مؤامرة على المتدينون !!

[youssef_23]

مع بالطبع

فى هذا العصر كل مسلم متدين يقدم نموذج سىء عن الاسلام نسبة كبيرة من المسلمين

اما تجد مسلم متشدق ومتشدد كل حاجة حرام بدون تمييز او ضوابط او تجد مسلم مفرط كل حاجة حلال وموز موز موز

وكلاهما يعطى انطباع سىء ودعاية سيئة عن الدين الاسلامى والاول اخطر من الثانى وهم المتنطعون فى الدين

اما عن المجتمعات الاسلامية ككلتجدها مجتمعات ضعيفة و هزيلة اقتصاديا ولا حول لها ولا قوة وهذا يعطى اسوء انطباع

[khaliiiiid]

مامعنى متدين؟؟
الغزالي رحمه الله ... تركها نكرة .. ولم يعمم

[Qemum]

مؤامرة على المتدينون !!

المتدينين

ولو كنت فظا غليظ القلب لانفضو من حولك

قال تعالى: { فَبِمَا رَحْمَةٍ مِّنَ اللّهِ لِنتَ لَهُمْ وَلَوْ كُنتَ فَظًّا غَلِيظَ الْقَلْبِ لاَنفَضُّواْ مِنْ حَوْلِك } (آل عمران:159).

===============

آسف على الإزعاج يا إخوة .

[3D_PLAYER]

هو ف حاجه لو ان الناس بتبتعد عن الاسلام بسبب افعال بعض المسلمين ف ده عادى و بيحصل من زمان ناس كتير بتكره الاسلام بدون ما تعرفه لمجرد واحد مسلم عمل موقف معين

1-الغرب و امريكا و شعوبنا, احنا اعطينا فرصه للناس دى تشوه صوره الاسلام بسبب قله من الناس فاهمين الدين غلط زى الجماعات الاسلاميه الحامله للسلاح (لا اقصد مقاومه الشعوب المحتله ) اللى بيلعبوا كل يوم ف دماغ شبابنا و بيفهموهم حاجات لا علاقه لها بالدين و بيلعبوا بتفسير الايات و الاحاديث مستغلين جهل الشباب دول بالدين او غضب الشباب لما يحدث ف الاراضى المحتله و منصبين نفسهم امراء على العالم الاسلام و هم لا شئ اصلا , شعوب العالم كلها متعرفش حاجه عن اللى بيحصل ف بلادنا متعرفش الدين الاسلامى و يوم ما سمعوا عنه كان من اليهود و هما بيشوهوا صورته باعمال ناس مش فاهمه حاجه

2- لكن المشكله الان مش مختصره ف معرفه بالدين فقط , احنا دينا جميل جدااا و شعوبنا شعوب متسامحه و شعوب عاديه تواجهه ظروف زيها زى اى شعب ف العالم المشكله ان احنا مش عارفين نوصل جمال الدين الاسلامى عن طريق الاعلام ف نفس الوقت اللى الصهاينه بيوصلوا غضب و جهل الشعب الاسلامى فقط دون عرض لماذا غضب زى اللى بيقول و لا تقربوا الصلاه و ساب باقى الايه
ااحنا مش عارفين نوصل نفسنا للعالم مش عارفين نقول للشعوب احنا اللى مظلومين احنا اللى مقهورين احنا الحق احنا الصح احنا اللى بننهان احنا اللى بنتسب مش عارفين نقول ده بطريقه واضحه

بدل ما نخرج بمظاهرات ضد امريكا نكسر سفاراتهم نطلع بمظاهرات سلميه لما هيجوا يصورونا هيلاقونا هادئين متحكمين ف غضبنا معبرين عنه بصوره جيده بصوره هما هيحبوها
بدل ما يطلع شويه ناس جاين من بطن الجبل يتكلموا بلسان الاسلام نطلع احنا العقلاء منا ناس تتكلم بلسان الله و رسوله و كتابه يتكلموا عن الاسلام الصح
بدل ما نطرد علماء الدين الصح ,سيبهم يتكلموا يعلموا الشباب الصح من الغلط يعلموهم يعنى ايه جهاد يعنى ايه جهاد الكلمه و جهاد السلاح و مين اللى مسئول عن جهاد السلاح
بدل ما نعمل مائه قناه لكى نقوم بسب بعضنا الاخر نعمل قناه واحده تحدث هؤلاء الذين لا يفهموننا ليس لمجرد دعوتهم للاسلام و لكن من لا تستطيع كسبه كصديق لا تكسبه كعدو

3-مش عارفين نعمل زى الزنوج ف امريكا الذين كسبوا عطف العالم بافلامهم و كتبهم عن حياتهم و اسباب العنف ف احيائهم مش عارفين نعمل زى اليهود اللى عملوا كتب و مؤلفات و افلام عالميه عن المحرقه او عند طرد عبد الناصر لليهود من مصر مش عارفين نعمل زيهم
مش عارفين نعمل فيلم عالمى مثلا يتحدث عن شباب الاسلام بكل صوره مش عارفين نعمل فيلم عالمى بالانجليزيه عن شخص زى الشعراوى او عباس العقاد او عالم زى مصطفى مشرفه او العالمه سميره موسى او عن زعماء العرب ناصر - الشيخ زايد - .....الخ مش عارفين نعمل كتاب ينتشر ف انحاء العالم عن دين الاسلام مش عارفين نعمل فيلم وثائقى عالمى حتى عن جمال بلدنا و اننا مش بدو من الصحراء او همج من العصور الوسطى مش عارفين نعمل كتاب او فيلم عالمى بالانجليزيه نفهم الشعب الغربى لماذا اسباب الفتوحات الاسلاميه التى حدثت بحروب هما فهمنها على انها اجبار
احنا مش عارفين نوصل نفسنا صح دى المشكله الاكبر

[منبرالماكس]

مع
لأننا أمة بعثت لتهدي الأمم الأخرى لا لتنفرها من الدين

[samran]

مع .......

قال الله تعالى(( ولو كنت فظا غليظ القلب لانفضو من حولك)