مستوايا ثابت

[KeShOo]

السلام عليكم ورحمة الله وبركاته

من اهم اهتماماتى الجرافيك
انا دراستي تجارة
ولكن دايما حابب الجرافيك عن دراستى
اولا اتعلمت الفوتوشوب والاليستليتور
وبعدين ابتديت اشوف مواقع عرفت ان فيه برنامج اسمه افترايفكت ( الفضول خلانى احمل البرنامج واشوفه واتصدمت بصراحة لانه برنامج ضخم فضلت وراه لحد ما ابتديت افهم فيه )
كان من زمان نفسي ادخل مجال ال 3D لانى بحبه جدااا

طبعا فترة التشتت مابين البرامج دى فترة معروفة
استقريت على المايا

وحملت اسطوانات

غير طبعا انى لازم اتعلم انجليزي كويس عشان اقدر اتابع الدروس بدون صعوبة

وتركيز على دراستي عشان اتخرج بإذن الله

افكار تدور فى ذهنى ونفسي اوصل لمستوي كويس فى الجرافيك
حاسس ان مستوايا ثابت
بكون زهقان لما اتفرج على درس
بقول فى نفسي انى اقدر اتعلم من غير ماشوف درس

تشتت تشتت تشتت

غير انى ساعات اقابل ناس تقلى خش فى البرمجة مجالها حلو وكويس
وناس مش مهتمة اصلا بالجرافيك

بصراحة انا فى فترة غريبة جدااا واقف مكانى مش عاوز اتحرك

ياريت تفيدونى
اقدر اعمل ايه

[بــ3Dــدر]

اخي ما عليك بالناس اذا كنت حابب الجرافيك صدقني انك راح تبدع فيها على عكس دخول في مجال لا تحبه ..


الانجليزي مهم لكن ليس كل شي ...


بالنسبة لمسألة الاسطوانات انا ايضا اكرهها , اقوم بتحميلها دون تطبيقها ... ( احكيلك موقف ^^ ) يوم من الايام كان في خاطري تصميم حارة قديمة .. كملت مرحلة النمذجة و صلت لمرحلة الاكساء وقفت في النصف طبها في حينها لم اعرف كيف اعمل اتساخ ... ^^ ... رجعت الى الاسطوانة ... و كملت المشروع ..

اتمنى ان تكون فهمت الخلاصة ...

عليك بالتمرين يا صديق ........... ^_^
و اي خدمة اخوك قاعد .. ^^


وفقك الله

[والدفيصل]

اخي keshoo .

انا ايضا ثابت .... بس غير محبط ...

انت تعلمت برامج وتعرف ان هناك عقد لاكن بعد حلها تشعر بقفزه كبيره .

نحن نثبت في مناطق هي اصلا صعبه ....هي قواعد اساسات ... اذا فهمتها تتخطى مرحله باكملها .

[KeShOo]

بــ3dــدر ازيك عامل ايه
انت كلامك صح بس فعلا انا بمر بمرحلة كسل
ان شاء الله خير


والدفيصل ازى حضرتك استاذ سعيد انك فى الموضوع
بس فعلا انا بمر بمرحلة احباط
ان شاء الله خير

[N.nabil]

ان كانت المشكله هي ان مستواك ثابت .. فحلها ان تحمل دروس قدر ما تستطيع ومن ثم تطبقها ومن ثم تبدأ الابداع من خيالك ..

وان كانت المشكله هي الثبات على مجال معين في الكمبيوتر .. فحلها ان تأخذ موقف من كل ما تعلمته وتختار الاحسن والافضل مستقبل ..

انا كنت مثلك في بدايتي لدخول عالم الثري دي الواسع ... بعدما كنت اصمم تو دي فقط ..

واجهت هذه المشكله لكن سهولة البرنامج عودتني على انني اتعامل مع برامج التو دي ولكن بمفهوم اخر وبعض المصطلحات المعروفه ..

ان شاء الله نراك مصمم محترف في كل المجالات

بالتوفيق

[ALSWEEDY]

زود الرامات مستواك يزيد ان شاء الله ...

[KeShOo]

ازيك يا نادر
هي فعلا مشكلة لما تكون بتتعامل مع برامج زي الفوتوشوب والاليستليتور
وتخش على برامج زي مايا وماكس وسينما 4 دي وتكون مستخدم جديد
الموضوع محتاج صبر وتعلم اتمنى يكونوا عندى ان شاء الله

[KeShOo]

زود الرامات مستواك يزيد ان شاء الله ...

مش محتاج ازود رامات ولكن محتاج اشحنها

[NEO 3D]

زود الرامات مستواك يزيد ان شاء الله ...

و الله نهفة ضحكتني من كل قلبي...

أخي الملل أكيد و لكن عليك بالهمة... ( الحكي سهل أعرف ) ...

[ALSWEEDY]

اخي عرفت السبب ... قد يكون للموساد الاسرائيلي دور في ذلك ...

[eslamafify]

انت بقالك فترة محتار مش عارف تدرس ايه ولا تركز على ايه ورامى ودنك لاى حد

ده سبب الى انت فيه

زى ما قلتلك كتييييييييييييير ركز على حاجة واحدة بس ولما تتقدم فيها شوف غيرها او اشتغل بيها انت بس حدد هدفك يا احمد وتوكل على الله وربنا هيكرمك ان شاء الله

[eslamafify]

على فكرة ولو انت مش بتكره الكلية زى حلاتى ممكن لو ركزت اكتر فى دورة او قرص للكلية من الشهادات العالمية المعروفة مستقبلك يبقى كبير جدا انت عارف الشهادات دى بتعمل ايه ومرتباتها ازاى


اما لو لسه غاوى جرافيك انصحك تحدد هدفك فيه الاول

سلام يا ابو حميد

[KeShOo]

اسلام
ازيك يا ريس
هوه فعلا زي مانت قلت رامى ودنى لاى حد وفعلا محتار جامد بس حبيت اسمع رأي الاخوه

[N.nabil]

اخي عرفت السبب ... قد يكون للموساد الاسرائيلي دور في ذلك ...

او قد تكون بسبب هزيمة مصر من امريكا ..

او قد تكون بسبب زيارة اوباما لمصر في الفتره الماضيه ..

او قد تكون بسبب ان الساعه دقت السادسه ...

[MOHSEN]

والله الجماعه كفوا ووفوا كما يقولون

وكلامى :

اجعل حياتك خطوات ومراحل . مرحله تلو الاخرى

اى استقر على شيىء تعلمه للاخر وابدأ فى اللى بعده .. وقتها ستشعر بالنجاح

اتمنى لك التوفيق والسداد