Hazem Sabry's Workshop(2) Lighting & rendering

[hmsabry]

شباب ... كيفكو بردو

تكملتا لما بداناه في ورشه ال compositing .. هندخل الرندر في الموضوع بما فيه من
مشاكل وتكنيكات ...

بس احب اقول خطوط شغلنا .....
الورشه ده مختلفه تمـــــــــــــــــــــام عن ورشة ال compositing بمعني .... هنا مش في ناس
هتشرح وناس تطبق ...؟؟ لا ..
هنا كلنا هنزاكر مع بعض ونجرب لحد مانوصل لاعلي حتت في المنتال راي .... فهل الناس عندها طموح
تبقي اكتر من مستخدم للمنتال راي ..؟؟ لو انت حاسس انك عاوز كده .. تبقي انت جيت المكان الصح لاننا
كلنا هنساعد بعض .... واتمني شباب الماكس يبقو معانا عشان نقدر نعمل مرجع منتال راي عربي قوي جدا
اقوي من اي حته تانيا ... لاي برنامج 3d ...

وزاي ماقلت قبل كده عوزين نعمل فكر جديد ...فكر انتقال الخبرات .. عشان نقدر في يوم احفاد احفادنا
يقدرو في يوم من الايام يسبقو الناس بره ...!! مش يحصلوهم ..؟؟!! لا يسبقوهم ...
احنا هنحاول نقرب ان شاء الله ... لو قدرنا نقرب الفجوه ده يبقي انجاز .... احفادنا يوصلولهم احفادهم
يسبقو ان شاء الله ... بس نجري صح ... مش نجري بره التراك

الهدف ...
البحث ... البحث ... البحث ...!!
مش هدفنا ان نكون مكتفيين بخبرة الناس اللي موجوده ...!! لان محدش يعرف كل حاجه عن المنتال راي ..!!
فالهدف .... ماتيجو نتعلم كل حاجه عن المنتال راي ..!!!

هنحط مواضيع نناقشها كلنا ... الكل هايبحث فيها ونتناقش فيها كلنا ونجرب معا بعض لحد مانفهم 100 100
ونخش في اللي بعده ... 100 100 هنا 100 100 هناك ...يبقي اجمالي الموضوع ..؟؟ فهمت المنتال راي
100 100 ...!!! الموضوع مش مستحيل ..؟؟
الاجانب مش احسن مننا ... الفرق انهم مش بيكلو فول .. معليش كلنا نتفق ونقلل الفول اليومين دول
عشان نحصلهم وبعدين نأكلهم همه فول ونكمل احنا

المواضيع هناقشها ... من البدايه تماما .... ارجو الناس تفكرها كله يبقي منصب علي اتباع الموضوع
وانا مقدر المشاعر الجميله بتاعت الناس ... بس ياجماعه عوزين الموضوع يبقي بروفيشنال بمعني
بلاش الشكر في الموضوع او الاستحسن .. عوزين الموضوع بس كله شغل وردود كلها افاده عشان احنا
بنزود عدد الصفحات ... والناس اللي بتقرا مش بتستافيد من الكلام ده
عشان كده في رسائل خاصه بره الموضوع قول كل اللي نفسك فيه .... بس بلاش في الورشه
ارجو الناس تفهمني صح ومحدش ياخد الكلام بمحمل سيء انا غرضي الصالح العام

انا بجهز اول جزئيه هناقشها .... فابقو معنا ...

[ridhwan]

هذي الورشة اللي انتظرتها معاك للنهاية استاذ حازم..
الله يقدرنا على رد الجميل واصل واصل واصل

[sindbad10]

معاك يا باشا
اعتقد ممكن كل واحد يترجم المعلومات حسب نوع الريندر اللي بستخدمه
احنا جماعة الفيراي ...مشينا معاك بالورشة الاولى
وحابين نكمل بالفيراي...والا في شيء خاص بالمنتال راي فقط بالموضوع؟؟؟

[omar 3d]

جزاك الله خيرا استاذ حازم ..

في الانتظار ..

[y@sser]

فكره جميلة يا حازم
ابداء علي بركة الله

[hmsabry]

معاك يا باشا
اعتقد ممكن كل واحد يترجم المعلومات حسب نوع الريندر اللي بستخدمه
احنا جماعة الفيراي ...مشينا معاك بالورشة الاولى
وحابين نكمل بالفيراي...والا في شيء خاص بالمنتال راي فقط بالموضوع؟؟؟

والله ياصحبي انا مش عارف بس حاسس ان الموضوع ممكن يبقي جامد جدا لو قدرنا نعمل العلاقه مابين
والمنتال راي (مش كا مبارزه ) عشان لو دخلنا الحته ده مش خارجين ان عارف والناس هتخش وهتبقي
عاركه

(علي المستوي الشخصي) عايزيني في الشغل اشتغل Vray للمايا ... اسباب ليها علاقه بالرندر فارم فانا
هابقي حابب الموضوع ده جدا ....

بس علي مستوي الورشه ... افضل نبدا هنا منتال راي لان ال Vray for maya لسه تجريبي وفي
limitations كتيره جدااااااا وغبيه جدا منها مقاس الصوره مايزيدش عن 640 ˟ 480 .. وده غباء
جدا بس ده تجريبي ..!!!
عشان كده مش هايكون مفيد ... بس برده ممكن نفكر ازاي ممكن نستفيد منه ...

بس اعتقد (راي شخصي) لو انكم اتعلمتو منتال راي هيكون + بالنسبالكم ... ومادام هيفيدكم ومش هاياخركم
يبقي اتعلموه ...! وجهة نظر شخصيه ..!!

[hmsabry]

Anti Aliasing

الموضوع ده كنت بالفعل اتكلمت فيه قبل كده وعشان كده جبت الشرح بتاعه هنا علشان
ده اللي كنت وصلتله ...
فاعوزين نناقش الموضوع ده مع بعض .... فانا هطرح اللي انا وصلتله ...والكل يجربه ونحاول مع بعض
اتمني شباب الماكس لو حد منهم يتبرع بعمل بحث في ال anti aliasing في المنتال راي في الماكس
هل نفس الكلام ولا في اختلاف ..؟؟ يبقي كده نبقي شغالين صح جدا مع بعض


الصوره مكونه من pixels نقاط يعني وال pixels ده بتشيل RGB ...
بص كويس علي اطراف المربع .. هتلاقيه مستقيم جدا مافيش شرشره تماما .. وده بسبب ان المربع
خطوطه ماشيه مستقيمه مع ال pixels ..!!





لكن انت لو عامل خط مايل ... وعملت zoom هتلاقي شرشرة ..





لكن لم احنا محتاجين الخط يبقي sharp يبقي لازم اقوله حط pixels كتير جدا عشان مايعملش
شرشره





في ال 3D
عندنا في ال 3D عملية اسمها anti aliasing ومن خلالها بنحدد قد ايه احنا محتاجين pixels
عشان نضيفها ونعالج الشرشرة دي ..

واحنا عندنا طريقتين لل( AA ( anti aliasing
(1) Fixed samples
(2) Adaptive samples

(1) Fixed Samples
وده انت بتقول للمنتال راي ارفع كمية ال pixels في الصوره كلها سواء محتاجه ولا لأ ..؟؟ سواء
كان في curve محتاج او حتي مساحة لون ساده ...!! وده معنا وقت رندر فظيع ..!!

(2) Adaptive sampling
وده معناه انك بتقول للمنتال راي انا عاوزك ترفع عدد ال pixels في الحتت بسسسسس اللي محتاجه
واللي مش محتاج قلل جدا عدد الpixels

الصوره ده بتوضح قلة ال samples علي اطراف الموديل عمل شرشره ..



وعن طريق ال adaptive samples انت بتحدد قيم ال min وال max يعني اقل واكبر قيم تستخدم لل samples
ال min = اقل قيمه توضع لو مافيش حتت محتاجه pixels كتيره مثلا مساحة لون ساده..
ال max = اكبر قيمه توضع في حالة وجود خطوط مايله او curves ...



*الخطوط السوده هي ال pixels

في حاجه اسمها ... over sampling و under sampling ..
over sampling معناها انك بتقسم ال pixel الوحده بالطول وبالعرض بمعني...
0= انقسام مره واحده .. طول وعرض يبقي اتقسمت ال pixel الي 4 pixels
1=انقسام مرتين .. طول وعرض يبقي اتقسمت ال pixel الي 9 pixels
2= .......
وهكذا زاي ماهو مبين في الصوره

under sampling معناها ... انك تجمع 4 pixel فما فوق في sample واحده.. بمعني
-1 = جمع 4 pixels في sample واحده
-2 = جمع 8 pixels في sample واحده
زهكذا ....

ولذلك ... يجب وضع قيمتين واحد min والتانيه max في حالة المساحه اللي مش محتاجه samples
يستخدم ال min و في حالة الخطوط المايله وال curves يستخدم ال max

ولذلك ... في طريقه مهمه جدا ... مش كتير بيستخدمها وهي ... Samples Diagnose..
وده بيوريك ال samples متوزعه ازاي في الصوره ..؟؟


وعشان تشغلها ... روح لل render setings >> diagnostic > check samples

وزاي ما هو باين في الصوره .. 2,0- ال sample (النقط البيضه) قليله جدا وبعيده لانها under samples
فبتجمع كل كذه pixel في samples واحد
وكل ما ال samples عليت كل مازود النقط اكتر ... كل ما زود نعومة اطراف الموديل ...
جربها عشان تشوف الفرق ..


اخر حاجه في الموضوع ده ... واهم حاجه ... ال Contrast
وده معناه ...كل ما ال contrast قل كل مابتخلي المنتال راي يزق ال samples اكتر علي
الاطراف .... والمناطق ... اللي محتاجه ......
وكان في حد قلي قبل كده ان افضل حاجه انك تدي samples ماعقوله مش كتير بس تعلي ال
contrast اوي عشان ده باقل samples ضغطهم علي الاطراف اوي ... فا هيديك نعومه جدا
بس قللت ال samples
ممكن نجرب الموضوع ده و نناقشه مع بعض ... بتجارب الناس ....

ده كل اللي وصلتله ....
نناقش بقي ...

[omar 3d]

ممكن توضح اخي حازم آلية النقاش اللي عايزها ؟؟ حتى ينتظم الموضوع ولا يكون طرح المواضيع عشوائي ..

لو تحط outline للمواضيع اللي بدك تطرحها .. وكل واحد يجيب اللي بيعرفه من معلومات حول الموضوع المطروح ..

[sindbad10]

والله ياصحبي انا مش عارف بس حاسس ان الموضوع ممكن يبقي جامد جدا لو قدرنا نعمل العلاقه مابين
والمنتال راي (مش كا مبارزه ) عشان لو دخلنا الحته ده مش خارجين ان عارف والناس هتخش وهتبقي
عاركه

(علي المستوي الشخصي) عايزيني في الشغل اشتغل vray للمايا ... اسباب ليها علاقه بالرندر فارم فانا
هابقي حابب الموضوع ده جدا ....

بس علي مستوي الورشه ... افضل نبدا هنا منتال راي لان ال vray for maya لسه تجريبي وفي
limitations كتيره جدااااااا وغبيه جدا منها مقاس الصوره مايزيدش عن 640 ˟ 480 .. وده غباء
جدا بس ده تجريبي ..!!!
عشان كده مش هايكون مفيد ... بس برده ممكن نفكر ازاي ممكن نستفيد منه ...

بس اعتقد (راي شخصي) لو انكم اتعلمتو منتال راي هيكون + بالنسبالكم ... ومادام هيفيدكم ومش هاياخركم
يبقي اتعلموه ...! وجهة نظر شخصيه ..!!

انا اسف اخ حازم ما ذكرت اني اقصد الفيراي الخاص بالثري دي ماكس
انا وبعض الاخوة بورشة الماكس متابعين معاك بالفيراي

[esso70]

السلام عليكم
ان شاء الله تعالى اكون معاكم هنا على طوول
في واحد قالى كلام انا مصدقتوش مش عارف ليه
احنا عارفيين ان الماتريال ليها sampling
والشادو ليه سامبلر وهكذا
هوا قالي ان الأنتى الياسينج فى المنتال يعتبر سامبلر عام فوق الكل
بمعني انى ممكن بدل ما اعلى السامبلينج بتاع الماتريال اروح اعلى السامبلر بتاع الأنتى الياسينج بتاع الصورة فدا يعلي السامبلر بتاع الماتريال over all
فلو كلامي صح يبقى هنا نفصل ما بين
photo
anti aliasing = pixel samples
material
glossy samples for reflection
glossy samples for refraction
وهكذا بينه وبين اى ساملبر لشيء أخر

الكلام دا نظريا فقط متهيألي
لكن عمليا المفروض اننا بنلعب ما بيين الإتنين حسب قرب الأوبجيكت وبعده عن الكاميرا علشان نطلع الجوده اللى احنا عايزيينها

ياريت حد يقولي كلامي صح ولا خطأ



والله المستعان

[Master.S]

السلام عليكم >> في adaptive samples خليت نسبة Max أربعة 4
كانت النتيجة كما دكرت في الشرح



لكن زمن الرندر فضيع

[omar 3d]

السلام عليكم
ان شاء الله تعالى اكون معاكم هنا على طوول
في واحد قالى كلام انا مصدقتوش مش عارف ليه
احنا عارفيين ان الماتريال ليها sampling
والشادو ليه سامبلر وهكذا
هوا قالي ان الأنتى الياسينج فى المنتال يعتبر سامبلر عام فوق الكل
بمعني انى ممكن بدل ما اعلى السامبلينج بتاع الماتريال اروح اعلى السامبلر بتاع الأنتى الياسينج بتاع الصورة فدا يعلي السامبلر بتاع الماتريال over all
فلو كلامي صح يبقى هنا نفصل ما بين
photo
anti aliasing = pixel samples
material
glossy samples for reflection
glossy samples for refraction
وهكذا بينه وبين اى ساملبر لشيء أخر

الكلام دا نظريا فقط متهيألي
لكن عمليا المفروض اننا بنلعب ما بيين الإتنين حسب قرب الأوبجيكت وبعده عن الكاميرا علشان نطلع الجوده اللى احنا عايزيينها

ياريت حد يقولي كلامي صح ولا خطأ



والله المستعان

اعتقد الكلام هذا غير صحيح ...

مثلا لو عندك area shadows و ما فش عندك سامبلز كفاية للظل .. قد ما عليت ال anti aliasing .. مش راح تعوض عن سامبلز الظل .. و راح تبقى جودته ضعيفة ..

والعكس غير صحيح .. يعني لو كانت الاعدادت عالية للظلال و البلور ريفلكشن .. و الانتي الياس منخفض .. فالجودة حتبقى منخفضة للجميع ..

[أنس أبو بكر]

السلام عليكم >> في adaptive samples خليت نسبة max أربعة 4
كانت النتيجة كما دكرت في الشرح



لكن زمن الرندر فضيع

نعم فظيع وسيزيد فظاعة إذا زدت دقة الظلال .

الزمن سيكون تقريبا ضرب إثنين.

[esso70]

عمر احنا مختلفناش بدليل ان انا قولت
"في واحد قالى كلام انا مصدقتوش مش عارف ليه"
في أول كلامى قشطه

واللى كنت أقصده من
"لكن عمليا المفروض اننا بنلعب ما بيين الإتنين حسب قرب الأوبجيكت وبعده عن الكاميرا علشان نطلع الجوده اللى احنا عايزيينها "
أقصد فى حدود معينه يعني بعد اما يبقي الصورةليها ظهور مقبول

والله المستعان

[bedotop]

حازووووووووووووووووووووووووف ....

مش مصدق عنيا ..... المنتال راى فتحت يار جاله

متاااااااااااااابع متااااااااااااااابع متااااااااااااااااااااابع معاك طبعا

بجد يا حازم عملت ثوره فى القسم ...
معالك وعلى بركه الله ...........