موضوع: ارجو المساعدة ضروري جداااااااا من الناس اللي بتشتغل في مجال التصميم

ردود: 5 | زيارات: 540
  1. #1

    Exclamation ارجو المساعدة ضروري جداااااااا من الناس اللي بتشتغل في مجال التصميم

    السلام عليكم
    ازيكم يا شباب؟
    انا كريم شاب مصري 22 سنة واخر سنة في كلية تجارة وان شاء الله هخلص بعد ايام
    انا بدأت اتعرف على مجال التصميم والدعاية والاعلان عموما في شهر نوفمبر 2008 يعني من ست شهور تقريبا وده كان بسبب صديق ليا قالي انه هيفتح مكتب دعاية واعلان مع شريك وعاوزني معاه على حسب كلامه اني ممكن لو حطيت فكري في حاجة اتقنها وبالفعل بدأت ابحث في كل مكان عن اي حاجة عن الموضوع ده لكن للاسف ملقتش الكثير لان مثلا عالنت معظم المنتديات اما معلومات مغلوطة او وجهات نظر مختلفة كليا او خناقات بين الناس لاقتناع كل واحد بفكره فقط!! والمشكلة الثانية عدم مقدرتي ماديا على اني اخد كورسات في المجال وبقيت اعلم نفسي بنفسي اني افتح البرامج وابدأ احاول اني اتعلم بنفسي والمشكلة التانية الي وجهتني ان معظم الدروس على المنتديات مش هدفها انها تعلمك حاجة تفيدك في شغل ولكن الهدف التصميم وخلاص توريه لصحابك او تشيله عندك وخلاص.
    المهم بمجرد بدء الشغل انتهى لخلاف مع الشريك اللي معانا عشان مكنش عاوز يجيب حد محترف عشان المرتب طبعا ومكنش ينفع نكمل واحنا مبتدئين وهو في نفس الوقت كان عاوز يدي مرتبات للناس اللي شغالة سواء المحاسب او السكرتيرة لو حد سمعها والله هيضحك لسنة جاية
    وبكده رجعت لنقطة الصفر وخصوصا اني حبيت المجال ده جدا كفكر دعاية واعلان عموما مش مجرد تصميم وخلاص وفكر تسويق وكل حاجة تخص الدعاية وحبيت اني اشتغل في المجال ده بعيدا عن المحاسبة اللي مشوارها بالنسبالي صعب جدا عشان معييش فيها كورسات ولا وسايط ولا اي حاجة وعشان اوصل فيها لمرتب يخليني اعمل حاجة عاوزلي كتير جداااااا وقت وكمان مفيهاش ابداع ولو في واحد خريج اداب ومعاه وسطة كويسة هيشتغل فيها ويبقى تمام عكس التصميم والفكرة اللي المفروض مفيهاش وسايط
    وبدأت ادور على حد يساعدني ادخل المجال لكن للاسف حسيت ان الناس بخلاء كأني لو دخلت المجال هاخد جزء من اكل عيشهم ولا حول ولا قوة الا بالله ولا حتى حد فكر يسألني او حب يشوف الشغل اللي انا عملته لمكتبنا في الاول و لناس عملتلهم شغل وانا قاعد في البيت.
    حتى خرج علينا واحد مصمم المفروض انه مشهور الا حد ما خرج علينا في برنامج على نجوم اف ام كرمز لشاب ناجح وعرض على المستمعين ان لو حد ليه في المجال ولو بسيط او حابب انه يتعلم او عنده الاستعداد يكلمه عالميل او الموبايل اللي موجود على موقعه واذا بي احاول الاتصال به عبر الايميل لقيته مبيردش اتصلت عالموبايل اربع مرات خلال شهر كان كل مرة يقولي عشر ايام وهتصل بيك وحسيت منه عدم اهتمام وان كلامه كان مجرد شو اعلامي عالبرنامج مش اكتر
    المشكلة دلوقتي اني بقيت مشوش ومش عارف اعمل ايه لا مني عارف اشتغل في مجال المحاسبة ولا مني عارف اوصل لحاجة في المجال اللي حبيته وهو التصميم والدعاية والاعلان ولا عارف اتعلم حاجة او ادرب في مكان او اي حاجة. بجد آسف جدا عالاطالة بس انا لقيت المنتدى هنا احسن مكان اتكلم فيه واحكي لانه تقريبا الافضل وقولت يمكن الاقي حد ينصحني او يفكر معايا يمكن اوصل لقرار لاني وصلت لمرحلة اني حتى مش عارف تصميماتي كويسة ولا لا ومش عارف هل فعلا انا انفع في المجال ده ولا منفعش ولا ايه
    شكرا ليكم جميعا واتمنى اني مكنش تقلت عليكم
    والسلام ختام


  2. #2
    عضو قدير
    تاريخ التسجيل
    Feb 2001
    المنطقة
    فلسطين - غزه
    العمر
    38
    ردود
    3,873
    عزيزي كريم..
    ألاحظ أنك مشوش بين عدة أمور وهذا يسبب لك إزعاج..

    لكن هناك كلمه بسيطه تريحك

    وهي أن "رزقك مكتوب لك"
    يعني صحيح بتشد حيلك وتطور نفسك والباقي على ربنا ولن تستطيع أن تنقص أو تزيد مما كتبه الله لك..

    وهذا كما نعلم ليس مدعاه للخمول وإنما لشد الهمم دون إرهاقها بالتفكير في المال والحصول عليه..

    الان كيف تشد الهمم ووتطور نفسك وهذا طبعا لمن هم من تخصصات مختلفه ومهتمون بمجال الجرافيك

    أولا يجب أن تهتم بتخصصك لانه هو المرجع.. يعني لا تهمل الدراسه التي صرفت عليها لسنوات عديده لأنها هي خط الحمايه الأخير لك.

    ثانيا: إذا أردت الدخول في مجال التصميم فاعتبره شئ تكميلي وليس كأساس لعملك مهما توغلت فيه.. والتوغل فيه إما أن يكون
    1- لديك موهبه التصميم والتطوير الذاتي وتستطيع الإبتكار وابهار السوق بالجديد.
    2- أو أن تكون مسئولا عن فريق تصميم ودورك في التوجيه وهذا لا يأتي إلا بعد سنوات من العمل أو أن يكون لديك رأس المال والموهبه..
    هنا أعتقد أنك ستعمل ضمن النقطه الاولى.

    ثالثا: ستجد الكثير من الأشخاص المصممين خصوصا لديهم عقدة العظمه، أو يحاولون أن يخفول معلومات وأعتقد أن هذه أمراض من الطبيعي تواجدها بالبشر وخصوصا هذه الطبقهفلا تجعله عائقا، خصوصا أن عصر الإنترنت جعل المعلومه مجانيه.

    رابعا: ليس من الضروري أن تأخذ كورسات، فالدروس تملأ الإنترنت، وحتى الإسطوانات باهظة الثمن يمكنك أن تحصل عليها بمبالغ بسيطه أو من خلال خط انترنت جيد، أو من الأصدقاء، لكن الأهم أن يكون لديك الدافع للتعلم والموهبه، واتقان اللغه الإنجليزية ولو بشكل بسيط وعدم الإستعجال.. وأقصد بعدم الإستعجال هو أن تكون سخيا مع نفسك في الوقت، تعلم كثيرا وتكلم قليلا.. لا تعتقد أن سنه أو سنتين أو عشره كافيه لتكون محترف، وعندما تحترف فلن يبقى شئ لتطور نفسك فيه إلا التواضع.

    خامسا: إن أحسست أن الموهبه ليست على ما يرام فيمكنك الإستفاده من تصاميم الغير ومحاوله اقتباس الأفكار منها، واستخدام بعض الملفات الجاهزه والتي تباع من الشركات أو تعرض على الانترنت، ارضى بالقليل المستمر الذي هو أفضل من الكثير المنقطع، وابتعد عن الشبهات ولو كان فيها المال الكثير.

    هناك بعض التفاصيل التي تغيب عن بالي الان، لذلك أرجو أن أكون قد أفدتك بشئ..

    تحياتي

  3. #3
    شكرا يا حسام على كلامك
    بس انا حبيت بس اعرض كلامي هنا عشان لو حد شغال في المجال ده يفيدني بخبرته ونتناقش
    ويقولي مثلا اقدر اعمل ايه وايه اللي ممكن اوصله او المفروض مني ابدأ ازاي
    عالعموم شكرا على نصايحك وربنا يكرمك

  4. #4
    كان نفسي الاقي تفاعل اكتر من كده بس .... !!!

  5. #5

Bookmarks

قوانين الموضوعات

  • لا يمكنك اضافة موضوع جديد
  • لا يمكنك اضافة ردود
  • لا يمكنك اضافة مرفقات
  • لا يمكنك تعديل مشاركاتك
  •  
  • كود BB مفعّل
  • رموز الحالة مفعّل
  • كود [IMG] مفعّل
  • [VIDEO] code is مفعّل
  • كود HTML معطل