لان ده بيسبب مشاكل للطالب وانا شخصيا وقعت فيها كتير لان ساعات الواحد بيختار فكرة صعبة على الفاضى وبينسى الهدف من التمرين الى كان ممكن نركز عليه ونتعلمه ببساطة
فياريت لو ندخل موضوع الفكرة والمخطط دول فى الحسابات الاول

اخر نقطة وهى مشكلتنا احنا الطلبة مع بعض مبقاش بينا المشاركة الى كانت موجودة فى الاول ودى مشكلة كبيرة جدا
مش عارف ممكن نحكمها ازاى بس لازم نحلها

مجرد افكار يا ريت اسمع رايكم فيها

وفى نقطة خارج الموضوع
كنت بتمنى اننا نجتمع فى عمل واحد كلنا وساعات كانت العملية بتوسع منى وابقى عايز لما نشتغل نجتمع فى مكان واحد ياترى رايكم ان الكلام ده ممكن يحصل؟!!!!!!!!!!؟

[طارق]

حلو ...
أين البقية نريد أن نسمع ردودكم وكيف ترون المشكلة وأين تكمن من وجهة نظركم ؟؟؟؟.....